المهم | عال ( 111 )

اهلا شباب، يوم خميس سعيد للجميع وش تعرفون عن الـ Context في جافا؟ او لغات البرمجه عموما اذا عندك خلفيه في غير جافا

شكرا لوجودكم ولقراءتكم المتمعنه، هذا كان موضوعنا لليوم، اختيار موفق من طرف سادتكم، يبدو وكانه سهل ومجرد نوع من انواع البيانات، ولكن خلفه معاني عظيمه وطريقه تطوير مميزه ومختلفه، وايضا دعم من جافا ذاتهم ،، استفسارات؟ اساله؟ غير مفهوم؟ مفهوم؟ رجاءً افادتي في الشات عن طريقه الشرح، مدى وصول المعلومه، نكثر/نقلل من الصور وكتابه الاكواد، نزيد/نقلل من الاكواد المكتوبه والتجارب، وغيرها من الاقتراحات الاخرى لو عندك نقطه سلبيه، ايجابيه، او محايده، مرحب بك كتابتها في الشات، ومرحب بك كتابتها في الخاص @scientiapuer ولكن رجاءً قبل ماتجي خاص، اعطيني خبر انك جيت من القروب الفلاني عن الموضوع الفلاني واطرح سوالك/نقدك/اطراءك بشكل مباشر وبدون استئذان مسبق، شكرا لكم جميعًا ونراكم الجمعه المقبله مع موضوع جديد

ومثل ماوريتكم وشرحت لكم على class Person، نسخ لصق الي يصير في اي كلاس في الحياه يصير مع الString، هذي طريقتين مختلفه لتعريف النصوص الاولى (الكلاسيكيه) وهي استعمال الkeyword (new) عشان تعرّف كلاس بنسخه جديده لمتغير معيّن او بالطريقه الثانيه (الاسهل) وهي انك تعرّف النص مباشرةً على المتغير مثل اي نوع بيانات اخر ليش هذي الطريقه اقدر استعملها لكن في الكلاسات الاخرى لا؟ هذا الفارق المميز الي مُعطى للString، ولأنها تعتبر نوع من انواع البيانات ويعتبر استعمالها جدًا جدًا شائع، جافا طوروا هذي الطريقه حتى يتسنى لكم استعمال وكتابه النصوص بشكل اسرع مو مثل تعريف اي كلاس تعديل: المفترض عدم وجود رقم داخل اقواس الداله length

Tarrrraaaa 😮✨ ماتوقعت هذا شكل الString صح؟ مشكله لو ماتوقعت واتمنى منك ترجع تقرا كلامي، لاني شرحت فوق ان شكلها بيكون زي اي class فالحياه، رجاءً لو فعلا كنت مو متوقعها ارجع اقرا الكلام بتمعن لانك مارح تفهم الجاي اما اذا كنت متوقع هذا وتثاوبت يوم شفت شكلها، استمر بالقراءه .. class طبيعي مثل اي كلاس غيره، داخله متغيرات تحمل القيم مثل النص الي ادخلته وحجمه وبيانات اخرى ايضًا وجود methods مثل الموجوده في class Person، ولكن! هذي النقطه الفارقه الي تميّز الStrings عن غيرها من البيانات، ان لها ميثودز ولها دوال تعطيك معلومات اكثر وتخلي استعمالك للنصوص متنوع وسريع من استعلام للقيم الى تقصيص الى تغيير القيم (تنبيه: الكود المكتوب غير عن الكود الحقيقي، كُتبت كذا فقط للتسهيل لك يامستجد، اقرا دليل استعمال الكود عشان تشوف الشكل الحقيقي لها ((مايهمك)) ) تعديل: استبدل class بstatic عند كل من length و charAt

مثل ماذكرت لكم الكلاس الي فوق مارح يشغّل البرنامج ولكنه يُستعمل في استعمالات اخرى، مثلها اني اعرّف اشخاص واعطيهم قيم معينه تميزهم الشخص الاول p1 والشخص الثاني p2 بالنسبه للشخص الاول p1, اعرف اسمه احمد، سمّيته احمد باستخدام احد الmethods الموجوده داخل الclass Person، الان اسمه معرّف وتمام الشخص الثاني p2 اعرف سنه ميلاده، اقدر اعرّفها على طول (بتتعلمون بعدين ليش، حاليا مايهمكم) وعلى اليمين رسمت لكم وش جالس يصير خلف الكواليس، او بالاحرى داخل الميموري (تنبيه: الميموري شكلها مو كذا اطلاقًا، هذا شكل الobjects الي تترجم لاحقا الى بيانات رقميه قادره على التواجد داخل الميموري، كل هذا مايهمك لانه مستوى متقدم وانت توك مستجد، لكن كويس تتعرض لاشياء متقدمه في سن صغير)

طيب الحين بتقولي يبو داحم انت قلت بتشرح السترنق وشطحت علينا بالكلاسات؟ يبو داحم انت الان وش وضعك؟ مافهمت تغير كلامك يعني ولا انت مو فاهم المنهج وجاي تتفلسف علينا؟ بقولك لا ياحبيبي، مر عليك الclass type؟ اكيد مر عليك توي متكلم عنه، هنا يجي المفهوم الرئيسي له وليش سُمّي بهذا الاسم، لان طريقه بناء الString نفس الطريقه الي فوق تمامًا، ولاني شرحت لكم ان السترنق شي مو موجود اساسًا في الحاسب وغير مفيد للكمبيوتر، احتجنا كبشر نطوّره لانفسنا عشان بياناتنا المهمه جدًا جدًا، طيب كيف نطوره في جافا؟ نسوي class جديد ونسميه String ونعطيه الخواص الي ودنا نستعملها على الStrings 🤗

طيب هل غريب عليكم الكود هذا؟ ايضًا -المفترض- لا، نفس الكود السابق، اسماء مختلفه وسبب مختلف فقط، الاول كان برنامج طبيعي يشتغل داخل الmain function، وهذا كود طبق الاصل ولكنه لا يشتغل لعدم وجود الداله الام، ولكنه قابل للاستخدام لاحقًا! (راح تاخذون الclasses والmethods لاحقًا في المقرر، لا تستنكر الامر حاليًا، افهم، انت طالب حاسب) خلوني اشرحه من باب التسهيل وشرح الغير معلوم، كلاس اساسي اسمه Person، راح يتم استخدامه لاحقًا في برنامج يعرّف اكثر من شخص بحيث تختلف صفاتهم ومعلوماتهم، الكلاس يتكون من اسم الشخص، جنسه، وسنه ميلاده، يحتوي الكلاس على ميثودز بدورها تغيّر في القيم الموجوده او تستدعيها setName: يضيف/يعدّل على اسم الشخص calculateAge: يحسب عمر الشخص حسب سنه ميلاديه والسنه الحاليه تعديل: استبدل class بstatic عند الداله calculateAge

مو غريب الكود عليكم صحيح؟ لانه غالبا هذا اول كود كتبته في اول يوم لاب، كلاس اُم يتكون من داله اساسيه ودوال اضافيه تكتبها انت لمساعدتك، شكل ثابت دائما في اي ملف جديد تفتحه وتكتب داخله كود جافا

احيانًا توصيل الفكره بطريقه الكتابه فقط امر سيء، لا يقتصر الامر فقط على الفهم، ولكن لابد من معرفه تفاصيل اخرى، مثل تعابير الوجه ونبره الصوت لايصال المعلومه بشكل افضل، لا تتسنى لي اتاحه تلك الطرق، ولكن رسمت لكم اكواد تشرح لكم كيف الString يشتغل خلف الكواليس، وكيف انه صُنف على اساس انه class type، وسميّت class لانها في الاصل class وليست نوع بيانات عاديه مثل الارقام int,double ولها methods مثل isEmpty وlength وغيرها من الدوال التي تساعد في التعرف على النص الموجود امامك

ايش هو ال String ؟ ببساطه هي نوع من انواع البيانات في جافا، فايدتها انها تحمل عدد من الحروف بحيث تشكّل مجموعه حروف تفيد كلمه، جمله، او رساله وتحفظها لك في متغير تقدر تستخدمه لاحقًا، ويميز النوع هذا من البيانات انها class type ، بمعنى انه يمديني استخدم على قيمتها دوال معينه تعطيني معلومات عن النص، تعدل على النص، او تستبدل اجزاء منه، وغيرها من الاوامر الكثير ليش اول حرف كابيتال؟ وباقي الانواع سمول؟ ببساطه مثل ماذكرت فوق، لانها class type، وعادةً من باب نظافه الكود والامتثال للقواعد العامه المجتمعيه لطريقه كتابه اللغه، اول حرف من اي نوع class يكون حرف كابيتال للتمييز ليش String من نوع class؟ وكيف تختلف عن باقي الانواع الاخرى (primitive types) ؟ لان وبكل بساطه ياعزيزي لا يوجد معنى للنصوص في البرمجه عمومًا، الكمبيوتر مايستفيد منها، تستهلك مكان كبير من الميموري، ومافي اي فائده من استخدامها، الى ان جاءك الكائن البشري الي اخترع وسيله الكتابه للفهم ونشر المعلومات، بمعنى اخر، الStrings وُجدت لنا نحن البشر، لان طريقه تواصلنا الاساسيه هي الكتابه، فبذلك نحتاج نخترع نوع بيانات نصّي نقدر نستفيد منه، ولكن الحقيقه هي ان النصوص ماهي الا حروف مركّبه على هيئه سلسله، ولو ترجمنا الكلام بمعنى تقني، الStrings هي سلسله من البيانات بنوع char، ولو نزّلنا الفهم اكثر، الStrings ماهي الا سلسله من الارقام حيث ان كل رقم يشير الى قيم نصّيه الفباتيه تسمى ال Ascii Table، وفيها ينحفظ الحرف بالرقم الخاص فيه (تذكّر: الحاسب يعمل بالارقام فقط، وتحديدًا الصفر والواحد، لذلك كل شي تشوفه قدامك هو فالاصل اشاره الى رقم مميز يدل دلالته)

مبدئيًا شباب ولنشر اكبر قدر من الفائده، اتمنى لو كنتم متواجدين تعلموني بوجودكم باي طريقه كانت، رياكشن، رساله، او اي طريقه تخطر ببالك، بحيث الكلام الي اقوله يوصل لاكبر شريحه منكم ومايحتاج نعيده بعدين او يضيع عليكم او يفوت احدكم

اهلين يااخوان، زي مااتفقنا فوق اسبوعيا باذن الله بعد كل صلاه عشاء راح نتكلم عن موضوع من مواضيع جافا 1 الي انتم تختارونها، ووقع اختيار الاسبوع هذا على ال Strings، ايش هي بالضبط؟ وكيف تشتغل؟ وكيف تفرق عن انواع البيانات الثانيه؟ وليش اول حرف فيها كابيتال؟ راح اغطي باذن الله جميع تساؤلاتكم واشرح لكم الفكره تفصيلًا، تذكروا، انا مو هنا عشان اشرح وامشي زي دكاترتكم، انا هنا ابغى اشرح الفكره الام والمغزى من وجود هذا الموضوع في الكورس وفي لغه جافا، ولذلك قد يكون فيه بعض من الخروج عن اطار المنهج لاني اشرح الفكره الرئيسيه ومنها انت تستنبط وتفهم الي تحتاجه، والباقي من خلاله تفهم الفكره كامله، يمكن ما تحتاجه بالمنهج، لكن بتحتاجه بالفهم وكونك طالب حاسب ايضًا

اتمنى الي اختار حاجه ثانيه يحددها ويكتبها تحت عشان اغطيها 🙏🏼

يتراكم؟ طبيعي لانها ماده برمجه، انت ماتتعلم شي واحد/شي معيّن وخلاص تجلس تتدرب عليه اسبوع لان الاشياء مو صعبه، لكن سرعه التعلم سريعه ولازم يوم بيوم تتدرب على الي اخذته وتجرب تستعمله ببرنامجك وباحاول احل لكم المشكله هذي بحيث ما تتراكم عليكم المفاهيم

وبالنسبه لنظام الاساله/الكويزات، حابين متى تكون؟ اسبوعيا؟ يوميا؟ الساعه كم؟ علموني بكل شي تبغونه

هلا شباب، مبدئيا منورين الكليه يا افرجز، كيف وضعكم مع البرمجه عموما وجافا خصوصا؟ هل في اشكاليات بالفهم؟ دكتورك خايس شرحه؟ انت مو فاهم شي معين؟ البرمجه صعبه؟ الحل عندنا، اكتب سوالك (وتكفى يكون سوال معقول) وبنجاوب عليك بكل حبيّه ووضوح

انتبهو يخوان تسوون كذا

خطتكم 👆🏻