Refaatix Academy

حاجات ممكن تقلل البركة في الرزق: 1️⃣ التذمر من الشغل وعدم شكر نعمة ربنا. 2️⃣ ادعاء الفقر والشكوى قدام الناس خوفًا من الحسد. 3️⃣ التضييق على أهل البيت رغم إنك قادر. 4️⃣ التعالي على الناس البسيطة أو التقليل منهم. 5️⃣ الشماتة في فشل غيرك. 6️⃣ تنسب النجاح لنفسك وتنسى فضل ربنا. 7️⃣ الشكوى للناس بدل ما تشتكي لربنا. 8️⃣ الغش أو إخفاء عيب في البيع. 9️⃣ الحلفان الكدب عشان تخلص مصلحة. 🔟 رمي الأكل وعدم احترام النعمة. 1️⃣1️⃣ الاستهانة بالذنوب. 1️⃣2️⃣ نسيان الاستغفار. الخلاصة: اشكر ربنا دايمًا، خليك صادق ومتواضع، أنفق على أهلك، واستغفر كتير… عشان البركة تزيد في رزقك. 🤲

ليه رميت سنتين تاني وقولت اتخرجت ب جيد!! ليه تبص بالشكل ده!! ليه تقلل من نفسك !! تفائلوا بالخير تجدوه يجدعان ✅️دا حظك حلو ف ايام مباركه ادعي كام دعوة ف العشرة الاواخر بنية صادقة انك تجيب امتيازات ف اللي جاي تلقي نفسك اتخرجت ب جيد جدا مرتفع ان شاء الله ✅️نحاول مش نقلل من نفسنا احنا مش قليلين الحمد لله احنا جامدين اووي وكلنا هنتخرج وهنشتغل وهنكسر الدنيا بعون الله☝️

دا كان يوم اسود ف سنه تالته كنا دايما بناخد الشيت بس من العيان وشكرا ع كده وكلنا نخلع نروح نفطر بره ف مره اتغيرت المعيده بتاعتنا وجات واحده تاني ف دايما الشباب بيختروني اخد انا الشيت من العيان ف المرادي اخدت الشيت وفل كده وهنمشي وتسمع صوت المعيده الجديده تقولك ان كده اخدت مصلحتك من العيان انت فدته ب ايه بقا ف يلا حد يعمله عملي breathing exe ف انا سمعت دي وخلعت من هنا وقولت ف نفسي الحمد لله انا اخدت دوري والباقي ع صحابي واتبسطت وروحت بعيد كده وف قلبي انبساط ليا وضحك عليهم واذ تسمع من اخر السكشن حد يقول اخرنا احمد رفعت تاني يحمل مهمه وهوب كله وافق وهوب لقيت نفسي قدام العيان واقوله عندك كحه ي حج علشان الف راسه وكده قالي لا ي ابني وهوب راح كح ف وشي وباقي السكشن بعد عني حتي المعيده ولقيت نفسي ف ال infection control لمده ٣ ساعات ف مستشفي المرزوقي ف قنا😂😂😂😂

✅️مفيش حاجه فايتك علفكرا انتي لسه مبداتيش اصلا لما تخلصي اورثو هتكمل الصورةعندك وعن تجربة وبعدها ذاكري من تكستات زي داتون وماجي وكارولين ونيومان وجرايز هيظبطوا الفهم عندك ✅️اسالي نفسك قدام الجاله what ايه هي الحالة where بركز ع اي مكان when امتي والسن how ازاي اعملها pt role دوري انا ايه home program ايه guidlines قالت ايه ✅️وبلاش بلاش بلاش نقارن نفسنا ب حد حوالينا احنا لسه صغيرين وبنتعلم ☝️

✅️ابعتلي هنا @AhmedRef3at

إزاي تختار Mentor كويس في العلاج الطبيعي 1️⃣ يكون فاهم مش حافظ فيه فرق كبير بين دكتور: حافظ السلايدز ودكتور فاهم الميكانيزم الـ mentor الكويس لما تسأله ليه؟ يشرح لك: biomechanics pathology clinical reasoning مش يقولك: "ده اللي في السلايد وخلاص". 2️⃣ يكون بيشتغل عملي العلاج الطبيعي clinical profession. يعني الأفضل يكون: شغال مع مرضى بيعمل assessment بيطبق treatment plan مش بس محاضر نظري. 3️⃣ يشجع الأسئلة الـ mentor الحقيقي: ما يتضايقش من السؤال يحب النقاش يقولك لو حاجة مش عارفها العلم الحقيقي فيه نقاش مش تلقين. 4️⃣ يكون متابع الأبحاث المجال بيتطور بسرعة. الـ mentor الجيد: يقرأ research يتابع guidelines يعلمك Evidence Based Practice مش يفضل على معلومات من 20 سنة. 5️⃣ يهتم بتفكيرك مش بدرجتك فيه دكاترة كل تركيزهم: "GPA – الامتحان – الحفظ" لكن mentor الحقيقي يهتم إنك: تفهم تفكر تبقى clinician شاطر. ✅️هل لقيت ال mentor ف حياتك الدراسية؟ ✅️ولو لقيته ايه اللي لاحظته فيه مش موجود عند حد ؟ ✅️هل ممكن تقولنا مين ال mentor ف حياتك؟ ✅️جاوب هنا والكل يستفاد.... https://ahmedrefaatsaraha3.sarhne.com

✅️موضوع إنك نزلتي مواد ده مش نهاية الدنيا ولا معناه إنك مش شاطرة، بالعكس ممكن يبقى فرصة إنك تذاكريهم كويس وتفهميهم أكتر من الأول. ✅️حاولي تعملي كذا حاجة: ✔️ذاكرى بفهم مش حفظ، اسألي نفسك ليه الحاجة دي بتحصل. ✔️اقسمي المذاكرة أجزاء صغيرة يوميًا بدل الضغط مرة واحدة. ✔️استخدمي الرسومات والـ diagrams خصوصًا في الأناتومي. ✔️حاولي تذاكري مع حد أو حتى تشرحي لنفسك بصوت عالي. ✅️وموضوع إنك حاسة إنك لوحدك في الكلية، صدقيني ناس كتير بتحس بكده في الأول، ومع الوقت هتلاقي صحاب وتتعرفي على ناس شبهك. ✅️وبالنسبة لنسيان الأناتومي ده طبيعي جدًا لو اتذاكر حفظ، الحل إنك ترجعي له بطريقة مختلفة: ✔️شوفي صور أو 3D anatomy ✔️اربطي العضلة بالـ function والحركة ✔️راجعيه على فترات قصيرة كل شوية ✅️اطمني، طول ما عندك نية تتحسني وتذاكري، تقدري تعوضي أي حاجة. وربنا يوفقك إن شاء الله 🌱

📚⚡ لو سألت أي طالب علاج طبيعي: إيه أصعب مادة تفهمها؟ غالبًا الإجابة هتكون: Electrotherapy… أجهزة كتير… Parameters معقدة… مراجع كبيرة… ومعلومة مش دايمًا واضحة نستخدم الجهاز إمتى وليه؟ ✅️علشان كده اشتغلنا على كتاب يكون مختلف…🫡🫡❤️ ✅️كتاب يشرح Electrotherapy ببساطة وعمق في نفس الوقت. كتاب مجمعه من اكتر مصدر So Updated 📖 الكتاب ده مبني على أشهر وأقوى المراجع العالمية في المجال، زي: Physical Agents in Rehabilitation Therapeutic Electrophysical Agents Clayton’s Electrotherapy Therapeutic Modalities – William لكن الفرق هنا إن المعلومات متنظمة ومبسطة بحيث توصل لك الفكرة بسرعة وتقدر تطبقها في العيادة.

⏳ Stay Tuned… قريبًا هيكون بين إيديك واحد من أبسط وأقوى الأدلة في Electrotherapy لطلبة العلاج الطبيعي. 📌 التفاصيل الكاملة قريبًا…

Must-Knows of Gait Analysis 📅 Date: 26 – 27 – 28 March 2026 📍 Location: Olympic Center – Hall 1 (Workshop Hall), Cairo ⸻ 🎯 Course Objectives: • To know the schemes of gait divisions • To describe normal gait kinematics & kinetics during walking • To clarify the main prerequisites of normal gait and their components as a platform for gait management • To identify the impact of different impairments on gait prerequisites • To clinically measure these impairments • To figure out possible reasons behind gait deviations • To consider gait prerequisites during gait training • To measure gait using different methods ⸻ 💡 Why Attend / What You’ll Gain: ✅ Available for physiotherapists from different specialties ✅ Learn different methods to measure gait ✅ Build a strong foundation for gait rehabilitation ✅ Understand reasons behind gait deviations ✅ Develop skills in gait analysis & interpretation ⸻ ⚠️ Instructions: • Recording and screenshots are not allowed • Please bring a goniometer & tape measurement ———

ازاي ال AI Tools هتبقى essential في علاج وتأهيل مرضى الاعصاب الفترة الجاية؟ ايه هي الـAI Tools دي ، وازاي ممكن نستخدمها ، ونطورها ونضيفها لروتين شغلنا؟ ده اللى هنعرفه في الويبنار المجاني : 🔰How Can Artificial Intelligence Advanced Neurological Rehabilitation? ✅ الحق سجل الان مجاناً قبل اكتمال العدد: https://forms.gle/u9MR9A8tCjrvmdNX8 َمتنساش تضيف صحابك🤍

✅️Case Imagination for all levels

ليه احنا مش بنفهم محتوي الكلية والداتا وبنحفظ بس او نلاقي صعوبة ف فهم المحتوي ؟! بالنسبالي انا ك احمد رفعت رايي الخاص شايف ان علشان الداتا بتاعتنا متاخده من قشور التكستات الكبيرة المحتوى اللي بندرسه في الكلية غالبًا بيكون مختصر جدًا أو مأخوذ قشور من الكتب الكبيرة، وده بيعمل مشكلة في الفهم. خليني أوضح لك الفكرة يصحبي: 1️⃣ السلايدات بتبقى خلاصة من كتب ضخمة الدكتور غالبًا بيكون واخد المعلومات من كتب كبيرة زي: Brunnstrom's Clinical Kinesiology Kendall Muscles Testing and Function Therapeutic Exercise by Carolyn Kisner الكتب دي بتشرح: السبب الميكانيزم الأمثلة الحالات الإكلينيكية لكن السلايد بيبقى فيها سطرين أو 3 بس. 2️⃣ لما تقرأ القشرة بس… الفهم بيضيع مثال: لو السلايد كاتبة بس: Weak gluteus medius → Trendelenburg gait لو ما فهمتش: وظيفة العضلة ميكانيكا الحوض ليه الحوض بيقع هتحفظ الجملة وخلاص. لكن لما تفهم إن ضعف Gluteus Medius بيخلي الحوض ينزل في المشي، ساعتها الموضوع يبقى منطقي. 3️⃣ السلايدات معمولة للمراجعة مش للتعلم في الحقيقة: الكتاب للتعلم السلايد للمراجعة لكن في جامعاتنا بنعكس الموضوع. 4️⃣ الحل العملي مش لازم تقرأ الكتاب كله، لكن: اعمل كده: اقرأ السلايد افتح فيديو أو شرح بسيط شوف صورة أو case كده الدماغ يفهم قبل ما يحفظ. عن نفسي بعمل Case Imagination علشان اتغلب ع حاجه زي دي واقرا شويه ف نفس الوقت

اصعب مسج وصلني من فترة بعيدة ولغايه دلوقتي مش فاهم هو عايز ايه😂😂😂😂

بص يا دكتور، أهم حاجة علشان تذاكر بفهم مش حفظ إنك تغيّر طريقة المذاكرة شوية. ✅️حاول وأنت بتذاكر الروندات تسأل نفسك دايمًا: • الحالة دي جالها ليه المشكلة؟ (Pathology) • الأعراض إيه؟ • أنا كـ PT دوري إيه؟ • إيه التمارين أو العلاج المناسب؟ يعني حاول تربط المعلومة بحالة حقيقية مش تحفظها ككلام وخلاص. ✅️كمان في الروندات حاول تعمل الحاجات دي: 1️⃣ قبل ما تنزل الروند اقرأ بسرعة عن الحالات اللي ممكن تتقابل. 2️⃣ لما تشوف مريض اسأل نفسك: أنا لو الدكتور سألني هقول إيه؟ 3️⃣ بعد ما تخلص الروند راجع الحالة تاني في البيت. وطريقة كويسة جدًا للفهم: ✅️حاول تشرح الموضوع لزميلك أو لنفسك بصوت عالي كأنك الدكتور اللي بيشرح. ✅️مع الوقت هتلاقي نفسك فاهم أكتر وبتفتكر المعلومات بسهولة في الروندات. 💪

اللي يلاقي الجروب اكتمل يبقي يبعتلي وانا ادخله

من قسم الـ Biomechanics بجامعة القاهرة.. وإلى العالمية كعضو في أرقى الجمعيات العلمية الدولية! 🌍🔬 في Fix & Fit، هدفنا دائمًا نقدملك العلم من مصادره الموثوقة. وعشان كده، محاضرة الليلة مش مجرد "معلومات نظرية"، دي خلاصة علمية بيقدمها متخصص مشهود له بالكفاءة البحثية والأكاديمية عالمياً. يسعدنا ويشرفنا استضافة القامة العلمية: 🎤 Dr. Ahmed Raffet عضو الجمعية العلمية الدولية Sigma Xi (The Scientific Research Honor Society) - وهي الجمعية العريقة التي ضمت في عضويتها كبار علماء العالم (مثل ألبرت أينشتاين وأكثر من 200 حائز على نوبل). بجانب كونه: ✅ Clinical Kinesiologist ✅ Teaching Staff Member - Dept. of Biomechanics, Faculty of Physical Therapy, Cairo University. 🔥 Live Webinar | Fix & Fit فهم الـ Biomechanics الحقيقي للعمود الفقري القطني هو الأساس اللي بيبنى عليه التشخيص الصح وخطة التأهيل الفعالة. 🦴 BIOMECHANICS OF LUMBAR SPINE في المحاضرة دي، د. أحمد رأفت هيشرح لنا: ✔️ الـ Functional Biomechanics للفقرات القطنية. ✔️ العلاقة العميقة بين Movement – Load – Stability في الـ Lumbar Spine. ✔️ إزاي نفهم ميكانيكية الإصابة والـ Mechanical Low Back Pain. ✔️ تطبيقات سريرية عملية تساعدك مباشرة في الـ Assessment & Rehabilitation. 🚀 محاضرة مهمة جداً لأي Physiotherapist أو طالب علاج طبيعي حابب يفهم العمود الفقري بطريقة أعمق وأدق من مجرد التشريح التقليدي. 📅 الموعد: الليلة، الخميس 12 مارس 2026. ⏰ الوقت: 10:00 مساءً بتوقيت القاهرة. 💻 المنصة: Microsoft Teams. انضم لنا وكن جزءاً من سلسلة المحاضرات العلمية اللي بيقدمها Fix & Fit لتطوير المعرفة في مجال التأهيل. Join us & Stay Tuned! 🔥 https://chat.whatsapp.com/LdjuT5HDwrv26KjKdbCKHH?mode=hqctcli

اللي بتحسي بيه ده طبيعي جدًا في الكلية، ضغط الكويزات والامتحانات بيخلي الواحد يحس إنه بيذاكر بس مش مستمتع بالعلم. حاولي تعملي توازن بسيط: ✅️• خلي عندك وقت صغير تذاكري فيه للفهم مش للامتحان. ✅️• لما تنزلي تدريب أو تشوفي حالة حاولي تربطيها باللي درستيـه. ✅️• ما تضغطيش على نفسك إنك تبقي فاكرة كل حاجة، الخبرة بتيجي بالتدريج. ومعلومة مهمة: كون إنك عايزة تحبي العلم وتتعلّمي بجد ده في حد ذاته بداية كويسة جدًا، ومع الوقت والتدريب هتلاقي نفسك بتفهمي أكتر وبتستمتعي بالمجال إن شاء الله. 💪

جرب تمشي على الخطوات دي: 1️⃣ اقسم كل مادة لأجزاء صغيرة، وما تحاولش تلم المادة كلها مرة واحدة. 2️⃣ ركز على الفهم والعناوين الأساسية مش حفظ كل كلمة. 3️⃣ حل امتحانات سابقة كتير، دي بتخليك تعرف أهم الأفكار اللي بتيجي في الامتحان. 4️⃣ بعد ما تخلص أي جزء حاول تراجعه بسرعة أو تشرحه لنفسك علشان يثبت. 5️⃣ خلي آخر يومين قبل الامتحان للمراجعة السريعة بس. وبرضه حاول تذاكر بطريقة Pomodoro مثلًا: ذاكر 45 دقيقة تركيز وبعدها 10 دقائق راحة.