عَوْن - مسار القرآن الكريم♥️✨

#تحدي_الحفظ (14) #آيات (7) هنحفظ النهاردة عدد آيات سور آخر كام صفحة من المصحف... الميزة إن السور دي متقاربة جدًا في عدد الآيات، ونقدر نربطهم ببعض بسهولة♥ هنركز على الأرقام دي: 3 - 6 - 3 5 - 4 - 5 6 ومعانا شوية استثناءات: 7 و 9 🔴 أولًا: مجموعة 3 - 6 - 3 🔹 3 الكوثر 🔹 6 الكافرون 🔹 3 النصر والجميل إن التلاتة دول ورا بعض في المصحف: الكوثر » الكافرون » النصر ✅ وطالما افتكرنا النصر... ناخد معاها العصر لأنها برضو عدد آياتها 3. 🔴 ثانيًا: 5 - 4 - 5 🔹 5 المسد 🔹 4 الإخلاص 🔹 5 الفلق ومعاهم سورتين تانيين عدد آياتهم 5: 🔹 الفيل 🔹 القدر ونفتكرهم بتربيطة: فاء وقاف (الفيل + القدر) 🔴 ثالثًا: 6 ▫ الناس = 6 آيات 🔴 الاستثناءات: 4 + 5 = 9 🔹 4 قريش 🔹 5 الفيل 🔹 9 الهمزة والتلاتة دول ورا بعض في المصحف لكن بالعكس: الهمزة » الفيل » قريش 🔻 تجميعة السور بالأرقام: 🔻3 آيات: العصر - الكوثر - النصر 🔻4 آيات: قريش - الإخلاص 🔻5 آيات: القدر - الفيل - المسد - الفلق 🔻6 آيات: الكافرون - الناس 🔻7 آيات: الماعون 🔻9 آيات: الهمزة 💡 لو بصيت على آخر صفحات المصحف وكررت التربيطات دي كذا مرة هتثبت معاك إن شاء الله. 🔸 تذكير بالسور اللي جمعناها قبل كدة: 🔻8 آيات: الشرح - التين - البينة - الزلزلة - التكاثر 🔻11 آية: الجمعة - المنافقون - الضحى - العاديات - القارعة وبكده يكون عندنا جزء كبير من سور آخر المصحف مربوط بالأرقام مش بالحفظ المجرد♥ لا تنسونا من صالح دعائكم، وصلوا على النبي💗

#تحدي_الحفظ (14) #آيات (7)

#تحدي_الحفظ (13) #ترتيب (7) هنحفظ النهاردة ترتيب السور من سبأ (34) إلى ص (38) 🔹 34 سبأ 🔹 35 فاطر 🔹 36 يس 🔹 37 الصافات 🔹 38 ص 🔴 طيب هنحفظهم إزاي؟ هنقسمهم مجموعتين: (سبأ - فاطر) (يس - الصافات - ص) 🔻 المجموعة الأولى: (سبأ - فاطر) ◽ سبأ 34 آخر سورة وقفنا عندها كانت الأحزاب... والأحزاب يعني: جماعات فنتخيل إننا هناخد جماعة من الجماعات دي، وهم قوم سبأ. إذن بعد الأحزاب تأتي سبأ ✅ ونفتكر معاها: قوم سبأ وما كان عندهم من نعم. ◽ فاطر 35 فاطر = خالق السماوات والأرض يعني خالق النِّعم فتبقى المجموعة: سبأ » فاطر = نعم + خالق النعم 🔻 المجموعة التانية: (يس - الصافات - ص) دي نحفظها بفكرة: حرفين » صفوف » حرف لأن: قبل الصافات: يس = حرفين من الحروف المقطعة وفي النص: الصافات = صفوف وبعدها: ص = حرف واحد فتبقى: يس » الصافات » ص ✅ 🔴 ايه المحطات اللي نثبت عندها؟ ◽ سبأ 34 نثبتها لأن قبلها الأحزاب: الأحزاب = جماعات .. وسبأ قوم من الجماعات دي وبعدها فاطر.. (نعم وخالق النعم) ◽ الصافات 37 نثبتها لأنها بين سورتين من الحروف المقطعة: • قبلها: يس (حرفين) • بعدها: ص (حرف واحد) فتعرف إن: يس » الصافات » ص وبكدة الترتيب كامل: سبأ » فاطر » يس » الصافات » ص ❤️ وبكدة حفظنا ترتيب ثلث سور القرآن🥰🥰🥰

#تحدي_الحفظ (13) #ترتيب (7)

#تحدي_الحفظ (12) #آيات (6) هنكمل بوست المرة اللي فاتت.. والنهاردة هنربط السور بالـ 12 رقم اللي حفظناهم قبل كدة.. 🔻 مجموعة الـ 6 60 الذاريات 62 النجم 64 النور 🔸 هنفتكرهم بقصة: تخيل إنك واقف في مكان فيه هوا ورياح (الذاريات) وبتبص للسماء بالليل وشايف النجوم (النجم) والنجوم دي بتنور السما في الليل (النور) وبكده حفظناهم بالترتيب التصاعدي: الذاريات 60 النجم 62 النور 64 ✅ 💡 تربيطة إضافية: كلمة (ذاريات) فيها 6 حروف، وعدد آياتها 60. 🔻مجموعة الـ 7 75 الزمر 77 الفرقان 78 الحج - الرحمن ◽ الزمر 75 هنربطها بآخر سورة من المجموعة اللي فاتت: النور 64 الزمر 75 ونقرأهم بشكل رأسي: الآحاد: 4 - 5 العشرات: 6 - 7 فتبقى: أربعة خمسة ستة سبعة ✅ وكمان: النور والزمر مشتركين في آخر حرف: الراء 🔸 باقي سور المجموعة هنحفظهم قدام 🔻 مجموعة الـ 8 83 يس 85 غافر 88 القصص - ص ◽ يس 83 طريقة بسيطة 😂: حرف السين في يس شبه رقم ٣ بالعربي (3 سنون) إذن: يس = 83 ◽ غافر 85 نربطها مع الواقعة: غافر     85 الواقعة 96 ونقرأها: 5 - 6 8 - 9 يعني: خمسة ستة... تمانية تسعة ✅ وللربط أكتر: غافر فيها حرف الفاء والواقعة فيها حرف القاف (حرفين ورا بعض) 🔸 باقي سور المجموعة هنحفظهم قدام 🔻 مجموعة الـ 9 96 الواقعة 98 مريم 99 الحِجر ◽ الواقعة 96 ثبتناها مع غافر: غافر 85 الواقعة 96 خمسة ستة.. تمانية تسعة ▫مريم 98 فيها حرفين زي بعض: (ميم - ميم) إذن: رقمين ورا بعض » 98 ◽ الحِجر 99 فيها حرفين ورا بعض: إذن: رقمين زي بعض »99 يبقي نفتكر إن مريم والحِجر نفس فكرة الربط 👌 🔴 نرجع للسور اللي سيبناها: ◽ الفرقان 77 فيها حرفين ورا بعض: (الفاء - القاف) إذن: رقمين زي بعض » 77 ◽ الحج والرحمن 78 مشتركين في حرف: الحاء إذن: الحج + الرحمن = 78 ◽ القصص وص 88 مشتركين في حرف: الصاد ورقمين زي بعض: 88 🔴 نجمع كل ده مع بعض بقا... ▫الذاريات - النجم - النور • الذاريات من 6 حروف.. يبقي 60.. • النجم والنور.. النجم ده بينور السما بليل.. ونمشي بالترتيب في القصة .. يبقي النجم تاخد 62.. والنور 64 ▫الزمر - الفرقان - الحج والرحمن • الزمر والنور بتربيطة واحدة (أربعة خمسة ستة سبعة) النور 64 الزمر 75 • الفرقان .. حرفين ورا بعض .. رقمين زي بعض.. 77 • الحج والرحمن.. مشتركين في حرف الحاء 78 ▫يس - غافر - القصص و ص يس.. السين 3 سنون شبه رقم ٣ فيها 3 سنون .. 83 • غافر.. حفظناها مع الواقعة (خمسة ستة.. تمانية تسعة) غافر     85 الواقعة 96 • القصص و ص.. مشتركين في حرف الصاد.. رقمين زي بعض.. 88 ▫الواقعة - مريم - الحِجر • الواقعة حفظناها مع غافر.. (خمسة ستة.. تمانية تسعة) غافر 85 الواقعة 96 • مريم والحجر.. السورتين نفس طريقة التربيط - مريم حرفين زي بعض.. رقمين ورا بعض .. 98 - الحِجر حرفين ورا بعض.. رقمين زي بعض.. 99 لا تنسونا من صالح دعائكم، وصلوا على النبي💗 دُمتم بخير❤

#تحدي_الحفظ (12) #آيات (6)

#تحدي_الحفظ (11) #ترتيب (6) انهاردة هنحفظ ترتيب السور من لقمان (31) إلى الأحزاب (33): 🔹 31 لقمان 🔹 32 السجدة 🔹 33 الأحزاب هنفتكرها بقصة قصيرة.. لقمان كان ينصح ابنه ويعلمه الحكمة فذهب ليسجد لله شكرًا واجتمع حوله الأحزاب (الجماعات) فتبقى: لقمان » السجدة » الأحزاب ✅ خلينا انهاردة اليوم خفيف في الترتيب عشان نركز في بوست الآيات اللي قولنا إننا هنكمله انهاردة ونربط السور بالـ 12 رقم اللي حفظناهم المرة اللي فاتت

#تحدي_الحفظ (11) #ترتيب (6)

وِرد الأسبوع الثالث (3 / 11) [ الأنعام | الأعراف | الأنفال | التوبة ] 🔴 Score: +200 ◽لما تتموا قراءة الوِرد بتبعتوا علي غَيْث لا تنسونا من صالح دعائكم، وصلوا على النبي💗 دُمتم بخير❤

🔻الإختبار الإسبوعي الثاني https://forms.gle/cJS8tiw9sbZXGC1G6 🔸 Score: درجة الاختبار × 2

السلام عليكم يا رِفاق.. نعتذر عن تأخير المصادر اليومين اللي فاتوا، وبإذن الله كل المصادر هتنزل في معادها بدايةً من بكرة (الأسبوع الثالث) دُمتم بخير💗

#تحدي_الحفظ (10) #آيات (5) هنحفظ النهاردة عدد آيات 12 سورة .. كباية شاي كدة عشان الموضوع فيه شوية رياضة 😂☕ 🔴 هنحفظ السور اللي عدد العشرات في عدد آياتها: 6 - 7 - 8 - 9 والسبب إن كل مجموعة فيهم فيها 3 أرقام تقريبًا، فهنعرف نربطهم ببعض 👌 🔹 مجموعة الـ 6: 60 - 62 - 64 🔹 مجموعة الـ 7: 75 - 77 - 78 🔹 مجموعة الـ 8: 83 - 85 - 88 🔹 مجموعة الـ 9: 96 - 98 - 96 قبل ما نعرف كل رقم تابع لأي سورة... محتاجين الأول نثبت الأرقام نفسها، يعني مثلًا: رقم 6 في العشرات معاه: 60 - 62 - 64 🔴 طيب هنميزهم إزاي؟ هنربطهم كدة.. 🔸 مجموعة الـ 6 60 - 62 - 64 هنفتكرها: 0 + 2 + 4 = 6 ✅ يعني أرقام المجموعة تكمل بعضها. 🔸 المجموعات (7 - 8 - 9) التلاتة مشتركين في رقم مهم: 8 يعني معانا: 78 88 98 طيب مجموعة الـ 8 نفسها: عندنا رقم 8 (زي ما قولنا إنه مشترك ف ال 3 مجموعات): 88 والرقمين الباقيين مجموعهم 8 3 + 5 = 8 إذن: 83 - 85 - 88 ✅ 🔸 نخش على مجموعتي الـ 7 والـ 9: كل واحدة فيهم معاها رقمها: 7 → 77 9 → 99 ويبقى: 78 - 77 98 - 99 فاضل رقم لكل مجموعة: 🔻مجموعة الـ 7 معاها: 75 🔻ومجموعة الـ 9 معاها: 96 ونفتكرها كدة: الـ 7 أصغر » ناخد معاها 5 الـ 9 أكبر » ناخد معاها 6 إذن: 75 ✅ 96 ✅ كده ثبتنا الأرقام.. اقرأ البوست كام مرة كدة عشان يثبتوا معاكم😂❤ ودي أسماء السور.. 60 الذاريات 62 النجم 64 النور 75 الزمر 77 الفرقان 78 الحج - الرحمن 83 يس 85 غافر 88 القصص - ص 96 الواقعة 98 مريم 99 الحجر 📌 المرة الجاية بقى نحفظ كل رقم تابع لأي سورة ونربطهم مع بعض بإذن الله لا تنسونا من صالح دعائكم، وصلوا على النبي💗 دُمتم بخير❤