الرُؤَىٰ." 🔻

ومَاليَ غِيرُ بَابِ اللهِ بابٌ وَلا مَولَى سِواهُ ولا حبِيبُ كريمٌ منعمٌ برٌّ لطيفٌ جَميلُ السِّترِ للدَّاعِي مُجيبُ."))

🤍

هل الدعاء بيغير القدر؟ عامل إيه يا رب تكون بخير، ندخل في الموضوع علطول بنحب أحنا الأسباب هاا؟ طيب يا سيدي تاني شيء مبهم وهو القدر، هل القدر ممكن يتغير بالدعاء؟ يعني مش بالظبط كدة، بص يا عزيزي الاقدار انواع قدر مُبرم وقدر معلق، طيب إيه الفرق؟ القدر المُبرم هو اللي منه كُتب لك، ومنه كُتب عليك وده واقع لا محالة من ذلك أما القدر المعلق، فده معلق بطريقة سعي معينة، دعاء معين، المهم أنه معلق بسبب أحنا ناخد بيه طيب أحنا نعرف إزاي القدر ده معلق أو مُبرم، غالبًا لما تتوفق لدعوة معينة وتلاقي قلبك ولسانك بيرددوا فيها دايمًا، بيكون ربنا عايزك ملح ليه ومستجيب ليه، فيجيبك وبيكون معلق. طيب لو مستجابش؟ عمر إيدك ما تنزل فاضية أبدًا لازم لازم هتاخد حاجة وهنا بيكون وقع عليك القدر المُبرم اللي لا مفر منه، ولكن من رحمه سبحانه وتعالى أنه مبيسيبش عبده أبدًا، لازم هيرضيك طيب أنا أعمل إيه دلوقتي؟ أدعي وأنا مش عارفة الفرق كدة؟ بص أنت خليك دايما عبد لحوح أدعي، الرسول حثنا على الدعاء وقال صلَّ الله عليه وسلم "لا يزال القضاء والدعاء يعتلجان ما بين الأرض والسما" وفي حديث آخر قال "لا يرد القضاء إلا الدعاء" الدعوة أجيبتك فالحمد لله، مستجابش رب العباد ليها؟ أصبر وأرضى وأفتكر إن الصبر عند الوهلة الأولى ومتتسرعش وتقول ليه يا رب؟ أظن كدة وضحت؟ لو عايز تعرف يعني إيه الصبر عند الوهلة الأولى وإيه علاقتها بالدعاء وإزاي نرضى ونصبر أستنى المقال اللي جاي وبس كدة، كانت معكم رؤى."))

اسفة على اللخبطة حصلت مشكلة في الجروب اضطررت أعمل كدة🫶🏻

اليوم الأول")) _______ هو ربنا عايز مننا إيه؟ ولما كل ده مكتوب علينا بنتحاسب ليه؟ سؤال مفيش حد مفكرش فيه، والعبد لله من ضمن بكل بساطة يا عزيزي أن ربنا كرم بني آدم لما أتسأل شيخنا محمد متولي الشعراوي السؤال ده جاوب ورد " ربنا خلق الكائنات كلها تعبده سبحانه، واستثنى الأنس والجن" طيب أنا فهمت ربنا عايز مننا إيه، بنتحاسب ليه بقى وكله مكتوب ! أقلك، في فرق بين المكتوب والمفروض وربنا سبحانه مفرضش شيء علينا، ومعنى أنه كُتب أي أنه سبحانه عارف أحنا هنعمل إيه، يعني أنت لو أديت أتنين قريبين منك فلوس وأنت عارفهم كويس، بتبقى مخمن ده هيجيب إيه وده إيه، ربنا نفس الشيء حطك في طريق وهو عارف أنت هتختار إيه ولكن مفرضش عليك ! سابك تختار." اظن كدة وضحت؟ بلاش بقى نظرة إساءة الظن في الله، وأحس حساب كل خطوة بتعملها. ولغاية هنا نكون خلصنا أول يوم، وعرفنا أول شيء مبهم بالنسبة لأغلبنا، كانت معكم رؤى"))

أهلا بيك يا عزيزي لو تعرفني، ولو متعرفنيش ف أنا رؤى مش هطول كتير ويلا بينا على أول موضوع في الرحلة دي، الرحلة دي عبارة عن خطوات هنمشيها سوا وعلشان نعرف نمشي صح لازم نتبع تعاليم معينة والتعاليم دي هتكون " بواسطة رؤى " جاهز؟🤎

https://www.facebook.com/share/p/RoZNTK5DjkEahHYU/?mibextid=qi2Omg لينك بيدج الفيس بوك🤎

لو حابين تكملوا هكون مبسوطة قوي، وإن شاء نكون عيلة جميلة ونكبر الروم سوا لترك أثر طيب، هدفي من الروم هو ترك الأثر ده وزرع بعض من الطمأنينة، وترسيخ في عقولنا معني لطف الله."))🤎

عاملين إيه؟ أعرفكم بيا وبالروم أنا رؤىٰ، فتاة لطيفة، تُحب الإسلام، الكتابة، الكتب، الأمل"" هُنا ستجد عالم آخر، عالم مليء بالكثير من الدين ولطف الله والأمل"" هُنا لترك أثر طيب."🤎