Islaah

#shayxim «Nazar solganga jonli madrasa erdi…»

• Ustoz Husayn Buxoriy

Buxoroning Mir Arab madrasasida oʻtgan asr oʻrtalarida Shahobiddin qori ismli ulugʻ mudarris koʻp yillar dars berganlar. Shu zotning hikoya qilishlaricha, har kuni ertalab tursalar, barcha ustozlarning hujra eshigi oldida qoldirgan poyafzallari yuvilib, tozalab qoʻyilar ekan. Kimdir bu bilan cheklanmay hatto hojatxonalarni tozalab, tahoratga suv isitib qoʻya boshlabdi. Buni kim qilayotganini bilmoqchi boʻlib koʻp poylashibdi, lekin bu himmati ulugʻ shogird oʻzini hech koʻrsatmabdi. Nihoyat bir kuni uni «qoʻlga tushirishibdi». Andijonlik bir talaba ekan. Shahobiddin qori hijolatlikdan yerga qarab turgan shogirdga «Qiblaga qarab, qoʻlingni duoga och», debdilar. U aytganlarini qilibdi. «Oʻzing ham olim boʻl, zurriyodlaringdan ham faqat olimlar chiqsin», deb duo qilibdilar. Darhaqiqat, ustozlar duosi ijobat boʻlib, bu zotning oʻzlari ham olim boʻldilar, farzandlari ham olim boʻlishdi, hatto bir farzandlari shayx Muhammad Sodiq Muhammad Yusuf dunyoga mashhur alloma boʻlib yetishdi, nabiralari ham islomiy ilm sohiblari boʻlib ulgʻayishdi. Ulugʻlar shunday yashashgan» Ahmad Muhammad Tursun

Ilm deganda oliy oʻquv yurtini tamomlab qoʻlga kiritiladigan bir parcha qogʻozni tushunmaslik kerak. Ilm bu uyqusiz tunlar, soatlab kitob titishlar, ustozlar eshigiga qatnab, gʻurur va faxrni sindirishlar, qancha ilm olsa-da, hali hech narsaga erishmagani uchun nadomat chekishlardir. «Ulugʻlar shunday yashashgan» Ahmad Muhammad Tursun

The finest souls are those who gulped pain and avoided making others taste it.

• Nizar Qabbani

Oxirat kunida berilajak boqiy lazzatlar uchun dunyodagi foniy lazzatlardan kecha olmasang, “Orzuyim - Jannat” dema!

Chumolining hech ojizligidan Allohga noliganini koʻrdingmi? Ahir u sendan ham mitti va nimjon-ku? Vaholanki, Namrud yoqqan otashga suv tashigan ham shu mitti chumoli emasmidi?! Nahot, chumolichalik ham qatʼiyating yoʻq boʻlsa? Nahot insoniyat bir chumolining qatʼiyatiga muhtoj boʻlib qolgan boʻlsa?

Chmolining hech ojizligidan Allohga noliganini koʻrdingmi? Ahir u sendan ham mitti va nimjon-ku? Vaholanki, Namrud yoqqan otashga suv tashigan ham shu mitti chumoli emasmidi?! Nahot, chumolichalik ham qatʼiyating yoʻq boʻlsa? Nahot insoniyat bir chumolining qatʼiyatiga muhtoj boʻlib qolgan boʻlsa?

Agar gunoh qilib qoʻysangiz ham, zinhor toatni tark etmang. Nima, ikki karra magʻlub boʻlmoqchimisiz?

Hech qachon hissiyotga berilgan paytingizda qaror qabul qilmang. Oʻzimizga bergan va’dalarimizni bajarmasligimizning eng katta sababi — koʻpincha hissiyotga berilib qabul qilgan qarorlarimizdir. Hislar oʻtib ketgach esa, va’dalar ham oʻz kuchini yoʻqotadi va bu oʻzimizga boʻlgan ishonchning yoʻqolishiga sabab boʻladi. Qarabsizki, endi qilgan qarorlaringizga va bergan va’dalaringizga hatto oʻzingiz ham ishonmay qoʻyasiz. Shuning uchun qaror qabul qilayotganda, e’tiborni uning mohiyatini tushunib yetishga qarating: - Bu narsa sizga nega kerak? - Bu ishni qilsangiz Alloh sizdan koʻproq rozi boʻladimi? - Qachon va qay tarzda amalga oshirmoqchisiz? - Buning uchun sizga nimalar kerak? Shu kabi savollar qarorning tub mohiyatini anglab yetishga yordam beradi. Inson qilayotgan ishini nega qilayotganini bilsa, uni oxiriga yetkazish ehtimoli baland boʻladi.

Bilib turib harom ish qilayotgan odam oʻqiydigan duo! ❗️Bir harom ishni qilayotgan boʻlsang va uning harom ekanligini bilsang ham tark qilolmayotgan boʻlsang, mana bu duoni oʻqib yur: ✨Arabcha matni: اللهم احْرِمْنِي لَذَّةَ مَعْصِيَتِكَ وَارْزُقْنِي لَذَّةَ طَاعَتِكَ ✨Oʻqilishi: Allohumma ahrimniy lazzata maʼsiyatika, var-zuqniy lazzata toʼatika. ✨Maʼnosi: «Allohim! Maʼsiyating lazzatini menga harom qil, meni toat-ibodating lazzati bilan rizqlantir».

Imom Muhammad Shaʼroviy rohimahulloh

Afv et, Allohim. Insonlar eshiklarini qayta-qayta taqillatgan onimda Sening eshiklaring meni qabul qilish uchun har doim ochiq ekanini bilmabman. Afv et, Allohim. Dardalrimni eshitguvchi bir doʻst izlagan vaqtim Sen meni soʻzlamasam-da har on eshitib turganingni unutibman. Afv et, Allohim. Atrofimdan bir najot istab, barchaning yuziga sargʻaygan damlarimda har najot Sendan ekanidan gʻofil qolibman. Кechir, ya Robbiy. Eng soʻnggi najot sifatida Senga kelganim uchun, faqat ogʻir damlarimda Seni eslaganim uchun, Oʻz neʼmatlaring ichida Oʻzingga osiy boʻlganim uchun afv et, Allohim.

Hayotim mobaynida hech bir vaqt saqlagan sukutimdan so‘zlagan jumlamdan afsuslanganchalik afsuslanmadim. Ilmimiz so‘zlarimizda namoyon bo‘lmas ekan, odobimiz sukutimizda aks etgani manfaatliroqdir!

Nega nafsimiz bilan kurashmaymiz, bilasizmi? Chunki u uchun yoqimli bo‘lgan narsalar biz uchun ham yoqimli tuyuladi. Unga qanchalar yaxshi bo‘lsa, bizga ham shunchalar yaxshi. Nafsingiz bilan kurashmoqchi bo‘lganingizda, unga qo‘shib o‘zingizga ham zarba berasiz. U qanchalar qiynalsa, siz ham shunchalar qiynalasiz. Shunda u yana huruj qila boshlaydi. "Kerakmi senga shu narsa?" deydi. "Nima qilasan o‘zingni qiynab?" deydi. Va biz ham jonimiz qiynalmasligi uchun bu urushdan voz kechamiz. Nafsning ustidan nazoratni qo‘lga olish uchun biror ish qilishdan avval o‘zingizdan so‘rang: bu ishni Alloh roziligi uchun qilyapmanmi, yoki nafsim xohlagani uchunmi? Bu zaruratga mening ehtiyojim bormi yoki nafsimning? Albatta, bunda ham nafs qulog‘ingizga asta pichirlaydi. Biroq xolisona baho bera olgan vaziyatingizda nafsning xohishlarini tushunib yeta olasiz. U nimani xohlasa, ayni shuning teskarisini qiling) Alloh barchamizni nafsimizning ustidan hukmron qilsin!

Do’stlar ehson yodingizdami? Bu bloger Dilshod akamizni ko’pchilik taniydi. Qadriyatli insonlar juda. O’sha ehson masalasida bularga murojaat qilgandik. Batafsil hamma xolatni tushuntirdik. Agar imkoningiz bo’lsa ehson karvonimizga qo’shiling. Ehson haqida video murojaat orqali bilib olishingiz mumkin. 5614 6821 2321 4233 9860 1701 1182 2277 Umarjonov Muhammadusmon Karta ulangan raqam: +998(90)5264411 - Buyuk Ipak yo’li bank

Inson shaxsiy rivojlanishi uchun intizom va ma’suliyatdan ham muhimroq omil — bu samimiyat va xolislikdir. Oʻzgarishdan avval qoʻyiladigan qadam oʻtmishni tahlil qilish va xatolarni tan olish hisoblanadi. Qayta-qayta bir xatoga qoʻl urish va qayta-qayta pushaymonlik hissini tuyishning eng katta sababi oʻtmishda qilingan xatolardan toʻgʻri xulosa chiqarmaslikdir. Xatoni hamma qiladi va buni tabiiy qabul qilish lozim. Eng muhimi esa, uni anglab yetish va kelgusida qayta takrorlamaslikka harakat qilishdir. Qat’iy intizom va kuchli ma’suliyatga erishish pushaymonlik hissi orqali kelib chiqadi va xatolarni anglash bizga ayni shu hissiyotni beradi. Xatolar bizga ruhiyatimizni sindirish uchun emas, aksincha, ularni tahlil qilish orqali yana-da kuchli shaxsiyatga ega boʻlish uchun kerak. Shuning uchun bahona qilishni, oʻz-oʻzingizni aldashni toʻxtating-da, xatolaringizni tan oling! Chunki bu oʻzgarish uchun qoʻyilishi shart boʻlgan ilk qadamdir!

Temir olovda eriydi. Biroq bu – uning hikoyasi yakun topdi, degani emas. Aksincha, keraksiz bir parcha temir boʻlagi unga ishlov berish orqali keskir bir shamshirga aylanishi mumkin. Sinovlar ham inson uchun otash kabidir. Ular bizga ozor yetkazayotgandek koʻrinsa-da, aslida bizni toblab, komil bir shaxsga aylantiradi. Har bir sinov – bundan-da yaxshi hayotning boshlanishi boʻlishi mumkin.

Dardlaringizni sevdingizmi hech? Aslida, banda dardmandligidan emas, unga dard yaqinlashmay qoʻyishidan havotirga tushishi kerak. Dard chekyapsizmi? Demak Alloh sizni unutib qoʻymapti. Oʻz holingizga tashlab qoʻymapti. Alloh bir bandasiga dard bersa, yo gunohlariga kafforat boʻlishi uchun, yo darajasini yuksaltirish uchun, yoki Oʻziga toatda saqlash uchun boʻladi. Yanaki, begʻam insondan koʻra, dardi bor inson Allohni koʻproq eslaydi, Uni koʻproq zikr qiladi. Yorugʻ kunlarda Allohni unutib qoʻymaslik, neʼmatlarga hamd aytish har kimning ham qoʻlidan kelmaydi. Ammo dardi bor har qanday musulmon banda Alloh deydi. Dardlar bizni Robbimizga yaqinlashtiruvchi bir koʻprik boʻlsa, nega uni sevmaslik kerak?

Oshiq Ma’shugʻining ismini zikr qilishdan tolmaydi. Aksincha, koʻzlari ila boqqan har neda Uni koʻradi, quloqlari ila eshitgan har narsadan Uning nomi jaranglaydi, zabonidan chiqqan har bir soʻz Uni zikr qiladi. Oʻzni, oʻzlikni unutadi, vujudi birla ruhi faqat Unda birlashadi. Oʻz ismini unutganidan, isming ne desalar Uning ismini aytadi. Chunki aqlda, qalbda, ruhda faqat va faqat Uning nomini takrorlaydi. Ishq — Uning uchun hatto oʻzingni unutmoqdir!

Bir voqea menga qattiq taʼsir qildi: Shayximiz Muhammad Sodiq Muhammad Yusuf rahimahullohning otalari betob boʻlib, kasalxonada yotgan paytlari kechasi-yu kunduzi koʻp-koʻp ibodat bilan mashgʻul boʻlarkanlar. Shifokorlar u kishiga koʻp harakat qilish mumkinmasligini, hech boʻlmasa tungi nafl ibodatlarini toʻxtatib turishini aytganlarida ular: «Jonim menga chidasa chidasin, chidamasa chiqib ketaversin!» - degan ekanlar. Subhan Alloh, biz soppa-sogʻlom jonimizni qiynagimiz kelmaydi. Eshitib, oʻzimdan uyalib ketdim. Endi qachon ibodatlarga biroz eringandek boʻlsam, shu kishining gaplari yodimga tushadigan boʻlib qoldi...

Ey hotirjam nafs! Robbingga sen Undan, U sendan rozi boʻlgan holingda qayt! Bas, bandalarim ichiga kirgin! Va Jannatimga kirgin!

Al-Fajr, 27-30-oyatlar