لِنُكمل مَا بدأناهُ سَوِيًا.")🤎

صباح الخير، آخر يوم امتحان النهاردة، للثانوية الأزهرية شعبة الأدبي، وبكرا العلمي، موفقين يا رجالة، واثقة فيكوا وعارفة أنكوا قدها، وبإذن الله يكون ختامها مسك، الله يرضى عنكم ويراضيكم، ومبارك مُقدمًا، هنيئًا لكم اجتياز ضغط وتعب وخنقة وزعل سنة كاملة، كنت فخورة بيكوا وهفضل فخورة بيكوا🤎🫂. عقبال العام يا رب.""

صباح الخير، مش عارفة علمي رياضة وازهر وراهم امتحان النهاردة ولا لاء، لأن مش حافظة الجداول، والنت في ذمة الله، يا رب المسدج دي تتبعت بس، كنت غايبة الأيام اللـ فاتت أختي كانت بتولد، وحقيقي، كنا بنقول إنها خلاص الله المستعان، فدعواتكوا ليها جدًا لأنها تعبانة أوي وهكون ممتنة، ثانيًا أنا تقريبًا فاكرة إن علمي رياضة وراهم يوم السبت، فعمومًا يا صاحبي، دا تاني امتحان ليك في تخصصك، عاوزة افكرك إنه رياضة عاوزة تفكير وتأنّي، ممكن رقم أو علامة تغير السؤال كله، فركز يا صاحبي جامد أوي، وخلي بالك من الوقت البس ساعة علشان الوقت مياخدكش ويجري، سؤال وقف ادخل على اللي بعده علطول متقفش، الوقت في الرياضة بالذات بيبقى ضيق حبة، فحاول تظبط دنيتك كده علشان الدنيا متاخدكش وتتصدم وتتوتر، وصدقني يا صاحبي أنا واثقة فيك وواثقة إنك قدها وهتقدر، اهدى، متتوترش، ركز، متبصش حواليك طول فترة حلك، الرياضة عاوزة تركيز جبار، وكمان اوعى تخلي الوقت ياخدك في سؤال وتجري ورا نفسك في باقي الاسئلة، بالتوفيق يا صاحبي، كل التوفيق ليك، وافتكر إن دعواتي مرفقاك، إن شاء الله ييجي سهل ويسير وتطلعوا مجبورين الخاطر آمين ألف مرة.""

صباح الخير يا صاحبي، مُستعد؟ أولًا أنا فخورة بيك أوي أوي أوي، ثانيًا متخفش وتقلق طول ما أنت معاك ربنا، هتخاف وتقلق ازاي وأنت معاك مالك الملك، اللـ أول ما يقول لشيء كن، فيكون، الفاء هنا فاء السرعة، علطول نعم يا رب، فلأجل دعوتك ممكن تتقلب الدنيا وتُستجاب، خليك حاطت في بالك دايمًا، قالا لا تخافا إنني معكما أسمع وأرى، هو في قول بعد قوله؟ خلاص ربنا أمرنا منخافش وهو معانا يسمع ويرى، فخلاص آمين يا رب! فهتخاف من امتحان دُنيا؟ أنت بتعمل اللـ عليك وبس، وصدقني طول ما أنت بتسعى ربنا هيسخر ليك أسباب الدنيا كلها، فأنت بتعمل اللـ عليك وبتسعى وبس، ولكن ولا هي بشطارتك ولا بحلك في الورقة، هي بكرم ربنا الواسع ثم سعيك اللـ ميجيش ذرة في كرم ربنا، فحتى لو قصرت، اندم على تقصيرك واطلب العفو من رب العالمين واطلب منه ملك لا ينبغي لأحد من بعدك! ربك كريم حيي، بس اندم أنت بس وتوب! ارجع لبابه يا عم أنت خسران إيه؟ بل بالعكس هتكسب الدنيا والآخرة، فأنا واثقة فيك يا صاحبي وواثقة إنك هتقدر تعديها، بالتوفيق يا صاحبي، شد حيلك، هانت، وهانت أوي كمان🫂💚

وعلمي رياضة وأدبي وأزهر، بإذن الله الدنيا هتيجي يسيرة بالنسبالكم واللهِ متقلقوش، اعملوا اللـ عليكوا بس وكله على ربنا، ربنا معاك، هتخاف وتقلق من إيه؟ حاول تشوف امتحانات السنة اللي فاتت، والأزهر تشوف امتحان كيمياء بتاع 24، ورياضة وأدبي بإذن الله الامتحان هييجي زي الفل ويسير متقلقش، اجمد كده يا بطل، اجمد هانت واللهِ، هانت أوي كمان يا بطل.""🤎🫂

مساء الخير يا صاحبي، بعد مادة النهاردة هنبقى خريجين ثانوية إلا مادة! صدقني أنا فخورة بيك بشكل! وعاش إنك فضلت صامد لحد الآن، عاوزة أقولك إن الجيو لطيفة خالص، متقلقش منها، لذيذة واسئلتها تحفة، حل بتركيز بس والدنيا هتبقى لوز اللوز معاك، بالتوفيق يا صاحبي🫂🤎

ملاحظات كل باب، الله يجازيه كل خير اللـ عمله:""💚

حاسة إني متكلمتش معاكوا من زمان؟ أولًا الصراحة عاوزة ناخد حسنات ببلاش واحنا قاعدين معملناش حاجة، فالسلام عليكم ورحمة الله وبركاته، ثم على قلوبكن السلام، رد السلام يا بطل علشان رد السلام فرض، وهيبقى هنيئًا لنا 30 حسنة والله يضاعف لمن يشاء، ثانيًا مساء الخير يا أبطال! وحشتوني جامد جدًا بجد. ثالثًا من المُفترض إن دوري قد انتهى من بعد امتحان العربي وكنت اسيبكوا بقا، بس الصراحة مقدرتش، حسيت إنكم لا هتقعوا، فحاولت بقدر الإمكان إني افيدكوا بأي شيء يقابلني، مع إن خلاص كده المواد مش موادي وكانت مادتي العربي بس، ولكن تعاهدنا على السير معًا لآخر لحظة، ودلوقتي أنا بوفي بوعدي، مش عارفة واللهِ امتى الوقت جرى بينا أوي كده! مش عارفة ازاي هتأقلم على دفعة جديدة، حرفيًا حبيتكوا من كل قلبي، كنت بحسكوا جزء من يومي اللـ هو يومي ميكملش غير بيكوا، ما علينا دا مش كلامنا دلوقتي علشان منقعدش نعيط. رابعًا لسه لعلمي علوم امتحانين بالعدد، ولعلمي رياضة 4. ولأدبي 2. والأزهر 3، أنا دلوقتي هتكلم على تنسيق علمي العلوم علشان انافكنت علمي علوم، وقيسوا على كده بقا كل شيء، علمي علوم لسه في ايديكوا، 100 درجة، عارف يعني إيه 100 درجة؟ كام في المية؟ يعني يا صاحبي ليودوك ورا الشمس، ليطلعوك السماء، مفيش حلم ضاع، مسمعش حد يقولي حلمي ضاع، حلم إيه اللـ ضاع يا باشا وأنت لسه بتمتحن؟ ما تفوق كده يا صاحبي وتشوف مستقبلك؟ أنت مش عارف أنت بتتعامل مع مين ولا إيه؟ اعرف أنت بتتعامل مع مين! مع رب كريم حيي يستحي إن رفع عبده يداه إليه أن يردهما صفرا، ما تفوق كده يا صاحبي في إيه؟ إيه الغمامة اللـ شيطان مغمي بيها عينك دي؟ وبيقولك خلاص حلمك ضاع أنت خربتها أنت مش هتلحق أي حاجة ووووووو، فما ظنكم برب العالمين؟ ظنك إيه بربنا؟ عليك تقولي ظنك إيه بربنا؟ اوعى إياك ثم إياك تخلي الشيطان يضحك عليك وينسيك إن ربنا موجود! احسن الظن بربك يا صاحبي هتنجو والله! أنا عند ظن عبدي بي! فليظن بي ما يشاء، لو ظنيت سوء هتلاقيه سوء، ولو ظنيت حسن هتلاقيه حسن، وأنت وشطارتك بقا! أنت ضللت الطريق ونسيت احنا هنا ليه ولا إيه؟ احنا هنا علشان الجنة وبس! يعني في داهية أي حاجة تانية، فأنت بتسعى علشان وقت ما تقف قدام ربنا ويسألك عن عمرك فيما أفنيته؟ تلاقي جواب تجاوب بيه، يا صاحبي من نوقش في السؤال عُذب! فوق يا صاحبي، هناك مينفعش تقوله أصل يا رب أنا آسف كنت عاوز الدنيا ونسيت الآخرة، هناك مفيش آسف يا صاحبي! إن ضللت صدقني فقد خسرت وقسمًا بالله، احنا بنعبد الله علشان الجنة، الدنيا ايجت؟ خير وبركة، مجتش؟ ألف خير وبركة هناك جنة، فأنت بتسعى علشان أخرتك مش علشان الدنيا اللـ هي في الأساس فانية أصلًا! يعني إنك تبطل سعي علشان اللـ بيحصل حواليك فأنت كده بتترك أخرتك مش دنيتك، متفكرش إنك كده ناصح، أنت بتعمل اللـ عليك لآخر دقيقة، اوعى تخلي الشيطان يسيطر عليك، يا صاحبي دي حرب! الشيطان أقسم لله إنه واللهِ لأغوينهم أجمعين! (قال فبعزتك لأغوينهم أجمعين) يا رب واللهِ هضل عبادك كلهم، بص على الآية كده اللـ بعدها؟ (إلا عبادك منهم المخلصين) فاوعى تبقى من ضمن اللي شيطان هيضلهم! اوعى تكسب دنيتك وتخسر آخرتك! واوعى تخسر دنيتك وكمان آخرتك! وتبقى من ضمن اللـ ربنا قال عليهم: ( قال فالحق والحق أقول، لأملأن جهنم منك وممن تبعك منهم أجمعين ) يا صاحبي رعب واللهِ رعب! متخيل كام ملك هيشدوك من كل جزء في جسمك ويحدفوك في النار! يا صاحبي دا خازن النار مبيضحكش أبدًا! أنت متخيل الشدة! فـَ آخرتك ثم آخرتك، مفيش حلم ضاع، أنت لسه قدامك سعي لازم تتمه لآخر لحظة، ومفيش حاجة اسمها أنا لبخت كتير في الامتحان ومش قادر اشيل فكرة إني مش هجيب شيء من دماغي، افتكر دومًا قول الله فما ظنكم برب العالمين؟ وأنا عند ظن عبدي بي فليظن بي ما يشاء، وأنت بقا وظنك يا صاحبي، فاحسن، وقوم كده شوف وراك إيه اعمله، متفضلش قاعد، قوم املي ميزان حسناتك علشان الجنة يا صاحبي، متنساش اننا هنا ضيوف:"")💚

تالته ثانوي دي اهم الأرقام اللي هتحتاجها في الجيولوجيا: ⭕أقصى عمق للمحيطات = 11000 متر {11كم ⭕سمك القشرة المحيطية = 8 : 12 كم ⭕سمك القشرة القارية = 60 كم ⭕سمك الوشاح = 2900 كم ⭕سمك الوشاح العلوي = 350 كم ⭕سمك الوشاح السفلي = 2550 كم ⭕نصف قطر لب الارض = 3486 كم ⭕سمك اللب الخارجي = 2100 كم ⭕كثافة اللب الخارجي = 10 جم/سم٣ ⭕ضغط اللب الخارجي = 3 مليون ض.جو ⭕سمك اللب الداخلي = 1386 كم ⭕كثافة اللب الداخلي = أكبر من 14 جم/سم٣ ⭕ درجة حرارة اللب = 5000 درجة مئوية ⭕ارتفاع الغلاف الجوي = 1000 كم ⭕نسبة غاز النيتروجين = 78% ⭕نسبة غاز الأكسجين = 21% ⭕نسبة مساحة الماء علي الكرة الأرضية = 72% ⭕نسبة مساحة اليابس علي الكرة الأرضية = 28% ⭕عدد المعادن في القشرة الأرضية = حوالي 2000 معدن ⭕المعادن الشائعة في القشرة الأرضية = حوالي 200 معدن ⭕عدد العناصر في القشرة الأرضية = حوالي 100 عنصر ⭕نسبة عنصر الأكسجين في القشرة الأرضية = 46،6% ⭕نسبة عنصر السيليكون في القشرة الأرضية = 27،7% ⭕نسبة عنصر الألومنيوم في القشرة الأرضية = 8،1% ⭕نسبة عنصر الحديد في القشرة الأرضية = 5% ⭕نسبة عنصر الكالسيوم في القشرة الأرضية = 3،6% ⭕نسبة عنصر الماغنيسيوم في القشرة الأرضية = 2،1% ⭕نسبة العناصر الأخرى في القشرة الأرضية = 1،5% ⭕صلادة ظفر الانسان = 2،5 ⭕صلادة العملة النحاسية = 3،5 ⭕صلادة قطعه الزجاج = 5،5 ⭕صلادة الأحجار الكريمة المقلدة = اقل من 6 ⭕صلادة الأحجار الكريمة الطبيعية = اكبر من 7،5 ⭕صلادة لوح المخدش الخزفي = 6،5 ⭕صلادة أغلب المعادن الشائعة = اقل من 6،5 ⭕الوزن النوعي للجالينا = 7،5 ⭕الوزن النوعي للذهب = 19،3 ⭕نسبة السيليكا في الصخور فوق قاعدية = أقل من 45% ⭕نسبة السيليكا في الصخور القاعدية = 45 : 55% ⭕نسبة السيليكا في الصخور المتوسطة = 55 : 66% ⭕نسبة السيليكا في الصخور الحامضية = اكبر من 66% .موقع تعليم توبيا. ⭕درجة تبلور الصخور القاعدية = 1100 درجة مئوية ⭕درجة تبلور الصخور الحامضية = 800 درجة مئوية ⭕حجم رواسب الصلصال = أقل من 4 ميكرون ⭕حجم رواسب الفرين = 4 : 62 ميكرون ⭕حجم رواسب الرمل = 62 ميكرون : 2 ملليمتر ⭕حجم رواسب الزلط = اكبر من 2 ملليمتر ⭕درجة حرارة نضوج صخور المصدر = 70 : 100 درجة مئوية ⭕عمق نضوج صخور المصدر = 2 : 4 كم بالتوفيق🤍✨

صباح الخير يا أشطر محارب في الدنيا، هتعدي يا صاحبي وكله هيبقى زي الفل، استقوى كده، وبإذن الله الامتحان ييجي يسير، متتوترش، ركز، متنشغلش بحد، وهتلاقي الدنيا معاك عنب بإذن الله، انت قدها وهتقدر هانت يا صاحبي، اقرأ قرآن قبل ما تستلم الورقة واذكر الله دومًا واتوكل عليه.💘

بخط شبهكم👀♥ معادلات عضويه