لِتَسْكُنُوا إِلَيْهَا

الْمَرْأَةُ إذَا تَزَوَّجَتْ كَانَ زَوْجُهَا أَمْلَكَ بِهَا مِنْ أَبَوَيْهَا وَطَاعَةُ زَوْجِهَا عَلَيْهَا أَوْجَبُ ابن تيمية رحمه الله | مجموع الفتاوى

"الزواج يحتاج امرأة ناضجة ذات خلق ومسؤولية وعقل راجح متمرن على الصبر والتحمل، وليس لفتاة مراهقة طفولية همها الوحيد التباهي أمام صديقاتها بخاتم وفستان. ويحتاج الزواج لرجل بأتم معنى الكلمة و ليس لذَكر، لرجل يعرف معنى الزواج ومعنى احترام الزوجة وتقديرها رجل كُفء ذا مسؤولية وعقل واسع وذا نظرة بعيدة للحياة وتطبيق وصايا رسول الله في الزواج، وليس لشاب وسيم يتسابق مع البنات في انوثتهم. وإنما الزواج ليس لمفاتن الأنثى أو لوسامة الرجل، إنما هو لإعمار بيت على مودة ورحمة وسكينة محاط بسياج من طاعة الله ورسوله." د.محمد عبد الجليل.

لا تتزوجي من: - تارك الصلاة - عمله حرام - عديم المسؤولية - الاتكالي - الطامع في راتبك ومالك - سيجعلك زوجة لأهله لا له - يطمس وجودك ورأيك - يريدك دائماً أن تعتذري لو كان الخطأ منه - يحفظ النصوص الشريعة في طاعة الزوج فقط! - الأناني الفرداني - فاحش اللسان - عديم المروءة والرجولة - يجعل نقاط ضعفك أداة ليسيطر عليك! - الطنط! (ناقص صفات الرجولة) - الديوث (لا يغار على عرضه وأهله)! - البخيل - المكابر - لا يتقبل أن يقال له (لا) - النسونجي - الشكاك - الناقد/اللوام/المعاتب (الدائم) - التافه - الذكوري الزواج سكن وتراحم وتكامل ... -نُـقل

بسم الله، تقريبا ده الخُلاصة وأطول بوست في موضوع الرؤية الشرعية وأسألتها ونقفل الموضوع على كده. بدايةً لو مش هتقرأي البوست اعملي Save لأنك هتحتاجيه سواء ليكِ أو لأصحابك. عارفة إن الموضوع ده ناس كتير اتكلمت فيه لكن حابّة أوضح نقاط كتير أكيد جزء منهم هيفيدِك بإذن الله. - الرؤية الشرعية! أقبل بمين وأرفض مين وأتعامل ازاي هتكلم عن كل ده وأكتر باستفاضة، الموضوع هنقسمه لـ ٣ مراحل-: -قبل الرؤية -أثناء الرؤية -بعد الرؤية قبل الرؤية بنعمل إيه! أهلك (والدك- أخوكي- عمك- خالك) أي محرم ليكِ رجل بتثقي في ديانته تخليه يسأل عن الشخص قبل ما يدخل البيت، لأنه ما ينفعش أي حد يدخل البيت، اتفقنا! = اتفقنا إن شاء الله. هيسألوا عن الشخص في المسجد اللي بيصلي فيه ملتزم بكل الفروض بما فيهم الفجر ولا لأ! هيسألوا عنه في شغله، هيسألوا جيرانه هيسألوا أكتر ناس بتتعامل معاه وزي ما دكتور محمد الغليظ كان بيقول تقريبا خلّوه يسيب رقم 10 من أصحابه يسألوهم عنه ويستحلفوهم إنهم يقولوا الصدق. ولو والدك يقعد مع الشخص برة البيت قبل ما يبيجي يبقى عمل خير. وقبل ما الشخص ييجي تكوني عارفة كل المعلومات عنه، ما تتفاجئيش وانتِ قاعدة بالسِن، ولا إنه بيجمع صلوات مثلا، أو مُدَخِن، يكون عندك كل التفاصيل اللي بناءًا عليها تقولي آه يدخل البيت ولا لأ، ما هو مش أي حد بيدخل ويطلع كده خاصّةً لو كنتِ منتقبة. وقبل ما أكمل، خلينا متفقين إنه المفروض عندك ثوابت وأساسيات محدداها ومقتنعة بيها، ومش ممكن تتنازلي عنها فلو مش موجودة في الشخص يبقى خلاص، ملهاش لازمة إنه ييجي ويترفض. إيه هي الحجات دي! هاتي ورقة وقسّميها لـ ٣ أجزاء - صفات لا يمكن التخلي عنها في الخاطب - صفات مستحيييل إني أقبلها فيه - صفات يُفضل وجودها ولو مش موجودة لا تضُر. وقبل ما تكتبي خدي بالك تكتبي حجات واقعية، احنا مش في الجنة هتلاقي كل حاجة زي ما انتِ عايزه بالظبط ^ نيجي بقى لأول قسم: الصفات اللي لا يمكن تتخلي عنها في الخاطب! - زي مثلًا إنه يكون ملتزم بكل الفروض في المسجد بما فيهم الفجر، - يكون حسن الخُلق، - يكون عنده ولاء وبراء - يكون له ورد من كتاب الله يوميا، - تكون ثقافته العامة مقبولة، مش شخص جاهل ما يعرفش ع الأقل القضايا المعاصرة والماجَرَيات - يكون سَمته التزام - شخص مسئول ويقدر يفتح بيت وعامًة الثوابت دي بتختلف من بنت للتانية ملهاش قاعدة ثابتة. نيجي بقى للقسم التاني: صفات مستحييل تقبلي بيها زي مثلًا: - إنه يكون تبع أحزاب أو جماعات أوعقيدته فيها خلل. - إنه يكون بيشرب سجاير - إن الاختلاط يكون بالنسباله عادي -يكون إطلاق البصر عنده عادي - بيسمع أغاني ومسلسلات عادي - يكون معروف عنه الجفاء والقسوة - يكون مثلا شخص غير مسؤل أو مؤهل إنه يفتح بيت أو بخيل مثلا - إنه يكون ملوش أي رأي وأهله اللي ممشيين عليه وضعيف وملوش كلمة والنوع السلبي ده نعوذ بالله منه قادر يخليكِ تخرجي عن شعورك والله. -إنه يكون شخص ضَرّاب، معروف عنه إنه بيمد إيده على طول على اخواته أو أي حد له سلطة عليهم. - يكون عصبي بدرجة غبية ما بيقدرش يسيطر على نفسه وقتها - أو يكون مش مقتنع بضوابط الخطوبة وشايف إنها تشدد مثلا. وبردو الموضوع بيختلف من وحدة للتانية ملوش قاعدة تالت حاجة: الصفات اللي ممكن تتنازلي عنها زي مثلا إنك تكوني في بيت عيلة وملكيش حياة مستقلة ولو إني لا أحبذها لكن ناس تانية ممكن تقبل بيها والموضوع ده هفردله بوست بعد كده بإذن الله لأن مشاكله بقت كتيرة وده لا ينكر إنه فيه بيوت عيلة قليلة كويسين. أو إنه ما يكونش مستواه المادي كويس ودي نسبية من بنت للتانية وفيه ناس بتقبل بيها عادي طالما فيه دين وخلق زي ما النبي قال. مثلا موضوع الشكل، ممكن بنات عايزة مواصفات معنيه ما تلاقيهاش لكن الشخص يكون شكله العام مقبول. موضوع حفظ القرءان فيه ناس عندها ده مش شرط إنه يكون حافظ والمهم بالنسبالها العمل بيه. أنا اديت أمثلة وكل وحدة تكتب اللي هي عايزاه. قبل ما أنتقل للقسم التالت، طبعا من أول ما تعرفي إنه فيه حد جاي تصلي صلاة استخارة على طول. ولو تعرفي تطلبي بروفايله يبقى كويس تشوفي الصفحات اللي بيتابعها وطبعا يوم الرؤية ما ننساش ماسكاتنا واسكرَباتنا وغسولاتنا وكريماتنا، ولو حابة تعملي تنظيف بشرة يبقى عظيم^ واللبس! لو منتقبة لا يكون ملحفة أو كاب أو إدناء أو وشاح علشان دول مش بيوضحوا انتِ رفيعة ولا تخينة، فالأفضل تلبسي فستان بس أكيد مش ضيق ومجسم )" البسي فستان هادي ورقيق، وخمارك الجميل ولو انتِ من الناس اللي شكلها في الخمار مش مقبول زي الطرحة، البسي طرحة طويييلة، كأنها خمار المهم تكون مظبوطة من عند لفّة وشك وساترة وفيها شروط الخمار. افتكري إنه ما عند الله لا يُبلغ إلا بطاعته أصل قلب الشخص ده بين يدي الله هتعصي الملك علشان عبد، قادر يخلي العبد ده مش طايقك والله.

طبعا مش هفكرك تصلي ركعتين قبل ما تدخلي.. وتدعي ربنا يختارلك وييسرلك الأمر. نيجي بقى لأثناء الرؤية: حاولي تكوني هادية، وواثقة في الله عز وجل إنه هيقدرلك الخير، واتعاملي بطبيعتك من غير تصَنُّع، تاني بلاااش تصنُّع وخداع، كله بيتعرف بعد كده فخليكِ على طبيعتك. ما تفتحيش الكلام انتِ، هو اللي يبدأ بلاش تاخدي القاعدة على حسابك مثلا قصاد كل ٣ أسئلة منه يكون سؤال منك ما تدخليش بورقة فيها الأسئلة علشان ما يتخضش، احنا مش في امتحان. لو نسيتي حاجة مش مشكلة تتسأل المرة اللي بعدها، الدنيا مش هتطير^ - ما تندفعيش في الإجابة فكري، وردي بصدق مش لازم مثالية، خليكِ واضحة وصريحة من البداية هترتاحي وهو كمان يرتاح - فيه تريكّاية هبقى أعمل ليها بوست للأصدقاء بإذن الله، علشان الجنس الآخر ما ياخدوش بالهم منها.. وربنا يقدرنا على فعل الخير^ عايزة أقولك إن الإنسان يبقى على ما هو عليه فلو اكتشفتي صفة مش هتقدري تتحمليها ما تقوليش هيتغير بعد الزواج؛ لأن "الزواج مش مؤسسة علاجية" فما تجازفيش بعمرك ركزي في ردود أفعال الشخص وطريقته في الكلام، عنده ذوق ولا دبش! وأهم حاجة سيبي الشراب في حاله. مش وقت تبصي لشرابه وتكتشفي سجادة بيتكم من أول وجديد وركزي علشان ما تلبسيش فيه وتقولي يا ريتني ركزت. آه هيكون فيه حياء، لكن مش لدرجة إنك تخرجي تقولي ما شوفتوش أساسا! بعد الرؤية بقى تخلي والدك يوضح معاه الأمور يعني يتفقوا مين هيتصل ع التاني لو فيه نصيب علشان عدد من الشباب كانوا منتظرين رد أهل العروسة، وأهل العروسة كذلك ومحدش كلم التاني فكل طرف افتكر التاني رافض والموضوع مكانش كده.. فنحدد. لو فيه قبول من الطرفين اعملوا رؤية مرة واتنين وتلاتة لعند ما تكوني على بينة من كل شيء ومرتاحة، مش من أول مرة خلاص نجيب الشبكة، تأنِّي. بعد ما الموضوع يتم افضلي استخيري لعند يوم الفرح، وادعي ربنا يختارلك ويقدرلك الخير. مش هفكركم بالضوابط.. لو نسيت حاجة هزودها في البوست. البوست طَوِّل فيه أسئلة تانية في الرؤية فممكن أعملها بوست تاني إن شاء الله. جددوا النية ومنشنوا أصحابكم السناجل. ربنا يقر أعينكم بأزواج صالحين يا بنات. #ذات_النونين

ستكونين زوجة عظيمة ، إذا استطعت أن تمنحي زوجك القدرة على التعبير عن مشاعره ، ومخاوفه ومكنونات نفسه . كيف ذلك: بأن تكوني دثارا له كما كانت أمنا خديجة لرسولنا صلى الله عليه وسلم. والدثار هنا يحمل معاني؛ الحب والعطف والأمان وأعلى معاني الثقة أيضاً.

حين أتعَبُ من طِفلَيَّ، أستذكر أنَّهُم لله! وأستحضر الغاية فأستريح، ليست التّربية أمرًا عابرًا أو عمليّةً سهلة، بل هي حياة بكلّ تفاصيلها الصّعبة الممتعة المثمرة، مسؤوليّة تُعيد تشكيلك، تنظر إلى نفسك طفلًا يُعاد بناؤه، تحتاج إلى وقتٍ وطول نَفَس، هكذا تربية الإنسان نفسه، عمليّة مستمرّة لا تقف، ورحلة بناءٍ تراكُميّ، وكذلك تربية المُرَبّي طلّابه وجهده عليهم، وغيرته على خطاهم، وتخلية قلوبهم من غير الله، وتحلية مسارهم أن يكون خالصًا لله! كلّها تحتاج إلى وقتٍ وصبرٍ وقراءة للواقع، وتربية الإنسان نفسه ألّا يُراكم، ولا يتشتّت، ولا يتيه حائرًا، ولا يَمَلّ سائرًا، كلّها تربية.. نحن نبني لزمانٍ قادم قد لا نكون فيه! وهنا المسألة. - أ. قُصيّ عاصم العسيلي.

أرسلت إحدى الفتيات إلى الشيخ وجدان العلي -حفظه الله- تقول له: (فرحي الخميس القادم إن شاء الله…دعواتك يا شيخ ونصيحتك). فرد عليها قائلا: "أتم الله عليك بالعافية ورزقك السكينة وأقر عينك بزوجك.. كوني صالحةً واكتبي اسمك في دفتر المميزين الذين لم يجعلوا من بيوتهم قبورا للمشاعر! بل جعلوها ميدانا للحب والاحتمال والتغافر والتراحم وحسن الخلق وكف الأذى.. واعلمي أن عقل المرأة في سكينتها، وقوتها في لينها، وأن من تمام عقلك عدم ترك نوافذ الخلاف، واعلمي أنه لا بد من خلاف، والمهم هو التغافر والتراحم وعدم حمل عدسة مكبرة للأخطاء. وكوني مهاد السكينة لبيتك وزوجك ولا تتخلي عن حلمك أن تكوني زوجة صالحة حبيبة ودودا بحق! وتجملي هيئة وقلبا وروحا له، واتخذيه مشروعك الذي يصلك بالله ويجدد فيك معنى الحياة.. ودعي كلام البؤس والسوشيال ميديا بعيدا.. واستعيني بالله تعالى ليعينك.. الصلوات.. الأذكار.. فقهك لأنوثتك.. تجملك.. ذكاؤك العاطفي والأنثوي في معرفة ما يحب وما يكره.. هذه كلها نقاط هامة.. رضي الله عنك.. أسعد جدا بأخبار الزواج والسعادة.

للمخطوبات .. عندما تشعرين أن الخاطب حسن الدين والأخلاق لكن يوجد من هو أحسن منه هنا لابد أن تراجعي مفهوم القناعة .. فهي كنز لا يفنى .. وحتماً سيكون هناك دوما الأفضل والأحسن ( ظاهرياً) .. فما الحل سوى القناعة ؟ أما إن كان عنده عيوب أخلاقية أو دينية لا ترضيك .. فهنا لا تسكتي ولا سيما إن كانت مشكلة .. كالتدخين، و التقصير في الصلاة ، وترك صلاة الجمعة ، أو الجرأة في التعامل معك وأنت أجنبية عنه وغيرها فهنا من حقك البحث عمن ترضين دينه وخلقه لأن مثل تلك الاخلاق لا ترضيك.. رزقكن الله أزواج صالحين مصلحين يأخذن بأيديكن للجنة نور النومان