نُبَلَاء الطِّبْ | Noble Doctors

📚 المعرض الدولي للكتاب _ 2026 _ Sila . العاصمة

• نعلمكم قراءنا الكرام . سفراء الكتب . رحَّالة السطور و الصفحات . أننا متواجدون بإذن الله طيلة الأيام الخمسة المقبلة في فعاليات📚 "معرض الكتاب الدولي _2026_ SILA" 🏫. المقام في قصر المعارض الصنوبر البحري بالجزائر العاصمة . في طبعته ال 29 . تحت شعار 📖" الغد بين دفتي كتاب"📕 📌أي شخص يريد إقتناء كتاب أو كتب . مهما كانت . "دين . طب. أدب . فلسفة روايات . كتب دراسية او حتى مجلدات" . و يتعذر عليه الحضور . فليتواصل معي عبر الخاص .👇🏻 • @Ilye_So 📦 نجيبلو معايا إن شاء الله طلبيتو مهما كانت. ✅ التوصيل لوهران . كلية الطب. #Sila_2026 #المعرض_الدولي_للكتاب_العاصمة_2026 #نبلاء_الطب@Noble_Doctors

• علابالكم وين رانا ؟! و علابالكم واش كاين ؟!! 🤔 _ نعطوكم تلميح : 16 . 📚SILA 2026

🚨 TBiB SPACE - Oran راهي هنا!🔥

نُعلن لكم رسميًا عن إطلاق TBiB SPACE لفائدة طلبة كلية الطب بوهران و كلية تيارت 🥼🩺💙 📚 بين الـ Cours والـ PDF، الـ QCM والـ Annales، ومشاكل الحفظ وتنظيم المراجعة… نعرفوا بلي طريق طالب الطب ماشي ساهل، ولهذا جات TBiB SPACE باش توفّرلك أدوات تساعدك تفهم أكثر، تراجع بطريقة أفضل، وتنظّم قرايتك بذكاء! 🧠⚡️

✨ واش تستنّى في TBiB SPACE؟

🔹 QCM و Annales باش تختبر معلوماتك 🔹 Flashcards و Spaced Repetition باش تثبّت واش قريت 🔹 أدوات AI تساعدك في الفهم والمراجعة 🔹 Study Planner لتنظيم برنامج قرايتك 🔹 وميزات أخرى تكتشفها بنفسك! 👀 🎯 ما تسمعش علينا برك… ادخل اكتشف المزايا بنفسك! 👇

🔗 كل مميزات الموقع من هنا:

https://tbib.space/features 🔔 هذي غير البداية! تابعونا باش تكتشفوا معانا الموقع أكثر، كيفاش تستفادوا من مختلف الأدوات، وكل جديد يخص طلبة الطب بوهران. 💙🚀 📢 طلبة طب وهران و تيارت ، شاركونا المنشور مع زملائكم وخليونا نوصلوا TBiB SPACE لكل طالب طب! 🩺🔥

TBiB SPACE — قرايتك الطبية، بطريقة أكثر تنظيمًا. 💙

#Tbib_oran #Tbib_space #1st_year #2nd_year #3eme_année #نبلاء_الطب@Noble_Doctors

🚨 غدوة… حاجة كبيرة راهي تستنّى في ثلاث مستويات ، سنة الاولى الثانية و الثالثة طب! 👀🔥

📚 بين الـ Cours، الـ QCM، والـ Annales… واش لو نقولولكم بلي قرايتكم تقدر تولّي أسهل، أذكى وأكثر تنظيمًا؟ 🤯 ليكزاما قربوا و راكم ضايعين ؟؟؟ 🚀 TBiB SPACE راهي غير البداية… وغدوة تعرفوا الحكاية كاملة! 📢 طلبة طب وهران وتيارت، كونوا على الموعد… الإعلان الكبير غدوة! ⏳ Stay tuned…

TBiB SPACE — Something big is coming! 🩺💙

#Tbib_oran #Tbib_space #1st_year #2nd_year #3eme_année #نبلاء_الطب@Noble_Doctors

• قد يرى الإنسان الطريق واضحًا ، ثم لا يبلغه؛ لأن السير إلى المقاصد ليس بالقوة وحدها ، بل بمعونة خفية من الله . 🪴 لذا قال الرافعي: "وكل سهل، إذا لم يُوَفِّق الله ، صعبٌ .." #نبلاء_الطب@Noble_Doctors

🥼 مناوبة الليلة الماضية كانت خراااافية 🔥 • deux interventions • plusieurs cas ..... شاركناكم منها العديد من اللقطات و المقتطفات من قلب غرفة العمليات في نافذة la_garde 🩺 . • ختمنها بسؤال . ودنا لو تنورونا بأراءكم و أجوبتكم . 📝 • السؤال يقول : الطب . بين الغاية و الوسيلة. أين تصنفه؟! 🩺 La_garde🥼 : https://www.instagram.com/channel/VUiQ4JLMRqsxpOM-/ _ نافذتنا الفضولية . و لقطات من قبل غرف العمليات . انضمووووا 🔥 #نبلاء_الطب@Noble_Doctors

— Your best series of MCQs has just arrived 💯 🍃 UEI2: Digestive System (2nd year) - Cure Edition

• +800 MCQs per course + Detailed explanatory commentary. • Contains all official exams and retakes (From 2010 unitl this year). • Correction of "False Answers Key" with their justification. • ANKI cards for all MCQs. • High-quality (4K) figures for Anatomy & Histology practical work.

RTX ON → CURE ON 👓👾

Contact us : cureology_[IG] - @cure_ology

السلام عليكم ورحمة الله وبركاته طلبة السنة ثالثة طب 🍁 رتبنا لكم دروس الوحدة حسب عدد الأسئلة اللي طاحو فيها فالامتحانات السابقة، باش تقرا الدروس حسب الأهمية، وتركز على الدروس الأوفر حظاً فالامتحان. ⭐ كل ما كان عدد الأسئلة كبير، كل ما كان الدرس أولى بالمراجعة "دون اهمال اي درس بطبيعة الحال". 📚 هاد العمل منجز استناداً إلى إحصائيات كتاب Cure QCM 💾 سيفيه، شاركو مع صحابكم، وبالتوفيق للجميع 🌿 #Noble_Doctors #3ème_année_medecine #Cardiologie #Immuno_Anapath

📢 سارعواااااا 🔥💯

• مزال ما اقتنيتش سلسلة نبلاء الطب؟!📚🎓 ما تخافش مزال كاين فرصة للتخفيض 📆_تمديد العرض إلى غاية يوم الخميس . واش قاعد تستنى باش تستفاد من خصم 30% بقيمة 1530 دج 😱( بيناتنا 160 قيس ما تشري زوج كتب هههه 😅🔥) 📚 اذا نتا طالب سنة أولى غير ما تراطيش . مع سلسلة نبلاء الطب يا تنجح يا تماجوري . 💌 💯 قدم طلبك 🛒 الآن و وين ما كنت يوصلك . توصيل متوفر لكل الكليات و الولايات . 📦 https://nobel4books.netlify.app/ الكتب متوفرة في مكتبة @Leadercopyoran31. و في كافة الفروع . العاصمة . وهران . المدية . تيبازة . 🚛 متوفر التوصيل لكل ولايات و كليات الوطن . قدم الطلب يوصلك في ظرف يومين كأقصى حد. #noble_doctor_series #leader_copy #نبلاء_الطب@Noble_Doctors

🪴{ فَسُبْحَانَ اللَّهِ حِينَ تُمْسُونَ وَحِينَ تُصْبِحُونَ } [سُورَةُ الرُّومِ: ١٧]

STP hotiha endk f grp rbi yjazik Khou sahbati w mamaha rahom fi zouj endhom cancer tbib gallhom diro opéra w mnjmouch ylaymo la somme Bourahla Mohammed Yagoub 00799999004273621841 Allah ykhalik bla mtbyni ismi

السلام عليكم و رحمة الله و بركاته يقول النبي صلى الله عليه و سلم « كلُّ امرئٍ في ظلِّ صدَقتِه يومَ القيامةِ » _ في مبادرة طيبة نسعى من خلالها تفريج كرب المرضى و إزاحة و لو القليل و هموم أمراضهم . سيتم يوم الأربعاء صباحا إن شاء الله تنظيم زيارة لعدة مصالح في مستشفى اول نوفمبر EHU . نوزع من خلالها فطور الصباح على كافة المرضى و الأطقم العاملة من أطباء و ممرضين . • فطور الصباح سيشمل قهوة و حليب و حلويات (لا يهم النوع) . و مياه معدنية . _ لكل من يريد المشاركة في هذه الزيارة الطيبة . ما عليه سوى إحضار ما يقدر عليه من الأمور المذكورة او حتى يد العون من خلال الحضور و المشاركة في التوزيع صباح الأربعاء. • نعلمكم أنه لا تقبل أي تبرعات مالية . _ المبادرة ليست تحت إشراف أي جمعية او اسم معين و لكنها مصرحة من طرف إدارة المستشفى و المصالح . • باب الخير مفتوح للجميع . لإثبات الحضور او التبرع بالمواد . يرجى الإنضمام لهذه المجموعة و التصريح بما ستشارك به : https://t.me/+iPISuMBU8dA2MGI0

🔹NOBLE DENTISTS TERMINOLOGY _1st year🦷 _

⚪️ قواميس ثلاثية اللغة ... الفرنسية (باعتبار اغلبية الأساتذة راهم يستعملوها) عربية و انجليزية ( لغة الدروس) تحتوي على مايزيد عن 60 مصطلح مترجمة ومشروحة باللغات الثلاث بالإضافة إلى الاختصارات الشائعة والفرق بين المصطلحات التي يخلط بينها الكثير ولكل مودول وحده ( نعم مايزيد عن 60 مصطلح للمودول الواحد وماشي كامل🙂🙂) يشمل كل مايلي ⬇️⬇️🤍 ▶️ Anatomie ▶️Histologie ▶️Embriologie ▶️Biochimie ▶️Chimie général et organique ▶️Biophysique ▶️Génétique 💢 بصح بزاف مصطلحات أنا كي نكون نقرا غادي نطول باش نلقى المصطلح لي راني نحوس عليه كيفاش ندير⁉️... خممنا فيها ثاني 😅 بحيث 🤍⬇️⬇️ 👈 في اخر كل ملف غادي تلقاو فهرس يوجهكم في البحث 💡وامر جد مهم آخر الملفات موجهة لطلبة سنة اولى طب وطب أسنان كلا التخصصين. 📝 أمانتكم: 📚 https://drive.google.com/drive/folders/1QOc_wFSx1G1ACnieBwaSxEdPunaTZvF7?usp=drive_link 🪶 هنيئا لكم هذا الكنز

📍➿لا تنسونا ووالدينا من صالح دعواتكم ونعتذر عن أي خطأ ان وجد... وفقكم الله لما يجب ويرضاه يا نبلاء ➿

👈 السنة الثانية... لكم نصيب من هذا بإذن الله نبلاء طب الأسنان لن تنسى أحدا من متابعيها 📚 #سنة_أولى_طب_أسنان #نبلاء_طب_أسنان@Noble_Dentists

• هذا هو ناتج بحث اكثر من شهر و تحرير و كتابة اكثر من ثلث أيام هههه 😅 إن شاء الله نكونوا أفدناكم و لو و بالقليل و ضبطنالكم البوصلة شوية .

كخلاصة و نصيحة شاملة .

سطاج طروازيام ماهوش حاجة اللي مهمة حتى لثم و اللي لازم تركز عليها . النظري اهم بكثييييير و هو اللي خاصك تحط و تركز معاه . لاشارج تاع القراية ما ينفعش معها تدوار و تضييع الوقت بزاااف . اخطار سطاج يكون قريب ليك و تخصص اللي ما يديش من وقتك و جهدك بزاااف . التطبيقي و لي سطاج تاع الصح يبداو من العام الجاي إن شاء الله. السنة كل ما أنت مطالب به هو انك تضبط la sémiologie générale. كي تحكم هاذي صاااي راك ما شاء الله بالنسبة للمستوى اللي راك فيه . هاذي هي و ربي يوفقكم أجمعين . اعذرونا اذا اخطأنا في كاش معلومة . و ادعولنا بالخير اذا نفعتكم هدرتنا. و اعذروني على الإنفعال ههههه 😅 . ( مرات نكون نكتب حتى نلقى روحي مدابز مع روحي هههه 😅 . الله غالب منطق البعض يخليك تخرج من عقلك ) مقاااال ال Ecos . خوتي غير ما تقارعوش هههه راني في ثلث و انا نكتب . ديجا نفتوه في آخر العام مزال الحال عليه . يجي وقتو إن شاء الله دمتم أطباء 🥼 . دمتم بخير 🤍 #نبلاء_الطب@Noble_Doctors

4️⃣ 💢 صح واش هوما لي سارفيس الملاح ؟! : _ بما انو حددنا الهدف تاعنا من هذا السطاج و قلنا بلي هو "المريض" و تطبيق و ممارسة ال "Sémiologie général" . و هاذو كاين في كل سارفيس . اذا يبقى الإختلاف في طبيعة و عقلية الأشخاص المشرفين و ماشي فالسارفيس فحد ذاتو . _ و هنا ما نقدرش نقلك كل سارفيس واش فيه طاقم و كل واحد كيفاش يتعامل . لأنو راهم كل عام يتبدلو و حتى المعاملة و ان كانو نفس الأشخاص قادر تتبدل . اللي نقدرو نديروها جمعنالكم les avis تاع les Promo اللي قبلنا 2020_2023 اضربو عليهم طلة و شوفو كل سارفيس واش فيه و كيفاه كانت تجاربهم فيه ( بخصوص طلبة وهران ) :

💢 ملاحظة قبل ما تقرا les avis :

_ يا جماعة الخير هاذو les avis غير باش تدو فكرة و نظرة . ماشي معنتها كل رأي راه يعبر على واقع 100% . ضرك مثلا : • طالب خرج صباح مقلق ما تقهواش راح للسطاج روطار قاع ماشي فاطن و مورال طايح و من بعد يقلك هاذا السارفيس ما يصلحش . لا لا صديقي ماشي السارفيس ما يصلحش . نتا خاصك قهوة • طالبة راحت للسطاج تلاقات صحبتها فوتوها ضحك و قصرة و من بعد تقلك هذا سارفيس مخير . لا لا الأخت ماشي السارفيس مخير القصرة فاتت شابة برك ⚠️ هاذا واقع و تاع الصح كاين des avis يتبناو على اساس تافه و اتفه من هاك. ( ضرك وحدة تقزعها femme de ménage تحكم على قاع السارفيس بلي ماهوش مليح ) . 📍 لذلك دائما نقلكم تجارب الناس نسمعوها ماشي باش نعيشوها و نبنو عليها أحكام و انما باش تكون عندنا نظرة فقط . 📝 Avis des étudiants des promotions précédentes 2020 __ 2023 🏫 خارطة نبلاء الطب للإرشاد و التوجيه : ▫️هاذ الفقرة اعتبروها هدية 🎁من عندنا لأنو ماراحش تلقاوها في جهة أخرى . و مكاش اللي راح يقعدلك و يدير بحث شامل باش ينقص عليك و يوفرلك وقتك من غير نبلاء الطب. ▫️ جمعنالكم كامل المستشفيات المتاحة لطلبة السنة الثالثة طب وهران باش يديروا فيها التربص . كل مستشفى مرفوق بالموقع 🗺️ (من الكلية للمستشفى) و التخصصات الطبية🩺 و الجراحية 💉المتاحة فيه . ⚠️ كل الإحصائيات مبنية على réparation de stage de l'année passée 2025_2026 1️⃣ Établissement hospitalier universitaire ( EHU ) . Oran : 🗺️ Guide me 🩺 Rotation medical: • Cardio • Uro • Réa • Anes/Réa • dermato • Endo • Gynéco • Hémato • Gastro • med interne • med physique / réadaptation (MPR) • Néphro • ORL • Onco • Pneumo 💉 Rotation chirurgicaux: • chir générale • hépato-biliaires • maxillo-faciale • OTR • thoracique • Uro • vasculaire 2️⃣ Center hospitalier universitaire (CHU) . Oran : 🗺️ Guide me 🩺 Rotation medical: • Cardio • Urgence• Réa • Dermato • Gynéco • Uro • med interne • med physique / réadaptation • ORL • Onco • Pneumo (A/B) • Pediatre (neo nat _ Amical Cabral) 💉 Rotation chirurgicaux: • chir générale ( Pav 14/10) • Urgence • Ortho • CCI pediatre • Thoracique • Uro 3️⃣ Hôpital militaire régional universitaire ( HMRU ). Oran : 🗺️ Guide me 🩺 Rotation medical: • Cardio • Gynéco • Hémato • Gastro • med interne • ORL • pédiatre 💉 Rotation chirurgicaux: • Chir générale • Ortho • Ghir générale UMC 4️⃣ Établissement hospitalier spécialisé (EHS) Pédiatrie. Canastal : 🗺️ Guide me 🩺 Rotation medical: • Gastro • Infectieux 💉 Rotation chirurgicaux: • Chir pédiatre CCI • Viscérale • OTR • Uro 5️⃣ EPH Balaska . Chteibo : 🗺️ Guide me 🩺 Rotation medical: • Rhumato • Hépato • Neuro • Infectieux 💉 Rotation chirurgicaux: • Vasculaire 6️⃣ Hôpital des grands brûlés : 🗺️ Guide me 🩺 Rotation medical: • Med physique • Anes / Réa 💉 Rotation chirurgicaux: • Chir plastique 7️⃣ Hôpital régional de la sécurité nationale (Police) : 🗺️ Guide me 🩺 Rotation medical: • Réa • Gastro 8️⃣ Clinique d'endocrinologie . Lariber : 🗺️ Guide me 🩺 Rotation medical: • Endo / Diabet

9️⃣ EHS Gynécologue obstétrique . Nouar fadhela:

🗺️ Guide me 🩺 Rotation medical: • Gynéco • pédiatre neo nat

🔟 EHS en oncologie CAC / CEA . Emir Abdelkader :

🗺️ Guide me 🩺 Rotation medical: • Onco • Pédiatre

🤍 تم بحمد الله

#نبلاء_الطب@Noble_Doctors

3️⃣ 📍 صحااااا سؤال ؟! • اسك واش لازم تتعلم راح تلقاه واجد قدامك نهار تروح للسارفيس؟ ▫️ نتا في بالك نهار تروح نتا و 30 طالب وحدوخر معاك . راح تلقاو ال résident و لا assistant و لا اللي غادي يكون مشرف عليكم و اللي عندو garde تاع 24 ساعة تقارع فيه و مية و ميتين مريض يفوت عليه و زيد زايدين عليه 25 و لا 30 برعم يتبعوا فيه من بلاصة لختها يسقسوا فيه هههه 😅. راح تلقاه داير كرسي و يستنى فيكم تجو و يقلكم مرحبا ..... . ما تخافوا ما والو قاع رانا خايفين. ههههه 😂 📍 هنا يظهر الإختلاف و التمايز بين les services . 💢 مانيش نخوف فيكم و انما راني ننقلكم نتائج بحثنا عن الموضوع بناءا على الأراء . و لكل رأي زمان و مكان و الظروف تختلف . • بالمختصر المفيد السارفيس قادر ما تلقاش فيه اهتمام بالطلبة و المشرف ما يحطتش معاكم بزاف و يعطيكمش وقت كبير و ما يعلمكمش كلش و هذا الشي ما عندوش علاقة بنوع السارفيس و انما بطبيعة الأشخاص و المشرفين . ▫️ كيما قادر تلقاو العكس و يكون المشرف ناس بزاااف ملاح و يدور معاكم و يوريلكم كامل الحالات و يعلمك خطوة بخطوة قاع واش لازم تتعلم .... 📍صح فرضا طحت فالحالة الأولى و لقيت فالسارفيس مشرفين ما يهتموش . واش تدير ؟ _ تروح تبكر و تبقى تدور بين أروقة المستشفى و داخل خارج تتفرج فالمرضى و مقصر مع صحابك ؟؟!! و فالأخير ؟! راحت ربع سوايع و الفائدة 00 . 💡 الوقت فالطروازيام ثمييييين و 4 سوايع كي تقرب l'examen كون تصيب تشريها بالدراهم . امالا يا تستغلها فالمفيد و لا تروح تقرا خيرلك . 🤔 كيفاش تستغل ساعات السطاج فالمفيد في حالة كان السارفيس ما يهتمش بيك كمتربص ؟! ✅ هذا الأمر يرجع ليك و لعقليتك بصح معليش نزيدك شوية نصائح . علابالي عقليتك شابة مدام تبع نبلاء الطب. • اول حاجة خاصك تسطر هدف واضح و تدير سؤال تسعى باش تحقق الإجابة تاعو . 📝 أنا واش راني جاي ندير للسبيطار ؟ واش خاصني نتعلم اليوم ؟ _ هنا تدخل ديجا عندك حاجة حاب توصل ليها و ماكش جاي عشوائي. الهدف تاعك دائما "المريض" . خاصني نتعلم نطبق عليه واش قريت ف Sémiologie général. غالبا اذا كان السارفيس راح يهملك. فما راحش يهملك من أول مرة . راح يوريلكم المشرف مرة و زوج حالة و لا حالتين و يعلمكم تطبقوا . هنا خلاص راك تعرف الطريق . امالا كي تروح و تلقى اهمال ما تقارع لحتى واحد يجي عندك و يقلك ارواح نعلمك . اقفز و روح دور على المرضى سقسيهم طبق عليهم و شوف les dossiers médical تاعهم و اربط الحالات و التشخيصات . ⚠️⚠️⚠️ أسئلة و تشخيصات بالعين فقط إياك تلمس المريض بدون مشرف • كي ما تعرفش حاجة سقسي . ماكاش فالمستشفى غير الطبيب المشرف عليك كاين بزاف . سقسي interne او résidant وحدوخر و اختار اوقات مناسبة للسؤال ماشي الوقت اللي يكون فيه مشغول و مضغوط . 💯 المهم خاصك تآكتيفي مود ال auto_formation و تسرق المعرفة وين ما كانت و تستفاد من أي شخص يقدر يفيدك . المهم ما تخرجش 00 . ▫️ أما اذا كان السارفيس مليح من ناحية الأشخاص و المشرفين فهنا بصحتك . ما عليك غير تبروفيتي الماكس و تتعلم أكبر قدر ممكن . فرصة هاك ممكن ما تلقاهاش فال rotation 2 ème. دور مع المشرف و تبعوا و سقسيه علاه درنا هاك؟ علاه سقسينا هذا السؤال ؟ علاه فرضنا هاذي ؟ علاه درنا هاذ ال CAT و ما درناش هذا ؟ ...... المهم كثر من "علاه" . _ السؤال يفتحلك بزاااف آفاق . _ تطوع و اطلب تجرب " قال حكيم معليش نجرب على المريض ندير palpation ..... " و اذا طلب المشرف واحد منكم يجرب عليه حاجة . كون نتا هو اللي يجرب عليه و ما تخممش قاع . و دير في بالك واش راح يجرب عليك جامي راح تنساه... 💢 ملاااااااحظة : • بلاك تروح و تبقى جابد بعيد . حشمان و لا خايف . والله ما تعرف واش من معلومة عابرة لا تلقي لها بالا قادر تدير فرق كبيييير غدوة في مسيرتك كطبيب . • اختار اوقات مناسبة للسؤال سواء للمريض او للطبيب . • و نقطة أخرى ما تغترش بمستواك بحكم انك مستاجي شحااال من مرة من قبل . ال stage volontaire و ان كان زاد خبرتك مع المستشفيات و المرضى إلى انو يبقى غير ممنهج . و هذا السطاج راه يكون فيك باش تكون طبيب يعرف الطريق خطوة بخطوة . ماشي نتا ما تعرفش تدير communication صحيحة مع المريض و تقول هاذي أمور فتها عندها شحال . لا تتسلق العلم . خطوة بخطوة بداية من اسم و لقب المريض حتى تولي تعرف تدير CAT و تخرج diagnostic وحدك . 📍 يتبع ...... #نبلاء_الطب@Noble_Doctors

2️⃣ ▫️صح عرفنا نظاميا كيف تتم الأمور . بصح مانيش عارف واش نخير . واش من سارفيس مليح ؟؟ الأراء راهم بزاف و الإختيارات راهم بزاف. معدلي قليل / معدلي طالع . ما عرفتش . 🤷🏻🤯

⁉️ السؤال المنتظر :

▫️ شوف هنا قبل ما تحوس شا تخطار خاصك تعرف شاهي الغاية من هاذ السطاج و تسقسي واش الفايدة تاعو فالمرحلة اللي راني فيها و وين نقدر نصنفوا كأولوية ضمن الأولويات اللي عندي . خاصة و أنا طالب سنة ثالثة طب 🤔‼️ ✅ بالمختصر المفيد و بلا ما نكثر هدرة. هاذ السطاج ما عندوش فائدة كبيرة و أهمية كبيرة ⚠️( مانيش نقول ما عندوش فائدة قاع و لا أهمية ) . و إنما مقارنة بالنظري اللي خاصك تركز عليه كطالب سنة ثالثة طب. واش راح تقراه في ليكور و خاصة Sémiologie و physiopathologie وووو .الفهم تاع هاذ المواد و هضمها هو اللي راح صح يحدث فرق جوهري في مسارك كطبيب متمكن🥼 . 💢 كثافة منهج سنة ثالثة طب و طبيعة المواد اللي فيه و التي تعتبر مدخل حقيقي للطب و كثرة الإمتحانات و ضيق الوقت . أمور كافية باش تعطي أهمية و أولوية للنظري على السطاج الذي لا ينقط و لا يدخل ضمن تقييمات الطالب في مسيرته . 💢 واش راه يقول هذا ⁉️ . هبل وقيلا ‼️ . ياك راح اللي نقراوها نشوفوها فالسطاج . • واه شد في هذا الخيط . ارواح نقلك واش راح تشوف فالسطاج قبل ما تتحشالك . تبع معايا. ▫️ سطاج طروازيام الهدف الأول منو أنه يدخلوك لجو المستشفى كطالب طب جوز عامين غير دراسة . و بالتالي يجهزوك لل cycle clinique. و تاني تمارس لأول مرة علاقة " patient _médecin " و يكون ليك أول احتكاك بالمريض . 🤔 صح في إطار هاذ العلاقة واش راك تشوف و تمارس كمتربص ؟! . 💡 بدرجة أولى تمارس و تطبق la Sémiologie générale. معنتها تتعلم كيفاش تتعامل مع المريض بالخطوات اللي قريتها . من interrogatoire . تعرف كيفاش تدير Examen clinique و examen physique بمحاورها الأربعة . • Auscultation. • Percussion. • Palpation. • Inspection. ✅ تتعلم أساليب الحوار مع المريض و مع الطاقم الطبي ⚠️ ( الطريقة و المصطلحات اللي تهدر بيهم مع المريض ماشي نفسها اللي تهدر بيها المريض ). و قبل ما تمارس أصلا تشوف و تتعلم من طريقة و شرح الطبيب اللي راح يكون مشرف عليك . 📍 و الأمراض و les syndromes هاذوك اللي راح نقراوهم ما راحش نشوفوهم ؟! . ▫️ لا. ما راحش تشوفوهم او خليني نقول ماهمش مقررين عليك في هاذ المرحلة . إلا في حالات‼️ . 📝 أولا نبرر اجابتي علاه قتلك لا ما راحش تشوف ⁉️ و من بعد نقلك الإستثناءات ‼️ . ✅ الدليل هو دليل واحد و كافي علاه ما راحش تشوف القراية و الأمراض اللي تقراهم فالمحاضرات و ليكور لأنه و بكل بساطة أصلا ما راحش تديرو سطاج في سارفيس او تخصص نفس الإينيتي اللي تكون تقرا فيها .⚠️ ( ما تتوقعش انو مدام راك تقرا كارديو راح تدير سطاج ف service cardio و هاكا مع كل اينيتي ) . 💢 التوزيع تاع هاذ السطاج عشوائي . لأنو الأمور اللي مقرر عليك تتعلمهم كاين في كل سارفيس . لأنو و بكل بساطة في كل سارفيس كاين حاجة اسمها "المريض" بصفة عامة. 🤨 مزال ما اقتنعتش ياك ⁉️ • اي غير قلي يرحم والديك وين غادي تشوف les souffles cardiaques و نتا داير سطاج ف service gynécologue ؟؟‼️ _ خليكم منطقييين و ماشي تبعوا هدرة اللي جا... ▫️ واش هي الإستثناءات صح ؟! : • انك تطيح في سارفيس راك تقرا و لا قاري الإينيتي اللي عندها علاقة بيه . هنا ممكن تتجاوز حدود واش مقرر عليك تتعلم من sémiologie générale و تشوف الحالات و الأمراض اللي قريتهم قدامك . و هنا قااااع اذا صدقتلك تشوف زوج تاع les unités بحكم انك راح تفوت على deux rotation فقط كما ذكرنا سابقا.

📝 نخرجوا بخلاصة خفيفة :

_ الغاية العامة من السطاج تاع الطروازيام هي انك تتعلم تطبق Sémiologie générale على المريض . لذلك يا طالب طب سنة ثالثة كي لي جبت 16 كي لي جبت 10. كي تروح للسطاج الهدف تاعك هو المريض و المريض كاين في كل سارفيس . تتعلم من الطبيب المشرف كيفاش تتعامل مع هاذاك المريض بداية من السلام عليكم الحاج إلى أبعد نقطة ممكن توصلها فالفحص نتا و شطارتك و قرايتك . هذا واش خاصك تتقن و تتعلم من السطاج تاع الطروازيام. أمور أكبر من هاذي كلها راه جاي وقتها و الميدسين راهي طويلة و القادم أعظم . فما تتقلقش .... 📍 يتبع ...... #نبلاء_الطب@Noble_Doctors