መጣጥፍ🖋

"My dream home" ክፍል - 9 ከቀኑ 9:50 ሆኗል የተቀጣጠርንበት ቦታ ሆኜ እየጠበቅኳት ነዉ... ዉስጤ ማለቂያ በሌላቸዉ ጥያቄዎች እየተናወጠ ነዉ... "ስልኬን ከየት አገኘችዉ?".... "ለምን ደወለች?... ለምን ልታገኘኝ ፈለገች...?" እያልኩ ራሴን በጥያቄ ሳስጨንቅ አንዴ ደግሞ ስትመጣ አዉቀዉ የለ ምን አስጨነቀኝ ስል...አያደርስ የለ ከተቀጣጠርንበት ሰአት 10 ደቂቃ አርፍዳ ከጥያቄዎቼ ልትገላግለኝ ኤልዱ ራሷ መጣች... "ሰላም ክርስቲ, በጣም ይቅርታ አረፈድኩ አይደል?" አለችኝ:: "ሰላም ኤልዱ, ኸረ ችግር የለዉም እኔም አሁን ነዉ የደረስኩት" አልኳት እዉነታዉ ግን ከተቀጣጠርንበት ሰአት 10 ደቂቃ ቀድሜ መጠበቄ ነበር...አንድ ላይ ለ20 ደቂቃዎች ያህል "ምን ልትለኝ ይሆን?" በሚል ጉጉት እየተናጥኩ ስጠብቃት ነበር ማለት ነዉ... "ያዉ የከተማችን የትራንስፖርት ሁኔታ ያዉ የምታዉቂዉ ነዉ እንግዲህ" "አዎ... ኸረ እንደዉም አሪፍ ሰአት ደርሰሻል እኮ አትጨነቂ..." በዉስጤ ምነዉ ወደ ገደለዉ ብንገባ ኤልዱ እያልኩ ነበር... ግን ሆድሽን ይቁረጥሽ ሲለኝ ነዉ መሰል ከወሬዉ በፊት መክሰስ ቢጤ እንቅመስ ተባለ... እኔ መጀመሪያ ላይ የሚጠጣ ነገር ብቻ ነዉ የምፈልገዉ ብዬ ነበር መክሰስ ስላላስፈለነኝ ሳይሆን ቶሎ ጉዳዩን ነግራኝ እንድገላግለኝ ነበር... ከዛ ግን የኔ ሀሳብ ተሽሮ መክሰስ ቀርቦ መመገብ ጀመርን... በመሀል "ከወንድሜ አጠገብ ራቂ!" ስትለኝ በምናቤ ታይቶኝ በትንቴ ሞቼ ነበር😂 ምን አለፋችሁ ለምትጠይቀኝ ነገሮች ሁሉ ምንም በሙሉ ልቤ እየመለስኩላት አልነበረም... ገበታዉ ከፍ ሲል የተሰማኝ እፎይታ ትልቅ የሀገር ሚስጢር ሊነገራት የተጠራች ሰዉ ነበር የምመስለዉ... "ያዉ እንግዲህ ክርስቲ..." አለችኝ "እ ያዉ እንግዲህ ምን...በይ እንዴ ንገሪኝ እንጂ..." አሁንም በዉስጤ ነበር "እኔ እና አንቺ ለመጀመሪያ ጊዜ የተዋወቅነዉ በባለፈዉ ፕሮግራም ላይ ነበር..." ሳላስበዉ ድምፅ አዉጥቼ "እና...?" አልኳት... በድንጋጤ አፌን በእጄ ጥርቅም አድርጌ ልይዝ ምንም አልቀረኝም... ፈገግ አለችና "ማለቴ ጓደኛሞች ብንሆን ደስ ይለኛል በጣም ተመችተሽኛል..." ጆሮዬ ነዉ ወይስ... "ጓደኛሞች ነዉ" ያለችዉ... ምን ማለት ነዉ "ጓደኛ" የሚለዉ ቃል ሌላ ትርጉም ያዘ እንዴ? ቆይ ሲጀመር ስልኬን ከየት አገኘሽ...? በአንድ ቀን እይታ ሳታዉቂኝ ሳላዉቅሽ ጓደኛ መሆን ይቻላል እንዴ...? የዉስጤን መተረማመስ ሳዳምጥ እሷን ባለችበት ረስቻት ኖሮ... "እ... ፈቃደኛ ነሽ?" አለችኝ... "ለምኑ?" ብዬ እንደ አዲስ በአግራሞት ጠየኳት "ማለቴ ጓደኛሞች መሆን እንችላለን?" "ከማን ጋር ካንቺ ጋር?" ልላት ብዬ ግን አፌ ደግሞ ሌላ አወራብኝ... "እሺ" ብዬ ጥያቄዎቼን ሁሉ ዋጥ አድርጌ ጓደኛዋ ለመሆን ተስማምቼ ተለያየን... ከሷ ከተለየዉ በኋላ... መደሰት ይሁን ማዘን ወይ መጨነቅ ያለብኝ አላወኩም... ነገሮች ሁሉ ዉስብስብ ብለዉብኛል...ዉስጤን ከሞሉት ጥያቄዎች መሀል የትኞቹን መልሼ የትኞቹን እንደምተዉ ግራ ገብቶኛል... ምላሾቼ ራሱ ከመላምትነት በዘለለ እርግጠኝነት ራሱ አይስተዋልባቸዉም.... አሁንም ድንገት ስልኬ ተንጫረረ... አሁንም የማላዉቀዉ ስልክ ነዉ... "ሄሎ ክርስቲ, ኤልዳ ነኝ በሰላም ገባሽ?" አለችኝ "አዎ በሰላም ገብቻለዉ... አንቺ በሰላም ገባሽ?" አልኳት "አዎ በሰላም ገባሁ...ስልኬ ባትሪ ስለዘጋ በዳግሜ ስልክ ነዉ የደወልኩልሽ ያዚዉ ለክፉ ቀን ይጠቅማል" የዳግም ስም ሲነሳ ልቤ ስንጥቅ አለች.... ድምፄ ሲጠፋባት ጊዜ "ሄሎ... ክርስቲ" አለችኝ "እ... እሺ" አልኳት እንደነገሩ በዉስጥ የዳግሜ ድምፅ ይሰማኛል "አንቺ ኤልዱ ስልኬን አታመጪም" እያለ ነበር... "እሺ... እሺ" ብላዉ ተሰነባብተን ስልኩ ተዘጋ... ከዛ በኋላ የደወለችበትን ቁጥር አየሁት.... "ሴቭ አድርጊዉ ነዉ' ያለችኝ... ቆይ ምን አስባ ነዉ እያልኩ ሴቭ አደረኩት... ማን ብዬ ሴቭ እንደማደርገዉ ስወዛገብም ነበር... የዛን እለት ማታ በሀሳብ ተዉጬ ሌሊቱን አጋመስኩት... በቀጣይ ቅዳሜ ራሴን አበረታትቼ ጓደኞቼን ለማግኘትና ዳግሜንም አይቼዉ ናፍቆቴን ለመወጣት ብፈልግም የሆነ ድብርት ተጫጭኖኝ ሳልሄድ ቀረሁ... እኔ ሁሌ የሚገርመኝ ይሄ ከምወዳቸዉ ሰዎች ስር የመራቅ አባዜዬ ነዉ... አሁንም ይህንን እያደረግኩ ያለሁት በዚሁ ክፉ ልማዴ የተነሳ ነዉ... ብቻ ግን በጣም ናፍቆኛል... ከእህቱ ጋር ደግሞ በጣም እየተግባባን ነዉ... በጣም ደስ የምትል ሰዉ ሆና ነዉ ያገኘኋት... በጣም ጥሩ ጓደኛም ጭምር... በሳምንቱ ቅዳሜ ኤልዱ ደዉላልኝ እንደሁልጊዜዉ ለሰአታት ካወራን በኋላ "ቤት እኮ ብቻዬን ነኝ ለምን አትመጪም?" አለችኝ... ያልጠበኩት ጥያቄ በመሆኑ በጣም አስደነገጠችኝ... ላለመሄድ ምክንያት ብደረድርም የሷ ምክንያት አመዝኖ ተስማምቼ ወደ ቤታቸዉ አቀናሁ... እዛ ስደርስ ግን ፈፅሞ የተለየ ነገር ነበር የጠበቀኝ.... ፀጋ🖋 https://t.me/memoir21

"My dream home" ክፍል - 8 ፍቅር ለዛዉም መተፋፈር ተጨምሮበት በጣም አስቸጋሪ ነዉ... እኔና እሱም እንደዛ ነዉ የሆነዉ... ሁለት አይናፋር ማን ደፍሮ ይናገር... ወደዛን እለት ክስተት ስንመለስ... አንዳችን የአንዳችንን ስሜት ለማወቅ በሚመስል መልኩ አይኖቻችንን ሳይረግቡ ጥልቀት ባለዉና ዉስጥን ሰርሳሪ በሆነ እይታ ስንፋጠጥ... አንዳንዴም ምንም መልስ ስናጣ አንዳችን በሌላችን ድብቅነት እየበሸቅን እዉነቱን ፈልፍለን ለማዉጣት አቅቶን ፊታችን አይናችን ሳይቀር በርበሬ ሲመስል... እንደዉ ያቺን ሰአት ቆሞ ላስተዋለን አስቂኝ አልፎም አስገራሚ ትዕይንት ነበር የሚሆንበት... በዳንሱ መሀል ላይ ለደቂቃዎች ያህል መብራት ጠፋ... በዙሪያችን ያለዉ ጉርምርምታ ግን እኛን ካለንበት ተመስጦ መንጭቆ ሊያወጣን አልቻለም... አስጨናቂ ብቻ ሳይሆን አስደሳች ተመስጦም ነበር... ጨለማ ነዉ አንተያይም ግን ተያይተናል... በመሀላችን የቃላት ልዉዉጥ የለም ግን ተግባብተናል... እኔና እሱ ብቻ ሆነን ካለንበት መጥቀን ዙሪያችንን ረስተን ርቀን ሄደናል... ሲጠጋኝ ይታወቀኛል... አዎ ከበፊቱ ቅርበት በበለጠ እየቀረበኝ ነዉ... ትንፋሹ ይሞቃል... ሙቀቱ ልቤ ድረስ ደርሶ ትንሿን ልቤን ሲያሞቃት ይሰማኛል... አሁን የኔ ተራ ነዉ በተጠጋኝ ልክ በቀረበኝ ልክ እየቀረብኩት ነዉ.... ዉይይይ... መብራት መጣ... አቤት የዚን ሰአት የተሰማኝ ስሜት ልክ ፊልም ላይ በምንወዳቸዉ ተዋንያን እንደዚህ አይነት ክስተቶች ሊፈጠሩ ሲሉ ስልክ ሲደወል, በር ሲንኳኳ ወይ ሰዉ ሲመጣ እኛ ተመልካቾቹ የሚሰማን ስሜት ነዉ የተሰማኝ... ከነበርንበት የጥሞና አለም ወደ እዉነተኛዉ አለም በአንዴ ነጥረን ስንመለስ ይታወቀኛል... በዙሪያችን ያለዉ ሁካታ ሁሉም ይሰማል... እኛም ሳንተያይ መተያየት ቀርቶ እየተያየን መተያየት አቃተን... ፈራን ሰዉ ምን ይለኛልን ፈራን... እርስ በርስ ሳይቀር ተፈራራን... ለቀቀኝ... የእስከዘለአለም የሚመስል መልቀቅ... አይኖቻችን ግን አሁንም መፈላለጋቸዉን አላቆሙም... ምሽቱ እየገፋ በመሆኑ ሁሉም እንግዶች በክብር ከተሸኙ በኋላ እኛም የቤቱን ሰዎች በአንዳንድ ስራ አግዘን ስንጨርስ ወደየ ማደሪያችን ለመሄድ ተነሳን... ይህን ጊዜ የዳግሜ እናት እዚሁ ካላደራችሁ ብለዉ ቀወጡት...ሁላችንም ድካም ላይ ብንሆንም ግን የዳግሜን እናት ጥያቄ ልንቀበል አልቻልንም... ባይሆን ሌላ ጊዜ እናድራለን ብለናቸዉ እሳቸዉም ቃላችንን እንድንጠብቅ አሳስበዉን ተሰናብተን ወጣን... ስንሰነባበት እኔና ዳግሜ ከመተፋፈራችን የተነሳ በስነስርአቱ እንኳን አልተቃቀፍንም ነበር... ሌላዉ አሳፋሪዉ ነገር ደግሞ የእህቱ ይህንንም አስተዉላ መከታተል ነበር... እኔም ወይ ዛሬ... "ቅሌት ብርቄ አይደለም" መቼም እያልኩ ምንም እንዳልተፈጠረ ጉዞዬን ከጓደኞቼ ጋር አደረግኩ... መንገድ እንደጀመርን ሰአቱን ስናየዉ ለ4 ሩብ ጉዳይ ይላል... እኔ የዩኒቨርሲቲ ተማሪ እንደመሆኔ ዶርም ገብቼ ለማደር ነበር እቅዴ... ከ 4 ሰአት በኋላ ደግሞ ወደ ዶርም መግባትም ሆነ መዉጣት አይፈቀድም... ባለችን 15 ደቂቃ ደግሞ ከ4 ሰአት በፊት መድረስ አይታሰብም.... ወደ ቤት መሄድም እንደዚሁ... ስለዚህ እነ ዘቢብ ቤት እንዳድር ወስነን ወደዛዉ አቀናን... "አይይ ሰአቱን ቀደም ብለን ብናዉቅ ኖሮ አንቺ እዛዉ ብታድሪ አሪፍ ነበር..." «ከሪም» "አዎ እንደዛ ነበር የሚሻልሽ በናትሽ..." የዘቢብ ወንድም ዉይ ስሙን አልነገርኳችሁም ለካ ኤርሚ ይባላል... "አዎ በዛዉም ባለ ልደቷን ታስተዳድሪያት ነበር... በዛዉም የሆድ የሆዳችሁን ታወሩ ነበር" «ዘቢብ» ምን ለማለት ፈልጋ ነዉ ብዬ ቀና ስል ፊቷ በፈገግታ አጊጦ ጠበቀኝ... ግራ በተጋባ ስሜት ዉስጥ ሁኜ ምን ለማለት እንደፈለገች ሳሰላስል እነዘቢብ ቤት ደረስን... ከመኪና ወርደን ወደ ቤት ገባን... ቤታቸዉ ትንሽዬና በጣም የምታምር ናት... ከታላቅ ወንድሟ ጋር ለት/ት እንዲቀርኝ ብላ ቤት ተከራይታ ከወጣች አመት እንደሞላት ባለፈዉ አጫዉታኝ ነበር... ኤርሚ ደህና እደሩ ብሎ ሲገባ ሁለታችን ሻወር ወስደን ለመተኛት ፀጉራችን እንዳይበላሽ አንዳችን የአንዳችንን እየተጎናጎንን ሳለ እኔ ራሴዉ ልጠይቃት የነበረዉን ጥያቄ እሷ ራሷ በእጅ አዙር አነሳችዉ... ምናለፋችሁ ይሄኔ ነዉ የቅድሟ "አሽሙር" የተገለጠችልኝ... " አንቺ ቅድም ከዳግም ጋር ሰዉ ሁሉ ዳንሱን አቁሞ በሚራወጥበት ሰአት እናንተ እንደ ሀዉልት ባላችሁበት ደርቃችሁ ስታደርጉ የነበረዉ..." አለችኝ... ከመደንገጤ የተነሳ ምን እንደምላት ግራ ገብቶኝ... እንዳልሰማ ሰዉ "እ" ብዬ መልሼ አደናቆርኳት... "ታዲያስ ኤልዱ ራሱ እንዴት ተገርማ ስታያችሁ እንደነበር ብታይ... ዛሬ ሲጀመሬ ሁለታችሁም ልክ አልነበራችሁም... ቆይ ምን አዲስ የተፈጠረ ነገር አለ?" ስትለኝ የኤልዱን እኛ ላይ አትኩሮት የማብዛት ምክንያት በግማሽ ልቤ እያሰብኩ "ኸረ ምንም" ብዬ በተከፈለ ልብ መለስኩላት... እሷም "አልመሰለኝም" ብላ እኔንም ላለማስጨነቅ መሰለኝ የጨዋታ ርዕስ ቀየረች:: ከዛች እለት በኋላ ሁሉንም ጓደኞቼን ካገኘዋቸዉ ሳምንት አለፈኝ ዳግምንም እንደዛዉ... እንገናኝ ባሉኝ ቁጥር ምክንያት እየደረደርኩ መቅረት አበዛሁ... ሌላዉ ቢቀር ቅዳሜ ቅዳሜ ሳንገናኝ አንዉልም ነበር በአሁኑ ግን የማይሆን ምክንያት ፈጥሬ ሳላገኛቸዉ ቀረሁ... ዛሬ ረቡዕ ነዉ:: ፍክት ያለ ደስ የሚል ቀን የሚሆን ይመስላል... ስልኬ ድንገት አንጫረረ አንስቼ አየሁት የማላዉቀዉ ቁጥር ነዉ... ልቤ ፈራ... መጥፎ ነገር እንዳያሰማኝ ፈጣሪዬን እየተማፀንኩ ስልኩን አነሳሁት... "ሄ...ሄሎ" "ሄሎ ሰላም ነዉ? ክርስቲ" አለኝ አንድ ከዚህ በፊት የማዉቀዉ የሚመስል ድምፅ "ሰላም, አዎ ነኝ ማን ልበል?" "ኤልዳና ነኝ... የዳግም እህት" ፀጋ🖋 https://t.me/memoir21

"My dream home" ክፍል - 7 ዛሬ የማን ቤት የምገኝ ይመስላችኋል? አዎ አልተሳሳታችሁም የምወደዉ ልጅ ቤት ዉስጥ ነኝ.... ቆይ ቆይ እንደምታስቡት አይደለም... ዛሬ እሱ ቤት የተገኘሁት የእህቱ የልደት በአል እየተከበረ በመሆኑ ነዉ የ2 አመት ታላቃችን ናት እናም በጣም ደስ የምትል እና ተግባቢ ሰዉ... ወይኔ ታድሎ ግን በእዉነት በህይወቱ ሙሉ እነዚህን በመሳሰሉ "የሰዉ ማኛዎች" ተከቦ መኖሩ በራሱ ያስቀናል:: ዛሬ የተፈጠሩት አጋጣሚዎች ከእነሱ ጋር ከመሆናቸዉ ጋር ተደምሮ እጅግ አስደሳች ጊዜ እንዳሳልፍ አድርጎኛል:: ወደ ዝግጅቱ የመጣሁት ከዘቢብና ወንድሟ ጋር ነበር... ባለፈዉ አባቴ የታመመ ጊዜ ራሴን ስቼ የገባሁበት ሆስፒታል ዉስጥ ከነበሩት መካከል ስልክ ተለዋወጥን ያልኳችሁ መሆኗ ነዉ እንግዲህ... ከዛ መንገድ ላይ እያለን ናሆም, ቤኪ(ከሆስፒታል የማምለጡን ምጡቅ ሀሳብ ያመነጨዉ), ቴዲ(ባለ መኪናዉ/ሆስፒታል ያደረሰኝ) እና ከሪም(አሳቢዉ ልጅ) ደወሉልንና ወደ ባለ ልደቷ (ኤልዳና ትባላለች)ቤት አብረን ገባን... በጣም ደስ የሚል ዝግጅት ነበር... ዳግሜ ዝንጥ ብሏል...ገና ሳየዉ ልቤ ትርክክ ነዉ ያለችዉ... ከዛ አማላይ መልኩ እና መለሎ ቁመቱ ጋር ተደምሮ አለባበሱ ደግሞ እንዴት እንዳማረበት አጠይቁኝ... ከስንቱ ሴት አይን ላስጥለዉ የሁሉም አይን በቃ እሱ ላይ ነዉ... እሱን ሳይ ትዝ የሚለኝ አንድ ዘፈን አለ እንደዉም.... ይወዱሀል ያዩህ ሴቶች ሁሉ ሲከተሉህ ቀኑን እየዋሉ እኔስ ፈራሁ እንጃ ልቤ ሰጋ ሲከተሉህ ከቆላ እስከ ደጋ በዉበትህ ስንቱን የማረክ የኔ ጀግና ሁሉን የታደልክ.... በዉስጤ የቁጭት ዳንኪራዬን ሳስነካዉ ነበር ነዉ የምላችሁ... ለነገሩ ዛሬ እኔም ለክፉ አልሰጥም የብዙ ሰዎች አይን ዉስጥ እንደገባሁም ታዉቆኛል... ምን ዋጋ አለዉ የኔ ዋና ግቤ ዳግሜ አይን ዉስጥ መግባት በመሆኑ አንዳቸዉም በአይኔ ሊሞሉ አልቻሉም... ዛሬ ግን የተሳካልኝ ይመስላል ዝግጅቱ ተጀምሮ እስከሚያልቅ ድረስ እኔም ከሱ እሱም ከኔ ላይ አይናችንን መንቀል አልቻልንም ነበር... አይኖቻችን ሲጋጬ... ሁለታችንም አፍረን ስናቀረቅር ነዉ ሙሉ ሰአቱ የተገባደደዉ... ይህንን ክስተት የገዛ እህቱ ታዝባ ኖሮ... በሷ ፊት መሳጣቴ ተጨምሮ ሀፍረት የምገባበት ነዉ ያሳጣኝ... ጭራሽ ከእናታቸዉ ጋር እኔን ከተሰበሰቡት ሰዎች መሀል ነጥላ ወስዳ ስታስተዋዉቀኝ ደግሞ ዉሃ ነበር የሆንኩት... እኔ ለራሴ የጓደኞቼን ወላጆች ለመተዋወቅ እንኳን ምን ያህል ብርክ እንደሚይዘኝ ማ በነገራት... ብቻ ደስ የሚሉ ተወዳጅ እናት አሉት... መልካቸዉ ከልጃቸዉ ጋር ኮፒ ነዉ የሆነብኝ... ተግባቢነታቸዉ ና ሳቂታ መሆናቸዉ ደግሞ በደንብ እንድንግባባ አግዞናል... ከዛ ወደ ዝግጅቱ ስንመለስ አዋቂዎች ቦታ ቦታቸዉን ይዘዉ ወጣቶች በዳንስ ወለሉን ሲያቀልጡት ደረስን... ኤልዱን አንድ የማላዉቀዉ ሰዉ ቀልቧት ሄደ... እኔ ወደ መቀመጫዬ እየተራመድኩ እያለሁ ከሪም "እባክዎን" ብሎ እጁን ዘረጋልኝ... እኔ እኮ ዳንስ አልችልም ስለዉ... "እሱን ለኔ ተይዉ" ብሎኝ ወደ ትርምሱ ይዞኝ ሰጠመ... ቀስ እያለ የዳንስ ስልቱን ካለማመደኝ በኋላ በዝግታ መደነስ ጀመርን... የኔ ቀልብ ግን ዳንሱ ጋር አልነበረም..."የት ገብቶ ነዉ?" እያልኩ ከጥግ እስከጥግ ዳግሜን ሳስስ ነበር... ትንሽ ቆይቶ ከአንዲት መልከመልካም ወጣት ጋር ወደ ዳንሱ ወለል ሳመጣ አየሁት... "ወይኔ..." ብዬ ሳልጨርስ እህቱን ከዛ ሰዉዬ ተረክቦ አብሯት ይደንስ ጀመር... አቤት የተሰማኝ እፎይታ በምን ቃል እንደሚገለፅ አላዉቅም... ለትንሽ ደቂቃ እንደደነስን ከሪም ዛሬማ ባለልደቷን ሳላስደንስ ብሎ ለናሆሜ አስረክቦኝ ሄደ... ምነዉ ይዞኝ በሄደ ከዳግሜ ጋር እደንስ ነበር አልኩ በዉስጤ...ከዛ ዘቢብ ዳግሜን ይዛዉ መጣችና ከጎኔ መደነስ ጀመሩ... የሁለታችንም ሀሳብ ዳንሱ ላይ ሊረጋ አልቻለም እሱ እኔን እኔ እሱን ማየት ብቻ ነበር ስራችን... ከዛ ተጣማሪዎቻችን ነገሩ ገባቸዉ መሰለኝ ቦታ እንቀያየር ብለዉ ሁለታችንን አንድ ላይ አጣምረዉ እነሱ ለሁለት ያስነኩት ጀመር... እኛ ለራሳችን ተፋፍረን የምንገባበት ነበር የጠፋን... ከደቂቃዎች መፋጠጥ በኋላ ያዉ ወንድም አይደል እሱ ደፍሮ እጄን ያዘኝ... ወይኔ ልቤ ትርክክ ፊቴ ፍም ሲመስል ይታወቀኛል... በደህና ቀን እራሱ የሚፈታተነኝ የእጅ ላብ ደግሞ ጭራሽ እጄን በአንዴ አራሰዉ... የእሱ ፊት መቅላቱን የተረዳሁት ራሴን እንደምንም አሰባስቤ ቀና ስል ነበር... ከዛ በኋላ ግን የሆነ ሀይል እዛዉ ሲያስቀረን ይታወቀኛል... ፀጋ🖋 https://t.me/memoir21

📜ውብ ሐሳቦች🍂 "...ምዕራባዊያን ማን ስለሆኑ ነው ስለ አፍሪካ የሚደሰኩሩት እነሱ ጠፍጥፈው የሰሩን ይመስል ስለ ሰብዓዊ መብት ጥሰት ሚያስተምሩን 100 አመት እኮ አልሞላውም አንገታችን ላይ ሰንሰለት አስገብተው ሲሸጡን እና ሲገዙን እና በየትኛው ሞራላቸው ነው ዛሬ ዞር ብለው ስለፈጠሩት የሰው ልጆች መብት ተከራካሪ የሆኑት ?! ትናንት በቀኝ እጃቸው መጻሕፍ ቅዱስ ይዘው ግራህን ለመታህ ቀኝህን ስጥ ብለው ሲሰብኩን እሺ ስንላቸው በግራቸው ሽጉጥ አውጥተው መሳሪያ ታጥቀው ተንበርከኩ ባሪያዎች ናችሁ አሉን ዛሬ በቀኝ እጃቸው ዲሞክራሲ ሚሉት ትምህርት ይዘው በግራ እጃቸው ብር ይዘው እኛ ነን ምናውቅላችሁ ይሉናል ማናቸው እነሱ ....." 📚"ቆንጆዎቹ" ✍ደራሲ ሠርቅ ዳ. ይ🀄️ላ🀄️ሉ @wegochi

"My dream home" ክፍል - 6 አባቴ ወደ ተኛበት ሆስፒታል ከደረስን በኋላ ሰአቱ መሽቶ ስለነበር እነሱን አመስግኜ እኔ ወደ ዉስጥ ገባሁ... አባቴ ከኮማ ባይነቃም አሁን በተሻለ ሁኔታ ላይ እንዳለ እና በፍጥነት የማገገም ተስፋ እንዳለዉ ሲነገረኝ ትንሽ ተረጋጋሁ... ምንም እንኳን በየሰአቱ የማዞርና የማቅለሽለሽ ስሜት ቢሰማኝም...በነጋታዉ የህመም ስሜቱ ሙሉ ለሙሉ ተቀርፎልኝ ነበር...በሰአቱ ከምንም በላይ የህይወቴ አንገብጋቢ እና አስጨናቂ ጉዳይ የነበረዉ የዉዱ አባቴ መንቃት ነበር... ከ21 ሰአታት አስጨናቂ ጥበቃ በኋላ አባቴ ነቃ... የዛኔ የተሰማኝ የደስታ ስሜት መቼም አይረሳኝም ከእንደገና የተወለድኩ ያክል ነበር የተሰማኝ... ፈጣሪ የተመሰገነ ይሁን አባቴ የከፋ ጉዳት ሳይደርስበት ችግር ወደ ቤታችን ሳይጠራ ሰተት ብሎ እንደገባ ሰተት ብሎ ወጣ... በዚህ መሃል ታዲያ ስልክ እጄ ላይ ባለመኖሩ ለቤተ አዝማድ ደዉዬ ያሳወኩት አደጋዉ ከተፈጠረ ከ 3 ቀናት በኋላ ነበር... ስልኬ እንዳጋጣሚ አምልጬ የወጣሁበት ሆስፒታል ተረስቶ ኖሮ ይዘዉልኝ የመጡት ራሱ እነዛዉ የተባረኩ ጓደኛሞች ነበሩ... ፈጣሪ ከእነዚህ ምርጥ ሰዎች ጋር በምክንያት አስተዋዉቆኝ ይኸዉ መልካም ጓደኞቼ ለመሆን በቁ... በተለይ የዛን ሰሞን የስልክ ክትትላቸዉና አይዞሽ ባይነታቸዉ በመሃላችን ያለዉን ትዉዉቅ ወደ ዘላቂ ጓደኝነት ያሸጋገረ መሰረት ጥሎ አለፈ:: አባቴ ድኖልኝ ወደ ስራዉ ከተመለሰልኝ በኋላ እኔም ወደ አቋረጥኩት ት/ት ተመለስኩ... ከስንት ወራት በኋላ ማለት ነዉ?... ሁለት ወራት ከሁለት ሳምንታት በኋላ መሆኑ ነዉ... ይህ አልበቃ ብሎ በእነዚሁ መልካም ጓደኞቼ አማካኝነት አንዲት ከእኔ ጋር የምትማር ልጅ ተዋዉቄ በትምህርቴ ወደኋላ እንዳልቀር በጣም አገዘችኝ... ሁለ ነገራቸዉ ለእኔ እንግዳ እና አስገራሚ ነበር... በተለይ ከእኔ በላይ የሚያዉቀኝ የምትሉት ጓደኛ እንኳን በዚህ ደረጃ ለእናንተ በማይጨነቅበት ዘመን አንድ ቀን ለሚያዉቋት ለእኔ ያሳዩኝ ቀናነት ግን በዋጋ የማይተመን ነበር:: በዛ ላይ የመጀመሪያ ፍቅሬ የሆነዉን ሰዉ ከእነዚህ መልካም ጓደኞቼ መሃል ማግኘቴ ደግሞ በአንድ ድንጋይ ሁለት ወፍ ነበር የሆነልኝ.... ፀጋ🖋 https://t.me/memoir21

"ብቸኛ" "አይይ..." ደግሞ ትንሽ ቆየት ብላ "ዉይይ..." ትላለች....ከምሽቷ ጨረቃ ዉጪ ችግሯን የሚጋራት ያለ አይመስልም... ባይሆንማ በዚህ ሰዉ ዝር በማይልበት መንገድ ብቻዋን "ለወክ¡" አትወጣም ነበር:: የዘወትር አጫዋቿ ጨረቃ ዛሬ ደግሞ ምን አጋጠመሽ በሚል ወዳጃዊ ስጋትና ጉጉት እየተመተረች... የመንገዷን ፅልመት በብርሃን ጮራዋ እየገፈፈች ከኋላ ከኋላዋ ትከተላታለች... ፊት ለፊት ግንባር ለግንባር እየተያዩ ዘወትር የሚያወጉበት ቦታ ላይ ሲደርሱ ሁለቱም ርምጃቸዉን ገቱ... ጨረቃ ለማዳመጥ ልጅቷ ለመደመጥ ተመቻቹ... "እስከመቼ...ቆይ ግን እስከመቼ...?" "ራሴን ከሰዉ መንጋ ተነጥዬ...ተደብቄ...ተሸሽጌ...ተጨንቄ እችለዋለዉ?" "ችግሬ ለኔም አልገባኝም...አይገባኝም....ወይም መቼም ሊገባኝ አይችልም..." ምክንያቱን በዉል በማታዉቀዉ ነገር እንዲህ መጨነቋ እና መቸገሯ ሁሌ እንዳስገረማት ነዉ:: "አሁን አሁንማ በሰዎች ተከብቤ እንኳን ብቸኝነት ይሰማኛል..." የዘወትር ሮሮዋ ይሄ ነዉ... በፊት ሰዉ አጠገቧ ባለመኖሩ ምክንያት የሚሰማት ብቸኝነት አሁን በሰዉ ተከባ እንኳን አለመገፈፉ የዘወትር መልስ ያጣ ጥያቄዋ ሆኗል... ቀኑ ከመምሸት አልፎ ወደ ሌሊቱ ተቃርቧል... የእሷ ልብ ግን በእኩለ ሌሊቱ በከባድ የጥያቄ ናዳዎች ተጨንቋል ልክ እንደልማዷ የዉስጧን ተንፍሳ ስትጨርስ ወደ ላይ አንጋጠጠች...ዛሬ ግን ወደጨረቃ ሳይሆን...ወደ ጨረቃዋ አምላክ.... ፀጋ🖋 https://t.me/memoir21

ለቤተሰቡ ከሰማይ የወረደው አንባሻ! ከአመታት በፊት የትምህርት እድል አግኝቼ የፈረንጅ አገር ኑሮ አሀዱ ካልኩባት፤ ለአሜሪካ አዋሳኝ ከሆነችው ካናዳዊቷ የጠረፍ ከተማ ዊንድሰር ውስጥ የሚገኝ ዩኒቨርስቲ የገባሁ ሰሞን የአበሻ ምግብ ፍቅር ሊያሳብደኝ ደርሶ ነበር። በተለይም በከተማው የሚሸጥ እንጀራ አለመኖሩ የኑሮን ሁለመና፣ የኑሮን ብልሃት አምታቶብኛል።ሳንድዊች የሚባል የዳቦ ውትፍትፍ የእረሀብ ጥጉን ስለማያክልኝ ከምግብ አልቆጥረውም ነበር።በርገርም ስልችት አለኝ•••ከፒዛም ጋርም ብዙ ስለማንተዋወቅ ገላምጨው ነበር የማልፈው•••ቻይና የነካካው ነገርማ ደርሶ ያስበረችቸኝ ነበር ። ሌላው ቀርቶ ቻይና ካሸር ካየሁ እንኩዋን ምግቡን እሷዋው የሰራችው ነበር የሚመስለኝ። ስፓንሰር ያደረገኝ ድርጅት ተወካይ የዩኒቨርስቲው ፕሮፌሰር ነበር እናም ሁኔታዬን አይቶ••• "you know what Zola, try to test different type of food, you might find the one you would like) ይለኝ ነበር። አሳዳጊዬን ሽሮዬን ትቼ አንዴት ብየ ነው ሌላ ምግብ ላይክ የማድርገው•••ጉድ እኮ ነው። በዚህ መሀል በአገሩ ሀበሻ የለም እንዴ? ብዬ ስማረር ነው እንግዲህ አንድ ከአገር ከወጣ ሰንበትበት ያለ መልካም ሰው ስቶር ውስጥ አግኝቼ አበሻ ነህ ካልኩ በኃላ(የዚህ አገር ሰላምታ መሆኑ ነው) የእንጀራ ያለህ ብየ ሳለቃቅስበት••• "እስኪ አንድ እናት አሉ ልውሰድህ"••• ብሎ አማማ አመተን ያስተዋወቅኝ።በልቤ ኢትዮጵያዊት እናት አይቼ ሁሉም ይቅር እያልኩ ከቤታቸው አደረሰኝ።ገና ሳያቸው አይኔ እንባ አቀረረ ለካስ ይሄ "ሆም ሲክ" የሚባል ነገር ጭምድድ አድርጎ ይዞኛል••• ሰውየውም "እማማ አመተ ያው ይረከቡኝ የእንጀራ ያለህ እያለ ነው" ብሎ ተሰናብቶ ወደስራው ሄደ። እማማ አመተም "ግባ" አሉኝ እና ገብቼ ከሳሎኑ ሶፋ ተገሸርኩ። እድሜአቸው ቀላል እንዳልሆነ አይኖቻቸው ያሳብቃሉ…ግራ እና ቀኝ ሳማትር ከነልጅ ልጆቻቸው የተነሱትን የቤተሰብ ፎቶ አይቼ አይ መባረክ አያልኩ በመሀል••• "ለሻይ ነው ቡና እምትጠጣው" አሉኝ የትግርኛ አክሰንት ያዝ ባደረገው ድምጽ "እረምንም ችግር የለም ማዘር" "ጨዋታዎ ይበቃኛል"አልኩዋቸው አቤት መግደርደር፣አቤት ውሸት... አይደለም ሻይ አምቦ ውሀ አፍልተው ቢሰጡኝ ሁሉ እጠጣለሁ እኮ•••ያው ደግሞ ደረቁን ስለማይመጣ አንባሻ ወይም እንጀራ የማግኘት ቻንሴም አየል ያለ ነው•••አማማ አመተም ሻይ አፍልተው ከአንባሻ ጋር ሰጡኝ…እንጀራውንም በበነጋው ጋግረው እንደሚጠብቁኝ ተነጋግረን ወደሌላ ጨዋታ ገባን… "እናታችን••እንጀራውንስ መላ አገኘሁለት•••ሌላ ደግሞ የናፈቀኝ ነገር አለ" አልኩዋቸው። "ምንድን ነው" አሉኝ "ይሄው ነፍስ ካወቅኩ ግዜ ጀምሮ••• ሲሆን ሲሆን በሳምንት ሶስት አራቴ አለያ ሰንበትን ግን ከቤተክርስቲያን የቀረሁበትን ቀን አላስታውስም። አናም አሁን የሄው 3 ሳምንት ሆኖኝ አለም ዞሮብኛል•••ቤተክርስቲያን ያለበት ቶሮንቶ የሚሉት ከተማ ደግሞ ከዚህ 4 ሰአት መንገድ ነው አሉ አልኳቸው"… " ከዚህ በፊት እዚህም ተጀመሮ ነበር ታድያ ካህኑ ለሌላ አገልግሎት ተፈልገው ሄዱ እና ተቁዋረጠ" አሉኝ ለስለስ ባለ አንደበት••• "እስቲ ዩኒቨርስቲ አካባቢ ልጆች ለመሰባሰብ እየሞከርን ነው ስላቸው"ፊታቸው ፈገግ አለ••• "እንደዛ ከሆነ እኔ አንባሻይቱን እየጋገርኩ አመጣለሁ"•••"እናንተ ተበራቱ" አሉኝ•••እርስዎም በጸሎትዎ ያስቡን ብያቸው ተለያየን…ፈቃደ እገዚአብሄር ሆኖ ከአስር በላይ ተማሪዎች ተሰባሰብን••• አዳራሽ ይንቨርስቲው ሰጠን••• ብዙም ሳይቆይ ዩንቨርስቲው አጠገብ የካቶሊክ ቻፕል ተፈቅዶልን ጸሎት ተጀመረ••• እማማ አመተም አንባሻቸውን እየያዙ ሳይለዩን በስተመጨረሻም በወቅቱ የአገረ ስብከቱ ሊቀጳጳስ በብጹእ አቡነ ማትያስ ካህን ተመድቦልን ለቅዳሴ የሚሆን የዩክሬናውያን ቤተክርስትያንም አግኝተን አገልግሎት ተስፋፋ••• ዛሬ ዊንድሰር መድሀኒ አለም የራሱ ቤተክርስቲያን ያለው ታላቅ ደብር ሆኗል••• በዚህ ውስጥ የደገኛዋ አናት እማማ አመተ አገልግሎት እግዚአብሄር እድሜ ሳይመትር፣የትምህርት ደረጃ ሳይቆጥር በሰው ልጅ እንዴት እንደሚገለገል ማሳያ ነው••• እንደኔ አይነት ዛሬ ጤነኛ፣ ነገ እብድ፣ዛሬ ሀይማኖተኛ፣ነገ ፖለቲከኛ በበዙበት ዘመን እማማ አመተ አንድ ቀን ክፉ ከአንደበታቸው ሳይወጣ•"አደይ ማርያም" እንዳሉ በህይወታቸው ያስተምራሉ። የአራት አመት ትምህርቴን ጨርሼ የምርቃቴ እለት ዘመድ አዝማድም ስላልነበረኝ እማማ አመተን የክብር እንግዳዬ ብየ ጠርቻቸው ነበር ሆኖም ሳይመቻቸው ቀርቶ አልመጡም።ደውለው እንደሚፈልጉኝ ነገሩኝ።እቤት እንደገባሁ ጋዋኔን አወልቄ እማማ አመተ ጋር ሄድኩ••• ፎቶ ላይ የምታዩትን ምን የመሰለ አንባሻ ለምርቃቴ ስጦታ አበረከቱልኝ•••ምስጋና አቅርቤ ተለያየን••• በማግስቱ ስልክ ተደዋውለን የአንባሻው ነገር ተነሳ እና "አንባሻው እንዴት ነው?" አሉኝ••• ከመጣፈጡ የተነሳ በእርሾ ፋንታ በፍቅር የተቦካ••• "ይሄ አንባሻማ ከሰማይ የወረደ ነው እንጂ ሰው አልጋገረውም" ስላቸው••• በትንሹ ሳቅ ብለው "ይሁንልህ አንተን ደስ ይበልህ" አሉኝ እማማ አመተን ለመጨረሻ ግዜ ድምጻቸውን የሰማሁት ያኔ ነው።ተዚያ በሁላ እኔም አገሩን ለቅቄ ወጣሁ በአካል ተለያይተን ቀረን።በመንፈስ ግን ዘወትር አስታውሳቸዋለሁ•••በተለይም ሽሩባ የተሰሩ የትግርኛ ተናጋሪ እናቶችን ባየሁ ቁጥር የእማማ አመተ ትህትና ትዝ እያለኝ ልቤ ይንቦጫቦጫል••• አንድ የማትረሳኝ የእማማ አመተ አባባል አለች•••ቅዳሜ ወደ ማታ ይደውሉልኝ እና•••"ዘልአለምዬ ነገ ቅዳሴ አለ?"•••ይሉኝ ነበር።እማማ አመተ የእናትነት ተምሳሌት፣ የትህትና መምህርት••• ባሉበት ጤና ከድሜ ጨምሮ ይስጥዎት•••ፍቅርዎ አይለየኝ። © ዘላለም ጸጋዬ እንደ ጻፈው @wegochi

ፍጹም ፍለጋ ሙላ ናስሩዲን ከስምንት መቶ አመታት በፊት በቱርክ ይኖር የነበረ ብልህና ጨዋታ አዋቂ  የነበር ሰው ነው።ምንም እንኳን መቃብሩ ቱርክ ስለተገኘ ብቻ ቱርኮች ሙላ የእኛ ነው አሉ እንጅ ከሰሜን አፍሪካ እስከ ራሺያ፣ ከአረብ ሐገራት እስከ ቻይና ያሉ የምስራቁ ዓለም ሰዎች ሙላ የእኛ የራሳችን ነው ይሉታል፡፡ ምክንያቱ ቀልዶቹ  በእነዚህ ህዝቦች ዘንድ የተለመዱ በመሆናቸው ነው።ለዛሬ አንዷን ጨዋታ እንምዘዝ ሙላ ናስሩዲን ለወዳጆቹ ስለ ፍቅር ህይወቱ እያወጋቸው ነው... ”ፍጹም የሆነችዋን ሴት ያገኘሁ መስሎኝ ነበር” አለ ሙላ። ”ፍጹም ቆንጆ ነበረች፤ ቁመናዋ የተስተካከለ፣ ሁለመናዋም እጅጉን ያማረ እንከን-የለሽ ነበር። ነገር ግን አንዳች እንኳን እውቀትና ጥበብ አልነበራትም ስለዚህ መንገዴን ቀጠልኩ፤ ፍለጋዬንም አጧጧፍኩ... ፍጹም ቆንጆና ጥበበኛዋን ሴትም አገኘሁ። ነገር ግን ጭራሽ ልንግባባ አልቻልንም.... በመጨረሻም፣ ከብዙ ፍለጋ በኋላ ፍጹም የሆነችዋን ሴት አገኘሁ፤ እጅግ ውብ፣ ሸጋ ቁመና፣ ጠቢብ አይምሮ የታደለች፣ በአጠቃላይ መስፈርቶቼን በሙሉ የምታሟላ። ነገር ግን.... ” ናስሩዲን ወሬውን አንጠንጥሎ ተወው። “ምን ተፈጠረ?” ...ወዳጆቹ ጓግተው ጠየቁት። “ወዲያውኑስ ለምን አላገባሃትም?” “አያችሁ” አለ ሙላ... “አያችሁ፣ እንደ እድል ሆኖ እሷም የምትፈልገው ፍጹም የሆነውን ወንድ ነበር።እኔ ደግሞ ፍጹም እፈልጋለሁ እንጅ ራሴ ፍጹም አልነበርሁም።” ፍጹምና አለ ቢባል እንኳን መጀመሪያ ግን ራስን ፍጹም ማድረግ ይቀድማል።ራስን ማወቅ ከሁሉም ይበልጣልና።በእርግጥ ፍጹምነት ሳይኖረን ፍጹም መፈለግ መሄዳችን አይገርምም ምክንያቱም ሰው የሌለውን ነገር ነውና የሚፈልገው። የሰው ልጅ ፍጹምነትን ፍለጋ ሲያስስ ዘመኑን ይፈጃል። ከህይወቱ መጨረሻ ላይ ግን ፍጹምነት ሐሳባዊ እንጅ እውናዊ ሊሆን እንደማይችል ይረዳል።ሰው ሁኖ ፍጹም የለምና። @wegochi

የእርዳታ ጥሪ ‼️ ከላይ በምስሉ ላይ የምትመለከቷት እናት "የተማሪ ናትናኤል ደመላሽ እናት" ስትሆን ከዚህ በፊት የልብ ህክምና ስትከታተል ነበር። አሁን ላይ ግን ችግሩ ከፍ ስላለ ቀዶ ህክምና እንደሚያስፈልጋት ተነግሮናል። ይህንን ቀዶ ጥገና ለማካሄድ የተጠየቀው ገንዘብ እስከ 760,000 ብር ነው። የሰው መድሃኒቱ ሰው ነውና የአቅማችንን በማጋራት የእኝህን እናት ህይወት እንታደግ። ከዚህ በታች የተዘረዘሩትን አካውንቶች በመጠቀም የአቅማችንን እንደግፋቸው። ንግድ ባንክ 1000298948935 Natnael Demelash አቢሲኒያ ባንክ 69362826 Natnael Demelash Contact: +251993655876 ተማሪ ናትናኤል ደመላሽ የ አዳማ ሳይንስ እና ቴክኖሎጂ ዩኒቨርሲቲ የአምስተኛ ዓመት የፓወር እና ኮንትሮል ኢንጂነሪንግ ተመራቂ ተማሪ ነው።

ዛሬ ይቺን ምድር ከፈጣሪ በታች የቀላቀለችን ፤ አለም ፊቷን ብታዞርብን እሷ ግን በደስታ ምትቀበለን ፤ ለኛ ሁሉ ነገራችን የሆነች ፤ ከአይኗ ብሌን በላይ ምትሳሳልን እናታችን ቀኗ ነው በእርግጥም ሁሉም ቀን እናታችንን ማክበር አለብን ነገርግን ዛሬ ልዩ ቀኗ ነው። እንኳን ለእናቶች ቀን በሰላም አደረሳችሁ ፤ የእናቶቻችሁን ደስታ ያሳያችሁ ፤ መልካም ቀን! 👨‍👩‍👧‍👦 𝕤𝕙𝕒𝕣𝕖 ➡️  @Memories_of_sports 𝕤𝕙𝕒𝕣𝕖 ➡️  @Memories_of_sports