Молитва на каждый день ☦️

Молитва апостолу Иоанну, Евангелисту, Богослову О вели́кий и всехва́льный апо́столе и евангели́сте Иоа́нне Богосло́ве, напе́рсниче Христо́в, те́плый наш засту́пниче и ско́рый в ско́рбех помо́щниче! Умоли́ Го́спода Бо́га дарова́ти нам оставле́ние всех прегреше́ний на́ших, ели́ка согреши́хом от ю́ности на́шея во всем житии́ на́шем де́лом, сло́вом, помышле́нием и все́ми на́шими чу́вствы; во исхо́де же душ на́ших помози́ нам, гре́шным (имена), изба́витися от возду́шных мыта́рств и ве́чнаго муче́ния, да твои́м ми́лостивным предста́тельством прославля́ем Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь

Что мы знаем об апостоле Иоанне Богослове? Апостол родился предположительно в 17 г. и прожил долгую жизнь. Дата его смерти неизвестна. Церковные историки обозначают кончину апостола приблизительно 100-105 годами. Последние дни Иоанн провел в Малой Азии, в городе Ефес. Отец апостола, Зеведей, жил в Капернауме со своими сыновьями, Иаковом и Иоанном, и занимался рыболовным промыслом. Можно предположить, что дом был не бедный, если учесть то обстоятельство, что у Зеведея были работники (см. Мк. 1:20). Жена Зеведея, Саломия, принадлежала к тем женщинам, какие сопровождали Христа Спасителя. От своих средств она жертвовала деньги на нужды общины. Из Евангелия видно, что она разделяла честолюбивые желания ее сыновей, и просила Христа об исполнении их мечтаний (см. Мф. 20:20). Свою любовь ко Христу Саломия подтвердила тем, что издали присутствовала при снятии с креста Спасителя (см. Мф. 27:55 и сл.), и участвовала в покупке ароматов для помазания тела погребенного Христа (см. Мк. 16:1; ср. Лк. 23:56). Есть предание, что семья Зеведея находилась в родстве с семейством Пресвятой Девы. Иоанн был любимым учеником Спасителя. Он удостоился присутствовать при важнейших событиях земной жизни Христа: Преображении, воскрешении дочери Иаира, молении Христа в Гефсимании, Его Распятии и смерти. В противоположность своему старшему другу, апостолу Петру, Иоанн жил более внутренней, созерцательной жизнью, чем внешней, практически деятельной. Он более наблюдает и молчит, чем действует и говорит. Душа его более витает в горнем мире – недаром в церковной иконописи ему усвоен символ орла. Впрочем, образ Иоанна гораздо более сложен, чем может показаться сначала. Иногда апостол проявлял пылкость души, даже раздражительность; он горячо вступался за честь своего Учителя (см. Лк. 9:54). Вместе с братом он желал первых должностей в славном Царстве Христовом, для чего готов был пойти со Христом и на страдания (см. Мф. 20:20-29). Недаром Христос назвал Иоанна и Иакова «сынами грома» (см. Мк. 3:17)! Древние толкователи говорят, что такие имена были усвоены братьям из-за громогласности их проповеди, которая облетела всю вселенную и потрясла ее. После Вознесения Христа апостол Иоанн (вместе с Петром) выступает как один из представителей Церкви в Иерусалиме. На апостольском соборе в Иерусалиме Иоанн вместе с Петром и Иаковом, братом Божиим, признает за апостолом Павлом право проповедовать Евангелие язычникам. Уже в это время значение апостола Иоанна было велико - но как оно должно было возрасти, когда скончались все апостолы, и Иоанн остался одним, последним из лика 12-ти! Поселившись в Ефесе, Иоанн 30 лет руководил церквами Азии. При Нероне (царствовал в 54-68 гг.) апостол был схвачен, и в оковах приведен в Рим. Сначала его заставили выпить чашу с ядом, но отрава не подействовала. Тогда его бросили в котел с кипящим маслом – но апостол не потерпел вреда. По повелению императора Домициана (царствовал в 81-96 г.) Иоанн отправился в ссылку на о. Патмос. Здесь Бог показал ему таинственные видения о будущем Церкви Христовой, которые он и изобразил в книге Апокалипсис. В 96 г. по повелению нового императора Нервы апостол возвратился в Ефес. В последние годы жизни Иоанн, будучи уже не в состоянии говорить длинные речи, только повторял: «Детки, любите друг друга!» И когда спрашивали его, почему он повторяет все одно и то же, апостол любви отвечал: «Потому что это заповедь Господня и если бы ее только исполнить – этого было бы достаточно». Апостол Иоанн является автором пяти книг Нового Завета: Евангелия, трех Посланий, Апокалипсиса.

Молитва преподобному Нилу Сорскому О, преподо́бне и Богоблаже́нне о́тче Ни́ле, Богому́дрый наста́вниче и учи́телю наш! Ты любве́ ра́ди Бо́жия от мирски́х смуще́ний удаля́яся, в непрохо́дней пусты́ни и в де́брех всели́тися изво́лил еси́, и я́ко лоза́ благопло́дна, ча́да пусты́ни умно́жив, сло́вом, писа́нием и житие́м о́браз вся́кия и́ноческия доброде́тели яви́лся еси́; и я́ко а́нгел во пло́ти пожи́в на земли́, ны́не в селе́ниих Небе́сных, иде́же пра́зднующих глас непреста́нный, водворя́ешися, и с ли́ки святы́х Бо́гу предстоя́, Тому́ хвалы́ и славосло́вия непреста́нно прино́сиши. Мо́лим тя, Богоблаже́нне, наста́ви и нас, под кро́вом твои́м жи́тельствующих, непреткнове́нно по стопа́м твои́м ходи́ти и Го́спода Бо́га всем се́рдцем свои́м люби́ти, Того́ еди́наго вожделе́ти и о Том еди́ном помышля́ти, му́жественно же и благоиску́сно проти́ву до́лу влеку́щих по́мыслов и прило́гов вра́жиих пра́тися и ты́я всегда́ побежда́ти; вся́кую же тесноту́ мона́шескаго жития́ возлюби́ти и кра́сная ми́ра сего́, любве́ ра́ди Христо́вы, возненави́дети помози́ нам; вся́ку же доброде́тель, в не́йже сам потруди́лся еси́, в сердца́х на́ших насади́ти нам посо́бствуй. Моли́ Христа́ Бо́га, да и всем правосла́вным христиа́ном, в ми́ре живу́щим, просвети́т ум и о́чи серде́чныя, е́же ко спасе́нию, утверди́т я́ в ве́ре и благоче́стии и в де́лании за́поведей Свои́х, сохрани́т же от ле́сти ми́ра сего́, и оставле́ние грехо́в да́рует всем христиа́ном, та́же и вся потре́бная ко вре́менному житию́ всем приложит. Да та́ко вси христиа́не, в пусты́ни и в ми́ре жи́тельствующии, ти́хое и безмо́лвное житие́ поживу́т во вся́ком благоче́стии и че́стности, и Христа́ усты́ и се́рдцем просла́вят, ку́пно со безнача́льным Его́ Отце́м и Пресвяты́м и Благи́м и Животворя́щим Его́ Ду́хом, всегда́, ны́не и при́сно и во ве́ки веко́в. Ами́нь.

О, вели́кий пра́ведниче, И́ове Многострада́льне, чи́стым житие́м свои́м и свято́ю бли́зостию к Бо́гу просия́вый. Ты́ до Моисе́а и Христа́ на земли́ пожи́л еси́, вся́ же за́поведи Бо́жия, нося́ и́х в се́рдце свое́м, исполня́л еси́. Явле́нныя ми́ру чрез Христа́ и Его́ Святы́х апо́столов та́йны, глубо́кими свои́ми открове́нии уразуме́в, прича́стник ве́яний Ду́ха Свя́та бы́ти сподо́бился еси́. Вся́кия ко́зни диа́вольския, в по́сланных тебе́ от Го́спода особых искуше́ниих, и́стинным смире́нием свои́м препобеди́в, о́браз злострада́ния и долготерпе́ния все́й вселе́нней яви́лся еси́. Любо́вь ве́лию к Бо́гу и ко все́м лю́дем в безме́рных свои́х ско́рбех сохрани́в, чи́стым се́рдцем за гро́бом едине́ния с Го́сподем ра́достно ожида́л еси́. Ны́не же в селе́ниих пра́ведных пребыва́еши и Престо́лу Бо́жию предстои́ши. Услы́ши на́с гре́шных и непотре́бных, пред свято́ю ико́ною твое́ю предстоя́щих и усе́рдно к хода́тайству твоему́ прибега́ющих. Моли́ Человеколю́бца Бо́га, да к ве́ре кре́пцей, непоро́чней и неруши́мей на́с утверди́т, от вся́каго зла́ вра́г ви́димых и неви́димых защити́т, в ско́рбех и искуше́ниих на́м кре́пость пода́ст, в сердца́х на́ших па́мять сме́ртную при́сно сохрани́т, в долготерпе́нии и братолю́бии укрепи́т, и сподо́бит на́с на стра́шнем суде́ Христо́ве до́брый отве́т да́ти и в воскреше́нней пло́ти на́шей Триеди́наго Бо́га созерца́ти и сла́ву Ему́ со все́ми святы́ми воспева́ти во ве́ки веко́в. Ами́нь

О всесвяты́й и пресла́вный уго́дниче Бо́жий, преподо́бне о́тче наш Иове, при́сный о нас ко Го́споду моли́твенниче и те́плый предста́телю о душа́х на́ших, к тебе́ всеумиле́нно ны́не притека́ем и, помина́юще по́двиги и чудеса́ твоя́, я́же сотвори́л еси́ и твори́ши на земли́, про́сим и мо́лим твою́ благосты́ню: я́коже тве́рдо и неизме́нно потруди́лся еси́ в ве́ре Христа́ Бо́га на́шего, и, сию́ до конца́ в себе́ и во всех при́сных твои́х це́лу и невреди́му сохрани́вый от вся́ких прираже́ний вра́жиих и ересе́й тлетво́рных, си́це и нас в Правосла́вии и единомы́слии укрепи́, отгоня́я моли́твами твои́ми вся́кую тьму неве́рия и неправомы́слия от серде́ц и помышле́ний на́ших; послужи́вый Го́споду и Бо́гу твоему́ де́лы благи́ми и неизрече́нным самоотверже́нием в труде́х, бде́ниих и поще́ниих, наста́ви нас на путь вся́кия доброде́тели и благосты́ни, избавля́я от искуше́ний и грехо́в, удаля́ющих нас от Бо́га и поверга́ющих в бе́здну зла все житие́ на́ше; яви́выйся иногда́ с Пречи́стою Де́вою Богоро́дицею верху́ горы́ Поча́евския во спасе́ние оби́тели твоея́ от наше́ствия и обложе́ния ага́рянскаго, и ны́не ускори́ на по́мощь стране́ на́шей проти́ву всех враго́в на́ших, вне́шних и вну́тренних, утвержда́я мир и тишину́ в земли́ на́шей, да безмо́лвное житие́ поживе́м во вся́ком благоче́стии и чистоте́; и всем к тебе́ притека́ющим и припа́дающим к ра́це честны́х и многоцеле́бных моще́й твои́х и твоея́ по́мощи и заступле́ния тре́бующим неоску́дныя ми́лости незави́стно подава́яй, не оста́ви и нас, си́рых и безпо́мощных, тебе́ моля́щихся, избавля́я от вся́кия ско́рби, гне́ва и ну́жды, от гла́да, губи́тельства, тру́са, пото́па, огня́, меча́, наше́ствия иноплеме́нник и междоусо́бныя бра́ни. Ей, уго́дниче Бо́жий, при́зри ми́лостивно от Престо́ла Царя́ Сла́вы, Ему́же ты ны́не предстои́ши со Арха́нгелы и А́нгелы и со все́ми святы́ми, на оби́тель твою́ Поча́евскую, е́юже ты дре́вле му́дро пра́вил еси́, назда́в ю всехва́льным и ди́вным житие́м твои́м, и сохрани́ ю моли́твами твои́ми и вся́кий град, и страну́ и всех отовсю́ду, на мо́ре и на су́ши, в пусты́нях и в заключе́ниих многоразли́чных тебе́ призыва́ющих, от всех зол, ви́димых и неви́димых, да, та́ко твое́ю по́мощию и хода́тайством спаса́еми, в ве́це сем и по сконча́нии живота́ на́шего сподо́бимся ку́пно с тобо́ю сла́вити и воспева́ти всечестно́е Имя Отца́, и Сы́на, и Свята́го Ду́ха во ве́ки веко́в. Ами́нь

О, свята́я мироно́сице, равноапо́стольная Магдали́но Мари́е! Ты те́плою любо́вию свое́ю ко Христу́ Бо́гу попра́ла еси́ злы́я ко́зни вра́жия и обрела́ еси́ бесце́нный би́сер Христа́, и дости́гла еси́ Ца́рства Небе́снаго. Сего́ ра́ди к тебе́ припа́даю и умиле́нною душе́ю и сокруше́нным се́рдцем вопию́ ти, аз недосто́йный: при́зри с высоты́ Небе́сныя на мя, бори́маго грехо́вными искуше́нии, виждь, коль мно́гими грехи́ и бе́дами на всяк день враг запина́ет мя, ища́ мое́й поги́бели. Сла́вная и всехва́льная учени́це Христо́ва Мари́е! Умоли́ возлю́бленного тобо́ю и возлюби́вшаго тебя́ Христа́ Бо́га, да пода́ст ми оставле́ние мно́гих мои́х прегреше́ний, укрепи́т мя благода́тию Свое́ю тре́звенно и бо́дренно ше́ствовати путе́м святы́х за́поведей Его́ и да соде́лает мя благоуха́нный храм Ду́ха Свята́го, да та́ко в ми́ре непосты́дно сконча́ю многотру́дное житие́ мое́ на земли́ и вселю́ся в све́тлыя и блаже́нныя оби́тели рая́ Небе́снаго, иде́же ты со все́ми святы́ми вы́ну ра́достно славосло́виши Единосу́щную Тро́ицу, Отца́ и Сы́на и Ду́ха Всесвята́го. Ами́нь

О святыя и всехвальныя ученицы Христовы, Боголюбивыя Марфо и Марие! Умолите возлюбленнаго вами и вас возлюбившаго Сладчайшаго Иисуса, Егоже вы исповедали есте, Христа, Сына Божия, да даст и нам грешным, грехов, оставление, в вере правой нелицемерное и твердое стояние. Вселите в сердца наша дух страха Божия, смиреннаго на Бога упования, терпения и к ближним милосердия. Избавите нас молитвами вашими от искушений житейских, бед и напастей, да тихое и мирное житие поживше зде, с помыслы непорочными и сердцем чистым, с дерзновением веры и упования предстанем на оный Страшный Суд и, добрый ответ на нем воздавше, радости вечныя в Царствии Небеснем сподобимся. Аминь