Bolalar ombudsmani rasmiy telegram-kanali

Bolalar ombudsmanining bolaga nisbatan qiynoqqa solish va boshqa shafqatsiz yoki qadr-qimmatni kamsituvchi muomala va jazo qo‘llashning oldini olishga doir faoliyati qay tarzda yo‘lga qo‘yilgan❓ Telegram|Facebook|Instagram

#qonuniy_chora_korish_jarayonidan ⚡️Buxoro viloyati Shofirkon tumanida yashovchi S.N. (ayol) kichik yoshdagi farzandini 2 yildan beri kaltaklab kelganligi yuzasidan S.N. ga nisbatan JKning 110-moddasi, "a,v" bandlari bilan jinoyat ishi qo‘zg‘atilganligi, so‘ng tergov davomida ayblanuvchiga JKning 104 -moddasi bo‘yicha qo‘shimcha ayb e’lon qilinib, bu jinoyat ishi sudga yuborilganligi to‘g‘risida xabar bergan edik. 🖇 Jinoyat ishlari bo‘yicha Shofirkon tuman sudi ishni mazmunan ko‘rib chiqib, joriy yilning 2-may kuni chiqarilgan sud hukmiga ko’ra S.N. JKning 104-moddasi 2-qismi, “v” bandi (Qasddan badanga og‘ir shikast yetkazish) bilan aybdor deb topilib, 3 yil ozodlikdan mahrum qilindi. Bugungi kunda Shofirkon tumani “Inson” ijtimoiy markazi tomonidan 2018-yilda tug'ilgan S.F. ga dastlabki tarzda vasiy sifatida B.Z. (ayol) tayinlanib, bola uning qaramog‘iga topshirildi✅. 📌 Hozirda vasiylik va homiylik organi tomonidan S.N. ni farzandiga nisbatan bo‘lgan onalik huquqidan mahrum qilish masalasi bilan bog‘liq tegishli choralar ko‘rilmoqda. Bolalar ombudsmani bolaning kelgusi taqdirini belgilash jarayonlari yuzasidan o‘z kuzatuvini davom ettirmoqda❕ Telegram|Facebook|Instagram

⚡️ Internet OAVlarda “11 yoshli bolani devor bosib qoldi” sarlavhasi ostida xabar tarqaldi. ❕Bolalar ombudsmani mazkur holatni o‘rganmoqda. 📌 Aniqlanishicha, joriy yilning 29-may kuni Xiva shahar Gulshan-2 mahallasida yashovchi voyaga yetmagan Sh.K. (2013-yil, o‘g‘il bola) M.M. ga tegishli bo‘lgan, qurilishi tugallanmagan bino tagida o‘ynab yurgan vaqti ushbu binoning bir tomon devori bolani ustiga yiqilib ketgan. 🖇 Mazkur holat yuzasidan Xiva shahar IIB tomonidan tergovga qadar tekshiruv ishlari olib borilmoqda. Hozirda Sh.K. tos suyagi sinishi tashxisi bilan tibbiyot birlashmasida davolanmoqda. 📍Bolalar ombudsmani bola manfaatlari nuqtai nazaridan holat bo‘yicha o‘z kuzatuvini davom ettiradi. Bu borada qo‘shimcha axborot beriladi. Telegram|Facebook|Instagram|X

🖇 Bugun Ichki ishlar vazirligi Akademiyasida "Ichki ishlar organlarining bola huquqlari va qonuniy manfaatlarini ta’minlash yo‘nalishidagi faoliyatining dolzarb masalalari" mavzusidagi respublika ilmiy-amaliy konferensiyasini o‘tkazdik. 📍Tadbirda Kriminologiya tadqiqot instituti, Ichki ishlar vazirligi, Toshkent davlat yuridik universiteti, shuningdek, Akademiya professor-o‘qituvchilari hamda tinglovchilari ishtirok etishdi. 📌 Aytish kerakki, Bolalar ombudsmanining IIV tizimi bilan bola manfaatlarini himoya qilish borasida hamkorligi keng qamrovli bo‘lib, Bolalar ombudsmani faoliyatining asosiy vazifalari, monitoring funksiyasi, bugungi kundagi o‘zaro hal etilishi muhim bo‘lgan masalalarni muhokama qildik. 🔸Shuningdek, konferensiyada Respublikada voyaga yetmaganlar viktimologik profilaktikasi yo‘nalishida ilmiy tadqiqotlarni amalga oshirish zarurati, voyaga yetmaganlarga nisbatan tazyiq va zo‘ravonlikni oldini olish bo‘yicha milliy mexanizmi, bola huquqlari himoya qilish sohasida ichki ishlar organlari kadrlarini tayyorlashning o‘ziga xos xususiyatlari borasida ma’ruzalar qilindi. 📃 Konferensiya yakunida Bolalar ombudsmani instituti va Ichki ishlar vazirligi akademiyasi hamda Bolalar ombudsmani instituti va Kriminologiya tadqiqot instituti o‘rtalarida o‘zaro hamkorlik va anglashuv Memorandumlari imzolandi. Telegram|Facebook|Instagram|X

#qabul #murojaatlar #bola_manfaati #bolalar_ombudsmani 📝 Bugun Bolalar ombudsmani o‘zining navbatdagi shaxsiy qabulini o‘tkazib, bolalar manfaatlariga oid murojaatlarni ko‘rib chiqdi. 1️⃣ bolaga muttasil ravishda sinfdoshlari tomonidan tazyiq (bulling) va diskriminatsiya qilinayotganligi, maktab ma’muriyatining bunga befarqligi, buning oqibatida bolani ruhiy sog‘lig‘iga zarar yetganligi yuzasidan; 2️⃣ onasi vafotidan so‘ng vasiy etib tayinlangan buvining bolaga g‘amxo‘rlik ko‘rsatmayotganligi hamda og‘ir jinoyat sodir etganligi tufayli otani otalik huquqidan mahrum qilish masalasi yuzasidan; 3️⃣ 15 yashar bola o‘zining yaqin qarindoshi tomonidan mehnat ekspluatatsiyasiga jalb qilinayotganligi yuzasidan; 4️⃣ xorijda tug‘ilib, u yerda 14 yil yashagan o‘smir qizni oilasi bilan O‘zbekistonga qaytganidan so‘ng maktabda diskriminatsiyaga uchrayotganligi yuzasidan; 5️⃣ bolaning buvisi bilan ko‘rishish huquqini buzilishiga oid; 6️⃣ bolaning meros va uy-joyga egalik qilish huquqini buzilayotganligi masalasiga oid va boshqa murojaatlar ko‘rib chiqildi. 🕘 Eslatib o‘tamiz, Bolalar ombudsmani Kotibiyati haftaning dushanba-juma kunlari 10:00-12:00 va 15:00-17:00 ga qadar bola manfaatlariga oid murojaatlarni qabul qiladi. Telegram|Facebook|Instagram|X

🖇 Kuni kecha Adliya vazirligi va UNICEF bilan hamkorlikda bolalar uchun ixtisoslashtirilgan odil sudlov tizimini ta’minlash masalalariga bag‘ishlangan davra suhbatini o‘tkazdik. 🗣 Muloqot davomida Oliy Majlis Senati a’zolari, mutasaddi davlat organlari, fuqarolik jamiyati institutlari va xalqaro tashkilotlar vakillari bilan O‘zbekistonda odil sudlovda bolalar imkoniyatlarini kengaytirish istiqbollarini muhokama qildik. Uchrashuvda xorijiy ekspertlar, xususan UNICEFning Albaniya 🇦🇱va Gruziyadagi🇬🇪 vakolatxonalari mutaxassislari, Qozog‘istondagi 🇰🇿 voyaga yetmaganlar masalalari bo‘yicha maxsus sudi raisi, Serbiya 🇷🇸 Oliy sudi sudyasi ham onlayn ishtirok etib, odil sudlovda bolalar uchun do‘stona va muqobil muhit tashkil etishga oid o‘z davlatlari tajribasi bilan o‘rtoqlashdilar. Aytish kerakki, har qanday sud jarayoniga kirishayotgan bolalarga o‘z huquqlarini himoyalash instrumentlari ishonchli ta’minlanmas ekan, chinakam odil sudlovga erishish haqida gapirish qiyin❕ Buning uchun esa odil sudlov jarayonlarida bolalarga samarali yuridik yordam, vakillik va qo‘llab-quvvatlash xizmatlaridan foydalanish imkoniyati to‘liq ta’minlanishi zarur☑️. 🔵 Davra suhbati yakunida jinoyat va fuqarolik sudlov tizimlarini maxsus ixtisoslashtirish, odil sudlovga jalb qilingan barcha toifadagi bolalarga davlat tomonidan kafolatlangan bepul yuridik yordam ko‘rsatish va bu yo‘nalishdagi boshqa manzilli harakatlar borasida kelishdik. Telegram|Facebook|Instagram|X

#fizika #yosh_bilimdonlar #Bolalar_ombudsmani_sovrini 📌 Bolalar ombudsmani Xalqaro Nordik universiteti, Maktabgacha va maktab ta’limi vazirligi, IDC markazi bilan hamkorlikda joriy yilning 22-may kuni umumiy o‘rta ta’lim maktablarining 8-9-10-11-sinf o‘quvchilari o‘rtasida «Bolalar Ombudsmani sovrini» uchun fizika fanidan o‘tkazilgan olimpiadaning respublika bosqichi bo‘lib o‘tganligi to‘g‘risida xabar bergan edik. Hozirda barcha hududlarda mutasaddilar tomonidan sovrindorlarni taqdirlash marosimlari bo‘lib o‘tmoqda. Jumladan, Buxoro tumani hokimi fizika fanidan o‘tkazilgan olimpiadamizda faxrli 2-o‘rinni egallagan Xalimov Akbarjonni tabriklab, qimmatbaho esdalik sovg‘alarini topshirdi🎁. 📍Ma’lumot uchun: Mazkur olimpiadada ishtirok etish uchun Buxoro tumanidan 191 nafar o‘quvchi ro‘yxatdan o‘tgan. Telegram|Facebook|Instagram|X

📍Bugun Sudyalar oliy maktabida UNICEF hamda “Sud-huquq tizimini faollashtirish” xalqaro dasturi direktori (JSSA) bilan sudyalar uchun odil sudlovda bola huquqlarini ta’minlashga oid maxsus treninglar yo‘lga qo‘yish masalasini muhokama qildik. 📌 Uchrashuv davomida fuqarolik va jinoyat sudlari sudyalarni bola manfaatlarini ishonchli ta’minlash yondashuvi asosida yanada ixtisoslashtirilgan tarzda tayyorlash, 10 yoshgacha bo‘lgan bolalarning sud muhokamasida tinglash huquqini amalga oshirish shuningdek, sudlovga jalb qilinadigan mutaxassislarni (pedagog, psixolog, ijtimoiy xodim) maxsus tayyorlash orqali bolalarning odil sudlovdan foydalanish imkoniyatlarini kengaytirishga oid o‘quv-amaliy loyihalar borasida kelishildi. Telegram|Facebook|Instagram|X

#hal_etilgan_murojaatlar 🖇Bolalar ombudsmaniga Toshkent shahrida yashovchi N.B. (ayol kishi) dan murojaat kelib tushdi. 📃Murojaatida o‘zining 2007-yilda tug‘ilgan qizi S.Q. shu kunga qadar O‘zbekiston Respublikasi fuqarosining ID-kartasini olmaganligini, farzandlari S.Q. hamda 2009-yilda tug‘ilgan Z.Q. (o‘g‘il bola) ni doimiy ro‘yxatga qo‘yilmaganligini bildirgan. N.B. farzandi S.Q. ga ID-karta olishda hamda farzandlarini Toshkent shahri, Bektemir tumaniga doimiy ro‘yxatga qo‘yishda amaliy yordam berishni so‘ragan. Bolalar ombudsmanining Ichki ishlar vazirligiga so‘rovi asosida S.Q. va Z.Q. Toshkent shahar Bektemir tumani IIV tomonidan doimiy yashash joyi bo‘yicha ro‘yxatga olinib, qiz farzandi S.Q. O‘zbekiston Respublikasi fuqarosining identifikatsiyalovchi ID-kartasi bilan hujjatlashtirildi☑️. Telegram|Facebook|Instagram|X

#daydjest 🎥 Bolalar ombudsmanining may oyidagi faoliyatidan videolavha. Telegram|Facebook|Instagram|X