لحد إمتي"ي

عايز أقولك التأخير اللي مزعلك ده وراه فرحة عمرك اللي ماتتخيلهاش ربنا قال (وَهُوَ عَلَىٰ جَمْعِهِمْ إِذَا يَشَاءُ قَدِيرٌ) هيراضيك ومش هقولك رضا يليق بصبرك ودعائك بل رضا يليق بكرمه ورحمته متقلقش و الله كل اللي إنت فيه دا أخرته حاجه مخطرتش على بالك ولا على قلبك ، ربك حنّان و منّان وعظيم والله

بلاش عشم في البشر وما تحُطش نفسك تحت رحمة أي إنسان مهما كان، الناس حوالينا بتحكمهم حالتهم المزاجية، يوم حلو معاك وعشرة مش بيحبوك شوية مُهتمين بيك وشوية ولا كأنهُم يعرفوك؛ عشان كدا اِوعى تستنى حاجة من حد، لإن كُل ما كان عشمك في الناس كبير كُل ما وجعك هيبقى أكبر.

أصبحنا مُستعينين بك متوكلين عليك، مفوضين أمورنا إليك. يا ربّ صحح نوايانا وخذ بأيدينا إليك.. الحمدُ للهِ الذِي أَذِن لنَا بيومٍ جَديد لِنعبده ونشكره ونَتوب إليه.♡

ربنا يعوّضنا بأفضل مما كنا بنتمنى. يا ربّ وكلتك أمري كلُّه فأعطني الخير من كل شيء.

بحب جدًا آية: "‌‎وَلَقَد مَننَّا عَلَيكَ مرَّةً أُخرَى" علشان بتفكرني دايمًا إن ربنا ما أنعمش عليا مرة، ولا رزقني مرة، ولا كرمني مرة، ولا لطف بيا مرة، بل حياتي كلها نِعَم وأرزاق وكرم وألطاف مُتجددة، في كل يوم وكل وقت. استشعارك لمَنّ ربنا عبادة، وفي إيمانك بعطاياه طمأنينة لا تنقطِع.. اللهم أدم علينا سترك وعطائك : ))

مفيش سعى بيروح هدر، ولا مجهود بيضيع على الفاضي، ولا تعب مش بيكون متشاف من ربنا، ولا خير بيضيع، ولا فعل متغلف بنية حلوة بينزل على فاشوش.. دور الإنسان في الدنيا إنه يعمل كل المتاح اللي في إيده، ويسيب كل اللي مش متاح على ربنا.. ﴿وَأَن لَّيْسَ لِلْإِنسَانِ إِلَّا مَا سَعَى وَأَنَّ سَعْيَهُ سَوْفَ يُرَى ثُمَّ يُجْزَاهُ الْجَزَاء الْأَوْفَى﴾.. دايماً عليك "السعى"، ودايماً على ربنا "النتيجة".. الأمور المتروكة لله مضمونة.

‏وَاصْبِرْ وَمَا صَبْرُكَ إِلَّا بِاللَّهِ ۚ

إزيك ..  أنا جي النهاردة أقولك زود شوية يقين في كرم ربنا وقلل شوية من حسبتك لكل حاجة.

A sweet message for you ‏"إنَّ الله يرى اشتياقك لتلك الفرحة ويرى لهفتك عليها، فحاشاه أن يردك خائبًا.. سيجبر بخاطرك ويعطيك إياها بأجمل صورة لها، سيستجيب بإذنه ما دمت تؤمن وتوقن وتظن به الظن الحسن".

الدنيا بتروح لإتنين.. واحد بيسعى أوي ليل نهار وبيحاول ويعافر، وواحد نيته حلوة وقلبه راضي وبيساعد باللي في إيده. الأول عدل ربنا والتاني رحمة ربنا.. ربنا يكتب لنا نصيب ورزق الاتنين ويكتب لنا نجاة من الدنيا وعوض بالآخرة.

إزيك .. أنا جي النهاردة أقولك زود شوية يقين في كرم ربنا وقلل شوية من حسبتك لكل حاجة.

🤍

بحب دُعاء سيدنا إبراهيم جدًا في سورة الشعراء بحس أن فعلًا دى الدعوات اللى أحنا بحاجة ليها أننا ندعوا بيها..! ربِ هب لى حُكمًا و ألحقني بالصالحين واجعل لى لسان صدقٍ في الآخرين و اجعلنى من ورثة جنة النعيم ولا تخزني يوم يبعثون يا ربّ يا واسع.

"أحبُ أمي ومن يُحبُ أمي، ‏ومن يَبتسم في وجهها، ‏ومن يُقدمُ لها خيرًا ‏ومن يعاملها بالحُسنى ‏حبيب أمي هو أعزُ الناس على قلبي."

"يُؤْتِكُمْ خَيْرًا مِّمَّا أُخِذَ مِنكُمْ" مش زيه لأ، أحسن منه كمان.

وفجأة تلاقيها إنحلت من عند ربنا وإنت كل اللي عملته إنك سبتها عليه. "وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا."

أنا أكتر حاجة بتمناها من ربنا إنه ميعميش عقلي وضميري عن الصح ويخليني دايمًا أحس بالذنب لما أعمل حاجه غلط وميخلينيش أشوف الحرام حلال وأضل ف طريقي ، بتمنى إني أفضل نضيف من جوايا وقلبي يفضل أبيض جواه خير لكل الناس ومبيحقدش ع حد بتمنى إن سيرتي تفضل حلوة ع كل لسان سواء عايش أو ميت.

‏"يا ربّ.. مُستقبلي وحياتي الجاية تكون مليانة سَلام وطمأنينة تخليني لما أفتكر الماضي وقتها أقول: الحمد لله على النجاة من كُل المخاوف والقلق والزعل والتفكير المُفرط، ويكون المقسوم ليا من عند ربنا خير يفرحني ويعوّضني."

انت لازم تفهم إن ربنا مش ضدك مش ضد سعادتك كل حاجه بتحصل معاك دلوقتي ربنا ليه حكمة فيها ، اوعي تفتكر ان ربنا ناسيك لا خالص ، ‏ربنا عالم بتعبك ، عالم بصعوبه حياتك ، عالم ان طاقتك خلاص شبه خلصت ، لكن خليك عارف ان برغم كل ده ، ربنا مستحيل يسيبك فى موقف صعب عليك ، وقريب هتعرف الحكمة في اللي انت مريت بيه وصبرت عليه ، ومتخفش مش هيضيعك ولا هيسيبك ، وهيعوض قلبك بعوض عظيم عمرك ما كنت تتخيله ، وهيفتحلك بيبان عوض ملهاش اخر بس انت خليك واثق فى ربنا♥️♥️

سَيُعَوِضّك الله كأنّك لَم تُكسر سَيكون العوض كافياً شافيًا لجبرك فمن تحمل كثيراً وصبر أتاه العوض مغلفاً بالرحمة والسكينة والسعادة فقط ثق بالله وكن على يقين أن الله سَيمنحك القوة للصَبر حتى يأتيك العوض عظيمًا كالغيوم المحملة بالمطر المليئة بالخيرات فعوض الله جميل، فوق توقعات الصابرين.