Biloliddin || blog

Onlayn kurslar So'ngi vaqtlar bizning mediani onlayn kurs reklamalari bosdi. Instagramda ham, telegramda ham, hatto "pechkani yoqsang" ham, kimdir o'z kursiga taklif qilayotgan bo'ladi. Bu yaxshi. O'zim ham 3 D max arxitektura sohasini aynan onlayn kurs orqali o'rganganyabman va adashmaganman. Muammo nima? Guruch kurmaksiz bo'lmaydi deyishadi, lekin bizdagi "kurmaklar" "guruch"dan-da ko'payib ketdi. Ya'ni faqat pul topish uchun shunchaki "suv"dan iborat kurslarni sotishyapti. Hozir esa shularga aldanib qolmaslikni va onlayn kurslarni biroz bo'lsada, "elakdan o'tkazish"ni ko'rib chiqamiz. Demak, katta ehtimol talabga javob bermaydigan kurslar qiladigan reklamalarining alomatlari: 1. Asosiy urg'u faqat va faqat ko'proq daromad qilishga qaratiladi. 2. "Toshkent teleminorasi"dan ham yuqoriroq chegirmalar e'lon qilinadi. Masalan 100$ lik kurs "ko'plab talablarga binoan" 109 ming so'mga tushiriladi. 3. Real keyslar va o'quvchilar natijalari ko'rsatilmaydi. Balandparvoz va quruq gaplar gapiriladi. 4. Inson hislari bilan o'ynashiladi. Din haqida yoki kimningdir vafoti kabi ta'sirli voqealar qo'shiladi. 5. Natija to'liq kafolatlanadi. Bu hayotda hech kim hech nimaga hech qachon kafolat bera olmasligini barchamiz yaxshi bilamiz. 6. Ko'plab yolg'onlar ishlatiladi. Masalan, 20 ta odam olinadi deb, 200 tasi yig'iladi. Bular istalgan sohadagi kurslarga tegishli, psixologiya, zamonaviy kasblar, til kurslari... Xulosa nima? Biror kursga yozilishdan oldin, to'liq o'rganing, tahlil qiling, shunchaki "yem" bo'lmang!

G'urur ustunlik qilaversa qalblar bir birini yoʻqotaveradi

Shu yozganimga reaksiya bosmang chunki menga motiv berib qoʻygan boʻlishingiz mumkin 🟧

Hayotni yorqin tarafida bo'ling! Negativ va xeytga to'lib ketgan hozirgi zamonda birgina pozitivlik fazilatingiz orqali ham muvaffaqiyatga erisha olasiz. Hayot lug'atingizdan araz, g'am-g'ussa, depressiya degan so'zlarni umuman yo'qotish kerak... To'g'ri, balkim men sizning holatingizni tushuna olmasman. Lekin ko'pchilik arzimagan muammolarini ham global muammo darajasidagidek his qilishga o'rganib qolgan. Samimiylik, kerak joyida o'rinli hazillar, optimistik fikrlash va pozitivlik sizga ko'p davralarda o'z o'rningizni topishda, hurmat qozonishda, yangi kelishuvlarga erishishda ham qo'l keladi. Shunday ekan, hayot bosqichlarini to'g'ri qabul qilib, uning yorqin taraflarini izlab, rohatlanib yashang!

Trenddagi savolga bizdagi qizlar ham javob berishsin. Sizningcha bo'lajak turmush o'rtog'ingiz oyiga qancha topishi kerak?

Insonlar 3 turga bo'linadi 1. Atrofida nimalar bo'layotgani, qanday muammolari borligi, qayerga qarab harakat qilayotgani, kimlar bilan hamroh ekanligi va shu kabi hayotning muhim qismlarini tushunib ham yetmaydi. Bunday turdagilarni hayotning o'zi yo'lida sudrab ketaveradi. 2. Barchasini anglaydi, vaziyat va jarayonlarni tahlil qiladi. Asosiy muammo esa ularni amalga oshirish va hal qilish bo'lib qoladi. Bu yo'lda esa dangasalik, tavakkaldan qo'rqish, odamlar fikri kabi omillar ushbu turdagilarga qarshilik qiladi. 3. Tushunadi, tahlil qiladi, bajaradi. Ushbu guruhdagilarda xuddi shunday sikl hayotning yozilmagan qonuni kabi davom etaveradi. Shu sababli ular muvaffaqiyatga erishishadi.

🔻