INSAYDER

2024 йилда пойтахтимизда давлат тиббий суғурта механизмлари жорий этилади. Эътиборлиси, бу аҳоли томонидан тўланаётган умумий солиқлар ҳисобидан бўлади ва одамлардан қўшимча бадаллар ундирилмайди. Тиббий суғурта доирасида: - давлат томонидан аҳолига бепул кўрсатиладиган тиббий хизматлар ва дори воситаларининг кафолатланган пакети жорий этилади; - беморларни ўзлари бириктирилган оилавий шифокорлар орқали тор соҳа мутахассисларига ёки шифохоналарга йўллаш тизими ташкил қилинади. Бунда ушбу тартибга риоя қилинган ҳолдагина бепул тиббий хизматлар кўрсатилади; - аҳолига кафолатланган пакет доирасида энг кўп учрайдиган касалликлар бўйича дори воситалари электрон рецепт асосида дорихоналар орқали бепул берилади. @insideruzbek

ЖССТ туздан фойдаланишни мажбурий чеклашга чақирмоқда ЖССТ тайёр овқатлар, жумладан, жамоат жойларида сотиладиган озиқ-овқат маҳсулотларида туздан фойдаланишга мажбурий чекловлар жорий этишга чақирди. Экспертлар тузни ҳаддан ташқари кўп истеъмол қилиш гипертония ва бошқа юрак-қон томир касалликларининг ривожланишига олиб келишини айтмоқда. Бу касалликлардан ҳар куни дунёда 10 минг киши вафот этади. Улар орасида эркаклар улуши аёлларга қараганда 2,5 марта кўп. Бундан ташқари, Шарқий Европа ва Марказий Осиёда 30 ёшдан 69 ёшгача бўлган юрак-қон томир касалликларидан ўлиш эҳтимоли Ғарбий Европага қараганда деярли 5 баравар юқори. Ташкилот мутахассислари кунига 5 граммдан кўп бўлмаган туз истеъмол қилишни тавсия этади. ЖССТ ҳисоб-китобларига кўра, туз истеъмолини 25 фоизга камайтириш сиёсати 2030 йилга бориб 900 минг кишининг ҳаётини сақлаб қолиши мумкин. @insideruzbek

Singapore Airlines самолётида кузатилган кучли турбюлентлик ҳодисаси натижасида бир киши ҳалок бўлди Boeing 777 самолётида кузатилган ҳодиса оқибатида 30 киши жароҳатланган. Самолёт Лондондан Сингапурга учаётган эди. У Бангкокда фавқулодда қўнишни амалга оширган. @insideruzbek

Президент Шавкат Мирзиёев Эрон Ислом Республикасининг элчихонасига ташриф буюриб, мамлакат шимолида вертолёт қулаши оқибатида Президент Иброҳим Раисий ва унга ҳамроҳлик қилган шахслар фожиали ҳалок бўлгани муносабати билан дўст Эрон халқига чуқур ҳамдардлик билдирди. @insideruzbek

Қорақалпоғистонда ёш-ёш қизларни Таиландга сотмоқчи бўлган одамфурушлар қўлга олинди @insideruzbek

Маккага велосипедда борган ўзбекистонлик қийин вазиятга тушиб қолди, консуллик кўмагида у ортга қайтарилди А.Р. исмли фуқаро Саудия Арабистонига умра амалларини бажариш мақсадида Ўзбекистондан 30 март куни велосипедда йўлга чиққан. У Ўзбекистондан Россияга, у ердан Грузияга борган. Грузия чегарачилари томонидан у келган жойига, Россияга қайтариб юборилган. Шундан сўнг А.Р. «Владикавказ – Истанбул – Жидда» йўналиши бўйича Саудия Арабистонига етиб келган. Маълум бўлишича, Маккада бўлган вақтида унинг буюмлари ва тегишли ҳужжатлари бўлган сумкалари ўғирлаб кетилган. Бош консулхона вакиллари Маккадаги ўзбекистонлик фуқаролар ёрдамида А.Р. топишга эришди ва унга Ўзбекистонга қайтиш учун гувоҳнома расмийлаштирилди. Шунингдек, фаол ватандошлар кўмагида «Мадина-Тошкент» йўналишидаги авиақатновга чипта сотиб олиб берилди. У шу йил 17 май куни соғ-саломат оиласи бағрига қайтди. @insideruzbek

Корея ишга юборишни ваъда қилиб одамларни пулини олган фирибгар қўлга олинди Бош прокуратура ҳузуридаги Департаментнинг Учтепа туман бўлими ва ДХХ ходимлари ҳамкорлигида ўтказилган тезкор тадбирда фуқаро А.О. фуқаро Б.К.нинг ишончига кириб, уни 7 000 АҚШ доллари эвазига Корея давлатига ишга юборишини ваъда қилиб, олдиндан 3 500 АҚШ долларини олган вақтида ашёвий далиллар билан ушланган. Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда. @insideruzbek

Хитойда икки нафар "эркак" йўл талашиб тортишиб қолишган экан, тортишув даҳанаки жангга айланиб кетибди. @insideruzbek

❗️Hurmatli poytaxt aholisi va mehmonlari! 🚧 Toshkent shahri ko‘chalarini va chorrahalarini rekonstruksiya qilish va ta’mirlash ishlarining boshlanishi haqida avvalroq xabar bergan edik. Ishlar doirasida: — Qorasaroy ko‘chasi Nurafshon ko‘chasi bilan kesishmasidan Abdulla Qodiriy ko‘chasi bilan kesishmasigacha, hamda; — Kichik halqa avtomobil yo‘li Nurafshon ko‘chasi bilan kesishmasidan Qorasaroy ko‘chasi bilan kesishmasigacha joriy yilning 20-may kuni soat 22:00 dan 21-may 06:00 ga qadar, hamda, 21-may kuni soat 22:00 dan 22-may 06:00 ga qadar avtotransport harakati uchun yopiladi. Noqulayliklar uchun uzr so‘raymiz va haydovchilarga ushbu vaqt oralig‘ida aylanma yo‘llardan foydalanishni tavsiya qilamiz. — ❗️Уважаемые жители и гости столицы! 🚧 Ранее мы сообщали о старте работ по ремонту и реконструкции перекрестков и улиц столицы. В рамках работ: — улица Карасарай от пересечения с улицей Нурафшон до пересечения с улицей Абдуллы Кадыри; — Малая кольцевая автодорога от пересечения с улицей Нурафшон до пересечения с улицей Карасарай будут закрыты для автотранспортного движения с 22:00 часов 20 мая до 06:00 часов 21 мая, а также, с 22:00 часов 21 мая до 06:00 часов 22 мая текущего года. Приносим извинения за неудобства и просим водителей воспользоваться объездными дорогами в период работ. YouTube | Facebook | Instagram | Web-site | Twitter | Linkedin

#Фейк Ижтимоий тармоқларда жамоат жойларида тупургани учун 5 суткагача қамоқ белгиланиши ҳақида хабарлар тарқалмоқда. Маълум бўлишича, бу маълумот ҳеч қандай ҳақиқатга тўғри келмайди. Ҳозирча қонунчиликда бу каби вазиятда қамоқ жазосини қўллаш бўйича янги норма киритилиши режада йўқ. @insideruzbek