مقتطفات دعوية🇵🇸🩷

تَقُول لا حِيلَة في الوَصلِ أَعرِفُها لَو صَحَّ مِنكَ الهَوىٰ أُرشِدتَ للحِيَلِ.

كثير جدا من الناصحين اللي هيقولوا لك: لازم تثق في نفسك ولازم تاخد الخطوة ولازم يبقى لك كاريزما و، و، و، هو دون ما يشعر بيديك مؤشرات كتير أوي إنك متثقش في نفسك! يعني تلاقي دايما الواثق من نفسه في نظرهم إنه بيهزر وبيتضحك على نكاته، وبيتكلم وبيتسمع له، وله حضور وهيبة ووقار! فتيجي إنت تلاقي معايير ضخمة جدا علشان الثقة بالنفس، فتخاف تقول نكتة أحسن يتضحك عليك مش ليك، وتخاف تتكلم أحسن محدش ينتبه لك، وتخاف من كذا وكذا وكذا! فبدل ما تاخد الدفعة، تلاقي نفسك ركنت خالص ومش عارف تعمل أي حاجة! والموضوع -بعيدا عن أي مرض نفسي لأن ده مش محل حديثي- إنك محتاج حد بسيط زيك يغنيك عن كل التكلف ده! إنت أصلا بتحسها لوحدك، مش لازم تكون ثاقب البصيرة علشان تنقي الناس اللي تصاحبك. مع أول كلمتين تلاتة تعارف بتلاقي نفسك انطلقت، وهتعرف مين اللي تتخفف معاه ومع مين تتكلف! متخليش حد يوهمك إنك ولا حاجة ولازم تتعلم من أول وجديد كأنك طفل! وفي الآخر بتاخد على دماغك وتحس إنك ولا حاجة وبتخاف تنطق الكلمة أصلا! جاور الناس البسيطة الخفيفة، هما كتير والله، بدون تكلف، بدون عناء. -إسلام منصور #علاقات •-------------------------• ✿↳ @moroor_abir

ده اسمه كلام بنص جنيه يعجب المهمشين والدنويين عبّاد الأسباب. او يعجب اللي مش فاهم وعلى قد حاله ومحتاج حد ينور له طريقه. حسبة بسيطة بس، لو هشتغل ١٦ ساعة هروح الجيم إمتى وهصفى ذهني فيه إمتى! ثانيا ما فيه أمم بتشتغل ١٦ ساعة مجبرة لحد ما يتهد حيلها ومبتوصلش برضو! أصل انا هفهمك يا برنس، مش كل الناس زي سيادتك ممكن تتعلم برمجة او لغة جديدة وتشتغل CEO أو أي حاجة فيها حرف ال C في شركة عالمية أو ممكن تفتح التجارة الخاصة بيها! اللي إنت بتتكلم فيه ده هراء نظري بحت، لأن فيه ناس حرفيين وزراعيين وناس متعلمة عادي وبتشتغل ال ١٦ ساعة لدرجة إنها مش عارفة تذاكر لمهنتها! آه والله زي ما بقولك كده، بيتطحنوا حرفيا ومش عارفين يعملوا أي حاجة! كلامك ده مخدر نتاج الرأسمالية اللي إحنا عايشينها دلوقتي، كلام مبهم كده يتعاطاه الناس علشان تكمل (سعي) وتعبد الأسباب دون رب الأسباب! مشوفتش في كلامك يعني إن دي دنيا وإن الآخرة خير وأبقى وإنك تسعى آه بس تحافظ على نفسك وتخلص في سعيك ده لربك لأنك فاني ومش قاعد فيها.. أصل اللي هيسعى ومش هيلاقي بعد كمية الحُقن دي؛ هيهلك. هيقولك: أنا ليه مبوصلش؟ وبعدين أقلل أصحاب ليه؟ يا عم افرض واحد أصحابه صالحين ومعارفه مش صالحين! ليه يغير الدفة! ما يخليه مع الصالح ابتغاء وجه الله وربنا هيكرمه ويوسع عليه رزقه بإذنه! وبعدين المعارف بتقوم على المصلحة المتبادلة؛ أي حوار صغير ممكن يقلب الطاولة عليكم بالكامل عادي وشوفناها في بيزنس كتير، والمعرفة دي ساعتها هتقولك يلا نفسي! إنما الصاحب الحق عمره ما هيقولك كده وهيوجهك كمان! إنما منطلق إن الأصحاب بيوقفوا المراكب السايرة ده؛ فأنت بتبني شيء من خيالك وتكمل عليه! ومنين جبت إن الجواز بدري بيعطل! أصل محسوبك متجوز الحمد لله، مش بدري اوي ولا متأخر اوي، وربنا فتح عليّ من وسع! عارف ليه؟ لأن أنا واحد من ضمن ملايين ربنا رزقه ببنت حلال تصون بيتها وتقوم عليه على أكمل وجه! ده الجواز يا راجل بيبقى في معظم الأحيان دفعة عظيمة جدا للرجل علشان يكمل؛ الأحزان لا تُجابه فرادي. أنا نفسي قبل ما تكتب أي كلمة تقيسها الأول على ميزان الواقع وتحاول معلش تدرس نفسية المجتمع اللي إحنا عايشين فيه!. أصلنا مش في اللا لا لاند، إحنا في المعجنة حرفيا وفيه ناس بتقعد يومين عادي متواصل من غير نوم شغالة مفيهاش حاجة! علشان المنشور ميطولش هكتفي بالقدر ده، والسلام.

أسألكَ قلبًا نقيًّا لا يَفسد بما حوله، شاكرًا لأَنعمِك، مُعمِّرًا في أرضِك، نافعًا للغير، وأسألك أنْ تُبرِّد همومه، وتغمره أُنسًا بكَ وحدك💙 - لصاحبه

وكانَ له من أوجَاع قَلبه حدِيث طَويل، فليت حديثي معك إذ يبتدي لا ينتهي ارتمي إليكِ وأشكوا سوء الواقع أُحدثكِ عن مرارة العيش،وضيق الحال ،عن سوء الطريق ، وعواصف الفتن أحدثكِ عن شوقي إليكِ ، وحلمي بِعينيكِ ليت حديثنا يبتدي ويطول لا ينتهي 😢🤍

‏وقربني إليك يا الله حتى لا يبقى بيني وبينك إلّا أن ‏تتوفاني فألقاك وأنت راضٍ عني.

"والعربُ يكرهون في المرأة صلابةَ الرجل وقوةَ تحمُّلِه، ويحبُّون أن تكونَ غافلة غريرة ساذَجة، تبكي كما يبكي الوليد، وذلك أمارةُ النِّعمة والحياة الرافهة، وصفاءِ النفس وقُرْبِها من ريق الفطرة الصافي". محمد أبو موسى ( قراءة في الأدب القديم ص١٩٧ ) #فطرة #صالحات

قول ده حرام وده حلال بقلب قوي متتكسفش ده دينك.. د. محمد الغليظ.

. يمڪن الوقت اتأخر والحِمل تقل عليك ، بس الاڪيد انك هتصحى فـ يوم تلاقى ربنا مراضيك هانت اطمن .!