كتب ملخصات تالته ثانوي 2027

وعليكم السلام ورحمه الله وبركاته 🤍 هو أنا الصراحه مش باحط السحر في دماغي ،وانتي المفروض تعملي كدا؛ لان كل واحد ميسر لما خلق الله وربنا عارف اقدرنا ومحددها فمهما حصل (انت تريد ،وغيرك يريد ،والله يفعل ما يريد🤎) في اي حال من الأحوال الناس مش بترضى عن حد ودائما بينتقدوا اي شخص ،فخلي في دماغك حاجه واحده بس وهي (حب الله والعمل لأجله ،والرضى في كل شيء 💗) وبعدين أنا اتكلمت في حتة المذاكرة دي فوق اقرأيها وهتفهمي ،وماتحطيش حاجه في دماغك اسمها سحر ،هو اه مذكور في القرآن لكن ماتحطيهوش في دماغك ، واللي عندك ده نفس اللي غيرك بيعاني منه اثناء الدراسه ،يعني مش انتي لوحدك 👍 انك تبدء..!! متنتظرش سِحر ولا طرق خزعبلية انت بس ابدء ومتقصرش وتذڪر ان لك رب والله لا يضيعك اذا صدقت وأخلصت النية له..!!💫

ملخص اول ٣ دروس احياء ❤️

في منهج الأحياء للصف الثاني الثانوي، يتناول أول ثلاثة دروس في الترم الأول موضوعات متنوعة ومهمة لفهم البيولوجيا بشكل أساسي. إليك ملخص بسيط لها: الدرس الأول: التغذية الذاتية يتناول هذا الدرس عملية التغذية الذاتية التي تقوم بها النباتات وبعض الكائنات الحية الأخرى. يتم التركيز على عملية البناء الضوئي كعملية رئيسية تحدث في النباتات، حيث تحول الطاقة الضوئية إلى طاقة كيميائية مخزنة في الجلوكوز. يتم شرح دور الكلوروفيل والبلاستيدات الخضراء في امتصاص الضوء وإتمام التفاعلات. الدرس الثاني: التغذية غير الذاتية يركز هذا الدرس على الكائنات التي لا تستطيع إنتاج غذائها، وتعتمد على كائنات أخرى للحصول على العناصر الغذائية. يتضمن أنواع التغذية غير الذاتية، مثل التغذية الرمية (كما في الفطريات) والتغذية الطفيلية (مثل بعض الديدان والطفيليات). يتناول أيضًا الهضم، وامتصاص الغذاء في الكائنات الحية المختلفة. الدرس الثالث: النقل في الكائنات الحية يتناول هذا الدرس كيفية نقل المواد (كالماء والأملاح والمعادن) داخل الكائنات الحية. يشرح آليات النقل في النباتات، مثل الخاصية الأسموزية والنقل النشط. يتطرق أيضًا إلى النقل في الكائنات الحيوانية، مثل الجهاز الدوري في الإنسان، ودور القلب والأوعية الدموية في توزيع المواد. هذه الدروس توفر أساسًا مهمًا لفهم كيفية عمل الأنظمة الحيوية المختلفة وتكامل وظائفها داخل الكائنات الحية.

ودا اللي بيقفل التطبيقات اللي بتشتت أثناء المذاكرة

هو دا التطبيق بيساعد جدا في المذاكرة💗

السلام عليكم ورحمه الله وبركاته 🎀 (1)لما تنوي نية المذاكرة ،لازم تبعدي الفون عنك ،ممكن مثلا تعطيه لأختك أو لمامتك لغاية ماتخلصي ، أو لو بتستخدميه أثناء المذاكرة ،في تطبيق على المتجر اسمه (App Block) دا بيقفل كل التطبيقات اللي بتشتتك أثناء المذاكرة زاي الوتس والتليجرام والفيس ،هابعت لكم صورته ، وانتي بتحددي الوقت اللي هتذاكري فيها التطبيق ده هينتظم لك على الوقت اللي انتي هاتحدديه ،واول ما الوقت يخلص هو بيفتح التطبيقات تاني عادي👍. (2)جدول المذاكرة ،انا مش بانصح بيه لانك مش هتنتظني بيه +أنا ماعرفش مواعيدك اللي انت بتكوني فاضيه فيها فأنا بقول انك كل يوم قبل ماتذاكري تجيبي (notes) كدا صغيرة تكتبي فيها كل حاجه عاوزة تخلصيها في اليوم ده ،ولما تخلصي تعملي علامة صح قصاد الحاجه اللي أنجزتيها ، وبعد كده تكافئي نفسك باي حاجه انتي بتحبيها ،سواء شوكولاته أو غيرها🎀 (بالتوفيق ان شاء الله 🤎)

بصي علشان تعرفي توفقي بين وقت الشغل والدراسه:- (1)-انتي تروحي المعهد عادي ، وتروحي الشغل في الأوقات بتاعته ،ولما ترجعي من الشغل ذاكري لغاية الساعه 12:00 ليلا، وبعدها تنامي وبعدها تصحي الساعه 4:00 الفجر تصلي وتقرأي صفحة من القرآن، وتبدأ تذاكري لغاية الساعه 6:30 صباحا. (2) بالنسبه لنفسيتك ، فأنتي لازم تحسينها علشان دي العامل الرئيسي في المذاكرة ، لما تيجي تذاكري ،حاولي مابين شئونك الحياتية وبين المذاكرة ،فضي دماغك من اي حاجه تعكر مزاجك وانتي بتذاكري وتوكلي على الله 🤎 (3)- علشان تحسني نفسيتك ،قربي من ربنا اكتر، وماتحطيش كلام الناس في دماغك ،ولا تقولي أنا وحيدة والكلام ده ماتقوليهوش ابدا (انتي معاكي ربنا اللي احسن من اي حد )، ودائما صلحي علاقتك مع ربنا مش بالصلاة والقرآن وبس لا ، بالتعامل مع الغير ،وحسن النيه ،ومساعدة اي حد محتاجك ، واتكلمي مع ربنا وعيطي وانتي بتصلي. (4) تزكري أن ربنا قال في كتابه العزيز:(ونحن أقرب إليه من حبل الوريد 🤎) اسمعي قرآن كتير بيساعد على تحسين النفسية والراحه والطمأنينة (طب القلوب وشفاءها هو القرآن الكريم 💗)

وعليكم السلام ورحمه الله وبركاته 🎀 أفضل طريقة للحفظ:- (1) -إنك تقرأ الصفحة اللي عاوز تحفظها دي 3 مرات بتركيز ، وتخبي الصفحه اللي قصادها علشان عينك ماتروحش نحيتها ،بحيث تكون مركز على الصفحه اللي انت محددها. (2)-تكتب اللي انت حفظته في ورقة خارجيه 3 مرات ، وبكدا هتقدر انك تحفظ المعلومة ومكانها كمان في الكتاب او اي مصدر انت بتذاكر منه. ربنا معاك ويوفقك يارب العالمين 🤎

وعليكم السلام ورحمه الله وبركاته 🤍 أنا زيك علفكرة مدرستي صباحي ،بس حاولي انك تلتزمي بدروس الاون لاين ،فانك ماتسمعيش المحاضرات كلها في يوم واحد ،قسميها على يومين او تلاته لغاية قبل المحاضرة التانيه 👍 وبالنسبه للوقت اللي تذاكري فيه ، أنا ضحته فوق لطالبة ازهر ماتقلقيش كل اللي انا قولته بينطبق على ثانويه عامه وثانويه ازهريه 🤎 وربنا معاكم ويعينكم ويوفقكم يارب 🤍

وعليكم السلام ورحمه الله وبركاته 🤍 علشان تلتزمي بالصلاة :- لا تصلي لأنها فرض علينا ، بل صلي حبا لله وشكره لما أعطانا🎀 (2)خصصي مكان في البيت للصلاة، وحطي فيه السجادة بتاع الصلاة والسبحه ،وملابس الصلاة. (3)افتكري انك بتقضي ساعات كتيرة قصاد الموبيل، فماتستعجليش في الصلاة (صلي بخشوع وتأني🤍) (4) اول ماتسمعي صوت الأذان ،اعرفي إن ربنا بينادي عليكي وعلى كل المؤمنين والمسلمين ليلبوا الصلاة🎀 (5)حاولي انك تفكري في إن الصلاة دي شيئاً أساسيا للأهتمام بالروح ،علشان تحسي بالراحه والطمأنينه والاستقرار، وانتي بتصلي ادعي ربنا باللي نفسك فيه واتكلمي معاه كتيير ،لان الصلاة دي هي (صلة العبد بربه💗) وربنا يهدينا جميعا ويصلح حالنا وييسر امورنا ويرزقنا رؤية وجهه الكريم 🤍

(6)تذاكري في مكان هادئ جدا ،علشان دا هيساعدك انك تركزي اكتر وكل نقطه ذاكرتيها تقدري تسترجعيها من الذاكرة الدائمة وليست المؤقته. (7)المذاكرة من بعد الفجر حلوة اوي لأن نسبة تركيزك فيها بتكون عاليه وبتقل تدريجيا على مدار اليوم☺️ (8)في أوقات المدارس ممكن تنامي من بعد العشاء لغاية الساعه 1:00 وبعدها تصحي تذاكري لغاية الساعه 6:30🎀 (9)الصحبه:- حاولي تصاحبي صديق يشجعك دينيا على الصلاة والقرب من الله ،وعلميا في المذاكرة والمنافسة في الدراسه 🤎 (10)ماتنسيش أدعية قبل وبعد المذاكرة لأنها بتزود البركه في وقتك🤍 ودي كانت أهم 10 نقط ،الصراحه ناتجه عن تجربتي وتجربة ناس تانيه. وباتمنى لكم التوفيق والنجاح الدائم والهدايه وصلاح الدين والحال وإطمئنان القلب واترككم في معية الله وحفظه وأمنه واستقراره والسلام عليكم ورحمه الله وبركاته 🤍

https://6881782219055.sarhne.com دا لينك الصراحه بتاعي علشان لو حد محتاج مني نصيحه في المذاكرة أو في الحياة من غير ماعرف مين الشخص دا ، أنا عندي كتيير وكل اللي عندي من تجارب ومواقف مريت بيها ، وكمان اقدر أفيدكم بيها🤎

ملخص الاستاتيكا اول تالت دروس أنا عملته علشان امتحان الشهر🤍 ربنا يوفقنا جميعا وييسر امورنا ويجبرنا جبرا يتعجب له أهل السماوات والأرض ويجعلنا من الذين نالوا ماتمنوا🤎

الخلاصه 🤔

جايبلك خلاصه قصه الملك لير وخلاصه الاسئله اللي بتيجي عليها Yes, I think so because... No, I don't think so because... ــــــــــــــــــــــــــــــــــــــــــــــــــــــــ✅ Yes لو كان السؤال Do you think

https://youtu.be/xotgDunpJfY?si=KHiPtX6v2vk2CiSs مراجعه احياء الجوهري ✅♥

https://youtu.be/Iq91ixhEULo?si=u5SkkVhiatJXS8H1 مراجعة رياضيات بحته للمستر أحمد الفواخري🤎