طبيب على الدرب 🎒

إلى أولائك الذين زاحمت أعمالهم في مستشفياتهم ومختبراتهم وبين أجهزتهم زاحمتهم على ورد من القرآن أو قيام الليل أو ذكر متصل . لا تبتئس فأنت في عبادة مادمت مخلصا . ( الإخلاص هو الذي يجعل الطبيب المسلم والطبيبة المسلمة يحتسب الأجر قبل أخذ المال، ويحتسب الاجر قبل الترقي وأخذ العلاوات والدرجات الأكاديمية أو الطبية.. الإخلاص هو الذي يجعل الطبيب المسلم يحتسب الأجر في زيارة المريض قبل أن يعالجه، فهو عندما يذهب في الجولة الساعة الثامنة صباحاً على أقسام المستشفى أو على القسم الذي يعالج فيه المرضى؛في قلبه من الداخل نية احتساب الأجر إخلاصاً لله والحصول على الأجر الوارد في حديث النبي صلى الله عليه وسلم في أن الذي يزور المريض يصلي عليه الملائكة سبعون ألف ملك ، وقد كان الصحابة يذكر بعضهم بعضاً بهذا، فقد جاء في حديث ثوير عن أبيه أخذ علي بيدي فقال انطلق بنا إلى الحسن بن علي نعوده فوجدنا عنده أبا موسى الأشعري، فقال علي لأبي موسى عائداً جئت أو زائراً؟، فقال علي: إن سمعت رسول الله صلى الله عليه وسلم يقول: (ما من مسلم يعود مسلماً غدوة إلا صلى عليه سبعون ألف ملك حتى يمسي ولا يعوده مساء إلا صلى عليه سبعون ملك حتى يصبح وكان له خريف في الجنة ) إنه يمشي في مخرفة الجنة بمعنى أن طيلة المشي من غرفة الطبيب إلى المصعد إلى أسياب المستشفى حتى يصل إلى غرفة المريض الثاني والثالث والرابع والخامس وراجعاً إلى غرفته هذا الممشى في ثمر الجنة، كله عبارة عن ثمار مخرفة من الجنة في الحقيقة يسير فيها ويحصل عليها يوم القيامة،إن هذه النية الصالحة نتيجة الإخلاص تتجدد في نفسه كل يوم والممارسة اليومية لا تمنعه من تذكر الأجر واحتسابه وإنه من إخلاصه مستعد أن يعمل خارج الدوام ولو من غير مقابل خصوصاً في الحالات الطارئة أو في حالات الأزمات والكوارث مثلاً،هذا ليس له علاقة بشرف المهنة فقط أو القسم الطبي كما يقولون بل هو مسلم يرجو ما عند الله بعمله، هب أن امرأة مسلمة استشارية أو طبيبة نساء وولادة انتهت نوبتها وستنصرف إلى بيتها وجاءت إلى المستشفى امرأة الآن في حالة طوارىء أو على وشك الوضع ولا يوجد إلا رجال فهذه الطبيبة المسلمة تحتسب الأجر مادامت هذه المرأة وصلت إليها وستذهب إلى رجل ولا يوجد امرأة إلا هي فهي تبقى احتساباً للأجر مع أنها مجهدة وسهرت طوال الليل وتريد أن تذهب إلى بيتها ولكن من أجل انقاذ أختها المسلمة التي جاءت المستشفى من إطلاع رجل على عورتها المغلظة فهي من إخلاصها لله تعمل خارج النوبة حتى لو كان بدون مقابل..) -حلية الطبيب المسلم - محمد المنجد

طوّلنا الغيبة💔 أعذرونا🙏🏽 راجعين للكتابة والنشر بإذن الله 🖤

🟢أسباب الكُحَّة .. عارف الكحة بتجيك إنت أو بتجي لأطفالك من شنو🤔 أول وأهم سبب👇 1- التهابات الجهاز التنفسي العلوي: دا أكتر أسباب الكحة انتشارًا بين الناس، كبار وصغار. الفيروسات -وهي كائنات مُمْرِضة- بتدخل تهاجم (الأنف) و(الحلق)، فبتتسبب بأمراض زي نزلات البرد والانفلونزا والتهابات الحلق. نتيجة للهجوم دا، المريض حيشكي من حمى وسيلان أنف ووجع حلق.. وكحة🤧. بنعالج الأمراض دي في الغالب عن طريق أدوية تخفف الأعراض: ✔️مضادات هستامين (أنتستين) ومضادات كحة. ✔️طارد بلغم. ✔️بندول أو بروفين للحمى ووجع الحلق. ✔️قطرات أو حبوب لإحتقان وحساسية الأنف. ✔️ملطفات للحلق زي (حلاوة زاهي®). ✔️مع نصائح غذائية لتحسين مناعة الجسم. ✅توجد شَرَابات كُحة تحتوي على ميزتين أو أكتر من الميزات العلاجية الفوق، زي شرابات الكحة المستخلصة من الأعشاب☘️ مثال: شراب (نو كف - Nocuf®) واللي بتشتغل (مهدئة للكحة) و(طاردة للبلغم) و(ملطفة للحلق) وبعضها (موسعة للشعب الهوائية).. يتم الحصول عليها من الصيدلية مباشرةً بدون روشتة، بعد عرض الحالة على الصيدلي. 🔸في أسباب كتيرة تانية للكُحة، حنتكلم عن كل واحدة بالتفصيل في بوستات قادمة إن شاء الله، وهي: 2- استنشاق المواد المهيجة. 3- حمى القش Hay fever (Allergic rhinitis). 4- التهابات الجهاز التنفسي السفلي. ودي نتيجة لعدوى فيروسية ومرات بكتيرية، كحتها عميقة أكتر وبتصيب الشعب الهوائية Bronchitis وقد تتعمق للرئة وتتسبب في التهاب رئوي Pneumonia. 5- بعض الأمراض الرئوية والقلبية زي الإنصمام الرئوي pulmonary embolism ومرض قصور القلب. 6- ارتجاع المريء ومشاكل الجهاز الهضمي. 7- الأزما والإنسداد الرئوي المزمن COPD. 8- تليف الرئة. 9- الحساسيات. 10- بعض الأدوية. 11- التدخين. 🔺#Ref: -American Lung Association -NHS #توعية_صحية #معلومات_دوائية #صيدلة

لماذا نحب اللحم المشوي؟ في ١٩١٢ وصف الكيميائي الفرنسي لويس كامييه مايلارد التفاعل الذي سُمِّيَ باسمه: تفاعل مايلارد Maillard Reactin. وهو ما يحدث بين السكر المختزل والأحماض الأمينية في الغذاء حين يتفاعلان معًا عند ملاقاة درجة حرارة عالية (حوالي ١٤٠ درجة سيليزيوس). هذا التفاعل لا يمكن أن يحدث في درجات حرارة عند المئة أو أقل، وهي الدرجة التي لا يتجاوزها الماء المغلي، وهو السبب الذي يجعل الطعام المشوي والمقلي له نكهات أغنى كثيرًا وأكثر اختلافًا عن الطعام المسلوق. اللحم المشوي، سطح الرغيف المخبوز الذهبي، الجبن المقلي أو السائح والمحمر، أو حتى حبوب البن المحمصة.. ما يجعل كل هذه النكهات محببة بالنسبة لك هو تفاعل مايلارد حين يتفاعل السكر مع الأحماض الأمينية لينتج مركبًا يسمى Schiff base، ثم يتحول إلى Amadori Compuond، والذي يتحلل إلى مركبات أبسط ثم يعاد دمجها مرة أخرى في صورتين أساسيتين: مركب غير عطري يعطي اللون البني المميز للمشويات والمقليات يسمى Melanoidines ومركبات عطرية متطايرة Volatile هي المسئولة عن النكهة. ولكن ما علاقة العطر بالنكهة؟ هل نشعر بمذاق الطعام بالأنف أم اللسان؟! المفاجأة أن اللسان لا يستطيع إلا التمييز بين خمسة مذاقات مختلفة ودرجتي حرارة! يستطيع تمييز الحلو والحادق واللاذع والمر وأومامي (طعم البروتين). ويشعر بالأشياء الحارة مثل الفلفل (تأثير الكابسيسين) والباردة مثل حلوى النعناع (تأثير المنتول). لكن فيما عدا ذلك، كل المذاقات المختلفة للنكهات نشعر بها بأنوفنا! يدفع اللسان هذه المركبات العطرية إلى مؤخرة الحلق لتصعد إلى الأنف من الخلف أثناء المضغ أو البلع لتدركه المستقبلات الشمية Olfactory bulbs. لا تشعر بذلك بالطبع. لا تشعر حين تتذوق مذاقًا جميلًا لقطعة مشوية من اللحم أنك تدرك طعمها الجميل بأنفك وليس لسانك، والسبب أنك تشم من الداخل وليس من الخارج، لا تستنشق رائحة ولكن تتذوق رائحة! تُعرف هذه الظاهرة باسم الشمّ الرجعي Retronasal Olfaction. من يفقد حاسة الشم Anosmia يفقد من ٨٠ إلى ٩٠% من النكهة، ويدرك فقط النطاقات العامة للطعم، مثل أن يميز بين الحلو والحادق فقط. الذين يفقدون حاسة شمهم ولو بشكل مؤقت مثلما حدث مع الكورونا لم يستطيعوا أن يتذوقوا أي شيء. فقط إدراك عام، هذا حلو وهذا حادق وهذا مر وهذا بارد، لكن فيما عدا ذلك فالطعام يبدو لا روح له. لا طعم ولا نكهة حقيقية له! ولكن كم رائحة يمكننا تذوقها؟ كم نكهة طعام يمكننا إدراكها؟ بحسب دراسة شهيرة في ٢٠١٤ ونشرت في مجلة Science بقيادة Leslie Vosshall فالإنسان نظريًا يستطيع التمييز بين تريليون رائحة! عمليًا، فالإنسان العادي يستطيع التمييز بين ١٠ آلاف و١٠٠ ألف رائحة مختلفة. ولكن الرائحة جزء من النكهة، هناك الطعم (خمسة أنواع)، والحرارة (كمية الكابسيسين أو المنتول)، والقوام (مقرمش، كريمي، ناعم، لزج...). يعني ذلك أن عدد النكهات المختلفة التي يمكن أن يميزها الإنسان عن بعضها البعض تقدر بالآلاف والملايين! وللعودة إلى اللحم المشوي تحديدًا الذي بدأنا به كلامنا. فمذاق شريحة اللحم المشوية هي نتاج مجموع كل من تفاعل ميلارد + جزيئات هيم الموجودة في ال Myoglobin في عضلات الحيوانات + الدهون المشبعة + حرارة عالية تولد مركبات عطرية مثل Pyrazines وSulfur compounds. هذا الطعم الرائع الذي يكرمنا الله به خصوصًا في هذه الأيام لم يكن نتاج نعمة مفردة واحدة من الله: قطعة لحم. بل هو مجموع من النعم المعقدة والتركيبات البيولوجية والكيميائية الفريدة التي خلقها الله عز وجل في الأشياء من حولنا كي تأكل شيئًا، بل أشياء، بل آلاف وملايين الأشياء، فتشعر بالمتعة، بالانتشاء، باللذة، بالشبع المعنوي قبل المادي، ولا يريد الله منك شيئًا سوى أن تتملظ هذا الطعام من حلال، وتستمتع به، ويطلع على قلبك ليراه شاكرًا حامدًا على لقمته، فيرضى عنك بذلك. هل هذا إله يريد أبداً قسوةً بعباده؟! -د. مهاب السعيد

لا تنسونا من صالح الدعاء 💙

🟢أسباب الكُحَّة .. عارف الكحة بتجيك إنت أو بتجي لأطفالك من شنو🤔 أول وأهم سبب👇 1- التهابات الجهاز التنفسي العلوي: دا أكتر أسباب الكحة انتشارًا بين الناس، كبار وصغار. الفيروسات -وهي كائنات مُمْرِضة- بتدخل تهاجم (الأنف) و(الحلق)، فبتتسبب بأمراض زي نزلات البرد والانفلونزا والتهابات الحلق. نتيجة للهجوم دا، المريض حيشكي من حمى وسيلان أنف ووجع حلق.. وكحة🤧. بنعالج الأمراض دي في الغالب عن طريق أدوية تخفف الأعراض: ✔️مضادات هستامين (أنتستين) ومضادات كحة. ✔️طارد بلغم. ✔️بندول أو بروفين للحمى ووجع الحلق. ✔️قطرات أو حبوب لإحتقان وحساسية الأنف. ✔️ملطفات للحلق زي (حلاوة زاهي®). ✔️مع نصائح غذائية لتحسين مناعة الجسم. ✅توجد شَرَابات كُحة تحتوي على ميزتين أو أكتر من الميزات العلاجية الفوق، زي شرابات الكحة المستخلصة من الأعشاب☘️ مثال: شراب (نو كف - Nocuf®) واللي بتشتغل (مهدئة للكحة) و(طاردة للبلغم) و(ملطفة للحلق) وبعضها (موسعة للشعب الهوائية).. يتم الحصول عليها من الصيدلية مباشرةً بدون روشتة، بعد عرض الحالة على الصيدلي. 🔸في أسباب كتيرة تانية للكُحة، حنتكلم عن كل واحدة بالتفصيل في بوستات قادمة إن شاء الله، وهي: 2- استنشاق المواد المهيجة. 3- حمى القش Hay fever (Allergic rhinitis). 4- التهابات الجهاز التنفسي السفلي. ودي نتيجة لعدوى فيروسية ومرات بكتيرية، كحتها عميقة أكتر وبتصيب الشعب الهوائية Bronchitis وقد تتعمق للرئة وتتسبب في التهاب رئوي Pneumonia. 5- بعض الأمراض الرئوية والقلبية زي الإنصمام الرئوي pulmonary embolism ومرض قصور القلب. 6- ارتجاع المريء ومشاكل الجهاز الهضمي. 7- الأزما والإنسداد الرئوي المزمن COPD. 8- تليف الرئة. 9- الحساسيات. 10- بعض الأدوية. 11- التدخين. 🔺#Ref: -American Lung Association -NHS #توعية_صحية #معلومات_دوائية #صيدلة

ECG من أهم الحاجات المفروض تعرفها في الباطنية والطواريء. معظم ناس الوحدات بعلموك ليها خطوة خطوة ما بقصروا معاك بس أنت لو مشيت جاهز بتكون ريحت نفسك وريحتهم. الطبيب المصري محمود علام عامل ٢٥ فيديو بعلمك رسم القلب من الصفر فيديوهات صغيرة وممتعة ومفيدة وكافية 〽️ https://youtube.com/playlist?list=PLLG-kWu6RTuA0cbmIIMk56GX4jwvRGQSc

🟢حبوب الملاريا (الكوارتم) بتتبلع (بعد الأكل)، الأكل الدهني بالذات، زي مثلاً (مشتقات الألبان)🥛 🔸حبوب الكوارتم (بتجي بأسماء تجارية تانية برضو) عبارة عن خط العلاج الأول لمرض الملاريا غير الوخيمة، بتتكون من مادتين: 1- Artemether أرتميثر 2- Lumefantrine ✅الأبحاث بتقول إنو إمتصاص مادة الأرتميثر Artemether بكون أفضل مرتين لي تلاتة مرات إذا إتأخدت بعد الأكل، وامتصاص المادة التانية في الكوارتم، اللي هي Lumefantrine، إذا إتبلعت بعد الأكل بيزيد 16 مرة، خصوصاً إذا كان الأكل دهني. 👈تعليمات أخرى مهمة😌: 🔸إذا استفرغت بعد بلع حبوب الكوارتم بي نص ساعة أو أقل، مفروض تكرر الجرعة. ولو استفرغت تاني بعد تكرار الجرعة بي فترة وجيزة، مفروض طوالي تراجع الدكتور عشان يشوف ليك حل. 🔸(الكوارتم) وعلاجات الملاريا ممنوع صرفها بدون فحص، فبالتالي إنت لما تكون حاسي بأعراض الملاريا زي "الحمى، الصداع، الإستفراغ، مرارة في الخشم، فقدان الشهية ..الخ" مفروض تمشي تقابل الطبيب وتفحص، ما تمشي الصيدلية طوالي وتقول ليهم ملاريتي بعرفها أدوني العلاج. الملاريا بيتم تشخيصها بالفحص لأنو أعراضها بتتشابه مع أعراض أمراض كتيرة تانية. 🔸ممنوع تتناول #قريب_فروت أو تشرب عصيرو في الأيام البتاخد فيها حبوب الملاريا (الكوارتم)، لأنو القريب فروت بيزيد من سُمِّية الكوارتم في الدم. الليمون والبرتقال ما عندهم مشكلة، المشكلة في القريب فروت بس. 🔸الكوارتم آمن للمرأة الحامل في جميع مراحل الحمل. يستحسن وبنوصي شدييد بي إنو الناس تكون حريصة جداً على عدم إصابة الحامل بالملاريا، بمكافحة البعوض وطردو من بيتها وغرفتها ونغطي أواني حفظ المياه زي الأزيار والبراميل ونغسلها أسبوعيًا ونردم أماكن توالد البعوض، وننوم الحامل في ناموسية. نفس الأمر بالنسبة للأمراض التانية، نوفر ليها أساليب الوقاية، والتغذية الصحية السليمة ليها عشانها وعشان طفلها الجاي❤ 🔸حبوب الكوارتم بتقلل فاعلية موانع الحمل الهرمونية، فإذا عاملة تنظيم للحمل وكتبوا ليكي حبوب الكوارتم فيجب استخدام وسيلة منع حمل إضافية (كاندم مثلًا) في حال ممارسة العلاقة الحميمية قبل الإنتهاء من جرعات الكوارتم. 🔸حبوب الكوارتم بتتداخل مع حبوب وعلاجات تانية، توجد محاذير من تناولها في نفس الفترة مع بعض الأدوية زي أدوية الصرع الـ "فينيتوين phenytoin" والتقرتول "كاربامازبين Carbamazepine".. وكذلك تناولها مع بغض المضادات الحيوية "سيبروفلوكسسين Ciprofloxacin" و"فلاجيل Metronidazole" بالنسبة لمرضى القلب. يرجى دائمًا استشارة الصيدلي عن التداخلات المحتملة بين الأدوية البتاخدها مع بعض. 🔸حبوب الكوارتم ممكن بلعها كاملة، أو كسرها، أو مضغها، أو تذويبها في الماء أو اللبن وشربها.. كلو ممكن. ✅في حالة نسيان الجرعة: أخد الجرعة مباشرةً أول ما تتذكرها، إذا وقت الجرعة التالية قرب شديد فخلي الجرعة المنسية وأبلع الجرعة التالية في موعدها، وأوعى تدبل الجرعة عشان تعوض الجرعة الفاتت النسيتها. 🔸في آثار جانبية مصاحبة للكوارتم ممكن تجيك أثناء تناولك ليها، زي (فتور وكسير في الجسم، حمى، صداع) فعشان كدا الدكتور عادةً بيكتب ليك بندول أو مسكّن مع العلاج لتخفيف الأعراض المصاحبة للمرض وآثار الكوارتم الجانبية. 👈وطبعاً إذا جاتك حساسية من الكوارتم فوقّفها طوالي وأمشي راجع الطبيب. ✍️Mohammed Altahir #مصادر: -Sudan Malaria Case Management Protocol 2023 -WHO Guidelines for Malaria, e 30 Nov 2024 https://www.who.int/publications/i/item/guidelines-for-malaria - Lexicop https://www.drugs.com/mtm/artemether-and-lumefantrine.html #معلومات_دوائية #توعية_صحية #صيدلة

🟢خطأ شائع بخصوص الكوليرا🦠🚨 في منشورات حايمة بتقول ليكم أجروا جيبوا حبوب الـ (دوكسيسايكلين - Doxycycline) الخضراء من الصيدلية وأبلعوها بمجرد ما جاتكم أعراض كوليرا أو انتو في منطقة موبوءة بالكوليرا. يلا الكلام دا ما دقيق.. ومضلِّل🚫 الحاجة المفروض الناس تجري وتجيبها هي محلول التروية ORS، من الصيدلية أو ممكن يتعمل في البيت لو ما متوفر في المنطقة. ليه⁉️ لأنو سبب الوفيات البتحصل وسط المصابين بالكوليرا؛ هو فقدان الجسم للسوائل والمعادن بكميات كبيرة شديد مع الاسهال. فلازم الفقد دا يتعوَّض. عن طريق إنو نسقي المريض بإستمرار محلول التروية ORS سواء كان جاهز من الصيدلية، أو معمول في البيت. 🔸طيب (الدوكسيسايكلين) دا قصتو شنو والمريض ياخدو متين🤔❗ تعال أقرا الكلام دا بي رواقة واستفيد♥ 👈المرضى البعانوا من أعراض الكوليرا بيتم تقسيمهم لـ 3 فئات. 1/ الفئة الأولى: عندهم إسهال يشبه موية الرز وعدم جفاف. يعني مرضى كوليرا ما بعانوا من أعراض جفاف. ✅ديل بياخدو فقط محلول تروية ORS، وممكن ذاتو ياخدوهو في البيت، ما ضروري يمشوا المستشفى أو مركز العزل. 2/الفئة التانية: إسهال يشبه موية الرز مع جفاف خفيف. قد يكون عندهم (جفون غائرة، نبض أسرع من الطبيعي قليلًا، عطش متكرر لكن قادر يشرب، إذا قرصت الجلد بيدك وفكيتو الجلد بيرجع لوضعو الطبيعي بصورة أبطأ..). ✅وديل بيتم علاجهم أيضًا بمحلول التروية ORS فقط وبنجاح. نعوض ليهم الفقد البحصل ليهم. 3- الفئة التالتة: إسهال يشبه موية الرز مع جفاف شديد. بكون عندو واحد من الأعراض التالية: (نبض ضعيف، فقدان وعي، ضيق في التنفس، ما قادر يشرب سوائل أو بيشرب بسيط جدًا، عيون غائرة جدًا، الجلد اذا ضغطتو أو قرصتو وفكيتو بيرجع لوضعو الطبيعي بصورة بطيئة شديد). ✅ديل بيتم علاجهم بمحاليل وريدية (دربات) في مركز العزل أو المستشفى. بياخدوا محلول رينقر، أو ملح أو مخلوط في حالة العدم، مع تصحيح الالكترولايتس. والانتقال للتعويض الفموي متى ما اصبحوا قادرين على تناول السوائل بالفم وما بيستفرغوا. 🔸طيب ما وريتنا الـ (دوكسيسايكلين) مالو برضو🤛 👈الدوكسيسايكلين بنديهو لناس الفئة التالتة✅ بعد تصنيفهم من قبل الطبيب ضمن الفئة دي. 👈وبنديهو لناس الفئة الأولى والتانية في الحالات التالية فقط: 1- المريض بيسهل وبيفقد بمعدل عالي (مرة على الأقل كل ساعة). 2- المريض لسه بعاني من الجفاف بعد مرور أربعة ساعات من العلاج بالتعويض الفموي. 3- المريض بعاني من مرض آخر زي (سوء تغذية حاد، فيروس نقص المناعة HIV). 4- امرأة حامل. إذا كان مريض الكوليرا ضمن الحالات دي، بغض النظر عن درجة الفقد والجفاف، مع العلاج الأساسي (محلول التروية ORS) بنديهو مضاد حيوي (دوكسيسايكلين) 300 ملجم جرعة واحدة للبالغين؛ كخط أول، أو (أزيثرومايسين أو سيبروفلوكساسين) في حالة العدم. المضاد للفئات دي ممكن يقلل من فترة وكمية الإسهال، وتقليل طرح البكتيريا المسببة في البراز. ودورو ثانوي، بعد التعويض سواء بملحلول التروية ORS للفئة الأولى والتانية، أو بالدربات ثم محلول التروية للفئة التالتة. وقعت؟! لأ دقيقة🙋🏽‍♂️.. انت قلت الحامل يدوها (دوكسيسايكلين) ولا سمعت غلط🤔؟! أيوة نعممم، الـ (دوكسيسايكلين) هو الخيار المفضل والخط الأول لعلاج النساء (الحوامل) المصابات بالكوليرا، مع التعويض بمحلول التروية. في حال فشل علاج الحامل بالـ (دوكسيسايكلين) أو وجود مقاومة أو عدم توفرو؛ بعداك ننتقل للـ (أزيثرومايسين). ودا تصحيح لمعلومة خاطئة حايمة برضو👏💚 📌إضافة: الأطفال الأعمارهم بين 6 أشهر لـ 5 سنوات -بغض النظر عن درجة الجفاف- يجب البدء فورًا في تناول مكملات الزنك (20 ملغم من كبريتات الزنك يوميًا لمدة 10 أيام) لتقليل حجم الإسهال ومدته. 👏شاركنا بي رأيك في التعليقات، وأعمل مشاركة للبوست عشان الفائدة تعم💚💚 ✍️ Mohammed Altahir 🔸#مصادر: https://www.choleraoutbreak.org/book-page/section-7-case-management-treatment-facilities.html البرتوكول الوطني لعلاج الكوليرا Sudan National Cholera Treatment Protocol 2023 -World Health Organization (WHO) -National Institutes of Health, UK (NIH) -Centers for Disease Control and Prevention, US (CDC) #معلومات_دوائية #توعية_صحية #صيدلة

السلام عليكم عايز زول في عطبرة خدمة بسيطة في إدارة الإمتياز @doc7as

🟢حبوب الملاريا (الكوارتم) بتتبلع (بعد الأكل)، الأكل الدهني بالذات، زي مثلاً (مشتقات الألبان)🥛 🔸حبوب الكوارتم (بتجي بأسماء تجارية تانية برضو) عبارة عن خط العلاج الأول لمرض الملاريا غير الوخيمة، بتتكون من مادتين: 1- Artemether أرتميثر 2- Lumefantrine ✅الأبحاث بتقول إنو إمتصاص مادة الأرتميثر Artemether بكون أفضل مرتين لي تلاتة مرات إذا إتأخدت بعد الأكل، وامتصاص المادة التانية في الكوارتم، اللي هي Lumefantrine، إذا إتبلعت بعد الأكل بيزيد 16 مرة، خصوصاً إذا كان الأكل دهني. 👈تعليمات أخرى مهمة😌: 🔸إذا استفرغت بعد بلع حبوب الكوارتم بي نص ساعة أو أقل، مفروض تكرر الجرعة. ولو استفرغت تاني بعد تكرار الجرعة بي فترة وجيزة، مفروض طوالي تراجع الدكتور عشان يشوف ليك حل. 🔸(الكوارتم) وعلاجات الملاريا ممنوع صرفها بدون فحص، فبالتالي إنت لما تكون حاسي بأعراض الملاريا زي "الحمى، الصداع، الإستفراغ، مرارة في الخشم، فقدان الشهية ..الخ" مفروض تمشي تقابل الطبيب وتفحص، ما تمشي الصيدلية طوالي وتقول ليهم ملاريتي بعرفها أدوني العلاج. الملاريا بيتم تشخيصها بالفحص لأنو أعراضها بتتشابه مع أعراض أمراض كتيرة تانية. 🔸ممنوع تتناول #قريب_فروت أو تشرب عصيرو في الأيام البتاخد فيها حبوب الملاريا (الكوارتم)، لأنو القريب فروت بيزيد من سُمِّية الكوارتم في الدم. الليمون والبرتقال ما عندهم مشكلة، المشكلة في القريب فروت بس. 🔸الكوارتم آمن للمرأة الحامل في جميع مراحل الحمل. يستحسن وبنوصي شدييد بي إنو الناس تكون حريصة جداً على عدم إصابة الحامل بالملاريا، بمكافحة البعوض وطردو من بيتها وغرفتها ونغطي أواني حفظ المياه زي الأزيار والبراميل ونغسلها أسبوعيًا ونردم أماكن توالد البعوض، وننوم الحامل في ناموسية. نفس الأمر بالنسبة للأمراض التانية، نوفر ليها أساليب الوقاية، والتغذية الصحية السليمة ليها عشانها وعشان طفلها الجاي❤ 🔸حبوب الكوارتم بتقلل فاعلية موانع الحمل الهرمونية، فإذا عاملة تنظيم للحمل وكتبوا ليكي حبوب الكوارتم فيجب استخدام وسيلة منع حمل إضافية (كاندم مثلًا) في حال ممارسة العلاقة الحميمية قبل الإنتهاء من جرعات الكوارتم. 🔸حبوب الكوارتم بتتداخل مع حبوب وعلاجات تانية، توجد محاذير من تناولها في نفس الفترة مع بعض الأدوية زي أدوية الصرع الـ "فينيتوين phenytoin" والتقرتول "كاربامازبين Carbamazepine".. وكذلك تناولها مع بغض المضادات الحيوية "سيبروفلوكسسين Ciprofloxacin" و"فلاجيل Metronidazole" بالنسبة لمرضى القلب. يرجى دائمًا استشارة الصيدلي عن التداخلات المحتملة بين الأدوية البتاخدها مع بعض. 🔸حبوب الكوارتم ممكن بلعها كاملة، أو كسرها، أو مضغها، أو تذويبها في الماء أو اللبن وشربها.. كلو ممكن. ✅في حالة نسيان الجرعة: أخد الجرعة مباشرةً أول ما تتذكرها، إذا وقت الجرعة التالية قرب شديد فخلي الجرعة المنسية وأبلع الجرعة التالية في موعدها، وأوعى تدبل الجرعة عشان تعوض الجرعة الفاتت النسيتها. 🔸في آثار جانبية مصاحبة للكوارتم ممكن تجيك أثناء تناولك ليها، زي (فتور وكسير في الجسم، حمى، صداع) فعشان كدا الدكتور عادةً بيكتب ليك بندول أو مسكّن مع العلاج لتخفيف الأعراض المصاحبة للمرض وآثار الكوارتم الجانبية. 👈وطبعاً إذا جاتك حساسية من الكوارتم فوقّفها طوالي وأمشي راجع الطبيب. ✍️Mohammed Altahir #مصادر: -Sudan Malaria Case Management Protocol 2023 -WHO Guidelines for Malaria, e 30 Nov 2024 https://www.who.int/publications/i/item/guidelines-for-malaria - Lexicop https://www.drugs.com/mtm/artemether-and-lumefantrine.html #معلومات_دوائية #توعية_صحية #صيدلة

مشاكل المجلس الطبي السوداني غاندي أحمد إبراهيم https://www.facebook.com/share/p/12JFq56HhwN/

شيفت الباطنية/Internal medicine (2): 🔝كطبيب في المستشفى أول وأهم حاجة تعملها أنك تتعلم كيف تتعامل مع الemergency زي العيان البجيك in coma أو الconvulsion والchest pain. تعرف الcauses والdifferential لكل حاجة من ديل. ▪️تعرف الMI و قراية الECG. ▪️والType of stroke وكيف تتعامل معاها. ▪️تعرف الAKI&CKD وكيف تتعامل معاهم ومع كل حالات الRenal وتعرف الdialysis. ▪️تعرف كيف تتعامل مع أصحاب الأمراض المزمنة وكيف تكتشفها وتعالجها وأهمها DM&HTN&Heart disease... تعرفهم from a to z. ▪️تعرف الelectrolyte Disturbance and how to correct. ▪️تعرف الTropical disease في منطقتك، وأشهرهم malaria, typhoid, dangue, colera... قد تختلف من منطقة للتانية. ▪️تعرف الliver disease واشهرها hepatitis... ولازم تكون محصّن ضده قبل تنزل المستشفى لأنه منتشر وراااااقد ❗️. ▪️تعرف أنواع الanaemia وأسبابها والتعامل معاها، وتعرف كمان تفاصيل نقل الدم واحتياطاته. ▪️تعرف الascites واسبابه وكيفية التعامل معاهو. ◽️لازم تكون ماهر في أخذ عينات الدم وتركيب الcanulla وNG Tube و catheter. برضو paracentesis و pleurocentesis. ◽️لازم تكون على قدر من المهارة في قراءة الXRay بالذات للchest... والCT بالذات للBrain. 🔹تاني غير الحاجات دي في كل سستم بتمر عليك الحاجات الcommon، وحسب الفي غالب المستشفيات : Cardiopulmonary; heart failure, TB, asthma, pneumonia. GIT;GE,GERD,HPylori,GI bleeding. GU;UTI, stone. CNS;meningitis, encephalitis 🔸How to follow up. 🔻وكيف تعمل CPR وتعمل confirmation of the death. 🔹و دا كله بمعاونة الرجسترار والميديكال وسناير اليونت، وإياك تسد في الحوادث من غير سنير. ⭕️وما تنسى تشوف The VITAL signs لأي عيان يمر عليك. 🖊دي تُعتبر رؤوس أقلام بس عن الحاجات البتلاقيك في الحوادث، لكن الموضوع أكبر من كدة ومحتاج منك قراية عديل عشان تربط العلم بالممارسة وتعرف كيفية وخطط العلاج، وإن شاء الله بالممارسة يبقى ليك بسيط.(بالذات لو أنت أول شيفت). الكلام دا بناء على الاتذكرته من تجربتي، وإن شاء الله في البوست الجاي بحاول أحصر مصادر القراية. -طبيب على الدرب.

فلان بس الحيتسأل عنه in and out حتى لو غيرك عارف دي مسؤوليتك انت ،كنا بنخاف من زعله ما خوف فعلي منه بس احترام وخجل مننا لأنه ما مقصر معانا .كانت علاقته ودية جدا مع المرضى بدون كلفة بالذات مع العيانين المتابعين معاه من بدري بس ودية مع حزم يعني ما بسمح لعيان أو مرافق يتجاوز حدوده يعني لو في عيان عند في حاجة ضرورية ممكن تهدد حياته ولا مرافق فكر يتفلسف أو يتجاوز بنصفنا نحن قدامه. كان بعمل لينا تيوتوريال يوم ثابت في الأسبوع النواب بجهزو case presentation ولو ما جا هو بلزم باقي الاخصائيين يحضروها معانا ويكون النقاش في موضوع معين كان بخلي ال clinical pharmacist تمر معانا ويتصل عليها وبستشيرها في الأدوية بخصوص العيان وبكون قاري أكتر مننا و updated وعارف آخر الأخبار في الأدوية وبتناقش معاها وياخد ويدي. كان في امتحانات الأورال في الجامعة بكون عارف العيانين بتصل عليهم ويتفق معاهم عشان يجو بحكي لينا دكتور محمود حسين أستاذنا في الجامعة أخصائي المخ والأعصاب وواحد من تلامذته قال كان بقول لي بخصوص امتحان الأورال عيانين الروماتويد تمشو تجيبوهم عشام عندهم ال morning stiffness وما بيقدرو والموضوع مؤلم بالنسبة ليهم. واحدة من مواقفه كان مرسل عيانة من العيادة sle وعندها نزيف خلى عيادته ووصلها المستشفى بعربيته وكلم النايب وسلمها لي ومشى بنك الدم بنفسه جهز ليها الدم والصفائح واتأكد انه استلموها حتى مشى. الواحد بيحمد ربنا انه أتيحت لي الفرصة يشتغل معاه. مع شخص عنده احترام لل juniors وعنده رغبة يعلمهم ويطلعهم safe، رغم الكتاس الا الواحد فعلا قدر يقول طلع بفائدة من شفت الباطنية وما كان مجرد زمن وعدى، ربنا يبارك في علمه وصحته ويجزيه عننا خير الجزاء 🌸 الصورة لقيتا هنا في القروب من ضمن الميديا.

الليلة لما شفت صور التجهيز لامتحان اللوكال بالصدفة شفت صورة أستاذنا ومعلمنا بروف عبدالله عبدالكريم او " عبدو عبدو " كما يحلو لنا أن نسميه بيننا. أخصائي الباطنية من بين الصور لقيت ذاكرتي رجعتني لورا ل مستشفى مدني زمن الإمتياز لما كنا بنتشاكل ونمشي نتحايل على المدير الطبي ونكلم الرجسترارز البنعرفهم يمشو لي عشان ينزلنا معاه في الوحدة، وحدته كانت معروفة أكتر وحدة بين الوحدات مكتسة العنبر تلات أرباعه بكون وحدته يعني عينك ما تشوف إلا النور حتسكن في المستشفى سكن بس معاه أقدر أقول ممتنة اني اشتغلت في وحدته اتعلمنا منه الانضباط والاجتهاد وانك تبقى مرتب و systematic تنمي عندك ال problem solving skills كنا أول وحدة بنمر الساعة ٧ ونص ل٨ لازم كلنا نكون في العنبر نواب على أطباء امتياز ولازم قبلها تكون عملت الفولواب بتاعك وعملت حاجات عيانك قبل يجي وممكن نلقاه جا قبلنا العنبر يتصل لينا نجي، كان النظام معروف يجي، أي واحد فينا لازم يمشي يشوف لي كرسي ويخته جنب العيان للبروف عشان يقعد وعارفين نبدأ من وين وننتهي وين. ونكون محاوطنه كلنا ونقيف في عيان عيان بنفس الطريقة كانو بجونا طيارات من وحدات تانية مم نواب لأطباء امتياز يحضروا معانا المرور، كان بسمع الكلارك بتاعنا للعيان من الألف للياء اي نعم كنا بنتغسل وبنتشر بس كان بفائدة وده كان بحفزنا اننا نمشي نجهزه من بدري مافي طريقة تأجل أي عيان دخل جديد لازم فايله يكون جاهز ومكرلك ومنزل الفحوصات بتاعته محل الفحوصات والفولواب بتاعه وخاتي الديفرنشيال المبدئي، كان منصت جيد ما بقاطعك ،بعد تنتهي لازم تكون مجهز ال summary عشان حيسألك وال DD الخاتي حسب ال hx وتاني بعد تعمل ال examination ال DD بتاعك والباثوفيسولوجي في بعض الحالات. وبكون الجو عبارة عن سؤال وجواب ده أكتر شفت هو والبدياترك يمكن أكون قريت فيه كأنك في امتحان أورال ، بفتفت معاك الكيس بتاعتك وبخليك تفكر وبكون في interaction وبعمل معانا الاكزامنشن ويوريك how to demonstrate من ال general condition لحدي ما تنتهي وعلمنا ما بس ال hx وال examination علمنا نكون good observers ونعاين حوالين المريض وال surroundings وده بكون مع كل كيس لا بكل لا بمل ويومي نفس الطريقة لحدي ما تلقى نفسك تلقائيا رسخت في ذهنك وبتعمله لا اراديا، كنا آخر وحدة بننتهي لو العيانين كتار. الحاجة المميزة فيو كانت انه بسمع رأينا حتى ونحن جناير وبحتفي بيك لو جاوبت سؤال وبسهب معانا في الشرح لحدي ما يتأكد انه فهمنا بجملته الشهيرة you got my point? Is it clear? كان بنادينا يا بنتي ويا ابني ،كان معلمنا الكلارك لحدي ما نصل لل drug البياخدها والدوز وانه ما نعتمد على كلام العيان لازم نشوف ادوية العيان بعيونا والدوز كم وهل هو بياخد الدوز المكتوبة بيقول لينا شوفو شكل الأدوية عامل كيف ورو عيونكم والSE البيعملها يعني عيان بتاع AF مرقد بياخد في وارفرين تشوف الحبوب لونها شنو كل تركيز عنده لون معين وهل وريت العيان الأكل المفروض ما ياكله. عيان ال TB تسأله من تغيير لون البول متغير ولا لأ وتوريه انه حيتغير من تأثير العلاج. ما كان عندنا في الوحدة عيان اتوقف عشان فحص ولا علاج كان دايما بوجد لينا الحلول ومرات بدفع من جيبه أو كلم زول بعرفه من التخصصات التانية يساعد العيان كان مافي زول بقدر يرجعه او يرفض لي طلب سواء كانو زملاءه الند بالند وعلى نفس الدرجة العلمية حقته من التخصصات التانية ولا تلامذته ولي فضل عليهم كان خاتي في ذمتنا شنطة فيها مرجع فارما صغير و ورق A4 عشان نسطر فيها الفولواب وجلوكوميتر و تذاكر موجات واشعة مجانية بالتعاون مع دكتور أحمد عبدالرحمن عبدالحفيظ ابن بروف عبدالرحمن عبدالحفيظ أخصائي النساء والتوليد الي كان واحد من أساتذتنا الليهم فضل علينا بعد الله ربنا يرحمه ويحسن إليه كانت للمرضى المتعسرين الما مستطيعين اي عيان لقيت انه فعلا ما مستطيع تدي التذكرة يمشي يعمل بيها. كان بيمر يومي ما بعتمد على الأخصائيين المعاه في الوحدة وما بغيب الا للشديد القوي يا مسافر برة السودان يا عنده امتحان يا ظرف، وكان فقد حقيقي اليوم الما بجي فيو ده. الساعة ٢ بالليل بنكون سادين نبطشية بنشوفه بمر على العيانين براه حايم في العنبر والصباح بدري دغش بكون في الطوارئ برة ماري على العيانين قبل ما يجي المرور. كان لما تغلط ولا تجيبا وارمة ب يوريك غلطك ولما يحس بيك زعلت بجيبا بطريقة مرحة ويضحك ما بحسسك بالحرج انك غلطت وبيحرص على انه تعرف الصاح حتى المهبلسين مننا كان ما بقدروا يهبلسو معاه لأنه بيحاسبك ويعامل كل واحد فينا individually يعني مافي زول يشيل شيلتك كل عيان معروف مسؤول عنه منو.

المجلس الطبي السوداني *ترتيبات اعتماد قوائم الخريجين* من اجل تنظيم وتوحيد قنوات الاتصال وتجنب اعادة القوائم للكليات للتعديل اوالاستكمال يجب اتباع التعليمات الاتية: 1. ارسال ايميل من الايميل الرسمي للكلية الى certification@smcreg.gov.sd ونسخة الى khatime@smcreg.gov.sd 2. يرفق بالايميل خطاب موقع ومختوم من عميد الكلية وامين الشؤون العلمية اوالمسجل موضح به:  تاريخ الخطاب  التخصص (طب بشري/ صيدلة/ اسنان)  الدفعة  تاريخ محدد للتخرج بالخطاب (اليوم والشهر والسنة)  عدد الخريجين (سودانيين أو أجانب) 3. يرفق بالايميل قوائم الخريجين بملف اكسل يحتوي:  كلية واحدة بكل ملف (طب بشري او طب اسنان او صيدلة)  الخريجين السودانيين في ملف اكسل منفصل  الخريجين الأجانب في ملف اكسل منفصل بنفس المواصفات.  عمود للرقم الجامعى (القادم من مكتب القبول بدون إضافات)  عمود لسنة محددة للقبول  اربعة اعمدة للاسم رباعي (الاول والثاني والثالث والرابع كل اسم في عمود منفصل).  تطابق عدد الخريجين في الخطاب وملف الاكسل يجب مراجعة ارقام القبول جيدا حيث لا يمكن التغيير بعد رفع القائمة بالسيستم يتم مراجعة الملفات خلال أسبوعين من تاريخ ارسال الايميل اذا كانت مطابقة لمتطلبات المجلس بنهاية الأسبوعين يتم اخطار الكلية بنتيجة التدقيق وبذا ينتهي دور الكلية فيم يختص بالقائمة في حالة قبولها شكلا ومضمونا يتم رفعها بالنظام اما في حال عدم المطابقة يتم مخاطبة الكلية وإعادة القائمةالمرسلة وتوضيح عدم التطابق من اجل التعديل.

خليكم قريبين حنواصل كلام عن شيفت الميدسن مبدئياً كدة أي عيان جاك شوف The VITAL signs! لحدي ما نتلاقى... 🔥

🟢أسباب الكُحَّة .. عارف الكحة بتجيك إنت أو بتجي لأطفالك من شنو🤔 أول وأهم سبب👇 1- التهابات الجهاز التنفسي العلوي: دا أكتر أسباب الكحة انتشارًا بين الناس، كبار وصغار. الفيروسات -وهي كائنات مُمْرِضة- بتدخل تهاجم (الأنف) و(الحلق)، فبتتسبب بأمراض زي نزلات البرد والانفلونزا والتهابات الحلق. نتيجة للهجوم دا، المريض حيشكي من حمى وسيلان أنف ووجع حلق.. وكحة🤧. بنعالج الأمراض دي في الغالب عن طريق أدوية تخفف الأعراض: ✔️مضادات هستامين (أنتستين) ومضادات كحة. ✔️طارد بلغم. ✔️بندول أو بروفين للحمى ووجع الحلق. ✔️قطرات أو حبوب لإحتقان وحساسية الأنف. ✔️ملطفات للحلق زي (حلاوة زاهي®). ✔️مع نصائح غذائية لتحسين مناعة الجسم. ✅توجد شَرَابات كُحة تحتوي على ميزتين أو أكتر من الميزات العلاجية الفوق، زي شرابات الكحة المستخلصة من الأعشاب☘️ مثال: شراب (نو كف - Nocuf®) واللي بتشتغل (مهدئة للكحة) و(طاردة للبلغم) و(ملطفة للحلق) وبعضها (موسعة للشعب الهوائية).. يتم الحصول عليها من الصيدلية مباشرةً بدون روشتة، بعد عرض الحالة على الصيدلي. 🔸في أسباب كتيرة تانية للكُحة، حنتكلم عن كل واحدة بالتفصيل في بوستات قادمة إن شاء الله، وهي: 2- استنشاق المواد المهيجة. 3- حمى القش Hay fever (Allergic rhinitis). 4- التهابات الجهاز التنفسي السفلي. ودي نتيجة لعدوى فيروسية ومرات بكتيرية، كحتها عميقة أكتر وبتصيب الشعب الهوائية Bronchitis وقد تتعمق للرئة وتتسبب في التهاب رئوي Pneumonia. 5- بعض الأمراض الرئوية والقلبية زي الإنصمام الرئوي pulmonary embolism ومرض قصور القلب. 6- ارتجاع المريء ومشاكل الجهاز الهضمي. 7- الأزما والإنسداد الرئوي المزمن COPD. 8- تليف الرئة. 9- الحساسيات. 10- بعض الأدوية. 11- التدخين. 🔺#Ref: -American Lung Association -NHS #توعية_صحية #معلومات_دوائية #صيدلة

شكراً لـ 1k متابع ❤️🔥 إن شاء الله تكونوا مستفيدين من محتوى القناة شاركوها مع أصحابكم ودفعتكم عسى أن يستفيدوا ويفيدونا بالآراء والنصائح ولا تنسونا من صالح الدعاء في ظهر الغيب 🤍