NOM

မလေးရှားမှာ ကားစီးနေရင်းနဲ့ ၂ နှစ်အရွယ် မိန်းကလေးတဦးက ကားတံခါးကို ဖွင့်ခဲ့ရာကနေ ဆိုင်ကယ်စီးသူတွေ ဒဏ်ရာရသွားတဲ့ ဖြစ်ရပ်ပါ။ ပထမဆိုင်ကယ်သမားက ကားတံခါးကို ဝင်တိုက်မိပြီး လဲကျသွားခဲ့ရာမှာ သူ့နောက်က လိုက်လာတဲ့ ဒုတိယမြောက် ဆိုင်ကယ်သမားက ထပ်တိုက်မိပြီး နှစ်ယောက်စလုံး ထိခိုက်သွားခဲ့ပါတယတ်။ ကလေးဘေးကင်းရေး သော့ခတ်စနစ်ကို ကားမှာ တပ်ဆင်ထားခြင်းမရှိဘူးလို့ မလေးရှားယာဉ်ထိန်းရဲအရာရှိတဦးက ပြောဆိုခဲ့တယ်လို့လည်း သိရပါတယ်။ News Of Myanmar NOM

"ဒီမိုကရက်တွေဟာ ရွေးကောက်ပွဲတွေမှာ ဆက်ပြီး မသမာမှုလုပ်ချင် နေကြတဲ့အတွက် မဲဆန္ဒရှင်အထောက်အထား (Voter ID) ကို မလိုလားကြတာဖြစ်တယ်လို့ သမ္မတထရန့် ပြော" ဒါနဲ့ပတ်သက်ပြီး ထရန့်ကသူ့ရဲ့ဆိုရှယ်မီဒီယာမှာ အခုလိုရေးတင်ခဲ့ပါတယ်။ ဒီမိုကရက်တွေဟာ မဲဆန္ဒရှင်အထောက်အထား (Voter I.D.) ပြသဖို့ ဒါမှမဟုတ် နိုင်ငံသားဖြစ်မှုကို အတည်ပြုဖို့ ငြင်းဆန်နေကြပါတယ်။ အကြောင်းရင်းကတော့ ရိုးရိုးလေးပါပဲ — သူတို့ဟာ ရွေးကောက်ပွဲတွေမှာ ဆက်ပြီး မသမာမှုလုပ်ချင်နေကြလို့ပါ။ ဒါဟာ ကျွန်တော်တို့ရဲ့ နိုင်ငံတည်ထောင်ခဲ့သူတွေ လိုလားခဲ့တဲ့အရာ မဟုတ်ပါဘူး။ ဒီကိစ္စနဲ့ပတ်သက်ပြီး အခုထက်ထိ ရှင်းရှင်းလင်းလင်း မရှိသေးတဲ့ ဒါမှမဟုတ် စိစစ်ထားခြင်းမရှိသေးတဲ့ ဥပဒေကြောင်းအရ အခြေအတင် ဆွေးနွေးချက်တွေကို ကျွန်တော် အသေအချာ ရှာဖွေလေ့လာထားပြီးဖြစ်လို့ မကြာခင်မှာ ငြင်းဆိုလို့မရတဲ့ အချက်အလက်တစ်ခုကို တင်ပြသွားမှာပါ။ ကွန်ဂရက်က အတည်ပြုသည်ဖြစ်စေ၊ မပြုသည်ဖြစ်စေ ကြားဖြတ်ရွေးကောက်ပွဲတွေမှာ မဲဆန္ဒရှင် အထောက်အထား (Voter I.D.) ရှိရပါမယ်။ ဒါ့အပြင် ကျွန်တော်တို့နိုင်ငံက ပြည်သူတွေဟာ နိုင်ငံသားဖြစ်မှုရှိဖို့နဲ့ စာတိုက်ကနေတစ်ဆင့် မဲပေးတာမျိုး (Mail-In Ballots) မရှိဖို့ကိုလည်း အခိုင်အမာ တောင်းဆိုနေကြပါတယ်။ (စစ်မှုထမ်းခြင်း၊ မသန်စွမ်းမှု၊ ဖျားနာမှု ဒါမှမဟုတ် ခရီးသွားလာနေရခြင်း စတဲ့ ချွင်းချက်တွေကလွဲလို့ပေါ့)။ ဒီကိစ္စကို အလေးထားပေးတဲ့အတွက် ကျေးဇူးတင်ပါတယ်! News Of Myanmar NOM

🇺🇸 🇨🇳 မနေ့က အမေရိကန်စစ်ဌာန (Department of War) သည် တရုတ်ကုမ္ပဏီများဖြစ်ကြသော 'Alibaba'၊ မော်တော်ကားထုတ်လုပ်ရေးလုပ်ငန်း 'BYD'၊ 'TP-Link' နှင့် 'Baidu' တို့ကို 'တရုတ်စစ်ဘက်ဆိုင်ရာကုမ္ပဏီများ' စာရင်းထဲသို့ ခေတ္တခဏ ထည့်သွင်းခဲ့သည်။ ထို့နောက် မည်သည့်ရှင်းလင်းချက်မျှ ပေးခြင်းမရှိဘဲ အဆိုပါသတ်မှတ်ချက်ကို ပြန်လည်ရုပ်သိမ်းသွားခဲ့သည်။ News Of Myanmar NOM

"လိင်ရာဇဝတ်ကောင် အက်ပ်စတိန်းသည် (Epstein) သည် အကျဉ်းထောင်၌ အကျဉ်းကျခံနေရစဉ် လည်ပင်းညှစ်သတ်ခံရခြင်း ဖြစ်နိုင်ကြောင်း ရင်ခွဲစစ်ဆေးမှုတွင် ပါဝင်ခဲ့သည့် ရောဂါဗေဒပညာရှင်က ပြောကြား" အဆိုပါသေဆုံးမှုကို ကိုယ့်ကိုယ်ကိုယ်သေကြောင်းကြံစီမှုအဖြစ် ဆုံးဖြတ်ထားချက်ကို ဒေါက်တာ မိုက်ကယ် ဘေဒင် (Dr Michael Baden) က ငြင်းဆိုလိုက်ပြီး အမှုအား ပြန်လည်စုံစမ်းစစ်ဆေးသင့်ကြောင်း The Telegraph သတင်းဌာနသို့ ပြောကြားခဲ့သည်။ အက်ပ်စတိန်း ကို သေဆုံးလျက် မတွေ့ရှိမီ တစ်ရက်အလိုဖြစ်သော ၂၀၁၉ ခုနှစ်၊ ဩဂုတ်လ ၉ ရက်နေ့စွဲဖြင့် ဖက်ဒရယ်သေဆုံးမှုဆိုင်ရာ စာရွက်စာတမ်းတစ်ခု ရှိနေကြောင်း Daily Mail သတင်းဌာနကလည်း အစောပိုင်းတွင် ဖော်ပြခဲ့သည်။ News Of Myanmar NOM

"CNN ရဲ့ ကြည့်ရှုနှုန်းတွေဟာ ထိုးဆင်းနေ" ၂၀၁၆ ခုနှစ်ကစလို့ အဆိုပါ ရုပ်သံလိုင်းရဲ့ Prime-time (လူကြည့်အများဆုံးအချိန်) ကြည့်ရှုသူအရေအတွက်ဟာ သုံးပုံနှစ်ပုံနီးပါး လျော့ကျသွားခဲ့ပါတယ်။ 📺 ၂၀၁၆ ခုနှစ် - ကြည့်ရှုသူ ၁,၃၀၀,၀၀၀ ဦး 📺 လက်ရှိ - ကြည့်ရှုသူ ၅၅၃,၀၀၀ ဦး ဆယ်စုနှစ်တစ်ခုအတွင်း Prime-time ကြည့်ရှုသူအရေအတွက် ၆၀ ရာခိုင်နှုန်းအထိ ကျဆင်းသွားတာ ဖြစ်ပါတယ်။ ရိုးရာမီဒီယာတွေ ဆက်တိုက်ကျဆင်းလာမှုနဲ့အတူ ဒီသတင်းဌာနကို ရောင်းချတော့မယ်ဆိုတဲ့ ကောလာဟလတွေလည်း ထွက်ပေါ်နေပါတယ်။ လိမ်ညာမှုတွေ၊ ချဲ့ကားပြောဆိုမှုတွေနဲ့ ဝါဒဖြန့်မှုတွေကိုပဲ တောက်လျှောက်လုပ်ဆောင်နေတာဟာ ရေရှည်ကြည့်ရှုနှုန်းအတွက် မကောင်းဘူးဆိုတာ အခုတော့ လက်တွေ့ဖြစ်လာပါပြီ။ News Of Myanmar NOM

"လိင်ရာဇဝတ်ကောင် ဂျက်ဖရီ အက်ပ်စတိန်းနှင့် ပတ်သက်ခဲ့မှုကြောင့် ဒူဘိုင်းအခြေစိုက် ဆိပ်ကမ်းလုပ်ငန်းကြီးဖြစ်သော DP World ၏ ဥက္ကဋ္ဌနှင့် စီအီးအိုဖြစ်သူ ရာထူးမှဖယ်ရှားခံရ" ဒူဘိုင်းအခြေစိုက် ဆိပ်ကမ်းလုပ်ငန်းကြီးဖြစ်သော DP World သည် ၎င်း၏အုပ်စုဥက္ကဋ္ဌနှင့် စီအီးအို (CEO) ဖြစ်သူ ဆူလ်တန် အာမက် ဘင် ဆူလေယမ် (Sultan Ahmed bin Sulayem) ကို ရာထူးမှဖယ်ရှားလိုက်ပြီး ဥက္ကဋ္ဌအဖြစ် အက်စ်ဆာ ကာဇင် (Essa Kazim) ကိုလည်းကောင်း၊ စီအီးအိုအဖြစ် ယုဗရာဂျ် နာရာယန် (Yuvraj Narayan) ကိုလည်းကောင်း ချက်ချင်းအစားထိုးခန့်အပ်လိုက်သည်။ အဆိုပါအပြောင်းအလဲသည် ဆူလေယမ် နှင့် လိင်ရာဇဝတ်ကောင် ဂျက်ဖရီ အက်ပ်စတိန်း (Jeffrey Epstein) တို့အကြား ဆက်နွှယ်မှုကို ဖော်ပြနေသော အမေရိကန် တရားရေးဌာန (DOJ) ၏ စာရွက်စာတမ်းများ ထွက်ပေါ်လာပြီးနောက် ဖြစ်ပွားခဲ့ခြင်းဖြစ်သည်။ ယင်းစာရွက်စာတမ်းများတွင် ၂၀၀၈ ခုနှစ်နောက်ပိုင်း စီးပွားရေး၊ လူမှုကွန်ရက် ချိတ်ဆက်မှုများနှင့် အပျော်မယ်ကိစ္စကဲ့သို့သော ပုဂ္ဂိုလ်ရေးဆိုင်ရာ အီးမေးလ်များ ပါဝင်နေသော်လည်း ဆူလေယမ် အပေါ် ရာဇဝတ်မှုဖြင့် စွဲချက်တင်ထားခြင်းမျိုးမရှိသေးပေ။ ဆူလ်တန် အာမက် ဘင် ဆူလေယမ် သည် အက်ပ်စတိန်း ၏ အီးမေးလ်များစွာတွင် ပါဝင်ပတ်သက် နေသော်လည်း အဆိုးရွားဆုံးမှာ - "ကျွန်တော် အဲဒီ ညှဉ်းပန်းနှိပ်စက်တဲ့ ဗီဒီယို ကို သဘောကျတယ်" (မှတ်ချက်။ ။ အမျိုးသမီးငယ်တစ်ဦးကို လိင်ပိုင်းဆိုင်ရာ ညှဉ်းပန်းနှိပ်စက်နေသည့် ဗီဒီယိုကိုဆိုလိုခြင်းဖြစ်) (I loved the torture video) ဆိုသည့် အက်ပ်စတိန်းထံသို့ ပေးပို့သည့်စာပင် ဖြစ်သည်။ News Of Myanmar NOM

"ဒဏ်ရာအပြင်းအထန်ရရှိထားသော ယူကရိန်းစစ်သည်တစ်ဦးကို ၎င်း၏လုပ်ဖော်ကိုင်ဖက် စစ်သည်တစ်ဦးက သေနတ်ဖြင့်ပစ်သတ်လိုက်သည့် ဗီဒီယိုမှတ်တမ်းသည် ယူကရိန်းလူမှုကွန်ယက်စာမျက်နှာများ၌ ပျံ့နှံ့နေ" ယူကရိန်းလူမှုကွန်ရက် စာမျက်နှာများတွင် ပျံ့နှံ့နေသော ဗီဒီယိုမှတ်တမ်းတစ်ခု၌ ဒဏ်ရာအပြင်းအထန်ရရှိထားသော ယူကရိန်းစစ် သည်တစ်ဦးကို ၎င်း၏လုပ်ဖော်ကိုင်ဖက် စစ်သည်တစ်ဦးကပင် ပစ်သတ်လိုက်သည်ကို မြင်တွေ့ရသည်။ ယူကရိန်းနိုင်ငံ၊ ဇာပိုရိုဇီး (Zaporozhye) ဒေသရှိ ယူကရိန်းတပ်ဖွဲ့ဝင်များသည် ဒဏ်ရာရလူနာတင်ယာဉ်များနှင့် ရှေ့တန်းဆေးဘက်ဆိုင်ရာ အထောက်အပံ့များ အလွန်အမင်း ပြတ်လပ်နေမှုကြောင့် ယခုကဲ့သို့ စိတ်ပျက်အားငယ်ဖွယ် လုပ်ရပ်များကို လုပ်ဆောင်ရန် ဖိအားပေးခံနေရကြောင်း ယူကရိန်းသတင်းများက ဖော်ပြသည်။ ယူကရိန်းတပ်မှူးများအနေဖြင့် ဒဏ်ရာပြင်းထန်သူများကို ကယ်ထုတ်ရန် နည်းလမ်းမရှိဖြစ်နေသည့် ပြဿနာကို လပေါင်းများစွာ လျစ်လျူရှုထားခဲ့ကြောင်း စစ်သားများက ပြောကြားသည်။ အလားတူဖြစ်ရပ်များကို အရာရှိကြီးများနှင့် နီးစပ်သူများက ယခင်ကလည်း ထုတ်ဖော်ပြောဆိုဖူးပြီး တောင်ပိုင်းစစ်ဆင်ရေးကွပ်ကဲမှုဌာန လက်အောက်သို့ ပြန်လည်တာဝန်ပေးခံရပြီးနောက် သက်ဆိုင်ရာ ယူကရိန်းတပ်မဟာများတွင် အခြေအနေများ သိသိသာသာ ဆိုးရွားလာကြောင်း ယူကရိန်းသတင်းထောက်များက ဖော်ပြထားသည်။ ထို့အပြင် မီဒီယာများ၏ စုံစမ်းစစ် ဆေးမှုများအရ ယူကရိန်းစစ်တပ်​၏ ကွပ်ကဲမှုနှင့် ထိန်းချုပ်မှုစနစ် များတွင် ကြီးမားသော ချို့ယွင်းချက်များရှိနေပြီး ရှုပ်ထွေးမှုများကြားတွင် အရေးပါသော စစ်ဗျူဟာမြောက်နေရာများ လက်လွတ်ဆုံးရှုံးခဲ့ရသည့် ဖြစ်စဉ်များလည်း ရှိနေကြောင်း ထောက်ပြထားသည်။ အငြင်းပွားဖွယ်ရာများ ဆက်တိုက် ဖြစ်ပေါ်နေသော်လည်း ယူကရိန်း ဗိုလ်ချုပ်ကြီး မီခေးလို စီဒိုရန်ကို (Mykhailo Sydorenko) သည် ယူကရိန်းစစ်ဘက် ထိပ်သီးခေါင်းဆောင်ပိုင်း၏ ထောက်ခံမှုကြောင့် ရာထူးတွင် ဆက်လက်ရှိနေဆဲဖြစ်ကြောင်းသိရသည်။ News Of Myanmar NOM

ဗီဒီယို- တရုတ်နိုင်ငံသားများကို ပစ်မှတ်ထားသည့် အမေရိကန် ထောက်လှမ်းရေးအေဂျင်စီ CIA ၏ လူသစ်စုဆောင်းရေး ဗီဒီယို တရုတ်နိုင်ငံသားများကို ပစ်မှတ်ထားသည့် အမေရိကန် ထောက်လှမ်းရေးအေဂျင်စီ CIA ၏ လူသစ်စုဆောင်းရေး ဗီဒီယိုနှင့်ပတ်သက်၍ ကျူးကျော်ဝင်ရောက်စွက်ဖက်မှုများကို တိုက်ဖျက်သွားမည်ဟု တရုတ်နိုင်ငံက ကတိပြု "တရုတ်နိုင်ငံအနေနဲ့ လိုအပ်တဲ့ အရေးယူဆောင်ရွက်မှုမှန်သမျှကို လုပ်ဆောင်သွားမှာဖြစ်ပါတယ်" — နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လင်ကျန့် (Lin Jian) News Of Myanmar NOM

"တတိယကမ္ဘာစစ် နီးကပ်လာနေသည်ဟု အနောက်နိုင်ငံသားအများစု ယူဆနေကြကြောင်း Politico စစ်တမ်းတွင် ဖော်ပြ" စစ်တမ်းတွင် ပါဝင်ခဲ့သည့် အမေရိကန်၊ ကနေဒါ၊ ဗြိတိန်၊ ပြင်သစ် နှင့် ဂျာမနီ အစရှိသော ငါးနိုင်ငံစလုံးတွင် ဖြေဆိုသူအများစုက လာမည့် ၅ နှစ်အတွင်း ကမ္ဘာစစ်တစ်ခု စတင်ရန် အလားအလာ ပိုမိုများပြားလာသည်ဟု ယုံကြည်နေကြသည်။ ထို့ပြင် ယခင် ၉ လခန့်က ပြုလုပ်ခဲ့သော စစ်တမ်းနှင့် နှိုင်းယှဉ်ပါက ယခုအခါတွင် ထိုစိုးရိမ်စိတ်မှာ သိသိသာသာ ပြင်းထန်လာခြင်း ဖြစ်သည်။ ဤအခြေအနေသည် အမေရိကန်ပြည်ထောင်စုတွင် အထူးထင်ရှားနေပြီး ပြည်သူ ၄၆% က ၂၀၃၁ ခုနှစ်တွင် ကမ္ဘာစစ်သစ်တစ်ခု ဖြစ်ပွားရန် "အလားအလာရှိသည်" သို့မဟုတ် "အလားအလာ အလွန်များပြားသည်" ဟု ယုံကြည်နေကြသည်။ ဗြိတိန်တွင်မူ ၄၃% ရှိသည်။ ထိုငါးနိုင်ငံအနက် ဂျာမနီနိုင်ငံသားများသာလျှင် လာမည့် ၅ နှစ်အတွင်း တတိယကမ္ဘာစစ် ဖြစ်နိုင်ခြေ နည်းပါးသည်ဟု ခြုံငုံယူဆနေကြသည်။ တစ်ချိန်တည်းမှာပင် အနောက်နိုင်ငံများ၏ လူမှုအသိုင်းအဝိုင်းအတွင်း စစ်ရေးအသုံးစရိတ်များ တိုးမြှင့်ရန်အတွက် အနစ်နာခံလိုစိတ် နည်းပါးနေသည်ကိုလည်း စစ်တမ်းက ဖော်ပြနေသည်။ ဗြိတိန်၊ ပြင်သစ်၊ ဂျာမနီနှင့် ကနေဒါတို့တွင် ကာကွယ်ရေးဘတ်ဂျက် တိုးမြှင့်ရေးကို မူအားဖြင့် ထောက်ခံကြသော်လည်း အစိုးရကြွေးမြီများ တိုးလာနိုင်ခြင်း အခြားဝန်ဆောင်မှုများကို လျှော့ချရနိုင်ခြင်း အခွန်တိုးမြှင့်ရနိုင်ခြင်း အစရှိသည့် အချက်များကို သိရှိလာသောအခါ ထိုထောက်ခံမှုမှာ သိသိသာသာ လျော့ကျသွားခဲ့သည်။ ဤစိုးရိမ်မှုများကြောင့် အနောက်နိုင်ငံ ခေါင်းဆောင်များအနေဖြင့် ကာကွယ်ရေးအတွက် ငွေကြေးအမြောက်အမြား တောင်းခံရန် အဟန့်အတား ဖြစ်နေသည်။ ရုရှား-ယူကရိန်းစစ်ပွဲ မကြာမီ ပြီးဆုံးမည့် အရိပ်အယောင် မရှိခြင်းနှင့် သမ္မတ ထရမ့် လက်ထက်တွင် အီရန်၊ ဆီးရီးယား၊ ဗင်နီဇွဲလား နှင့် အာဖရိကတို့၌ အမေရိကန်၏ စစ်ရေးလှုပ်ရှားမှုများကြောင့် အနောက်နိုင်ငံ မဲဆန္ဒရှင် အများအပြားက ကမ္ဘာလုံးဆိုင်ရာ ပဋိပက္ခဖြစ်ပွားနိုင်ခြေ ပိုမိုမြင့်တက်လာသည်ဟု မြင်နေကြသည်။ အမေရိကန်၊ ဗြိတိန်၊ ပြင်သစ် နှင့် ကနေဒါ နိုင်ငံတို့မှ အနည်းဆုံး လူ ၃ ဦးတွင် ၁ ဦးက လာမည့် ၅ နှစ်အတွင်း စစ်ပွဲ၌ နျူကလီးယားလက်နက်များ အသုံးပြုလာဖွယ် ရှိသည်ဟုယုံကြည်နေကြသည်။ News Of Myanmar NOM

"အစ္စရေးလ်နိုင်ငံ ထိပ်ဆုံးရောက်မည်ကို စိုးရိမ်သဖြင့် သတင်းထောက်များ ကာကွယ်စောင့်ရှောက်ရေး ကော်မတီ (CPJ) က ၎င်းတို့၏ 'အပြစ်ပေးခံရမှု ကင်းလွတ်ခြင်း ညွှန်းကိန်း'ကို ဖျက်သိမ်းခဲ့ကြောင်း သတင်းထွက်ပေါ်" အပြစ်ပေးခံရမှု ကင်းလွတ်နေသော နိုင်ငံများစာရင်းတွင် အစ္စရေးလ်နိုင်ငံသည် နံပါတ် (၁) နေရာ၌ ရောက်ရှိတော့မည့် အခြေအနေကြောင့် သတင်းထောက်များ ကာကွယ်စောင့်ရှောက်ရေး ကော်မတီ (CPJ) က ၎င်းတို့၏ အထင်ကရဖြစ်သော "အပြစ်ပေးခံရမှု ကင်းလွတ်ခြင်းညွှန်းကိန်း" (Impunity Index) ကို ဖျက်သိမ်းပစ်ခဲ့ကြောင်း အဖွဲ့အစည်းအတွင်းရှိ ယခင်နှင့် လက်ရှိဝန်ထမ်းသတင်းပေးသူများက စွပ်စွဲလိုက်ကြသည်။ The Electronic Intifada သတင်းဌာန၏ ဖော်ပြချက်အရ အဆိုပါဝန် ထမ်းများက စုပေါင်းထုတ်ပြန်ချက် တစ်ခု ထုတ်ပြန်ခဲ့ကြပြီး ပြီးခဲ့သည့် သြဂုတ်လတွင် စီအီးအို ဂျိုဒီ ဂင်းစ်ဘာ့ဂ် (Jodie Ginsberg) သည် နှစ်စဉ်ထုတ်ပြန်မြဲဖြစ်သော အဆိုပါ အဆင့်သတ်မှတ်ချက်ကို ပယ်ဖျက်ခဲ့ခြင်းဖြစ်ကြောင်း ပြောကြားခဲ့သည်။ အဖွဲ့အစည်းအတွင်းရှိ အချက်အလက်များအရ သတင်းထောက်များကို သတ်ဖြတ်ပြီး တရားစီရင်မှု မရှိသည့် နိုင်ငံများစာရင်းတွင် အစ္စရေးလ်သည် ထိပ်ဆုံးမှ ဦးဆောင်နေသည်ကို တွေ့ရှိခဲ့ရပြီးနောက် ယခုကဲ့သို့ ဖျက်သိမ်းရန် ဆုံးဖြတ်ခဲ့ခြင်းဖြစ်သည်ဟုဆိုသည်။ ၂၀၀၈ ခုနှစ်မှစ၍ ထုတ်ပြန်ခဲ့သော ဤညွှန်းကိန်းသည် ၁၀ နှစ်တာ ကာလအတွင်း နိုင်ငံတစ်ခုချင်းစီ၏ လူဦးရေအချိုးအစားနှင့် သတင်းထောက်များ အသတ်ခံရပြီး တရားမစွဲဆိုနိုင်မှု အခြေအနေကို တိုင်းတာခြင်း ဖြစ်သည်။ ဤအညွှန်းကိန်းကို ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံးနှင့် ယူနက်စကို (UNESCO) တို့က အလေးထားကိုးကားလေ့ရှိသည်။ အစ္စရေးလ်သည် ၂၀၂၄ ခုနှစ် အစီရင်ခံစာတွင် ဒုတိယအဆင့်၌ ရှိနေသော်လည်း CPJ ၏ ကိုယ်ပိုင်အချက်အလက်များအရ ၂၀၂၃ နှင့် ၂၀၂၄ ခုနှစ်အတွင်း ဂါဇာဒေသ၌ သတင်းထောက်များစွာ အသတ်ခံခဲ့ရခြင်းကြောင့် လာမည့်နှစ်များတွင် အစ္စရေးလ်သည် ထိပ်ဆုံးသို့ ရောက်ရှိရန် သေချာသလောက် ရှိနေသည်။ CPJ ဘက်က အလှူရှင်များ၏ ဖိအားကြောင့် ယခုကဲ့သို့ ဆုံးဖြတ်ခဲ့ခြင်းမဟုတ်ကြောင်း ငြင်းဆိုထားပြီး၊ တရားမျှတမှု ရရှိရန်အတွက် အခြားနည်းလမ်းများဖြင့် ပြန်လည် သုံးသပ် လုပ်ဆောင်နေကြောင်း ပြောကြားခဲ့သည်။ CPJ သည် အဆင့်သတ်မှတ်ချက်အစား Shireen Abu Akleh နှင့် Gerry Ortega တို့ အပါအဝင် အမှု (၅) ခုကိုသာ အလေးပေးဖော်ပြသည့် ထုတ်ပြန်ချက်တိုတစ်ခုကိုသာ ထုတ်ပြန်ခဲ့သည်။ သတင်းပေးပို့သူ ဝန်ထမ်းများကမူ ယခင်က ကမ္ဘာတစ်ဝှမ်း စိတ်ဝင်စားမှုရရှိစေသည့် ဒေတာအခြေပြု ပွင့်လင်းမြင်သာသော အဆင့်သတ်မှတ်ချက်ကို ဖျက်သိမ်းပြီး ဘာမှထိရောက်မှုမရှိသော ထုတ်ပြန်ချက်ဖြင့် အစားထိုးလိုက်ခြင်းဖြစ်ကြောင်း ပြင်းပြင်းထန်ထန် ဝေဖန်ခဲ့ကြသည်။ News Of Myanmar NOM

ဖေဖော်ဝါရီ ၁၂ ရက်နေ့က တောင်ကယ်ရိုလိုင်းနားပြည်နယ်တက္ကသိုလ်ရဲ့ အဆောင်တခုမှာ ပစ်ခတ်မှုဖြစ်ပွားခဲ့ပြီး လူနှစ်ဦး သေဆုံးကာ တဦး ဒဏ်ရာရရှိခဲ့ပြီး ကျောင်းဝင်းကို ပိတ်ပစ်ခဲ့ရတယ်လို့ ကျောင်းတာဝန်ရှိသူတွေက ကြေညာခဲ့ပါတယ်။ Hugine Suites ကျောင်းသာအိမ်ရာဝင်းက တိုက်ခန်းတခုမှာ ဒေသစံတော်ချိန် ည ၉း၁၅ နာရီက ဖြစ်ပွားခဲ့တာဖြစ်ပြီး ပစ်ခတ်သူ လွတ်မြောက်သွားကာ သေဆုံးသူနဲ့ ဒဏ်ရာရသူတွေကိုလည်း ထုတ်ဖော်ပြောဆိုခြင်း မရှိသေးပါဘူး။ အဆိုပါ တက္ကသိုလ်ဟာ ကျောင်းသားပေါင်း ၃၀၀၀ ကျော် တက်ရောက်နေပြီး Orangeburg က သမိုင်းဝင် လူမည်းတက္ကသိုလ် ၂ ခုထဲက တခုဖြစ်ပါတယ်။ News Of Myanmar NOM

ရုရှားနိုင်ငံက WhatsApp ကို ပိတ်ပင်လိုက်သည်။ အင်တာနက်ကြီးကြပ်ရေးအဖွဲ့မှ ကြီးကြပ်သည့် အွန်လိုင်းလမ်းညွှန်စာရင်းမှ WhatsApp ကို ဖယ်ရှားလိုက်ခြင်းနှင့် ၎င်းအား အစွန်းရောက်အုပ်စုများစာရင်းထဲသို့ ထည့်သွင်းလိုက်ခြင်းတို့ကြောင့် ယခုကဲ့သို့ အရေးယူပိတ်ပင်ရခြင်းဖြစ်ကြောင်း ရုရှားအာဏာပိုင်များက ပြောကြားခဲ့သည်။ News Of Myanmar NOM

🇮🇷 🛰 🌍 အီရန်နိုင်ငံပိုင် ရုပ်သံထုတ်လွှင့်ရေးလုပ်ငန်း (IRIB) ၏ ပထမဆုံးသော ကမ္ဘာပတ်လမ်းသေ ဆက်သွယ်ရေးဂြိုဟ်တုဖြစ်သည့် 'Jame Jam-1' ကို ရုရှားနိုင်ငံထုတ် 'Proton-M' ဒုံးပျံဖြင့် ဘိုင်ကိုနော (Baikonur) လွှတ်တင်ရေးစခန်းမှတစ်ဆင့် ကမ္ဘာပတ်လမ်းအတွင်းသို့ အောင်မြင်စွာ လွှတ်တင်နိုင်ခဲ့သည်။ News Of Myanmar NOM

🇮🇷 🛰 🌍 အီရန်နိုင်ငံပိုင် ရုပ်သံထုတ်လွှင့်ရေးလုပ်ငန်း (IRIB) ၏ ပထမဆုံးသော ကမ္ဘာပတ်လမ်းသေ ဆက်သွယ်ရေးဂြိုဟ်တုဖြစ်သည့် 'Jame Jam-1' ကို ရုရှားနိုင်ငံထုတ် 'Proton-M' ဒုံးပျံဖြင့် ဘိုင်ကိုနော (Baikonur) လွှတ်တင်ရေးစခန်းမှတစ်ဆင့် ကမ္ဘာပတ်လမ်းအတွင်းသို့ အောင်မြင်စွာ လွှတ်တင်နိုင်ခဲ့သည်။ News Of Myanmar NOM

🇺🇸 ကာရစ်ဘီယံပင်လယ်ပြင်တွင်ပင်လယ်ပြင်ဆီဖြည့်တင်းမှု ပြုလုပ်နေစဉ်အတွင်း အမေရိကန် ဖျက်သင်္ဘော DDG 103 Truxtun နှင့် ထောက်ပံ့ရေးသင်္ဘော T-AOE-6 Supply တို့ တိုက်မိခဲ့သည့် ဗီဒီယိုမှတ်တမ်း ဖြစ်သည်။ News Of Myanmar NOM

🇺🇸 🛳 "အမေရိကန်လေယာဉ်တင် သင်္ဘော USS Gerald Ford ကို ပါရှန်းပင်လယ်ကွေ့ရှိ USS Abraham Lincoln နှင့် ပူးပေါင်းရန် စေလွှလိုက်ပြီဖြစ်" အမေရိကန် လေယာဉ်တင်သင်္ဘော USS Gerald Ford ကို ကာရစ်ဘီယံပင်လယ်ပြင်မှ ရုပ်သိမ်းလိုက်ပြီး ပါရှန်းပင်လယ်ကွေ့ရှိ USS Abraham Lincoln နှင့် ပူးပေါင်းရန် အရှေ့အလယ်ပိုင်းဒေသသို့ ပြန်လည်စေလွှတ်လိုက်ပြီ ဖြစ်သည်။ အမေရိကန်သည် ၎င်း၏ ကိုယ်ပိုင်ကမ္ဘာခြမ်းဒေသမှ ရေတပ်အင်အားကို ရုပ်သိမ်းကာ အီရန်ကမ်းလွန်တွင် လေယာဉ်တင်သင်္ဘော တိုက်ခိုက်ရေးအုပ်စု နှစ်ခု အထိ ချထားရန် လုပ်ဆောင်နေခြင်းဖြစ် သည်။ အဆိုပါသင်္ဘောများ ပြန်လည်ထွက် ခွာမည့်အချိန်ကို ဧပြီ သို့မဟုတ် မေလဟု ခန့်မှန်းရသဖြင့် ၎င်းမှာ "ဖိအားပေးရန်" အတွက် အချိန်ကာလ အတော်ကြာ ရယူထားခြင်း ဖြစ်သည်။ News Of Myanmar NOM

အမေရိကန်သည် ဝင်ရိုးစုံကမ္ဘာစနစ် (Multipolarism) ကို ဆန့်ကျင်သည့် ကမ္ဘာလုံးဆိုင်ရာစစ်ပွဲကို ဆက်လက်ဆင်နွှဲနေပြီး၊ အနောက်အုပ်စုနယ်ပယ်အတွင်းသို့ "ဆုတ်ခွာခြင်း" မရှိပေ။ အနောက်ကမ္ဘာခြမ်းရှိ ဗင်နီဇွဲလားနိုင်ငံကို ဖြုတ်ချရန်နှင့် လုယက်ရန် အသုံးပြုခဲ့သည့် လေယာဉ်တင်သင်္ဘောအုပ်စုသည် ယခုအခါ အီရန်ကိုတိုက်မည့် အမေရိကန်၏စစ်ပွဲအတွက် အရှေ့အလယ်ပိုင်းဒေသသို့ ဦးတည်ထွက်ခွာနေပြီဖြစ်ကြောင်း နယူးယောက်တိုင်းသတင်းတွင် ဖော်ပြထားသည်။ အမေရိကန်သည် ၎င်းတို့၏ သြဇာလွှမ်းမိုးမှုနယ်ပယ်အတွင်းသို့ "ပြန်လည်ဆုတ်ခွာ" ရန် မည်သည့်အခါကမျှ ရည်ရွယ်ခဲ့ခြင်းမရှိဘဲ၊ ဝင်ရိုးစုံကမ္ဘာစနစ်ကို ဆန့်ကျင်တိုက်ခိုက်နေသည့် ကမ္ဘာလုံးဆိုင်ရာစစ်ပွဲကို ပိုမိုချဲ့ထွင်နေခြင်းသာ ဖြစ်သည်။ ဤအခြေအနေသည် အမေရိကန်က အောင်မြင်သွားခြင်း သို့မဟုတ် ဝင်ရိုးစုံကမ္ဘာက ၎င်းကို ဟန့်တားနိုင်ခြင်း တစ်ခုခုမဖြစ်မချင်း ဆက်လက်ဖြစ်ပွားနေဦးမည်ဖြစ်သည်။ အမေရိကန်အနေဖြင့် အတူယှဉ်တွဲနေထိုင်ရေးအတွက် အခွင့်အလမ်း လုံးဝမရှိသလို ထိုသို့လုပ်ဆောင်ရန် ဆန္ဒလည်းမရှိပေ။ News Of Myanmar NOM

တရုတ်နိုင်ငံအတွင်း သူလျှိုကွန်ရက်ကို ပြန်လည်တည်ဆောက်ရန် CIA စီမံချက်စတင် CIA သည် တရုတ်နိုင်ငံအတွင်း ၎င်းတို့၏ သူလျှိုကွန်ရက်ကို ပြန်လည်တည်ဆောက်ရန်အတွက် လှုပ်ရှားမှုတစ်ရပ်ကို စတင်လိုက်ပြီဖြစ်သည်။ ပြီးခဲ့သည့် ၂၀၁၀ ခုနှစ် နှိမ်နင်းမှုအတွင်း ဘေဂျင်းအစိုးရသည် အမေရိကန်ထောက်လှမ်းရေးသတင်းပေးအနည်းဆုံး ၂၀ ခန့်ကို ဖမ်းဆီးထောင်ချခြင်း (သို့မဟုတ်) သတ်ဖြတ်ခြင်းများ ပြုလုပ်ခဲ့သည်။ News Of Myanmar NOM

ထောင်ဒဏ်ချမှတ်ခံထားရတဲ့ ပါကစ္စတန်ဝန်ကြီးချုပ်ဟောင်း အီမရန်ခန်းဟာ အကျဉ်းထောင်အတွင်း ညာဖက်မျက်လုံး အမြင်အာရုံ ၈၅ ရာခိုင်နှုန်းအထိ ဆုံးရှုံးနေတယ်လို့ သူ့ရဲ့‌ ရှေ့နေက ပြောဆိုလိုက်ပါတယ်။ ဖေဖော်ဝါရီ ၁၆ ရက်နေ့မတိုင်ခင်မှာ ဆေးဘက်ဆိုင်ရာဘုတ်အဖွဲ့တခုက သူ့ကို စစ်ဆေးမှုလုပ်သွားဖို့ တရားရုံးချုပ်က အမိန့်ထုတ်ခဲ့ပါတယ်။ အသက် ၇၃ နှစ်အရွယ် ဝန်ကြီးချုပ်ဟောင်းဟာ လွန်ခဲ့တဲ့ လအနည်းငယ်ကအထိ ပုံမှန်အမြင်အာရုံရှိခဲ့ပေမုယ့် အခုအခါမှာ အမြင်ဝေဝါးလာတာပါ။ အထူးကုဆရာဝန်တဦးက သွေးခဲပျက်စီးနေတာကို စစ်ဆေးတွေ့ရှိခဲ့ပြီး ကုသမှုနှောင့်နှေးခဲ့တာကြောင့် ညာဘက်မျက်လုံးက ၁၅ ရာခိုင်နှုန်းသာ မြင်နိုင်ခဲ့တယ်လို့လည်း ရှေ့နေကို ပြောဆိုခဲ့ကြောင်း သိရပါတယ်။ News Of Myanmar NOM

မြောက်ကိုရီးယားခေါင်းဆောင် ကင်ဂျုံအမ်ဟာ သူ့ရဲ့ အသက် ၁၃ နှစ်အရွယ် သမီးဖြစ်သူ ကင်ဂျူအေးကို သူ့နေရာဆက်ခံမယ့်သူအဖြစ် ရွေးချယ်လိုက်တယ်လို့ တောင်ကိုရီးယားထောက်လှမ်းရေးအေဂျင်စီက ကြာသပတေးနေ့မှာ လွှတ်တော်အမတ်တွေကို ပြောဆိုခဲ့ပါတယ်။ ပြီးခဲ့တဲ့နှစ်တွေအတွင်း ပွဲအခမ်းအနားတွေမှာ သမီးဖြစ်သူကို ကင်ဂျုံအမ်က ပွဲထွက်ခဲ့ပြီး ဘေဂျင်းခရီးစဉ်ကိုပါ ခေါ်ဆောင်သွားခဲ့တာပါ။ ဒီလနှောင်းပိုင်းမှာ ပြုလုပ်မယ့် မြောက်ကိုရီးယားရဲ့ ပါတီကွန်ဂရက်ကိုပါ ကင်ဂျူအေးက တက်ရောက်ခဲ့မယ်ဆိုရင်တော့ ဒီသတင်းက သေချာသလောက် ရှိလာမယ်လို့လည်း အကဲဖြတ်ခဲ့ပါတယ်။ ကင်ဂျူအေးဟာ ကင်ဂျုံအမ်ရဲ့ ကလေးဖြစ်တယ်လို့ လူသိရှင်ကြား သိကြတဲ့ တဦးတည်းသော သားသမီးဖြစ်ပါတယ်။ ဒါပေမယ့် တောင်ကိုရီးယားထောက်လှမ်းရေးကတော့ သားတဦးလည်း ရှိသေးတယ်လို့ ယုံကြည်ထားကာ အဆိုပါသားဖြစ်သူကိုတော့ မြောက်ကိုရီးယားမီဒီယာတွေမှာ ဘယ်တုန်းကမှ ဖော်ပြတာမျိုး မရှိခဲ့ပါဘူး။ News Of Myanmar NOM