KINOKI SLIM PATCH 👈

#Ҳадис_33📙 Аёллар(ингиз)ни кийимларини озайтириш ила сақланг. Чунки улардан бирортасининг либоси кўпайса ва зийнати чиройли бўлса, уни (кўчага) чиқиш қизиқтириб қўяди. Анас (розияллоҳу анҳу)дан. ✍(Ибн Адий ривояти).

#Ҳадис_32📙 Расулуллоҳ соллаллоҳу алайҳи ва саллам айтдилар: «Ким менга бир маротаба саловат айтса, Аллоҳ унга ўн маротаба саловат айтади ва ундан ўнта ҳатони ўчиради.» ✍(Имом Бухори

#Ҳадис_31📓 Abdullah ibn Amr ibn Al-Os dan rivoyat qilinadi: Men Rosululloh (ﷺ) ni, "Kimiki mol-mulkini himoya qilaman deb o’ldirilsa, u shahiddir” deyayotganlarini eshitdim. ✍(Sahih al-Buxoriy, Zulm, 46-Kitob,)

#Ҳадис_30📔 Sahl ibn Sa'ddan rivoyat qilinadi. "Rosululloh Sallohu alayhi vassallam Ali roziallohu anhuga: "Allohga qasamki, Alloh sen sababli bir kishini hidoyat qilmog'i senga beriladigan qizil tuyadan ham yaxshiroqdir", dedilar. ✍(Imom Buxoriy va Muslim rivoyatlari).

Tahajjudda labbay deb tura olmasak, Qur’onni o’qiganda yig’lay olmasak, Har nafas o’limni eslab turmasak, Nafsdan iymonimiz afzal ko’rmasak, Hadisni o’qisak, amal qilmasak, Haq Taolo uchun yig’lay olmasak, Besh mahal namozga kelganda tolsak, Azon aytilganda g’aflatda qolsak, Dilga iymon nurin ichirolmasak, Allohni sevdim deb qanday aytamiz?

НАС СУРАСИ ЎҚИЛГАНДА ҚАНЧА САВОБ БЕРИЛАДИ БИЛАСИЗМИ? (Таржимасини ҳам ўрганамиз) قُلْ أَعُوذُ بِرَبِّ النَّاسِ ➖1. Қул аъувзу бироббин-наас. (Айтгин: Инсонлар Роббисидан) ▪️140 та савоб مَلِكِ النَّاسِ ➖2. Маликин-наас. (инсонлар Подшоҳидан) ▪️80 та савоб إِلَٰهِ النَّاسِ ➖3. Илааҳин-наас. (Инсонлар Илоҳидан) ▪️80 та савоб مِن شَرِّ الْوَسْوَاسِ الْخَنَّاسِ ➖4. Мин шаррил васваасил хоннаас. (беркиниб, кўриниб турувчи васвосчининг ёмонлигидан паноҳ сўрайман) ▪️170 та савоб الَّذِي يُوَسْوِسُ فِي صُدُورِ النَّاسِ ➖5. Аллазий ювас-висуфии судуурин- наас. (У шандайинки инсонлар қалбига васваса солади) ▪️200 та савоб مِنَ الْجِنَّةِ وَالنَّاسِ ➖6. Минал-жиннати ваннаас. (жинлардан ва одамлардан бўлганнинг ёмонлигидан) ▪️130 та савоб (васвасачи - шайтон, жин ва инсонлар бўлиши мумкин) 👉Сиз айни дамда камида 800 та савобга эга бўлдингиз. 🔻Қандай дейсизми? 🔻 🍃....Абдуллоҳ (р.а) ривоятида: ➖Набий ﷺ: «Ким Аллоҳнинг китобидан бир ҳарф ўқиса, унга бир савоб бўлур.. Ҳар бир савоб эса ўн мислига кўпайтирилур. Алиф лаам мийм бир ҳарф демайман. Лекин алиф бир ҳарф. Лаам бир ҳарф. Мийм бир ҳарф...», дедилар»... (📚 Термизий ривояти)

Қуръоннинг ҳар бир ҳарфига савоб берилади Пайғамбаримиз (соллаллоҳу алайҳи васаллам) марҳамат этадилар: «Намоз ичида ўқилган Қуръоннинг ҳар бир ҳарфига Aллоҳ минг савоб беради. Намоздан ташқари, намоздан сўнг дарҳол ўқилган Қуръоннинг ҳар ҳарфи учун Aллоҳ юз савоб беради. Намоздан ташқарида (бошқа жойларда) ўқилган Қуръоннинг ҳар ҳарфига Aллоҳ ўн савоб билан мукофотлайди. Қуръонни лозим бўлганидек тинглаган киши учун Aллоҳ ҳар ҳарфига минг савоб беришни муждалайди. Хатм этган кишининг эса ҳар дуоси қабул бўлади. Имом Ғаззолий ўгитлари китобидан.

#Ҳадис_29📒 Болалар учун нима деб паноҳ тиланади? Расулуллоҳ соллаллоҳу алайҳи васаллам Ҳасан ва Ҳусайнга қуйидагича паноҳ тилар эдилар: «Аллоҳнинг мукаммал калималари билан ҳар бир шайтондан, зарарли ҳашаротдан ҳамда ёмон кўз (тегиши)дан сизларга паноҳ тилайман». ✍(Бухорий ривояти). Фарзандлариларга шундай дуо қилилар қўлларига ширкка сабаб бўлиши учун кўзмунчоқ тақиб қўймасдан...

#Ҳадис_28📒 Абу Ҳурайра رضي الله عنهдан ривоят қилинган ҳадисда; Росулуллоҳ ﷺ шундай дедилар: "Оҳир замон яқинлашгани сари, илм йўқолади, фитналар кўпаяди. Ҳаддан ошиқ хасислик жойлашади ва Харж кўпаяди." Саҳобалар Харж нима дедилар. Аллоҳни Росули: "Ўлдиришдир" дедилар. ✍( Муслим 4827)

#Ҳадис_27📕 Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Тул хотин ва мискиннинг ташвиши ила ҳаракат қилган киши Аллоҳнинг йўлида жиҳод қилувчи мужоҳидлар, кечалари намозда қоим, кундузлари рўзада соим бўлувчи кабидир», дедилар». ✍(Ал-Адаб Ал-Муфрад)

#Ҳадис_26📗 Пайғамбар алайҳиссаломнинг қуйидаги ҳадисларида шундай дейилади: “Киши дўстининг динида бўлади. Сизлардан бирингиз бир киши билан дўстлашишмоқчи бўлса, яхшилаб қарасин”, яъни унинг одоб-ахлоқи ва дин-диёнатидан хабардор бўлсин. ✍(Абу Довуд, Термизий, Ҳоким)

#Ҳадис_25📘 Қаерда бўлсанг ҳам, Аллоҳга тақво қил. Ёмон амалингга яхшисини эргаштир. Шунда яхшиси ёмонини ўчириб юборади. Одамлар билан яхши хулқ ила муомалада бўл. Абу Зар (розияллоҳу анҳу)дан. ✍(Табароний ривояти.)

#Ҳадис_24📙 Rosululloh ﷺ dedilar : “Bir Musulmonni haqorat qilish fosiqlikdir va u bilan urushish esa kufrdir.” (✍Sahih al-Buxoriy 48 Muslim 64)

#Ҳадис_23📓 Амр ибн Ос розияллоҳу анҳудан ривоят қилинади: "Расулуллоҳ соллаллоҳу алайҳи васаллам: "(Эй Амр), Исломга кириш ўзидан олдинги гуноҳларни йўқотиб ташлашини, ҳижрат ўзидан олдинги гуноҳларни йўқотиб ташлашини ва ҳаж ҳам ўзидан олдинги гуноҳларни йўқотиб ташлашини билмасмидингиз?" - дедилар. ✍(Муслим ривояти)

#Ҳадис_22📔 Абу Барза розияллоҳу анҳудан ривоят қилинади; Расулуллоҳ соллаллоҳу алайҳи ва саллам шундай дедилар: «Қиёмат куни банда умрини нима билан ўтказгани ҳақида, илмини нимага ишлатгани ҳақида, молини қаердан топиб, қаерга сарф қилгани тўғрисида ва жисмини қайси ишларда қаритгани ҳақида сўралмагунча унинг қадами силжимайди» ✍ (Термизий ривояти, Саҳиҳут-тарғиб: 122).

#Ҳадис_21📒 Расулуллоҳ ﷺ дедилар: «Аллоҳ бандаларини (дўзах) ўтидан Арафа кунида озод қилганидан кўра кўпроқ озод қиладиган кун йўқдир. Аллоҳ яқинлашади, сўнг малоикаларига фахрланиб: «Бандаларим нимани истайдилар?» деб айтади». ✍( Муслим 1348).

#Ҳадис_20📕 Nabiy sollallohu alayhi va sallam: “Arafa kunining ro‘zasi o‘zidan avvalgi bir yil va o‘zidan keyingi bir yilning gunohlariga kafforat bo‘lishini Allohdan umid qilaman”, deganlar. ✍(Imom Muslim rivoyati).

#Ҳадис_19📗 Rosululloh sollallohu alayhi vasallam aytadilar: "Agar birortangizni luqmasi tushib ketsa, uni tozalasin va yesin. Uni shaytonga tashlab qo'ymasin" ✍(Sahih Muslim 2034).

#Ҳадис_18📘 Miqdod ibn Asvad roziyallohu anhudan rivoyat qilinadi: «Rasululloh sollallohu alayhi vasallam: «Odam farzandining qalbi qozonda tinmagan qaynovdan ham tez o'zgaruvchandir»— dedilar. So‘ngra, Miqdod raziyallohu anhu: «Baxtiyor odam – fitnalardan chetdagi odamdir»– deb uch marta takrorladilar va bu bilan bu o‘zgaruvchanliknnig sababi qalbga kelayotgan fitnalar ekaniga ishora qildilar. Shuning uchun ham Rasululloh sollallohu alayhi va sallam ko‘pincha: «Allohim – qalblarni o‘zgartuvchi Zot, qalbimni diningda sobit qil!» – der edilar. ✍(Imom Ahmad, Musnad, 24317-hadis)