تجارب دفعة 25

اهلا مرا ثانية أنا ريماس حبيت انقلكم تجربتي مع الخصوصي و ايش سويت مع المواد✨ مادة البايو ( أحياء) مادخلت خصوصي اكتفيت بمذاكرة السلايدات و رجعت للكتاب في ميد ١ و بالنسبة لميد ٢ والفاينال اكتفيت بالسلايدات كانت كافية و واضحة احفظ وافهم واربط إذا فيه شي يحتاج ربط و اراجع المعلومات اكثر من مرا وبس جبت A+ حمدلله ✨💞 في من زميلاتي دخلو خصوصي ( الشعراوي و طلحة ) وحابو A+ أنا شخصيا ما جربتهم مادة البرمجة>> زي ما قلت بالنسبة ليا غثيث الحاسب ومو مرا افهمه الميدات ما اشتركت مع احد اكتفيت بالجزء المجاني اللي تنزله مهندسة ليالي و الفاينال اشتركت معاها المواد العلمية ( فيزياء - كيمياء - إحصاء - رياضيات ) كلها مع رحاب ونصيحة مني اشتركو من البداية طريقتي اشوف مقاطع الشرح و إذا فاهمة الجزئية ما اشوف المقاطع و اخلصها اهم شي قبل الاختبار بأسبوعين كذا ( لما تذكر تريك او اي طريقة او معلومة ممكن تساعد بالحل اكتبها عندي ) بعد كذا اسوي جدول للمذاكرة العميقة اذاكر السلايدات حقها بذمة وضمير و اتدرب و كلها قبل الاختبار الحلو تنزل جدول بأهم الاشياء اللي تذاكرونها اعتمدت عليه و A+ بالراحة تجيبونها ( مو يعني مافي جهد لا ذاكرو كويس 👀 ) الإنجليزي مادخلت مع احد أذاكره بنفسي لغتي متوسطة فما واجهت صعوبه فيه للتدريب اعتمدت على قناة ناصر احد طلابنا جزاه الله خير ينزل تدريبات للمادة الخصوصي بشكل عام في اول سنة مرا يساعدكم و يرتب الافكار لكم خصوصاً البعض يكون ضايع مو عارف ايش يبدأ فيه ؟ ايش اهم الافكار اللي يركز عليها ؟ ف أنصحكم ادخلو بتوفرون جهد و وقت بس الخصوصي مو يعني A+ وانتو مغمضين 🫣 لا بيرتبون الأفكار و يوضحون اللي مو مفهوم و يعطوكم تدريبات الباقي عليكم من مذاكرة و اجتهاد 🫡 طبعا في خصوصي غير اللي ذكرتهم في تجربتي و اعرف كثير جربوهم و ناسبهم ✨ دايما شوفو التجريبي حق الخصوصي قبل تشتركو و شوفي ايش يناسبكم والله يوفقكم جميعاً بأعلى الدرجات ريماس يعني لو ما دخلنا خصوصي ما راح نجيب درجات عالية ؟؟ لا طبعا عادي تجيبون درجات لو اجتهدتم و شديتو حيلكم اول سنة مو مرا صعبة كمواد ودروس وفهم ومقدور عليها جدا ويعتمد على نفس الشخص واستيعابه واي سؤال عندكم اتفضلوا بالخاص💞 حسابي @ReemasMohAlharbi

• التجربة التاسعة عشر 9️⃣1️⃣•

السلام عليكم ورحمة الله وبركاته مبروك لكل الطلاب والطالبات الي وصلو للمرحلة ذي ❤️ مااحب اكثر بالكلام بعطيكم تجربتي انا طالبة من سكان مكة المكرمة انقطعت عن الدراسة ٤ سنوات لظروف لا استطيع ذكرها السنة الاخيرة الحمدلله انقبلت طب وجراحة طبعا في البداية عانيت جدا كيف اذاكر بحكم اني انقطعت عن الدراسة حرفيا نسيت كيف امسك القلم نسيت طرقي للمذاكرة ما اكذب عليكم تعبت مرة في البداية بسبب المسافة وبسبب عدم معرفتي لطريقة مذاكرتي عدت مذاكرة للكل المواد حول ٦ مرات وانا في مفس الشباتر الاولى ومع الايام افتكرت كل حاجة الحمدلله قبل المد الاول وهي طريقتي اني اكتب ع ورق صح تاخذ وقت مرة في المذاكرة بس انها ترضي ضميري اني ذاكرت زين نجي نتكلم عن المسافة كنت اتمنى اعرف ناس اكبر مني يهون عليا المسافة وكان عندي خوف اني ما اقدر وما اتحمل الطريق بس سبحان الله الانسان طبيعته يتاقلم ويتعود والله ييسرها من عندو اما بالنسبة للمواد الانقليزي حاولو تطوره بقدر المستطاع انا طريقتي في التطوير اقرا كتب صح في البداية اترجم كل كلمة بس مع الايام حيكون عندكم حصيلة حتقرو كانه عربي وبفهم كمان اما بالنسبة الاستماع كنت اسمع بودكاستات واشياء كذا باليوتيوب المواد العلمية صراحة مرة سهلة مع الخصوصي اخذتهم مع رحاب وكل درجاتي فيهم تفتح النفس اما الاحياء مع الشعراوي صراحة يفهم من قلب صح مافي تست بانك او تسريبات تجي نسخ لصق زي باقي المواد لكن مع ذا الخصوصي ومذاكرة ومراجعة متسمرة بالطريقة الي انتو متعودين عليها من ايام الثانوي اما البرمجة مادة سهلة بس يبغالها تركيز ومذاكرتها قبل الاختبار بيومين ثلاثة وكذا بس ان شاء الله استفدتو ودعواتكم ليا ❤️

• التجربة الثامنة عشر 8️⃣1️⃣•

تجربة الشيخ عبدالرحمن مفتي @Mufti_25 👆

• التجربة السابعة عشر 7️⃣1️⃣•

السلام عليكم ورحمة الله وبركاته، معكم طالبة طب وجراحة وبعطيكم تجربتي ونصايحي للتحضيري الصحي في جامعة الملك عبدالعزيز. الحمدلله بفضل الله سبحانه وتعالى جبت معدل تراكمي ٤.٩٥/٥، فا بقولكم ايش نفع معي عشان اجيب هذا المعدل عشان تجيبون افضل مني باذن الله. اولاً واهم شي علاقتكم بربكم. ومن اهم الاشياء الصلاة، إذا صلحت الصلاة صلح باقي الأعمال. واذا الحمدلله صلاتكم طيبة وصالحة وتصلون على الوقت، حاولوا تصلون النوافل. قَالَ رَسُول اللَّهِ - صلى الله عليه وسلم - إنَّ اللَّهَ تَعَالَى قَالَ: "مَنْ عَادَى لِي وَلِيًّا فَقْد آذَنْتهُ بِالْحَرْبِ، وَمَا تَقَرَّبَ إلَيَّ عَبْدِي بِشَيْءٍ أَحَبَّ إلَيَّ مِمَّا افْتَرَضْتُهُ عَلَيْهِ، وَلَا يَزَالُ عَبْدِي يَتَقَرَّبُ إلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْت سَمْعَهُ الَّذِي يَسْمَعُ بِهِ، وَبَصَرَهُ الَّذِي يُبْصِرُ بِهِ، وَيَدَهُ الَّتِي يَبْطِشُ بِهَا، وَرِجْلَهُ الَّتِي يَمْشِي بِهَا، وَلَئِنْ سَأَلَنِي لَأُعْطِيَنَّهُ، وَلَئِنْ اسْتَعَاذَنِي لَأُعِيذَنَّهُ". رَوَاهُ الْبُخَارِيُّ. فتقّرب إلى الله بالنوافل (زي سنن الصلوات واذاكر مابعد الصلاة) فيها بركة عظيمة وأثرها كبير في حياة المسلم. ومن الأشياء الي زادت بركة يومي هي اذكار الصباح والمساء -قولوها من تطبيق (اذكار) لانه جامع كل اذكار الصباح والمساء من دون اختصار-، صح اول ماتبدا تقولها تاخذ منك وقت بس بعد اسبوع تصير تقولها ب١٥ دقيقة. والله ماتاخذ وقت وفضلها عظيييمم. يقول ابن القيم : "حاجة الإنسان للمعوذات (أذكار الصباح والمساء) أشد من حاجته للطعام والشراب واللباس". وبرضو قيام الليل اثره كبير، عن نفسي احب اقرا سورة البقرة في قيام اليل من مصحف "قيام اليل". يخليك تقرا كثير و بسرعه وتركز اكثر في القرآن. واذا ماقدرتوا على ولا شي من هذي الاشياء، اطلب منكم عدم التفريط في الشفع والوتر. ادعوا في الوتر كل الي بقلوبكم و الله بيستجيب باذن الله🩷. ركعة وحده بتغير في حياتك كثير. بعد ماخلصنا من محاضرة الدين هههه عندنا ثانياً الدراسة. الصراحة اقولكم الصدق اكثر أشياء فادتني هي: ١))قراءة وفهم المحاضرة، ٢))بعدها حل اسئلة (هنا عادة اغلط لاني ما ثبتت المحاضرة في مخي)، ٣))اراجع أغلاطي وفجوات فهمي، ٤))احفظ عن طريق اني اسّمع المحاضرة واسال نفسي اسئلة وأجابوها واشوف لو صح او غلط (واذا كل شوي اغلط وانا اسّمع اقوم اكتبه اكثر من مره عشان احفظ)، ٥))بعدين احل اسئلة على المحاضرة مره ثانيه. وهذي الطريقة اعتمدتها عشان ادرس محاضرة وحدة لكل المواد ماعاد الانجليزي. لما يجي وقت الفاينل اكون قد فهمت وحفظت اغلبية المحاضرات، وعادة اكون اختم المادة قبل الاختبار بأسبوع ونص ممكن، وخلال هذا الوقت اراجع، اسّمع لنفسي، احل اسئلة كثير. أحل كل الاسئلة الي عليهم اياً كان تست بانك، تجميعات، تسريبات، الي هو اهم شي تحلووووون كثيرررر. وحتى لما اخلص حل كل الاسئلة اروح احل اهم الاشياء مره ثانيه، زي التسريبات مثالاً. وبس والله هذي طريقتي في المذاكرة وتثبيت الفهم. حابه أنوه ان مره مهم تعطون نفسكم وقت مراجعة كثير. يعني ختموا المادة قبل الاختبار بأسبوع او اربع ايام عشان تعيدون مراجعه وتسميع وحل اكثر من مره. الصدق انا جتني زنقة في رمضان وماكان عندي وقت كافي اراجع فا لما جا الاختبار نقصت على رغم اني سويت الطريقة الي ذكرتها، بس لاني ماراجعت وثبت المعلومات في مخي ماقدرت استرجعها بشكل واضح. بس ترا كثير من صديقاتي تصير لهم زنقة ويختمون المادة في يومين ويجيبون درجات عالية وكاملة، بس أنا للأسف ماتنفع معي الطريقة ذي😅. من ناحية الانجليزي، الحمدلله أنا إنجليزيتي كويسه فا هذي المادة الوحيدة الي أذاكرها قبل الاختبار بيومين او ثلاث. كثرة التدريب للـlistening و الـreading تفيد مره، احس كل شخص يختلف عن الثاني من ناحية اللغة، بس اكثر شيئين ركزت عليهم هم ذول الاثنين. للاسف احس مقدر أفيدكم واجد عن الانجليزي، فا مابي أتفلسف وانا ماعندي معلومات كافية. شوفوا قناة ناصر حقت الانجليزي بتفيدكم اكثر مني. وبس والله، الله يوفقكم ويسخر لكم الارض ويسعدكم، ترا انا كنت ما اطمح لمعدل الـ٥/٥ او حتى قريب منها، كنت دايماً اركز على اني ابذل قصارى جهدي واسوي كل الي علي وما اكذب على نفسي او اسلك في شغلي واهم شي اتوكل على الله.فا لا تخلون هدفكم المعدل الفلانية، نصيحة🩷. بالتوفيق يادكاترة وممرضين واخصائيين المستقبل🩷.

• التجربة السادسة عشر 6️⃣1️⃣•

• التجربة الخامسة عشر 5️⃣1️⃣•

• التجربة الرابعة عشر 4️⃣1️⃣•

طيب انتهينا من الأشياء الدراسية واللَّتي تكاد تكون بديهية لدى البعض ، الآن نبدأ في ما أراه أهم مما قلته سابقًا… دروس تعلّمتها خلال السنة التحضيرية ✍️ من الطبيعي إن أول سنة تكون أغرب سنة لك بالجامعة ، تمرّ فيها بأشياء مستحيل تنساها وتتعلَّم منها لسنينك القادمة ان شاء الله ، وأنا صارت معي أشياء كثيرة وتعلَّمت منها دروس معينة لابد إنك تحطّها بعين الإعتبار ‼️ ١- الإستخارة والإستشارة :

لابد في البداية انك تسأل كثير وتستشير وتستخير عشان ما تضيع وتضيّع نفسك

٢- المذاكرة بذكاء وليس بجهد :

لازم تفهم انك لازم تذاكر أول بأول لو ساعة في اليوم وباقي اليوم لك

٣- المراجعة المستمرّة :

من مفاتيح تجنُّب الأخطاء في الإختبار بعد التوكُّل على الله ، المراجعة

٤- الإهتمام بالصحَّة :

كان من الممكن اني أترك تخصصي بسبب تدهور صحتي ، لذلك مهم تهتم فيها

٥- معالجة الأخطاء أول بأول :

من الطبيعي في البداية كثرة الأخطاء ، عالجها عشان ما تتراكم عليك وتتدهور

٦- تطوّر لغتك بإستمتاع :

احذر انّك تغصب نفسك على تطوير اللغة ، استمتع بها وصدّقني بتستمر ان شاء الله

٧- تنظيم الوقت :

من مسلَّمات النجاح بعد الله ، انّك تنظّم وقتك ، بترتاح راحة غير طبيعية

نصيحتي المتواضعة جدًا لكم 🤍: ربّك لا تنساه ، من صدقة ، من ذِكر ، من عمل خير ، كلها أشياء صدقني بتفرق معك بشكل جذري في حياتك ، ومفاتيح السعادة بوجهة نظري :

الصلاة الصلاة في وقتها

حُسن الظن بالله

فعل الخير

الوِتر

الصَّلاة على النبيﷺ

ووصيَّتي لكم وأرجوا أن تأخذوا بها 🤍: عن أبي أمامة رضي الله عنه قال: قال رسول الله - صلى الله عليه وسلم -: "‌صنائع ‌المعروف تقي مصارع السوء" كونوا متعاونين ، متآلفين ، يساعد كلٌّ منكم الآخر ، اجعل عطاءك أكثر من أخذك ، وكونوا ممَّن يسارعون في الخيرات ، ولا تبخلوا على غيركم ابدًا ✨ والله العظيم أنَّ في نفسي كلام كثير لكم ، ولكنني لا أريد الإطالة عليكم ولنا بكم لقاءٌ آخر بالتأكيد ان شاء الله ، وإنِّي متفاءل بقوة هذه الدفعة 🫡 ختامًا… أتذكرون المبدأ اللذي في البداية ؟ ، فالتعلم أنَّك مسؤول عن تسخير الأسباب لك لـ تحصل على الدرجات العالية ، فلذلك لا تتهاون ولا تفتر أبدًا ، واصبر وصابر ورابط ، فأنت الآن في مكان ستسمو به يومًا ما ان شاء الله ، وعلى عاتقك مسؤولية عظيمة ، فلا تستصغر ما تفعل ابدًا وتذكَّر هذا البيت ‼️ : وَمَنْ جَهِلَتْ نَفْسُهُ قَدْرَهُ رَأَى غَيْرُهُ مِنْهُ مَالَا يَرَى لكلٍّ منَّا حدود ، فلا تكلِّف نفسك مالا تطيق ، واعمل وأنت محتسب الأجر لله سبحانه وتعالى 🤍 كان معكم أخوكم المعتذر عن التقصير الطالب : ناصر العتيبي وبالتأكيد أرحِّب بأسئلتكم جميعًا بصدرٍ رحب 🌹 حسابي تلي : @Nasser_268 سبحانك اللهمَّ وبحمدك ، أشهد ألَّا إلـٰه إلا أنت ، أستغفرك وأتوب إليك✨🤍