ّ

‏تجاهلت الشعور ولا قدرت أغادر الأطلال ‏أنا للحين واقف منتظر أرجع من غيابي ‏يلازمني ظلالي كنه أفكاري ما هو بـ ظلال ‏وأنا مليت حتى من ظلالي لوّه أولى بي ‏كثر ما مرني من مجريات الضيق والغربال ‏ما عاد أعرف أنام إلا وأنا مشدود أعصابي ‏سعيت أكافح الدنيا شقي، وساءت الأحوال ‏ولا زلت أترقب غيث صبري يسقي ركابي ‏أنا في يدي راحة، وأعتبرها راحةٍ للبال ‏كثر ما ترتفع لله تعالى تشكي أتعابي ‏ما عاد الوقت يغري والليالي تسرق الآمال ‏ليا ضاقت علي الأرض، ما ضاقت بي ثيابي

‏لو أن الفقد حسّ بحسرتي يوم دمعي سَاح ‏ما حصلت الوسَادة حزنها يسهّر على شاني ‏سَواد الليل بعيُوني زرّع خوف وقطَف مصباح ‏تعبّ عُمري بعد عُمرك يدُور له عُمر ثاني ‏يا مالّ الجنة الباردة

‏« لم أبُحْ بالوداعِ جَهرًا ‏ولكنْ كان جَفنِي فمِي — ودمعي كلامي» ‏—أبو فراس الحمداني ‏وعن رهبة الوداع يقول ضيدان : ‏ ‏« قالت فمان الله لي سبع مرات ‏وأنتي بحفظه ما نطقها لساني »

‏فاقدٍ لي عمر من عمري و فاقدٍ وجه نيّر ‏كان قربه من متاهات العمر .. مخرج طواري

‏عفى اللّٰه عن مواعيد إنتظارك و السنين حيام ‏وقفت و ما معي غير الوله واقف و متسامي ‏يخوفني ضجيح الشوق لا إرتاد الطريق العام ‏وتغيرت بـ كل إتجاهاتي .. وتأثيري و هندامي ‏حرارة فقدك أقسى ما تجيبه بارد الأنسَام ‏وأنا للحين من حر المفارق ترجف عظامي

‏أنا واقف على أطلال إنعزالي من ثلاث سنين ‏أدوّر في حطام الروح صبر و فالخلا .. سلوّه ‏بغيت أسلا معك ، لكن عيّوا ربعي الغاليـن ‏يا وجدّي يا مداهيل الغرام و ساعة الخلوّه ‏تلقّيني على رجم المحبّة .. و الحياه تزين ‏ترا وصل الحبايب عافية .. وفراقهم بلوّه ‏عطيني ماعطت يمنى الكريم لحاجة المسكين ‏مشاعرك الرهاف و نظرتين عيونك الحلوّه