February poem

- وليد بن مانع

-« بكى للشمس واسّراب النّوارس والنّدى والشيح ‏بكى لليل واحلام المواني . . وابيّض آماله »

طالت دروب أسفارنا يا صاحبي فوق الرحول يمّ الرسوم الخالية يا صاحبي ميّل بنا وقِّف شوي بظلّها والعمر لا بدِّه يزول أحتاج نفضة صدر قبل أمشي على درب الفناء ودِّي أريّح خافقي من عبرةٍ وسطه تجول يحتاج يبكي ويخدر ما هوب في حاجة غناء حتى شعيل اللي على متنه رسى ثقل الحمول لو ما وقف وارتاح لحظة كان من حمله فنى شفْني شربني الهمّ لين أروى علامات النحول شف شايب الصبر ظْهره من ميلة الوقت انحنى شفْني بقايا الراحلين اللي بهم زان الأفول شفْني شبح غارق ما بين الواقع وبين المُنى شفْني سفير الذكريات ووردها قبل الذبول شفْني، ولا تشيح النظر، لا زالت عيوني هنا وإن سافَرت؟ لا تلومني ما عاد للحاضر قبول دام الرحيل وليله الساكن على وجهك دنى مسموح ما أنت أول خليل يكون في خلّه ملول قد ملّني قبلك أحبِّة شفتهم عزّ وغِنى ما همّني منهم سوى ريمٍ رعى عشب الفضول لين استباح القلب وأسرف في حقوله وانثنى لا يا حبيب الأمس واليوم وغداً عمرك يطول لين أن ضناك الغالي لقلبك يبشّرك بضنا حبيبك الأعشى عنك ما سجّجه شرب الشمول يشوف وجهك في بقايا الكاس مفهوم الهناء صرتي غنيمة رحلته والموت من دونك يحول وكم هدّ وقته من قصور آماله وعاد وبنى سخّر لك من الشعر ما غذَّى محبِّين الذهول لين أيقنوا بأنك تفوقين الثريَّا بالسناء مع الأسف ما عاد باقي للوصل بـ ايدي حلول فات القطار ولا بقى في سورك الشرقي جنى ماتت بقايا فرحتي واقفيت يالظبي الجفول تاخذ معك ليل الشَعر وتمدّ لي ليل العناء من صّدمتي في غيبتك والله مدري وش أقول إلا أن روحي رددت ؛ حتى أنا؟، حتى أنا؟

- فَهَدْ السعد

-«تقول إن الوِطن فكرة، وأقول إن الوَطن لا ارتبْت؟ محطَّات الرِّضا، وأقصى طموحك، وأجمل أمالك🇸🇦»

-” قديمي لا تخاف سهوم وَقتك والهوَى لا هبت أنا أداري مقامي وأتعلَّق شرهة حْبالك عسى يفدى تصارِيفك شبابي لا كبرت، وْشبت أعرْفك وأتردَّد بَيْن شمسك، وأوَّل ظْلالك! تقول إن الوِطن فكرة، وأقول إن الوَطن لا ارتبْت؟ محطَّات الرِّضا، وأقصى طموحك، وأجمل أمالك تخيَّر ما بدأ لك في يديني والمدى، والخَبت ولكن لا تساومني على داري، وترحالك وَطن فيك أتوطَّن عن ظماي من الجروح إن غبت أحبّك قبل أقيِّد خطوتي في سَفحك، وجالك أبدّل كلّ طيرٍ في سماي وكلّ غصن، ونبت ولا أبدَّل صحارِيْك المَوَات وسافي رمالك! أتوب من الهوَى، ومن الزعل، ومن الغلا، ما تبت عن فجوْجك، وأهلْك، وخيمتك، وأرْضك، ومدهالك! يجيب الذلّ خوَّان العهْد يا موطني ما جبت سوى عمرٍ أسوْقه في ثراك لـ كبر منزالك أنا يا تربة أيَّام الصِّبا لا طاب نَبتك طِبْت إلين اليوم أشوْف إن اِعتناق الحقّ ف أغلالك! ترى بعض الشعور اللي خذاني من يدين الكبت أحقّ إني أقوْله في هواك لـ حضرة إجلالك عساني كلّ ما ذابت عيوني يا دياري ذِبت ما بين رمالك، وبحرك، وشمسك وأطول جبالك تراني لو كتبت من القصايد ”يا وَطن“ وأسهبْت أحسّ إني إلين اليوم عاجز لا أحصي أفضالك!“

- محمد السّلطان

-‏« ‏لقيتك سكةٍ تاخذ قصّيدي لأبعد الترحـال ‏علامك كل ما يزهر شبابي تكسّر غصونه!»

-الامير خالد الفيصل

-«يمرني كل عامٍ يوم ميلادي يومٍ اعرفه ويوم انسى مواعيده يمرّني وانتبه للغايب البادي واهوجس بحال غيري من مواليده وارتاع وارتاح له يفرق وهو عادي ينقص من العمر عامٍ في ضحى عيده أناغم الحروف ذا باكي وذا شادي وأرسل مع كل دمعة وجد تغريده ياوابل الغيّث كان الحظ به جادي يزهر حياتي نداه وتزدهرّ بيده ياركب الايام معك العمر ينقادي كم ليلةٍ وسدتني فيك تنهيّده! ويا رحلة العمر في صحوات ورقادي ويا رعشة الجفن في غفوة وتسّهيده في لحظة العمر تسري فزة فوادي لحظة وفزة وباقي العمر ترديده اللحظة الماضيه ماعاد تنعادي والقادم من العمر بالغيّب تفنيده»

-«‏خريفك طيّح أوراق الغصون وذّرها النسناس ‏وأنا فصلٍ تعدتّه الفصول وماهو براضي ‏تجيني يزدحم بك كل دربٍ فاضي من الناس ‏تغيب وكل دربٍ مزدحم في غيبتك فاضي ‏أنا لولا توهّج ضحكتك بين الرجى والياس ‏تناساني الربيع ومتّ بيّن البرد واللّاظي»

-”أحس بـ خنقة الغرقان ‏و ينادي وأحس بـ وحشة المنفي ‏من التهجيرّ ‏جهاتي ضايعه موتي وميّلادي طموحاتي على رجوى صباح الخيرّ على فكرة يا طير المفرق الشادي ‏سّئمت الأرض خذ قلبي ‏معاك يطيرّ!“

-« سّنيني ماضية،والريح ما تستأذن العنِّاب تطيّح معظم أوراق الغصّون بْلَمَسةٍ ملَسَة يا أنّي كنت أحسب أن التجاوز هيِّن الأسباب أو أنّي كنت أحسب أن التجاوز فكرته سلْسة أساسًا ليه أقفّل في وجيه الذكريات الباب؟ وأنا أسرق نظرتي من خلْف شبّاك العمر خلسّة!»

_صالح بن حمد

-«واقفٍ على عد الروى وعروق كبدي يابسة اموت من نفحة ظهرّ وأعيش من نسّمة فجر»

-‏«و لا تدري لعل من البكى نلقى لنا ضحكة ‏تمدّ لـّ قلبي ،وقلبك بقايا من بياض الأمسّ!»

-” ‌‏يا ليل وش حدّك على صدري ‏و أنا صّدري شِتات؟‏ “

-« يجي بعضك وأنا كِلّي يذوب من الصبر والخوف واجي كِلي ولا كِنّك دريت بخطوة أشواقي بكيت من القهر دمعٍ سقا ذاك الطريق طيوف ألم كنّه حلف يبقى كسِّير بزحمة أوراقي! يجيني كنّه الرؤيا وأنا في مرقدي ملهّوف قسى واشعل قناديل الظلام وطوّق أحداقيّ»

_تركي المشيقح

-« صحيّح كنت أطرد وهّم و أتوهَم إن الجرّح طاب! و أنا أدري أني طول عمري . .والمُّعاناة إحددا»

🌺 https://t.me/+_L7gCSJajz5hNTNk

-‏« لو سمعت ضلوع صّدري لها دبك و دويّ؟ ‏لا تلفت . . و أكمل الدرب قدر المُستطاع»

-” اطاول الحزن العتيّق ، ولا عرفت أطيل بـ تبريري عن جْروح الفؤاد و خيبة آمالي! عيون الحب يكحلها غياب ، ولا كحلها ميِل رعى فيها السّهد لين ارمدت محاجر وصالي تغيّب الشمس وغصون انتظاري للغرُوب تميل و اقول ان العوض في شمس بكره تعلَن إكمالي“

” اطاول الحزن العتيّق ، ولا عرفت أطيل بـ تبريري عن جْروح الفؤاد و خيبة آمالي! عيون الحب يكحلها غياب ، ولا كحلها ميِل رعى فيها السّهد لين ارمدت محاجر وصالي تغيّب الشمس وغصون انتظاري للغرُوب تميل و اقول ان العوض في شمس بكره تعلَن إكمالي“