ذُخْر .

يلا نگعد نكتب تقرير مرتب ونكمل ملزمتين ونسوي ملخص ونكمل دروس الحوزة ونصلي الفجر بسم الله الذي لا اله الا هو الحي القيوم

❤️‍🩹.

. المحاضرة موجودة كاملة على اليوتيوب لكن حبيت اكتب كل الكلام واتركة بالقناة للفائدة مُمكِن احد يحب ينسخة للنشر ، نسألكم الدعاء بالشفاء وقضاء أمرًا

بس إحنا بحاجة للرجوع لروايات أهل البيت، شوف شنو يگول الإمام سلام الله عليه: "وهم أصحاب الألوية، منهم من يُفقد عن فراشه ليلاً فيصبح بمكة، ومنهم من يسير ومنهم من يسير في السحاب نهاراً يُعرف باسمه واسم أبيه وحليته ونسبه". يشوفون واحد طاير على الغيمة متوجه إلى مكة، مو في الطائرة. بعضهم يگول يجون في طائرة؟ شنو الفرق بينه وبين أي واحد ثاني؟ - لما يجي على السحاب كما يأتي سليمان على بساطه، تعرف بأن هذا مو واحد عادي. هذي كلها رمزيات، الإمام المهدي ما يطلع بسيف ولا يطلع ببساط، لا، يطلع بالأسلحة الجديدة. هذا اللي ما يعرف المهدي وعايش بأوروبا وبأمريكا اشدراه هذا المهدي لو أسامة بن لادن؟ يقولوا واحد طالع بأسلحة، العرب كل يوم لهم شغلة، مرة جبهة النصرة ومرة الجولاني ومرة أسامة بن لادن، وهذه حركة من حركاتهم. لكن لما يشوف عيسى ابن مريم نازل من السماء، هذا رمز؟ نزول المسيح هذا رمز؟ خروج أصحاب الكهف هذه رمز؟ ولما يجون الـ 313 على السحب من كل القارات والناس تشوفهم، منو هذا؟ يقولون هذا فلان، شلون جاي على سحاب؟ جاء ببركات الإمام المهدي قرأ عليه الاسم بالعبراني ورايح إلى مكة. لأن باچر خروج الإمام بعد ماكو مجال للتشكيك، رأى الأمر رؤية العين. هذا عيسى بن مريم يصلي خلف القائم من آل بيت محمد. يقول الإمام: "ومنهم من يسير في السحاب نهاراً يُعرف باسمه واسم أبيه وحليته ونسبه". المفضل ابن عمر يقول سألت الإمام قلت: جُعلت فداك، أيهم أعظم إيماناً؟ (يعني الدرجة الراقية منو؟ اللي انفقدوا من فراشهم لو اللي اجوا على السحب؟). قال: "الذي يسير في السحاب نهاراً"، هذا أرقى درجة، ليش؟ لأن ذاك اللي اختفى من على الفراش الناس ما شافته ما تعرف مقامه هذا الله يريد يبين مقامه، يقولون إذا كان واحد من أصحاب الإمام هذا مقامه، لعد الإمام شنو عنده؟ فلهذا قال: وهم المفقودون نزلت فيهم هذه الآية: {أَيْنَ مَا تَكُونُوا يَأْتِ بِكُمُ اللَّهُ جَمِيعًا}". وأما المفقود من على فراشه، الرواية عن - الإمام زين العابدين عليه السلام يقول: "يُفقد قوم من فرشهم فيصبحون بمكة، وهو قول الله عز وجل {أَيْنَ مَا تَكُونُوا يَأْتِ بِكُمُ اللَّهُ جَمِيعًا} وهم أصحاب القائم من آل محمد".

. هي شنو الرسالة اللي يريد يسويها الشيطان من وراء الأجهزة الإعلامية؟ إحنا الآن أهل البيت جايين يقولون انتظروا ذاك اليوم اللي راح تشوفون أصحاب المهدي جايين طايرين على السحاب أو اختفوا من مكانهم وراحوا في مكة. باچر من ينتشر الخبر إنه ترى فلان فقدناه وشفناه في مكة، يقول (الإعلام): لا تصدق ترى هذا ذكاء اصطناعي، هذا مسوينه من قبل لا يخدعونك بالموبايلات الجديدة. أنت ما شايف بعض الأفكار السينمائية إن عودة الأموات من القبور شو يسمونهم؟ "زومبي" ويخوفون الناس بيهم. طيب إحنا في الأدعية شنو؟ "اللهم إن حال بيني وبينه الموت الذي جعلته على عبادك حتماً مقضياً فأخرجني من قبري"، شنو يريد يگول هذا الشيطان؟ حتى إذا اجة وقت الرجعة لخروج الإمام يخوفون الأطفال يگلك لا تروحلهم ترى هذول مرعبين جايين يريدون يفسدون الأرض. مار علينا في الروايات الصيحة، ما عندنا الصيحة من العلامات الحتمية؟ صيحة جبرائيل في ليلة القدر في ليلة الجمعة تسبق خروج الإمام، فيطلع الشيطان بصيحة أخرى الدجال يصيح يگول: "لا تصدگون ترى هذا ذكاء اصطناعي، هذه وكالة ناس مسويتها للتجربة مالها علاقة"، حتى يشككون الناس. وإذا واحد يريد يتحرك للإمام وعنده الدلائل والبراهين والمعاجز يگُلك "لا كله فيك، كله زيف، كله خداع".

وهم أصحاب الألوية، منهم من يُفقد عن فراشه ليلاً؛ گاعد ويا مرته، گاعد ويا جهاله، قاعد ويا ربعه، ما يشوفون وإذا المكان خالي، فيصبح بمكة... الله يشتغل والشيطان يشتغل؛ الله يؤيد صاحب الأمر والشيطان شغلته يريد يدمر دولة صاحب الأمر، والإعلام العالمي اليوم بيد منو؟ بيد الشيطان، صحيح لو لا؟ وظيفة الإعلام اليوم شنو يسوي؟ كلشي يقوي العقيدة بصاحب الأمر يزعزعها الشيطان. ما شفتوا خلال هالسنتين ترويج إلى أنه راح يكون هناك صور هيلوگرامية كلها مزيفة؟ ما مر عليكم أن أولاد في المدارس طالعين في الباص وإذا اختفوا من الباص؟ ما مر عليكم مقاطع تجي يگلك فلان گاعد أو أولاد مثلاً في المدرسة والسائق يسوق الباص ما شافه وإذا الباص اختفوا الطلاب من عنده دفعة واحدة؟ أو حتى بعض الأفلام جاي يتصور أن الناس يمشون بالأسواق وإذا يختفون، ثم فيما بعد يقول لك لا ترى هذا كله بالذكاء الاصطناعي وكله بالتزوير فلا تصدقون هالقضايا؟!

هؤلاء الـ 313، أكو بعضهم ما يعرفون بعض لأن كل واحد من عندهم من منطقة، فيجون من مناطق مختلفة. تعبير الإمام الصادق (عليهِ السَّلام) يقول: "قزع كقزع الخريف". القزع شنو؟ يعني السحاب والغيوم، غيم الخريف السماء مو متلبدة، منا قطعة ومنا قطعة. فيجي واحد من المشرق ويجي واحد من المغرب ويتجمعون في مكة، يعرفون بعضهم بأنهم هم الـ 313، وهذا حديث طويل. - أرقى قسم، شلون أرقى قسم؟ ذول الـ 313 مو كلهم على درجة واحدة. أنت يصير تخلي العباس رتبته برتبة جون مثلاً أو برتبة الحر؟ ولا نستصغر لا بالحر ولا جون، لكن حتماً العباس له منزلة خاصة، صحيح لو لا؟ الـ 313 كذلك، أكو قسم راقي وقسم أرقى. - أول صورة راح نذكرها عن القسم الأرقى يرويها الإمام الصادق عليه السلام في بحار الأنوار الجزء 52 صفحة 368 عن المفضل ابن عمر، قال أبو عبد الله الإمام الصادق: "إذا أذن الإمام يعني صار وقت الخروج، دعا الله باسمه العبراني يذكر الإمام الحجة الاسم العبراني لله، فأُتيحت له صحابته الـ 313 بإسناد الإمام بكلمة السر بهذا الاسم العبراني. الـ 313 يبتدون ييجون "قزع كقزع الخريف"، وهم أصحاب الألوية يعني القواد، والعوام من أصحاب الإمام تحت ذول الـ 313.

كيف يظهر الـ 313؟ هؤلاء الخُلّص يجتمعون قبل ظهور الإمام سلام الله عليه. حط في بالك الإمام له ظهور وله خروج؛ من الظهور إلى الخروج سنة كاملة. إذا ظهر الإمام يظهر في المدينة، وإذا خرج يخرج في مكة. ولا يخرج الإمام الخروج الرسمي - يعني خروج التحرك لقتل الدجال ويملأ الأرض قسطاً وعدلاً بعدما مُلئت ظلماً وجوراً - إلا بعد ظهور العلامات الحتمية الخمس. من يجي يوم الخروج الرسمي، قبل الخروج الإمام ينادي الـ 313 فيجون قبل خروج الإمام بيوم واحد. يعني اليوم راح يطلع الإمام - حط في بالك الروايات عندنا تقول الإمام راح يطلع في يوم العاشر من المحرم ويصادف يوم جمعة، وقيل يوم سبت وقيل يوم اثنين بس المشهور يوم جمعة - يوم الخميس الـ 313 وصلوا مكة، لأن باچر راح يجي الإمام وهم راح يكونون وياه.

تُصبِحونْ على نظرةً مِن إمام الزمان لا تنسوا الوضوء قبلَ النوم وسورة الإخلاص ثلاث مرات والدُعَاء للحجة "اللهُمَّ بَارك لِأمَام زمَاننا"

استوقفني أحدهم بتعليقٍ قال فيه: "صلاة الليل توفيق، وليست بالأمر الذي يفعله المرء بمحض إرادته" نعم.. من البديهي أنها توفيق فكلُّ نعمةٍ بين أيدينا هي توفيق، حتى الصلاة الواجبة لكن الحقيقة المرة أن البعض قد يُطرد من رحمة الله وإلى الحد الذي لا يريد الله سماع صوته، تماماً كما وصفهم: (ولا تكونوا كالذين نسوا الله فأنساهم أنفسهم) أتريد أن يوفقك الله للقائه وأنت تعصيه؟ تغرق في الأغاني، وترتاد الأماكن المشبوهة، وتستصغر الذنوب ثم تتبع القطيع وتقول: هذه حريتي، وغيري يفعلُ أكثر لقد نسوا الله، فلم يلتفت إليهم، فظلوا يتخبطون في المعاصي وعندما يرون منشوراً عن عبادةٍ مستحبة، يتذرعون بأن الأمر توفيق، والله لم يوفقنا! - Dr. Zainab Al-Yassiri 2026.4.26

اربعينية عمو بعد كم يوم راح نسوي ختمة باچر اذا تحبون شاركوا يعني باچر مو اليوم الحجز بس خليكم موجودين بالليل بعد صلاة المغرب