Progressiv islohotlar markazi

#Bilasizmi Jamiyatda, shu jumladan, ijtimoiy tarmoqlarda Jahon savdo tashkiloti va unga a’zo bo‘lish bilan bog‘liq mish-mishlar va afsonalar mavjud. Ular qanchalik haqiqatga mos? Bu haqida batafsil 👉 navbatdagi videoroligimizda 📎Videoni oxirigacha tomosha qiling. Shunda siz JSTga aʼzo boʻlishdan eng katta foyda koʻrgan davlat qaysi ekanligini bilib olasiz. @cpr_uz LinkedIn | Twitter | Instagram | Youtube

O‘zbekistonning investitsiya siyosati: huquqiy muhit va iqtisodiy ko‘rsatkichlar qanday? Progressiv islohotlar markazi tomonidan O‘zbekistonning investitsiya siyosati, uning iqtisodiy ko‘rsatkichlari tahliliga bag‘ishlangan hisobot e'lon qilindi. Oʻzbekistonning iqtisodiy salohiyati yildan-yilga jozibador boʻlib bormoqda va investitsiya muhiti bundan mustasno emas. Garchi investitsiya muhitini yaxshilash va umuman iqtisodiy rivojlanishga qaratilgan islohotlar va koʻplab ragʻbatlantirish choralari koʻrilayotgan boʻlsa-da, erishilgan yutuqlarga qaramay, izchil va shaffof investitsiya muhitini taʼminlash uchun qonunchilik va meʼyoriy-huquqiy bazani muntazam takomillashtirish zarurati mavjud. Investorlar qaysi hujjatlar bilan himoyalangan? So‘ngi yillarda qanday imtiyozlar yaratilgan? Mahalliy va xorijiy investorlar uchun qonunchilik doirasida qanday imtiyozlar mavjud? Mahalliy investorlar ham teng imkoniyatlarga egami? 👉Batafsil saytimizda oʻqing @cpr_uz LinkedIn | Twitter | Instagram

Markaziy Osiyo: Yevrosiyoning oʻtmishdagi va kelajakdagi yuragi Bir asr muqaddam zamonaviy geosiyosatning asoschisi sifatida tanilgan mashhur britaniyalik geograf Xelford Makkinder Yevrosiyoning geografik nuqtai nazardan ulkan ahamiyati haqida fikr yuritgan edi. U bu bepoyon mintaqani global siyosatning markazi deb atagan. Makkinder tarixiy dengizga chiqa olmagan va otda sayohat qilinadigan kenglikni bogʻlaydigan temir yoʻl tarmogʻini nazarda tutgan. Afsuski, Birinchi jahon urushining tartibsiz boshlanishi sababli uning prognozlari amalga oshmadi. Ushbu uzilish Yevrosiyoda temir yoʻl tizimlarining rivojlanishini toʻxtatdi va kengroq global hamkorlikka toʻsqinlik qildi. Bugungi kunda Makkinderning kuzatishlari yana bir bor oʻrinli boʻlib bormoqda. Markaziy Osiyo oʻzining strategik geoiqtisodiy va geosiyosiy mavqeyi tufayli Yevrosiyo superkontinentining hal qiluvchi tutashuvi sifatida qayta tiklanmoqda, Gʻarb va Sharq, Shimol va Janub oʻrtasidagi tafovutni yoʻqotib, uning salohiyatini zudlik bilan tan olish zarurligini taʼkidlamoqda. Markaziy Osiyo davlatlari oʻzlarining strategik avtonomiyalarini kuchaytirish uchun mintaqaviylikka intilishi kerak. Bunga erishish keng qamrovli mexanizmlar va institutlar orqali mintaqaviy birlikni mustahkamlash majburiyatini olishni talab qiladi. 👉Batafsil saytimizda oʻqing @cpr_uz LinkedIn | Twitter | Instagram | Youtube

Yaqin Sharqdagi mojaroli hududlardan repatriatsiya va reintegratsiya: Markaziy Osiyoda bu borada qanday yondashuvlar mavjud? Markaziy Osiyo davlatlari Iroq va Suriyaga ketgan fuqarolarni vataniga qaytarish va jamiyatga qayta integratsiya qilish muammosini hal qilishda tashabbusni qoʻlga olib, dunyoda kashshofga aylandi. 👉Batafsil saytimizda oʻqing @cpr_uz LinkedIn | Twitter | Instagram | Youtube

#Ekspert_fikri Shoxruxxoʻja Faxriddinxoʻjayev, Progressiv islohotlar markazi iqtisodiy tahlilchisi:

Aholi soni ortishi muammo emas. Muammo iqtisodiyotni, shu jumladan ishlab chiqarishni, notoʻgʻri yoʻnaltirishdir, chunki bu oʻz navbatida kambagʻallikka olib keladi. Oʻzbekiston misolida qaraydigan boʻlsak, mamlakatda kambagʻallik darajasi 2015-yildagi 36 foizdan 2022-yilda 17 foizgacha pasaygan. 2023-yil natijalariga koʻra, kambagʻallik darajasi 3,1 foizga qisqarib, 11 foizni tashkil etdi. Yaʼni 2 milliondan ortiq aholi kambagʻallikdan chiqarildi. Bu toʻgʻri iqtisodiyot olib borilayotganini koʻrsatadi.

@cpr_uz LinkedIn | Twitter | Instagram | Youtube

#PIMversiyasi Progressiv islohotlar markazi “PIM versiyasi” rukni ostida turli soha ekspertlari bilan ichki va tashqi siyosatning muhim jihatlari: iqtisodiy rivojlanish va ijtimoiy-siyosiy jarayonlardan tortib, mintaqaviy hamkorlik va mamlakatda hamda dunyodagi samarali boshqaruv strategiyalari boʻyicha suhbatlar turkumiga start beradi. Birinchi podkastda Progressiv islohotlar markazi direktori Mirshohid Aslanov, markazning siyosiy tahlilchisi Alouddin Komilov, XXRing tashqi siyosati va harbiy strategiyasi boʻyicha ekspert Odil Gafarov Xitoyning Markaziy Osiyodagi manfaatlari haqida oʻz fikrlarini bildirib oʻtdilar. Bugungi kunda dunyoda Xitoyning kengayib borayotgan taʼsiriga koʻpincha shubha va qoʻrquv bilan qaraladi. Baʼzi mutaxassislar uchun esa Markaziy Osiyo geosiyosiy shaxmat oʻyinida asosiy kurash maydoni sifatida koʻriladi. Ekspertlar ushbu xavotirlarni va turli qarashlarni muhokama qilib, Xitoyning ambitsiyalari mintaqa uchun nimani anglatishi va Markaziy Osiyodagi uning manfaatlari haqida suhbatlashdi. Suhbatni 👉toʻliq koʻrish @cpr_uz LinkedIn | Twitter | Instagram | Youtube

#faktcheck Ijtimoiy tarmoqlarda tarqalgan videoda aytilishicha, AQShda 3000 kVt/soat elektr energiyasi uchun toʻlov — atigi $150. Biz buni tekshirdik, maʼlumot haqiqatga toʻgʻri kelmaydi. 🚨 Bu xabar — FAKE! Ijtimoiy tarmoqlardagi har qanday maʼlumotni tekshirish kerak. Bizning videolarimizni kuzatishda davom eting, unda biz faktcheckingning boshqa usullari haqida batafsil maʼlumot beramiz. @cpr_uz LinkedIn | Twitter | Instagram | Youtube

#Infografika 2023-yilda Oʻzbekiston tashqi savdo aylanmasining 33 %i MDH davlatlariga toʻgʻri kelgan 2023-yilda Oʻzbekistonning MDH davlatlariga eksport hajmi sezilarli darajada oshdi va bu koʻrsatkichlar mamlakatning tashqi savdo aloqalarida muhim oʻsish borligini tasdiqlaydi. MDH davlatlari bilan umumiy tashqi savdo aylanmasi 2023-yilda $20,5 milliardga yetdi, bu esa tashqi savdo aylanmasining 32,8 %ni tashkil etadi. Oʻzbekistonning MDH davlatlari bilan savdo hamkorligida Rossiya va Qozogʻiston yetakchi oʻrinda boʻlib, ularga toʻgʻri kelgan tashqi savdo hajmlaridagi ulushlari mos ravishda 15,8 va 7,0 %ni tashkil etdi. 2023-yilda Oʻzbekistonning MDH davlatlariga eksport hajmi sezilarli darajada oshdi. MDH mamlakatlari bilan umumiy eksport hajmi 2023-yilda $8,1 milliardni tashkil etdi, bu oʻtgan yilga nisbatan 2,0 %ga koʻp. Oʻzbekistonning MDH davlatlari bilan eksport hajmida Rossiya, Qozogʻiston va Qirgʻiziston asosiy savdo hamkorlari boʻlib qolmoqda. Rossiyaga qilingan eksport tashqi savdodagi ulushi 13,5 %ni, Qozogʻiston bilan 5,6 %ni va Qirgʻiziston bilan 2,6 %ni tashkil etdi. MDH davlatlariga qilingan eksport tarkibida eng yuqori ulushga ega boʻlgan tarmoqlar quyidagilardir: 🇹🇲 Turkmaniston: kimyoviy vositalar va shunga oʻxshash mahsulotlar — 54,1 % 🇲🇩 Moldova: sanoat mahsulotlari — 52,2 % 🇧🇾Belarus: sanoat mahsulotlari — 47,8 % 🇰🇿 Qozogʻiston: mashinalar va transport asbob-uskunalari — 47,0 % 🇦🇿Ozarbayjon: sanoat mahsulotlari — 41,1 % 🇰🇬 Qirgʻiziston: sanoat mahsulotlari — 35,7 % 🇷🇺 Rossiya: sanoat mahsulotlari — 28,5 % 🇹🇯Tojikiston: sanoat mahsulotlari — 25,4 % Bu raqamlar Oʻzbekistonning MDH davlatlari bilan savdo aloqalarining mustahkamligini va eksport hajmining ortib borayotganligini koʻrsatadi. Shu bilan birga, Oʻzbekistonning eksport tarkibida xizmatlar, sanoat tovarlari, oziq-ovqat mahsulotlari va tayyor buyumlar katta ulushga ega boʻlib qolmoqda. Eksport tarkibida xizmatlar (31,7%), sanoat tovarlari (21,1%), mashinalar va transport asbob-uskunalari (13,5%) va turli xil tayyor buyumlar (12,7%) hissasiga toʻgʻri kelmoqda. Umuman olganda, Oʻzbekistonning umumiy tashqi savdo aylanmasi 2023-yilning dastlabki maʼlumotlariga koʻra, $62,5 milliardga yetib, oʻtgan yilning shu davriga nisbatan 24,0 %ga oshdi. @cpr_uz LinkedIn | Twitter | Instagram | Youtube

Bugun, 27-iyun kuni Progressiv islohotlar markazi va Oʻzbekiston jurnalistika va ommaviy kommunikatsiyalar universiteti oʻrtasida hamkorlik toʻgʻrisida memorandum imzolandi. 👉Batafsil saytimizda oʻqing @cpr_uz LinkedIn | Twitter | Instagram | Youtube

🖌️ Hurmatli jurnalistlar, media hamjamiyati vakillari! Progressiv islohotlar markazi jamoasi sizlarni kasb bayramingiz bilan tabriklaydi! Ushbu muhim sana munosabati bilan, sizga sidqidildan qilayotgan mehnatingiz, professionalligingiz, jurnalistika prinsiplariga sodiqligingiz uchun minnatdorlik bildiramiz! Chunki so‘z erkinligi nafaqat ajralmas huquq, balki katta mas'uliyat hamdir. Yangi g‘oyalar, ijodiy loyihalarni amalga oshirishda, kasbiy burchingizni bajarishda kuch-g‘ayratingiz so‘nmasin, imkoniyatlar kengayib, to‘siqlar qisqarib boraversin! LinkedIn | Twitter | Instagram | Youtube