شێعری ئەمڕۆ

زەڕینە و سیمینەیە ئەڤینمان وە خوەروەشتانی وەت: فەرە وەرەو بان نەو وەنای چم! فەرەیش ئاوا نەو وەنای چم! ئەڕاێ یەگ م ئەو ئەڤین گەورامە گ ڕەسین گەوراو نەڕەسین گەورا کۆشێدنەم غادە سەمان @aliolfati_poem

باران بەهارێک یەک ئەگرینەوە من چاوەڕێ تۆ ئەکەم و تۆیش چاوەڕێ باران زاهێد قادرمەرزی۲۹  ۱۲   ۱٤۰۲

گەرەکمە هەمیشە لە لام بی تا هەرکات خەمی گەردوون لەسەر شانەکانم کەوت بۆ لای تۆ لار ببمەوە نزار قەبانی

هەرچیم هەیه، لێم بسێنن بەڵام تۆ خوا بەر لەوەی كه بممرێنن، چنگێ خۆڵی وڵاتەكەم له دڵەكەم بپرژێنن هه رچیم هەیه لێم بسێنن هەرچی ئێسقان له لەشمایه یەكه یەكه هەمووی به گاز دەربهێنن بەڵام تۆ خوا نەكەن هەرگیز چڵێ داری ئەم نیشتمانه بشكێنن. هەرچیم هەیه لێم بسێنن مووی لەشی خۆم تەڵه تەڵه دەربهێنن، وەك گوریسێك بیچنن و بمخنكێنن بەڵام نەكەن یەك بەردێكی ئەم وڵاته بسووتێنن. بەڵام نەكەن تو خوا نەكەن! مامۆستا؛ #لەتیف_هەڵمەت ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ ‌‌‎‌‌‌‎‌‌‎‌|° @hasty_hafrat °| https://t.me/tirsexolinekan

"خەتێک لە زیندان" لە ژووری زیندانێکدا لە ئامەد خەتێک لە سەر دیوار ئەکێشم قووڵ و ئارام ئەمە ڕاس هەزارەمین ڕۆژی کوردبوونمە زاهێد قادرمەزی ۳  ٤  ۱٤۰۰

🌿💫 ئەم بەیانییە ڕۆژباشم لە پەنجەرەی ژوورەکەم کرد بەڵام جوابی نەدامەوە سەرسام بووم و قەیرێ ڕامام تا دەرگای ژوورەکە وتی لێو عاجزە. وتم بۆچی؟ وتی چونکە تۆ دەمێکە هەر دوو دەستیت بەستۆتەوە و نایکەیتەوە. "شێرکۆ بێکەس" ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌           @hoday_sher https://t.me/tirsexolinekan

ئازادی ئازادیت کێشا لەسەر تەختەڕەشەکە هەموو پۆلەکە تێیدا جێی بوونەوە جیا لە خۆت تۆ دەتزانی ئازادی پاڵەوانەکانی ئەکوژێ زاهێد قادرمەرزی ۱۹  ۲  ۱٤۰۲

بەهار بۆ دارگێڵاسەکان من بۆ تۆ وام پابلو نرودا

"کۆڵبەر" کە شەوێک سفرەکەمان بەتاڵ بوو شەرمەندە بووم و بەشێک لە من مرد ڕۆژێک نەمتوانی وەویلەیەک بو کچۆڵەکەم بکڕم دڵم شکا  و بەشێک تر لە من مرد ئێوارەیەک کەوتینە ناو مینەکان ترسام و بەشێک تر لە من مرد بەشێک لە ژیانم جارێک بەفر هەرەسی کرد هاوڕێیەکم مرد  و بەشێک تر لە من دوایین جار گولەی سەربازانی سنوور دڵمی پێکا فرەیەک لە گیانم نەمابوو بەشێک تر لێم مرد و من تەواو بووم ئەوەندە زیندوو نەبووم باش هەستی پێیبکەم ئەوندەیش کەم بووم کە مردنم بێ دەنگی بێ دەنگ بوو زاهد قادرمەزی ۱۳ ۱۱ ۹۹ کتێبی"بیرەوەرییەکی بەفری