صُحْبَــــة || 𝐒𝐎𝐇𝐁𝐀 🧡🍃

﴿فَعّالٌ لِما يُريدُ﴾ يفعل سبحانه ما يشاء بحكمةٍ وعِلم، لا يُعجزه شيء، ولا يخرج أمرٌ عن تدبيره، فما أراده كان، وما لم يُرِده لم يكن. فإذا سلَّمتَ لله أمرَك، ورضيتَ بتدبيره، ساق لك من الخير ما لم تكن تتوقّعه، لأنَّ العبدَ كلّما صدق في التوكُّل والرِّضا، فتح الله له أبوابًا ما كان ليبلغها بحوله وقوّته.

إنسان مُؤمِن مُحبّ، فاقِد، مُتألِّم، مسلوبٌ مِنهُ قلبه، يحاول إكمَال المسير، لا نجاة لهُ إلّا بطلبِ المعيّة العاليّة، والمُستقر الآمن!

من الحاجات البسيطه اللي الواحد كان بيبقي مبسوط بيها اكيد وهي انك تخلص امتحانات وفرحتها مش بيكون انك خلصت ع اد ما بيكون انك شايف تعب والديك حواليك ف السنه دي عامل ازاي وبتجري بس علشان تطمنهم وانها سنة وعدت بس احساس لما خلصت امتحانات المرة دي مختلف خالص بجد كنت ببقي عارف ان اول حد بيكلمني ف اي امتحان وبعد ما اخلص هو والدي وانك بتكون مبسوط علشان هو مبسوط وشايفك خلصت ودي بتكون ثمرة تعبه وحاجة بسيطه بس الواحد يقدمها ليهم بس مش عارف يعني المره دي مشفتش رنته ف اكيد دي حاجه فارقه معايا وكلامه وان اي حاجه كانت بتكون ليهم وليه اكيد ، ربنا يجازيك عنا كل خير ي والدي والله ويرفع درجاتك ف الجنة وتكون شايف بردوا وحاسس ب اي حاجه الواحد بيقدمها ف ظل الظروف والحاجات اللي الواحد محطوط فيها ...ربنا يرحمك ي حبيبي ويغفر لك ويجمعنا بيك ف الجنة ان شاء الله. لا تنسوا والدي من صالح دعائكم 🧡

أمّا بعد، قليلٌ دائم خيرٌ من كثيرٍ منقطع 🌿

ألا تفارقني رحمتك ما دُمت حيًا، ألا تفارقني حين أفقِد وحين أُفقد، حين تتعثر كل الأمور، وحين تتبدل كل الخطط، حين ينقطع الأمل داخلي، وحين أقف ف المنتصف بلا حيلة! ألا تفارقني رحمتك حتى تغدو أشد الأمور هيّنة على قلبي.))"

‏﴿لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا﴾ قيام اللّيل شرفُ المؤمن.

‏﴿ إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَاأَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا ﴾

تذكير: إن المرء ليزالُ همُه ويرفع غمُهُ بكثرةِ صلاته على النبي ﷺ .

جاءَ في معنى التَوفيق؛ أن تجتمعَ مشيئةُ اللّٰه معَ مشيئة العبد فيُوفَّق لما يُريد! يا رب وارزقنا.

"أحبُّ أن أرى مشاهد الجبر في أعيُن مَن حولي، تجعلني أشعُر أن الأحلام تتحقق وأن لي نصيبًا مثلهم. كُلما رأيت أحدًا قلبه هادئ ونفسه راضية.. أدعو له أن يتم الله عليه نعمته وأدعو لنفسي أن يرزقني مِمّا رزقهم." أقولُ بصوتٍ خافت: يا رب وقلبي :)) سمر إسماعيل

" دُلَّ قلبي إليَّ، وأنزل السكينةَ عليَّ."

نحبُّ الخِفَّةَ وأهلها ، ونريدُ أن يمرّ ما تَبقىٰ من أعمَارِنا خفِيفًا دون صراعاتٍ أو شدٍ وجَذب . وندعو الله أن يَمنّ علينا بالخِفّةِ ، والسَّكِينة التي تُعِيننا ع مُكابدة دنَاوةِ الدُّنيا ، ووَحشة الطَّريق.. وأن يرزقنا نصيب وفِيرًا من الأُنسِ الطمأنِينة ، والدِفء ؛ حتّى لا تَغلِبُنا الدُّنيا .. وأن يُبعدنا عن كلِّ ما يُضِيرنا ويُرهقنا ، آمين .

‏{وَقَالَ إِنِّي ذَاهِبٌ إِلَىٰ رَبِّي سَيَهْدِينِ} وقيل : ذاهب بعملي وعبادتي، وقلبي ونِيَّتي.. -القرطبي. الحمدُ للّٰه الذي أذنَ لنا بيومٍ جديدٍ لنعبدهُ ونذكرهُ ونشكره ونَتوبُ إليه.')

صَباح الخَيرِ..

إنَّ الخَيرَ آتٍ، فَدَعْ ذِكرَ الأسَى والمُوجِعَاتِ!

ذكري وفاة حد غالي عندك او قريبك او من البيت عندك بتعيد تفاصيل اليوم بكل حاجع حرفياً وبتشوف كل حاجه قدامك خصوصاً لو كنت بالفعل حاضر كل دا وكمية المشاعر والأحاسيس وقتها بتكون كأنك فتحت حاجه مكبوته لليوم دا ومهما كنت انت او اللي موجودين حاسين بكدا ف اليوم دا بكل حاجه ليكي تأثيره اكيد ع اللي حواليك مش هيكون زي ما كان حتي انهم متأثرين باليوم دا او حتي للشخص دا ، غريزة البشر صعبه والله ، ع الرغم انه كان حد غالي عندهم كتير بس سرعة نسيان الشخص دا ف حياتهم ومع ملهيات الحياة بيكون عادي لكن مش عادي خالص ع اهل بيت الشخص دا واللي بيكونوا هم اكتر ناس حاسه بكل حاجه ودا حاجه انت اكيد مش متحكم فيها لا للناس ولا لاهل البيت لكن ف النهايه دا قضاء الله وقدره وربنا يرحم موتانا و موتي المسلمين اجمعين.

لقد كان لي أب من ذهب، فذهب. عدّت سنة ع وفاتك، لكن وجع فراقك لسه زي ما هو، كأن يوم رحيلك كان امبارح. كنت بالنسبة لي أكتر من مجرد والد… كنت أخويا اللي بحكيله كل حاجة، وصاحبي اللي بلاقي معاه الأمان، وسندي في الدنيا، وقدوتي اللي اتعلمت منه معنى حاجات كتير. كان لي أب من ذهب… وجوده كان نعمة كبيرة في حياتي، وكلامه ونصايحه كانت دايمًا نور يهديني للطريق. ورغم إنك مش موجود وسطنا، لكنك لسه عايش في قلبي وذكرياتك، في كل مكان بروحه، وفي كل موقف بتمنى لو كنت معايا فيه. أصعب حاجة في فراقك إني فقدت الشخص اللي كان وجوده لوحده يطمني، الشخص اللي كنت أرجع له وأنا عارف إني هلاقي السند والأمان، الشخص اللي بمجرد ما يلاقي حد فينا مدايق كان هو اللي بيواسي ويقوي عمره ما حسس حد فينا انه ناقصه حاجه كان الداعم الاول والأمان اللامنتهي. لكن عزائي إنك سايبلي حب كبير وذكريات أجمل من إنها تتنسي وسايب سيرتك الطيبة الحسنه اللي بشوفها وسط الناس . ربنا يرحمك يا والدي، ويجعل مكانك في الجنة، ويجمعني بيك في دار مفيهاش فراق. هتفضل دايمًا قدوتي، وسندي، وأغلى أثر سايبه في حياتي… وهتفضل معايا في كل خطوة، وفي كل دعوة بدعيها ليك.

‏سَلْهُ شأنك كُلّه، لا يحدّ سعة فضل الله شيء.