BurmaLive

ကြည့်လို့မကောင်းတဲ့ပွဲ က မျိုးကြီးသီချင်း... ကြည့်လို့ကောင်းမယ့်ပွဲ က ဗန် နဲ့ ပန်တိုဂျာ

Burma Live Application Download Link 👇🏻👇🏻👇🏻 https://burmalive.org/ ကနေဝင်ရောက်ဒေါင်းနိုင်ပါပြီ

ဒီနေ့ ည ၇:၃၀ နာရီမှာ ယှဉ်ပြိုင်ကစားကြမယ့် အဲဗာတန်နဲ့ မန်ချက်စတာယူနိုက်တက်တို့ရဲ့ ပရီးမီးယားလိဂ် ပွဲစဉ်ဟာ အကြိတ်အနယ်ရှိပြီး ပရိသတ်တွေ ရင်ခုန်စွာ စောင့်ကြည့်ရမယ့် ပွဲကောင်းတစ်ပွဲ ဖြစ်ပါတယ်။ အဲဗာတန်ဟာ ရာသီအစ ပထမနှစ်ပွဲမှာ ခရစ္စတယ်ပဲလေ့စ်ကို အနိုင်ရပြီး ဘုန်းမောက်နဲ့ သရေကျထားတာကြောင့် ရလဒ်ကောင်းတွေနဲ့အတူ စိတ်ဓာတ်ပိုင်း တည်ငြိမ်နေသလို၊ ဂျော်ဒန် ပစ်ဖို့ဒ်နဲ့ ဘရန့်သ်ဝိတ်တို့ ဦးဆောင်တဲ့ ခံစစ်ပိုင်းကလည်း ကျစ်လစ်မှုရှိနေပါတယ်။ ယူနိုက်တက်ကတော့ ရာသီဖွင့်ပွဲမှာ ဟားလ်စီးတီးကို မထင်မှတ်ဘဲ ရှုံးနိမ့်ခဲ့ပေမဲ့ နောက်တစ်ပွဲမှာ အစ်ပ်စ်ဝစ်ချ်ကို ၅-၂ ဆိုတဲ့ ဂိုးပြတ်ရလဒ်နဲ့ အနိုင်ယူပြီး တိုက်စစ်စွမ်း ပြသထားပါတယ်။ ဘရူနို ဖာနန်ဒက်စ် ဦးဆောင်တဲ့ မန်ယူနိုက်တက် တိုက်စစ်က ဂိုးရယူနိုင်စွမ်း မြင့်မားနေသလို၊ အဲဗာတန်ကလည်း အိမ်ကွင်းအားသာချက်နဲ့ မန်ယူနိုက်တက်ကို အမြဲတမ်း ခက်ခဲအောင် ယှဉ်ပြိုင်လေ့ရှိတာကြောင့် ဒီပွဲဟာ အပြန်အလှန် ဖိအားပေးကစားကြရမှာပါ။ တိုက်စစ်ပိုင်း အခွင့်အရေး ပိုမိုဖန်တီးနိုင်တဲ့ မန်ယူနိုက်တက်က အနိုင်ရရှိဖို့ ရေပန်းစားနေသော်လည်း၊ အဲဗာတန်ရဲ့ ခိုင်မာတဲ့ ခံစစ်ကြောင့် ဂိုးအနည်းငယ် ကွာခြားမှုနဲ့ပဲ အနိုင်အရှုံး ပေါ်ထွက်လာနိုင်ပါတယ်။

အာဆင်နယ် နှင့် ချဲလ်ဆီး ထိပ်တိုက်ရင်ဆိုင်မှု (10:00 PM) ပရီးမီးယားလိဂ် ရာသီသစ်ရဲ့ တတိယအပတ်မှာတင် ဘောလုံးချစ်သူတွေ စိတ်အလှုပ်ရှားရဆုံး လန်ဒန်ဒါဘီ ပွဲကြီးပွဲကောင်းတစ်ပွဲကို ရှုစားကြရတော့မှာပါ။ စက်တင်ဘာ ၆ ရက်၊ တနင်္ဂနွေနေ့ မြန်မာစံတော်ချိန် ည ၁၀:၀၀ နာရီမှာ အာဆင်နယ်အသင်းရဲ့ အမ်းမရိတ်စ်မှာ ကျင်းပမယ့် ဒီပွဲစဉ်ဟာ နှစ်သင်းစလုံးအတွက် ရာသီအစ အရှိန်ကို ဆက်လက်ထိန်းသိမ်းနိုင်ဖို့ အရေးပါနေပါတယ်။ နှစ်သင်းစလုံးဟာ လက်ရှိမှာ ၂ ပွဲကစား ၂ ပွဲနိုင်၊ ရမှတ် ၆ မှတ်စီ အပြည့်အဝရရှိထားပြီး အကောင်းဆုံးပုံစံနဲ့ ရာသီဖွင့်လှစ်ထားကြပါတယ်။ အိမ်ရှင် အာဆင်နယ်ကတော့ ကိုဗင်ထရီကို ၃-၀၊ အက်စတွန်ဗီလာကို ၁-၀ နဲ့ အနိုင်ရထားပြီး ပေးဂိုး လုံးဝမရှိသေးဘဲ ခံစစ်ပိုင်း ကျစ်လစ်ခိုင်မာနေတာကို တွေ့ရပါတယ်။ ဘူကာယို ဆာကာကလည်း ဗီလာနဲ့ပွဲမှာ အနိုင်ဂိုးသွင်းယူပြီး အသင်းကို ဦးဆောင်နေပါတယ်။ တစ်ဖက်မှာတော့ နည်းပြသစ် ဇာဘီ အလွန်ဆိုရဲ့ ချဲလ်ဆီးအသင်းဟာ ဖူလ်ဟမ်ကို ၃-၂၊ ဘရိုက်တန်ကို ၄-၃ နဲ့ အနိုင်ရခဲ့လို့ တိုက်စစ်ပိုင်း ဂိုးရမြင့်နေပေမဲ့ ပေးဂိုးတွေလည်း များနေတာမို့ ခံစစ်ပိုင်း တည်ငြိမ်မှု အနည်းငယ် လိုအပ်နေဆဲဖြစ်ပါတယ်။ အာတီတာရဲ့ အာဆင်နယ်အသင်းဟာ အစဉ်အလာမပျက် စနစ်ကျတဲ့ High-press ကစားဟန်နဲ့ ကွင်းလယ်ထိန်းချုပ်မှုကို အဓိကအားထားပြီး ချဲလ်ဆီးရဲ့ ခံစစ်ကို စမ်းသပ်မှာပါ။ အလွန်ဆိုက ၃-၄-၂-၁ စနစ်ကို အသုံးပြုကာ တိုက်စစ်ကစားသမား ၄ ဦးရဲ့ လျင်မြန်တဲ့ တိုက်စစ်ဆင်မှုကို အားကိုးပြီး တုံ့ပြန်ဖို့ ပြင်ဆင်လာပါလိမ့်မယ်။ သို့သော် အပြောင်းအလဲများနေတဲ့ နည်းပရိယာယ်များကြောင့် နှစ်ဖက်စလုံးရဲ့ ကွင်းလယ်ချိတ်ဆက်မှု အမှားအယွင်းအချို့ကနေ အပြန်အလှန် ဖိအားပေးကစားရမယ့် ပွဲတစ်ပွဲ ဖြစ်လာဖို့ရှိနေပါတယ်။ ထိပ်တိုက်တွေ့ဆုံမှု နောက်ဆုံး ၅ ကြိမ်မှာ ၃ ကြိမ်နိုင်ထားတဲ့ အာဆင်နယ်က သိသိသာသာ အသာစီးရထားပြီး စုစုပေါင်း တွေ့ဆုံမှု ၈၇ ကြိမ်အထိ အနိုင်ရရှိထားတာမို့ စိတ်ဓာတ်ပိုင်းဆိုင်ရာ အသာရနေပါတယ်။ ချဲလ်ဆီးအသင်းရဲ့ တိုက်စစ်ဟာ ဂိုးရလွယ်သော်လည်း ခံစစ်ပေါက်ကွဲနိုင်ချေ မြင့်မားနေတာက အာဆင်နယ်အတွက် အခွင့်အရေးကောင်းဖြစ်သွားစေနိုင်ပါတယ်။ အာဆင်နယ်ရဲ့ တည်ငြိမ်တဲ့ ခံစစ်စနစ်၊ အမ်းမရိတ်စ်ကွင်းရဲ့ ပရိသတ်အင်အားနဲ့ အိမ်ကွင်းအားသာချက်တို့ကြောင့် ဒီပွဲမှာ အာဆင်နယ်တို့ အသာရသွားဖို့‌တော့ များနေပါတယ်။ အကြိတ်အနယ်ဖြစ်လာမယ့် လန်ဒန်ဒါဘီကို စောင့်ကြည့်ကြပါစို့။

စီးတီး vs ကိုဗင်ထရီ (ည ၈ နာရီ ၃၀ မိနစ်) အီတီဟတ်မှာ ယှဉ်ပြိုင်ကစားမယ့် ပရီးမီးယားလိဂ် ပွဲစဉ် (၃) မန်ချက်စတာစီးတီးနဲ့ ကိုဗင်ထရီစတီးတို့ ပွဲစဉ်ဟာ အစစအရာရာ အသာစီးရနေတဲ့ အိမ်ရှင် မန်စီးတီးတို့ နိုင်ပွဲဆက်ဖို့ သေချာသလောက်ရှိနေတဲ့ ပွဲစဉ်ဖြစ်ပါတယ်။ စီးတီးဟာ ရာသီအစ ပထမနှစ်ပွဲမှာ ဘုန်းမောက်နဲ့ ပဲလေ့စ်တို့ကို အနိုင်ယူကာ ၆ ဂိုးသွင်း၊ ၂ ဂိုးသာ ပေးခဲ့ရပြီး တိုက်စစ်ကစားဟန် ထက်မြက်နေသလို၊ တန်းတက် ကိုဗင်ထရီကတော့ အာဆင်နယ်နဲ့ ဟားလ်စီးတီးတို့ကို ဂိုးမရှိဘဲ ရှုံးနိမ့်ထားလို့ ခံစစ်ပိုင်း အားနည်းချက်တွေ မကြာခဏ ပေါ်လွင်နေပါတယ်။ အိမ်ရှင်တို့အနေနဲ့ ချန်ပီယံလိဂ် ပေါ်တိုနဲ့ ပွဲမတိုင်မီ ပွဲကျပ်ဇယား ကြုံတွေ့နေရတာကြောင့် နည်းပြအနနဲ့ အာလင်း ဟာလန်း၊ ဒွန်နာရူမာတို့ ပါဝင်မယ့် ပွဲထွက်လူစာရင်းကို အပြောင်းအလဲအချို့ ပြုလုပ်ကာ လှည့်ပတ်အသုံးပြုနိုင်ပေမဲ့၊ ဂိုးသွင်းယူနိုင်ခြင်းမရှိသေးတဲ့ ကိုဗင်ထရီထက် အဆမတန် သာလွန်နေတာကြောင့် စီးတီးအသင်းကပဲ အသာစီးကနေ ဂိုးပြတ်အနိုင်ရရှိသွားဖို့ ပိုမိုရေပန်းစားနေပါတယ်။

မာရက်စကာလိုတဲ့ ဂျစ်ဆော... ပက် ဂွါဒီယိုလာ ထွက်ခွာသွားပြီးနောက် မန်ချက်စတာစီးတီး၏ နည်းပြသစ် ဖြစ်လာခဲ့သူ အန်ဇို မာရက်စကာဟာ အသင်းကို ချန်ပီယံဆုထံ ပြန်လည်ပို့ဆောင်ရန်အတွက် သမိုင်းတွင် အကုန်ကျစရိတ် အများဆုံးအဖြစ် မှတ်တမ်းဝင်မည့် နွေရာသီ အပြောင်းအရွှေ့တစ်ခုကို မန်စီးတီးက ဖန်တီးခဲ့ပြီဖြစ်ပါတယ်။ မာရက်စကာ အက်တီဟတ်သို့ ရောက်ရှိလာချိန်မှစ၍ သုံးစွဲခဲ့သည့် ဘတ်ဂျက်၏ နောက်ဆုံးနှင့် အရေးအကြီးဆုံး အစိတ်အပိုင်းမှာ အာဂျင်တီးနား ကွင်းလယ်လူ အန်ဇို ဖာနန်ဒက်စ်ပဲ ဖြစ်ပါတယ်။ ချယ်လ်ဆီးထံမှ ပေါင် ၁၂၅ သန်းဖြင့် ခေါ်ယူခဲ့သည့် ပြောင်းရွှေ့ကြေးကြောင့် လွန်ခဲ့သည့် ရက်သတ္တပတ်အနည်းငယ်ကမှ နော့တင့်ဟမ်ဖောရက်စ်မှ အယ်လီယော့ အန်ဒါဆန်ကို ပေါင် ၁၁၆ သန်းဖြင့် ခေါ်ယူခဲ့သည့် စံချိန်မှာပင် ခဏအတွင်း ပျက်စီးသွားခဲ့ရပါတယ်။ စီးတီး၏ ကလပ်ပိုင်ရှင်များသည် နည်းပြသစ်၏ လိုအင်ဆန္ဒများကို အပြည့်အဝ ဖြည့်ဆည်းပေးခဲ့ကြရာ ကွင်းလယ်ပိုင်းအတွက်တင် အန်ဒါဆန်၊ ဘူအာဒီနှင့် ဖာနန်ဒက်စ်တို့ သုံးဦးအတွက် ပေါင် သန်း ၃၀၀ ကျော် သုံးစွဲခဲ့ပြီးပါပြီ။ ဘာစီလိုနာသို့ ထွက်ခွာသွားခဲ့သူ ရိုဒရီ၏ နေရာတွင် အန်ဒါဆန်ကို အစားထိုးခဲ့သော်လည်း ဖာနန်ဒက်စ်ကိုပါ ထပ်မံခေါ်ယူခဲ့သည့် မာရက်စကာ၏ အဓိက ရည်ရွယ်ချက်မှာ ကစားသမား၏ တိုက်စစ်စွမ်းရည်ကို အသုံးချလိုခြင်းကြောင့်ဖြစ်သည်။ ချယ်လ်ဆီးတွင် ဖာနန်ဒက်စ်နှင့် နီးကပ်သည့် ဆက်ဆံရေး ရှိခဲ့ဖူးသူ မာရက်စကာဟာ ကွင်းလယ်ခံစစ်ထက် ပိုမိုမြင့်မားသည့် တိုက်စစ်နေရာတွင် ထားရှိပြီး ဂိုးများ ဖန်တီးရန်နှင့် သွင်းယူရန် မျှော်လင့်ထားပါတယ်။ လက်ရှိ မန်စီးတီးတွင် ဖိုဒန်၊ ဒိုကူး၊ ဆီမန်ညို၊ ချာကီတို့အပြင် ဂိုးသွင်းစက်ကြီး ဟာလန်းတို့အထိ ပိုင်ဆိုင်ထားသဖြင့် ပြိုင်ဘက်ကင်း လောက်သည့် တိုက်စစ်အင်အားကို ရရှိနေပြီဖြစ်ပါတယ်။ သို့သော်လည်း စီးတီး၏ တိုက်စစ်ပိုင်း ကစားပုံသည် မည်မျှပင် ရင်ခုန်စရာကောင်းစေကာမူ ခံစစ်ပိုင်းကမူ စိုးရိမ်စရာ အခြေအနေတွင် ရှိနေဆဲဖြစ်ပါတယ်။ ဂျွန် စတုန်းနှင့် နသန် အကီတို့ ထွက်ခွာသွားခဲ့ပြီးနောက် စီးတီးခံစစ်မှာ ပြိုင်ဘက်များ၏ တန်ပြန်တိုက်စစ်ဆင်မှုကို မကြာခဏ ပေးဆပ်နေရပြီး၊ ရာသီစတင်သည့် ပွဲစဉ်အချို့တွင် Clean Sheet တစ်ပွဲမှ မရရှိသေးပါဘူး။ မာရက်စကာသည် ခံစစ်လိုင်း ငြိမ်စေရန် မာခ် ဂေဟီကို အန်ဒါဆန်နှင့်အတူ ဒုတိယ ကွင်းလယ်ခံစစ်လူအဖြစ် တွဲဖက်ရန် စဉ်းစားနေသော်လည်း ဗဟိုခံစစ်မှ နှုတ်ယူရမည့် ထိုနည်းဗျူဟာက အန္တရာယ်ကြီးမားနိုင်ပါတယ်။ ဘောလုံးလောကတွင် "တိုက်စစ်သည် ပွဲစဉ်များကို အနိုင်ရစေသော်လည်း ခံစစ်သည် ချန်ပီယံဆုများကို ဆွတ်ခူးပေးသည်" ဆိုသည့် ရှေးဟောင်းဆိုရိုးစကားရှိရာ မာရက်စကာအနေဖြင့် တိုက်စစ်အလှအပထက် ခံစစ်၏ ညီမျှမှုကို မဖြစ်မနေ ထည့်သွင်းစဉ်းစားရန် လိုအပ်နေပါတယ်။ သို့သော်လည်း သူ အလွန်လိုချင်ခဲ့သည့် "နောက်ဆုံးဂျစ်ဆော" အန်ဇို ဖာနန်ဒက်စ်ကို ရရှိလိုက်ပြီဖြစ်ရာ လာမည့်ပွဲစဉ်များတွင် မန်စီးတီး၏ အခင်းအကျင်းသစ် မည်မျှအထိ အလုပ်ဖြစ်မည်ဆိုသည်မှာ စိတ်ဝင်စားစရာပင် ဖြစ်ပါတော့တယ်။

အိမ်ကွင်းပွဲတွင် အမှားပြင်ဆင်နိုင်မလား 10:00 PM ပရီးမီးယားလိဂ် ပွဲစဉ် (၂) ၏ စိတ်ဝင်စားဖွယ် ပွဲစဉ်တစ်ပွဲအဖြစ် မန်ချက်စတာ ယူနိုက်တက်ဟာ အိုးလ်ထရက်ဖို့ဒ်မှာ အစ်ဆွစ်ချ်တောင်းအသင်းကို လက်ခံကစားသွားမှာ ဖြစ်ပါတယ်။ ယူနိုက်တက်ဟာ ရာသီအဖွင့်ပွဲမှာ ဟားလ်စီးတီးကို ရှုံးနိမ့်ခဲ့ပြီး ခံစစ်ပိုင်း (အထူးသဖြင့် Set-piece ခံစစ်) အားနည်းချက်များ ပေါ်လွင်ခဲ့ပါတယ်။ ရက်ရှ်ဖို့ဒ်၊ မိန်နူး၊ ချက်ရှ်ကို တို့ကို လူစားလဲသုံးခဲ့ပေမယ့် ဂိုးပြန်မရခဲ့ပဲ မိုက်ကယ် ကာရစ်၏ ယူနိုက်တက်အတွက် အိမ်ကွင်းပွဲစဉ်မှာ ဖိအားများနှင့် ရလဒ်ကောင်း ပြန်လည်ရှာဖွေရမည့် ပွဲဖြစ်ပါတယ်။ အစ်ဆွစ်ချ်တောင်းက ရာသီအဖွင့်တွင် ဆန်းဒါးလန်းကို ၂-၁ ဂိုး၊ Carabao Cup တွင် လက်စတာစီးတီးကို ၃-၁ ဂိုးဖြင့် အနိုင်ရရှိထား၍ ယုံကြည်မှု အပြည့်ဖြင့် အိုးလ်ထရက်ဖို့ဒ်သို့ ခရီးထွက်လာမည် ဖြစ်ပါတယ်။ ယူနိုက်တက်ဘက်မှ ဘရူးနို ဖာနန်ဒက်စ် ကစားကွက် ဖန်တီးမည်ဖြစ်ပြီး၊ အစ်ဆွစ်ချ်က အဓိက ဒဏ်ရာရပြဿနာမရှိဘဲ လျှင်မြန်သည့် တန်ပြန်တိုက်စစ်ဖြင့် ယူနိုက်တက်ခံစစ်ကို ဒုက္ခပေးရန် ပြင်ဆင်လာမှာပါ။ ၁၉၅၈ မှစ၍ ၅၉ ကြိမ် တွေ့ဆုံမှုတွင် ယူနိုက်တက်က ၃၀ ကြိမ်နိုင်၊ အစ်ဆွစ်ချ်က ၁၉ ကြိမ်နိုင်ပြီး ၁၀ ကြိမ် သရေကျခဲ့ပါတယ်။ အစ်ဆွစ်ချ်ဟာ ၁၉၉၇ နောက်ပိုင်း ယူနိုက်တက်ကို အနိုင်ရထားခြင်း မရှိသေးပါဘူး။ Opta ၏ တွက်ချက်မှုအရ မန်ယူနိုက်တက် နိုင်ချေ ၆၆.၄% ရှိပြီး အစ်ဆွစ်ချ် နိုင်ချေ ၁၅.၃% သာ ရှိပါတယ်။ အိမ်ကွင်း အားသာချက်အရ မန်ယူနိုက်တက် အနိုင်ရသွားရန် ရေပန်းစားနေသော်လည်း ခံစစ်ပိုင်း ပြုပြင်စရာများကို အမြန်ဆုံး မဖြေရှင်းနိုင်ပါက ရလဒ်ကောင်း ရယူရန် အလွယ်တကူ ကစားရမည့် ပွဲတော့ ဖြစ်လာမှာ မဟုတ်သေးပါဘူး။

အလွန်ဆိုအတွက် ဘရိုက်တန်၏ စိန်ခေါ်မှု 7:30 PM ဒီနေ့ည ပရီးမီးယားလိဂ် ပွဲစဉ် (၂) မှာတော့ ချဲလ်ဆီးအသင်းဟာ ဘရိုက်တန်ကို Stamford Bridge ကွင်း၌ လက်ခံကစားသွားမှာ ဖြစ်ပါတယ်။ ဇာဗီ အလွန်ဆို ရဲ့ ချဲလ်ဆီးဟာ အဖွင့်ပွဲစဉ်မှာ ဖူလဟမ်ကို ၃-၂ ဂိုးနဲ့ အနိုင်ရခဲ့ပြီး Carabao Cup မှာလည်း လူတန်ကို ၂-၀ ဂိုးနဲ့ ထိန်းချုပ်ကစားနိုင်ခဲ့လို့ ခြေစွမ်းပိုင်း တည်ငြိမ်မှု ရရှိနေပါတယ်။ တစ်ဖက်မှာလည်း နည်းပြ ဟာဇန်ဟူတယ်ရဲ့ ဘရိုက်တန်ဟာ နောက်ဆုံး ၅ ပွဲမှာ ၄ ပွဲအထိ အနိုင်ရထားပြီး အက်စတန်ဗီလာကို ၄-၀ ဂိုးနဲ့ အပြတ်အသတ် ခြေမှုန်းခဲ့တဲ့ တိုက်စစ်စွမ်းရည် ကြောင့် လျှော့တွက်လို့ မရနိုင်တဲ့ အသင်းဖြစ်ပါတယ်။ ချဲလ်ဆီးတိုက်စစ်မှာ ခြေစွမ်းပြနေသည့် ကိုးလ် ပါလ်မာ က အဓိက ဦးဆောင်ပြီး ဂျာအို ပက်ဒရို၊ မော်ဂန် ရော်ဂျာစ် တို့က ဝန်းရံပေးမည်ဖြစ်ကာ ဒဏ်ရာရထားသည့် ကိုင်စီဒို ပြန်လည် ပါဝင်လာနိုင်ဖွယ် ရှိပါတယ်။ ဘရိုက်တန်မှာ‌တော့ ကွင်းလယ်ဖန်တီးရှင် ပါစကယ် ဂရော့စ် က အဓိက တာဝန်ယူမည်ဖြစ်ပြီး အဓိက တောင်ပံကစားသမား မီတိုမာ ကမူ ပါဝင်နိုင်ရန် မသေချာသေးပါဘူး။ သမိုင်းကြောင်းအရ တွေ့ဆုံမှု ၂၇ ကြိမ်မှာ ၁၆ ကြိမ်အထိ ချဲလ်ဆီးက အသာရထားသော်လည်း နောက်ပိုင်း ၃ ပွဲစလုံးတွင် ဘရိုက်တန်က ရလဒ်ကောင်းများ ရယူနိုင်ခဲ့သည့် မှတ်တမ်းရှိပါတယ်။ အိမ်ရှင် ချဲလ်ဆီးဘက်က အနိုင်ရရှိရန် ၅၃% အထိ ရေပန်းစားနေသော်လည်း ခံစစ်အမှားများကို ဘရိုက်တန်၏ ထက်မြက်သည့် တိုက်စစ်က အသုံးချသွားနိုင်သဖြင့် အကြိတ်အနယ် ရှိမည့် ဂိုးများသည့် ပွဲတစ်ပွဲ ဖြစ်လာနိုင်ပါတယ်။

အီရာအိုလာရဲ့ အိမ်ကွင်းစိန်ခေါ်မှု 6:00 PM ဒီနေ့ညနေ ၆ နာရီမှာတော့ လီဗာပူးလ်အသင်းဟာ နော်တင်ဟမ်ဖောရက်စ်ကို အန်ဖီးလ်မှာ လက်ခံကစားသွားမှာဖြစ်ပြီး၊ ဒါဟာ နည်းပြ အန်ဒိုနီ အီရာအိုလာအတွက် ပထမဆုံး အိမ်ကွင်း ပရီးမီးယားလိဂ် ပွဲစဉ်လည်း ဖြစ်ပါတယ်။ နယူးကာဆယ်နဲ့ ၂ ဂိုးစီ သရေကျခဲ့တဲ့ ပွဲစဉ်မှာ ခံစစ်ပိုင်း လစ်ဟာချက်တွေ ပေါ်ထွက်ခဲ့တာကြောင့် နည်းပြ အီရာအိုလာက ဒီပွဲမှာ ပိုမိုခိုင်မာတဲ့ တုံ့ပြန်မှုနဲ့ ခံစစ်ကစားဟန်ကို ပြသဖို့ ကစားသမားတွေကို တောင်းဆိုထားပါတယ်။ ခီယေဆာ၊ ဂျိုးဂိုးမက်ဇ်၊ အကီတီကေး၊ ဘရက်ဒ်လေနဲ့ လီယိုနီတို့ ဒဏ်ရာအသီးသီးကြောင့် လွဲချော်မှာဖြစ်ပြီး မက်အဲလစ်စတာ ပြန်လည် ပွဲထွက်လာနိုင်ခြေ ရှိပါတယ်။ ဖောရက်စ်မှာဆာဗိုနာနဲ့ ရိုင်ယန် ယေးဘ်စ်တို့ ပျက်ကွက်မည်ဖြစ်ပြီး လီယမ် ဒီလပ် ပွဲထွက်လာဖို့ အခွင့်အလမ်း နည်းပါးနေသေးပါတယ်။ နည်းပြ ဂလတ်စနာ အနေဖြင့် မူရီလို၊ မော်ဂန် ဂစ်ဘ်စ်ဝှိုက်နဲ့ ဒန် အင်ဒိုယီတို့ကို လူစာရင်းထံ ပြန်လည်ထည့်သွင်းလာဖွယ် ရှိပါတယ်။ ဖောရက်စ်ဟာ လီဗာပူးလ်နည်းပြ စလော့ လက်ထက်က အန်ဖီးလ်မှာ ၂ ကြိမ်ဆက်တိုက် အနိုင်ရရှိခဲ့တဲ့ မှတ်တမ်းကောင်း ရှိခဲ့ဖူးပါတယ်။ လီဗာပူးလ်ရဲ့ ခံစစ်ပိုင်း လိုအပ်ချက်တွေကြောင့် ဖောရက်စ်ဘက်က ဒုက္ခပေးနိုင်သော်လည်း၊ အိမ်ကွင်း အားသာချက်နဲ့အတူ နည်းပြသစ်၏ တုံ့ပြန်မှုကြောင့် လီဗာပူးလ်က ဂိုးမပြတ်ရင်တောင် အနိုင်ရရှိသွားဖို့ ပိုမို ရေပန်းစားနေပါတယ်။

အထိုင်မကျသေးမယ့်ပွဲ 1:30 AM ပရီးမီးယားလိဂ် ပွဲစဉ် (၂) ရဲ့ သောကြာနေ့ည Selhurst Park ကွင်းမှာ ပဲလေ့စ်နဲ့ မန်စီးတီးတို့ တွေ့ဆုံကြမှာ ဖြစ်ပါတယ်။ ဒီပွဲဟာ Vertical Football ကို စွဲကိုင်ထားကြတဲ့ နည်းပြသစ်နှစ်ဦးရဲ့ အသင်းသစ်ပုံစံကို နှိုင်းယှဥ်စောင့်ကြည့်ရမယ့် ပွဲစဉ်တစ်ခုပါ။ ပဲလေ့စ်နည်းပြသစ် ပီအဲရ်ဆေ့ချ် အနေနဲ့ အဖွင့်ပွဲစဉ်မှာ အဲဗာတန်ကို ၀-၂ နဲ့ ရှုံးနိမ့်ခဲ့လို့ ရမှတ်ရှာဖွေဖို့ ရည်ရွယ်ထားသလို၊ ပပ်ဂွာဒီယိုလာ ခေတ်လွန် မန်စီးတီးကို ဦးဆောင်နေတဲ့ နည်းပြသစ် အန်ဇို မာရက်စကာ ကတော့ ဘုန်းမောက်ကို ၂-၁ နဲ့ ခက်ခက်ခဲခဲ အနိုင်ရရှိခဲ့တဲ့ ရလဒ်ကောင်းကို ဆက်လက်ထိန်းသိမ်းသွားဖို့ ပြင်ဆင်လာမှာပါ။ နှစ်သင်းစလုံးဟာ အကူးအပြောင်းကာလ အပြောင်းအလဲများစွာနဲ့ ရင်ဆိုင်နေကြရတာ ဖြစ်ပါတယ်။ မန်စီးတီးဘက်မှာ အဓိကဒေါက်တိုင်များ ထွက်ခွာသွားခဲ့ပြီးနောက် ကစားသမားသစ်များနှင့် အသင်းဟန်ချက်ညီအောင် တည်ဆောက်နေဆဲ ဖြစ်ပါတယ်။ ဒိုကူ ဒဏ်ရာကြောင့် ပျက်ကွက်နေပေမဲ့ ဘုန်းမောက်ပွဲမှာ ဂိုးဖန်တီးမှု ၂ ကြိမ် ပြုလုပ်ခဲ့တဲ့ ချာကီ နဲ့ တိုက်စစ်မှူး ဟာလန်း တို့ရဲ့ တွဲဖက်မှုက အဓိက စောင့်ကြည့်ရမှာပါ။ တစ်ဖက်မှာလည်း ပဲလေ့စ်အသင်းဟာ လာခရော့စ် တို့ ထွက်ခွာသွားမှုကြား အသင်းကို ပြန်လည်စုစည်းနေရပြီး၊ ဆားစ် ဒဏ်ရာရရှိနေတာကြောင့် ကာမာဒါ ရဲ့ ကစားကွက်ဖန်တီးမှု၊ မာတေးတား တို့ရဲ့ တိုက်စစ်တုံ့ပြန်မှုတွေကို အဓိက အားကိုးသွားရမှာ ဖြစ်ပါတယ်။ သမိုင်းကြောင်းအရ ပဲလေ့စ်နှင့် ရင်ဆိုင်ခဲ့သည့် ပရီးမီးယားလိဂ် ၅ ပွဲစလုံးတွင် ဂိုးသွင်းယူထားတဲ့ ဟာလန်း ရဲ့ မှတ်တမ်းအပြင်၊ နောက်ဆုံးတွေ့ဆုံမှု ၂၂ ပွဲမှာ ၂ ပွဲသာ နိုင်ခဲ့တဲ့ ပဲလေ့စ်ရဲ့ အနေအထားကြောင့် မန်စီးတီးက အပြတ်အသတ် အသာရထားပါတယ်။ အိမ်ကွင်း အားသာချက်နှင့် မန်စီးတီး၏ ကစားကွက် အထိုင်မကျသေးသည့် အနေအထားတို့ကြောင့် ပဲလေ့စ်ဘက်မှ အခွင့်အရေး ရရှိနိုင်သော်လည်း၊ အခြေအနေအရ သာလွန်တဲ့ မန်စီးတီးကပဲ အနိုင်ရရှိသွားရန် ပိုမို ရေပန်းစားနေပါတယ်။

မိတ်ဆွေဟောင်းများ၏ ဒါဘီည... 1:30 AM Craven Cottage မှာ ကျင်းပမယ့် ဖူဟမ်နဲ့ ချဲလ်ဆီးတို့ရဲ့ ပရီးမီးယားလိဂ် ရာသီသစ် ပွဲစဉ်ဟာ အဖွင့်ပွဲ ပရိသတ်အရှိန်အပြင် အနောက်လန်ဒန် ဒါဘီအဖြစ်ပါ ပိုမို ပြင်းထန်လှပလာတော့မှာ ဖြစ်ပါတယ်။ အထူးသဖြင့် လီဗာပူးလ် ကစားသမားဘဝတည်းက နီးကပ်တဲ့ ဆက်ဆံရေးရှိခဲ့ပြီး ရီးရဲလ်မက်ဒရစ် မန်နေဂျာ နေရာကိုလည်း အသီးသီး ဆက်ခံခဲ့ဖူးကြသူတွေဖြစ်တဲ့ နည်းပြသစ်နှစ်ဦး အာလ်ဗာရို အာဘီလိုအာနဲ့ ဇာဗီ အလွန်ဆိုတို့ရဲ့ နည်းပြဘဝ ပထမဆုံး ပရီးမီးယားလိဂ် ထိတွေ့မှု ဖြစ်တာကြောင့်လည်း စိတ်ဝင်စားစရာ ဇာတ်ညွှန်းတစ်ခု ဖြစ်နေပါတယ်။ စီနီယာ နည်းပြသက်တမ်း ၂၈ ပွဲသာ ရှိသေးတဲ့ အာဘီလိုအာအတွက် ဒါဟာ ကြီးမားတဲ့ စမ်းသပ်ချက်ဖြစ်ပြီး လီဗာကူဆငါမှာ အောင်မြင်မှု သက်သေပြခဲ့ပြီးသား အလွန်ဆိုအတွက်တော့ သူ၏ နည်းဗျူဟာသစ်ကို စတင်ရမယ့် ပွဲစဉ်ပါ။ ဖူဟမ်ဟာ နည်းပြ မာကို ဆေးလ်ဗား ထွက်ခွာသွားပြီးနောက် အာဘီလိုအာ လက်အောက်မှာ ပြန်လည် စုစည်းနေရသလို၊ အဓိက ကွင်းလယ်လူ ဟယ်ရီဝီလ်ဆင် ထွက်ခွာသွားမှု၊ တွမ်ကိုင်နီ နဲ့ ဂျိုအာချင်အန်ဒါဆန်တို့ မပါဝင်နိုင်မှုတွေ ရင်ဆိုင်နေရပါတယ်။ တိုက်စစ်မှာ ရီးရဲလ်မက်ဒရစ်မှ ရောက်ရှိလာသူ ဂွန်ဇာလိုဂါဆီယာ က အဓိက ဦးဆောင်လာမှာ ဖြစ်ပါတယ်။ ချဲလ်ဆီး ဘက်ကတော့ အလွန်ဆိုရဲ့ ၃-၄-၃ သို့မဟုတ် ၃-၄-၂-၁ စနစ်သစ်အောက်မှာ ၃၃၃ သန်းအထိ အသုံးပြုကာ အင်အားဖြည့်တင်းထားပြီး၊ ရာသီကြို ၅ ပွဲမှာ ၇ ဂိုးအထိ သွင်းယူကာ ခြေစွမ်းပြနေတဲ့ ဂျာအိုပက်ဒရို က တိုက်စစ်ကို ဦးဆောင်လာပါလိမ့်မယ်။ ဗက်စလီဖိုဖါနာ ပွဲပယ်ခံထားရသော်လည်း အပြည့်အဝ ပြင်ဆင်ထားတဲ့ ကစားသမားအင်အားက ချဲလ်ဆီးဘက်မှာ ပိုမို ကျစ်လစ်နေပါတယ်။ ဒါဘီပွဲစဉ် ရာဇဝင်အရ တွေ့ဆုံမှု ၉၂ ပွဲမှာ ၅၄ ပွဲအထိ အနိုင်ရထားတဲ့ ချဲလ်ဆီးက အပြတ်အသတ် အသာစီးရထားပြီး Craven Cottage ကွင်းမှာလည်း နောက်ဆုံး ၈ ပွဲမှာ ၆ ပွဲအထိ အနိုင်ရရှိခဲ့ပါတယ်။ သို့သော်လည်း ပြီးခဲ့သည့်ရာသီက ယခုကွင်း၌ ဖူဟမ်က ၂-၁ ဂိုးဖြင့် အနိုင်ရခဲ့ဖူးသည့် မှတ်တမ်းလည်း ရှိနေပါသည်။ လူအင်အားနဲ့ နည်းပြအတွေ့အကြုံပိုင်း သာလွန်မှုတို့ကြောင့် ပွဲကို ချဲလ်ဆီးက အများအားဖြင့် ထိန်းချုပ်သွားနိုင်ခြေ ရှိသော်လည်း၊ ဖူဟမ်အတွက် နည်းပြသစ်၏ ပထမဆုံး အိမ်ကွင်းပွဲဖြစ်မှုနှင့် ဒါဘီပရိသတ်၏ အားပေးမှုတို့ကြောင့် ပြိုင်ဆိုင်မှုပြင်းထန်မည့် ပွဲတစ်ပွဲ ဖြစ်လာနိုင်ကာ ချဲလ်ဆီးက ကနဦး ၃ မှတ်ကို ရယူသွားဖွယ် ရှိနေပါတယ်။