ព័ត៌មានរដ្ឋបាលខេត្តកំពង់ចាម

លោកស្រី អេង កញ្ញា ប្រធានមណ្ឌល​សុខភាពកោះសូទិន ស្រុកកោះសូទិន ប្តេជ្ញា ពង្រឹង​គុណភាព សេវាសុខាភិបាល ជូនប្រជាពលរដ្ឋ​ក្នុង​មូលដ្ឋាន។

មន្ទីរសុខាភិបាល នៃរដ្ឋបាលខេត្តកំពង់ចាម បានត្រៀមខ្លួនរួចជាស្រេច​ដើម្បីការពារដល់សុខាមាលភាពប្រជាពលរដ្ឋ​ក្នុងកំឡុងពេល​ និងក្រោយពេលទឹកជំនន់

នារសៀលថ្ងៃទី២១ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញចូលរួមពិធីប្រកាសផ្សព្វផ្សាយដាក់ឱ្យប្រើប្រាស់ជាផ្លូវការ “ផែនការសកម្មភាពជាតិ ស្តីពី ការទប់ស្កាត់អំពើហិង្សាលើស្រ្តី លើកទី៤ ឆ្នាំ ២០២៥-២០៣០ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដែលធ្វើឡើងនៅសណ្ឋាគារ Sun & Moon Hotel រាជធានីភ្នំពេញ និងតាមរយៈប្រព័ន្ធកម្មវិធីហ៊្សូម(Zoom)។

ក្នុងសប្តាហ៍ទី៣ នៃខែកញ្ញា ឆ្នាំ២០២៦ អង្គភាពច្រកចេញចូលតែមួយនៃរដ្ឋបាលខេត្តកំពង់ចាម ទទួលបានប្លង់ចំនួន ១៨៨ បណ្ណ ដើម្បីបន្ត ចែកជូនពុកម៉ែបងប្អូន។ #អង្គភាពច្រកចេញចូលតែមួយ

ប្រជានេសាទខ្មែរឥស្លាម ៧០គ្រួសារ និងគ្រូបង្រៀន ១២នាក់ នៅឃុំកោះសូទិន និងឃុំព្រែកតានង់ ទទួលអំណោយស្បៀងអាហារ

ប្រជាពលរដ្ឋយ៉ាងច្រើនកុះករ ចាក់បាញ់ឆែវសាមគ្គី និងសប្បាយរីករាយជាមួយកីឡាករប្រណាំង ទូកផ្កាចាខ្នាតខ្លី នៅមុខវត្តពោធិវ័នកោះប៉ែន ឃុំកោះមិត្ត ស្រុកកំពង់សៀម ខេត្តកំពង់ចាម បង្ហាញពីសាមគ្គីភាព និងការរួមរស់ដ៏សុខដុមរមនាក្នុងសហគមន៍

អភិបាលខេត្តកំពង់ចាម ចុះពិនិត្យគម្រោងបំពាក់ម៉ូទ័របូមទឹកដើរដោយពន្លឺព្រះអាទិត្យ នៅស្ថានីយបូមទឹកហ៊ុន​សែនទី១៥ ស្រុកព្រៃឈរ

ឯកឧត្តម អ៊ុន ចាន់ដា នាំយកអំណោយសម្តេចធិបតី ហ៊ុន ម៉ាណែត ចែកជូនពលរដ្ឋ ២៣គ្រួសារ ដែលត្រូវរុះរើផ្ទះ គេចពីការបាក់ច្រាំងទន្លេ នៅស្រុកស្រីសន្ធរ

ថ្ងៃចន្ទ ១០កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែកញ្ញា ឆ្នាំ២០២៦ វេលាម៉ោង៧:០០នាទីព្រឹក មន្ត្រីសាលាខេត្តកំពង់ចាម បានបំពេញកាតព្វកិច្ចចូលរួមគោរពទង់ជាតិ នៃព្រះរាជាណាចក្រកម្ពុជា🙏🇰🇭

ព្យាករណ៍អាកាសធាតុ និងកម្ពស់ទឹកក្នុងខេត្តកំពង់ចាមសម្រាប់ថ្ងៃទី២១ ខែកញ្ញា ឆ្នាំ២០២៦

សេចក្ដីអំពាវនាវ របស់រដ្ឋបាលខេត្តកំពង់ចាម

មន្ទីរសុខាភិបាលនៃរដ្ឋបាលខេត្តកំពង់ចាម ប្ដេជ្ញាចិត្តខិតខំបំរើសេវា២៤ម៉ោង ជូនដល់ប្រជាពលរដ្ឋ

អភិបាលខេត្តកំពង់ចាម អញ្ជើញចុះពិនិត្យគម្រោងបំពាក់ម៉ូទ័របូមទឹកដើរដោយពន្លឺព្រះអាទិត្យ នៅស្ថានីយបូមទឹក ហ៊ុន សែន ទី១៥ ស្រុកព្រៃឈរ (កំពង់ចាម)៖ អភិបាលនៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា នាព្រឹកថ្ងៃទី២០ ខែកញ្ញា ឆ្នាំ២០២៦នេះ បានដឹកនាំមន្ត្រីជំនាញ និងអាជ្ញាធរពាក់ព័ន្ធ អញ្ជើញចុះពិនិត្យគម្រោងបំពាក់ម៉ូទ័របូមទឹកដើរដោយពន្លឺព្រះអាទិត្យ (សូឡា) ដើម្បីកាត់បន្ថយការចំណាយលើប្រេងឥន្ធនៈ ស្ថិតនៅស្ថានីយបូមទឹក ហ៊ុន សែន ទី១៥ ស្ថិតក្នុងភូមិបន្ទាយថ្មី ឃុំសំរោង ស្រុកព្រៃឈរ ក្នុងការសម្រួលដល់ការផ្គត់ផ្គង់ទឹកស្រោចស្រព សម្រាប់បម្រើតម្រូវការរបស់ប្រជាកសិករក្នុងតំបន់។ ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានចាត់ឱ្យមន្ត្រីជំនាញ ត្រូវសហការជាមួយអាជ្ញាធរមូលដ្ឋាន និងអ្នកពាក់ព័ន្ធ ធ្វើយ៉ាងណាត្រូវធានាឱ្យមានទឹកផ្គត់ផ្គង់ស្រោចស្រពលើដីស្រែរបស់ប្រជាកសិករ ប្រមាណ ៩០០ ហិកតា តាមបណ្ដោយប្រព័ន្ធធារាសាស្ត្រនេះ ឱ្យមានទឹកគ្រប់គ្រាន់តាមតម្រូវការ ដើម្បីបង្កើនវិសាលភាពជូនប្រជាកសិករបង្កបង្កើនផលបានច្រើន និងធ្វើឱ្យសេដ្ឋកិច្ចក្នុងតំបន់មានការរីកចម្រើនបន្ថែមមួយកម្រិតទៀត។ ជាមួយគ្នានោះ ឯកឧត្តម អភិបាលខេត្តកំពង់ចាម ក៏បានជំរុញឱ្យពង្រីកវិសាលភាពការផ្គត់ផ្គង់ទឹកនេះ បន្តរហូតទៅដល់ស្រុកជើងព្រៃ ដើម្បីបម្រើការដាំដុះលើផ្ទៃដីប្រមាណជា ២ ម៉ឺនហិកតា បន្ថែមទៀត។ ពោលគឺ ត្រូវធានាឱ្យមានទឹកគ្រប់គ្រាន់ សម្រាប់ការបង្កបង្កើនផលក្នុងមួយឆ្នាំឱ្យបាន ៣ ដង។ ទន្ទឹមនោះ ត្រូវចងក្រងសហគមន៍ប្រើប្រាស់ទឹកឱ្យបានច្បាស់លាស់ ដើម្បីគ្រប់គ្រង និងបែងចែកទឹកប្រកបដោយប្រសិទ្ធភាពខ្ពស់ផងដែរ៕

https://www.facebook.com/share/v/1HWNfxALJb/ បណ្ដាញសង្គមផ្លូវការ ឯកឧត្តម អ៊ុន ចាន់ដា អភិបាលខេត្តកំពង់ចាម 👉ផេក-Page https://www.facebook.com/share/1EtLp5FMsn/ 👉ហ្វេសប៊ុក-F.b https://www.facebook.com/share/1HW7FjRe2j/?mibextid=wwXIfr 👉តិកតុកTikTok https://www.tiktok.com/@unchanda_official2? 👉X-Twitter ផ្លូវការ ឯកឧត្តម អ៊ុន ចាន់ដា 👉ផេក-Page ​ផ្លូវការរដ្ឋបាលខេត្ត https://www.facebook.com/share/1JKYYxDayM/ 👉ឆាណែលតេលេក្រាម-Telegram https://t.me/kpcadmin

បញ្ចប់ទំនាស់ដីធ្លីដ៏រ៉ាំរ៉ៃនៅសង្កាត់បឹងកុក ក្រុងកំពង់ចាម ដោយទទួលបានយុត្តិធម៌ ក្រោមគោលនយោបាយ «ឈ្នះ-ឈ្នះ» (កំពង់ចាម)៖ វិវាទដីធ្លីដ៏រ៉ាំរ៉ៃជាច្រើនឆ្នាំនៅក្នុងសង្កាត់បឹងកុក ក្រុងកំពង់ចាម ខេត្តកំពង់ចាម ត្រូវបានដោះស្រាយបញ្ចប់ជាស្ថាពរ និងទទួលបានយុត្តិធម៌ពេញលេញ ក្រោមការអនុវត្ត «គោលនយោបាយ ឈ្នះ-ឈ្នះ» របស់ សម្តេចអគ្គមហាសេនាបតីតេជោ ហ៊ុន សែន។ នាព្រឹកថ្ងៃទី២០ ខែកញ្ញា ឆ្នាំ២០២៦ នេះ នៅសាលាខេត្តកំពង់ចាម ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញជាអធិបតីក្នុងពិធី និងបានប្រគល់ប័ណ្ណកម្មសិទ្ធិ (ប្លង់ដី) ជូនដល់ប្រជាពលរដ្ឋចំនួន ២គ្រួសារ ដែលជាភាគីពាក់ព័ន្ធក្នុងទំនាស់ដីធ្លីខាងលើ។ ឯកឧត្តម អ៊ុន ចាន់ដា អភិបាលខេត្ត បានថ្លែងថា ការប្រគល់ប្លង់ដីនាពេលនេះ គឺជាសាក្សីបង្ហាញយ៉ាងច្បាស់ពីការបញ្ចប់ទំនាស់ដោយសន្តិវិធី និងតម្លាភាព តាមយន្តការសម្របសម្រួលប្រកបដោយសមធម៌ និងការយោគយល់អធ្យាស្រ័យគ្នា ដោយមិនមានភាគីណាមួយរងការបាត់បង់ ឬចាញ់នោះឡើយ។ ប្រជាពលរដ្ឋដែលទទួលបានប័ណ្ណកម្មសិទ្ធិដីធ្លី បានសម្តែងនូវសេចក្តីរំភើប រីករាយ និងថ្លែងអំណរគុណយ៉ាងជ្រាលជ្រៅបំផុតជូនចំពោះ សម្តេចតេជោ ហ៊ុន សែន ដែលបានបន្សល់ទុកនូវមរតកនយោបាយ «ឈ្នះ-ឈ្នះ» ព្រមទាំងថ្លែងអំណរគុណចំពោះ ឯកឧត្តម អ៊ុន ចាន់ដា និងអាជ្ញាធរដែនដីគ្រប់លំដាប់ថ្នាក់ ដែលបានយកចិត្តទុកដាក់ខ្ពស់ក្នុងការចុះសម្របសម្រួល និងដោះស្រាយបញ្ហាប្រឈមជូនពួកគាត់ រហូតទទួលបានយុត្តិធម៌ និងភាពស្ងប់ស្ងាត់នាពេលនេះ។