على بصيرة

كيف نستغل يوم عرفة في دقيقتين لأجر سنتين و عتق الأبد .. !!

ملحمة الدعاء السنوية ((يوم عرفة )) ☆ اللي صيامه بيكفر ذنوب سنتين ☆ اللي فيه الدعاء مستجاب بإذن الله.. هيكون السبت الجاي إن شاء الله .. استغله صح ✅ ☆الصلوات طبعًا في موعدها طبعًا ، وفي جماعة في المسجد للرجال .. ☆ ماتنساش اهم حاجه فيه التهليل (لا إله إلا الله وحده لا شريك له، له الملك وله الحمد، وهو على كل شيء قدير) ☆ هتصلي الفجر جماعة وتبدأ التكبير بعد الفجر وماتنساش أعظم جلسة ضحى في أعظم يوم في السنة 💥أهم ما في يوم عرفات كله: السبع ساعات من الظهر الساعة 1 للمغرب الساعة 8 . هنعمل فيهم إيه؟ 1⃣ هات ورقة حدد الأدعية اللي أنت عايز تدعي بيها وادعي بكل حاجة نفسك فيها في الدنيا والآخرة. 2⃣ حدد كتيب الدعاء اللي هيبقى معاك: ( أي كتيب للأدعية النبوية وجوامع الدعاء) 3️⃣ حدد المكان اللي هتدعي ربنا فيه: مثلا هتقضي اليوم في المسجد وتنوي اعتكاف ولا هتقفل على نفسك أوضة في البيت وتدعي، ولا هتجيب مراتك وولادك وتقعدوا في مكان ! 4️⃣فضي نفسك وخلص كل اللي وراك من دلوقتي قبل يوم عرفة، عشان تكون متفرغ تمامًا. ⛔️بلاش تنظفي الشقة وتطبخي وتجيبي هدوم العيد للعيال يوم عرفة، خلصي كل حاجة قبلها .. يوم عرفة ده مش وقفة العيد والفسحة يوم عرفة ده مصير، نكون أو لا نكون 5️⃣خطط للسبع ساعات دول صح✔️ مثلا هجيب ألف تهليل يوم عرفة وهخلص كتيب الأدعية وبعدين ..  الوقت الباقي كله  دعاء، وأوعى تزهق، النبي ﷺ يوم عرفة رفع إيده بعد الظهر ما نزلهاش غير على المغرب 6️⃣اتكلم مع ولادك النهاردة يعني إيه يوم عرفة وقيمة يوم عرفة، وادعي معاهم في يوم عرفة عشر دقايق تتدربوا على الدعاء، 7️⃣استعد لليوم ده عشان ماتحسش بملل، اتسحر ليلتها كويس، واشرب مياه طول الليل عشان نبقى صايمين ومركزين. 8️⃣ماتبدأش بحماس من الفجر وتيجي بعد العصر في أهم وقت تكسل  (النبي ﷺ بدأ من الظهر لحد المغرب) اقعد جلسة الضحى وخدها تهليل، ونام شوية لحد الظهر، وقوم بقى انطلق وهات آخرك في الدعاء والعبادة لحد أذان المغرب .. ساعتها تبقى خلصت يوم عرفة بنجاح ونقولك بقى ....كل سنة وانت طيب 🤝 #يوم_عرفة #رسايل_العشر #أفضل_أيام_الدنيا

عن أبي قتادة رضي الله عنه أن رسول الله صلى الله عليه وسلم سئل عن صوم يوم عرفة فقال: (يكفر السنة الماضية والباقية) رواه مسلم رأيت بعض الناس العام الماضي لم يصوموا يوم عرفة فقلت لأحدهم: صيام يوم عرفة يكفر سنتين فقال: لا أعرف ولم يذكرني أحد ذكروا الناس بصيام يوم عرفة، فالبعض أحيانًا يهمل تذكير غيره ظنناً منه أنهم متذكرون أو يعرفون فضله ذكروا وانصحوا .. "وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ" فضيلة الشيخ رجب أبو بسيسة.

يا ليتني كُنتُ معهم!

نصايح لـ عشر ذي الحجة 💚🍓 ١- مش تقيله خالص إنك تصوم ٩ ايام ، الشيطـ.ـان بس هيحسسك إنها صعبه بس انتَ كنت بطل وصومت رمضان كامل اللي هو ٣ أضعاف ذو الحجه ، فـ متستتقلش للموضوع دي حسنات مضاعفة خسارة تضيعها ٢- القيام : حاول متسيبش القيام خالص، حتي لو هتصلي ركعتين بعد العشا وتوتِر بركعه برده هتاخد الثواب، ولو مش قادر النبي ﷺ قال "مَن قرأ آخر آيتين من سورة البقرة كفتاه" العلماء قالوا تكفي المسلم قيام تلك الليلة أو تكفيه السوء في تلك الليلة. ٣- قراءة القران : عندك وقت؟ تقدر تختم القرآن في ١٠ ايام كل يوم ٣ أجزاء ، بتشتغل أو بتدرس "حط نيه لله عشان تاخد أجر" ، وحاول تقرأ ماتيسر من القران ، المهم المصحف يتفتح كل يوم ، وافتكر إن الاجر مضاعف اوعى تضيع الفرصه دي. ٤- الصدقة : لو عرفت تطلع كل يوم صدقه يبقي يابختك ، ولو معرفتش؟ طلع ياسيدي ولو مره في الأيام الجميله دي ، وياسلام بقي لو شاركت في إطعام. ٥- متبطلش تدعي : اوعى تيأس ، ادعي بكل حاجه بتتمناها مفيش حاجه مستحيله على ربنا ، متدعيش بالقليل كرم ربنا مالوش حدود ، ادعي بكل يقين ومتنساش حبايبك وأموات المُسلمين واعمل قائمة بالدعوات من النهارده بإذن الله. ٧- اذكر ربنا وخلي سبحتك في إيدك طول الوقت : بتغسلي مواعين ، بتطبخي ، بتروقي الشقه ، في المواصلات، ماشي في الطريق خلي الذكر دايمًا علي لسانك ونوّع مابين الاستغفار والتكبير والحمد والتسبيح. ٩- بقدر المستطاع استفيد بكل السُنن : - إشرب وانتَ قاعد وعلى ٣ مرات. - أذكار الصباح والمساء - السحور. - النوم على وضوء وأذكار النوم. - قراءة سورة المُلك قبل النوم. - ١٢ سُنه "ركعتين قبل الفجر ، ٤ قبل الضهر و٢ بعده ، و٢ بعد المغرب و ٢ بعد العشا. - لو بتحب حد قوله إنك بتحبه في الله. - عجل بالفطار وأخر في السحور. - الدعاء بظهر الغيب لغيرك. - كظم الغيظ. - التبسُم. - الكلمة الطيبة شوفوا حاجات بسيطه إزاي لكِن سُنه وعليها ثواب ومُضاعف بإذن الله في الأيام الجميلة دي 💚🍓 ١٠- مش هيبقي نفاق منك أبدًا إنك تصلح نفسك الفتره دي تحديدًا ، ملكش دعوه بكلام الناس وحاول بكل ما أوتيت من جُهد. تقبّل الله منّا ومنكم صالح الأعمال

فضل العشر الأواخر من ذي الحجة للشيخ رجب أبو بسيسة حفظه الله

فضل العشر الأوائل من ذي الحجة الشيخ إيهاب الشريف

💎💎 تبــيـــــــــــــان 💎💎 - ألا إني أوتيـــت القـــرآن ومثــله معـــه - يسر مركز الفتح للبحوث والدراسات أن يعلن عن فتح باب التسجيل فى برنامج تأسيسي جديد يعد مدخلا لدراسة السنة النبوية ولدحض طعون منكريها ونقد أبرز أطروحات الموجة التشكيكية الجديدة 🌼🌼 تبـيــــــــــــان 🌼🌼 لبنة جديدة فى مساراتنا لتعزيز اليقين. 🎯 بداية الدراسة : 25- 6-2024. 🎯 مدة الدراسة : 3 شهور. 🗓 الدراسة مجانية عبر تطبيق التليجرام من خلال مقاطع مرئية وتسجيلات صوتية ومقررات مقروءة وامتحانات دورية مع تواصل دائم ومباشر مع ثلة من المتخصصين والباحثين. - يتم منح الدارس شهادة بإتمام الدراسة بعد نهاية البرنامج 🥇🥈🥉 فبادر بالتسجيل عبر الاستمارة التالية : https://forms.gle/y4L9oNVZfnQ8LRbLA الرابط المطول في حال عدم عمل الرابط الأول : https://docs.google.com/forms/d/e/1FAIpQLSdZR-FOCcNyUwYiBcL877b8vI4bzyurjYB6HxTkjc9ouR7dHQ/viewform?usp=sf_link