စစ်သတင်း

မနေ့ကမှ အွန်လိုင်းမှာ ရှာဖွေတွေ့ရှိလာတဲ့ ပြသနာ အသစ်တခုရှိတယ်... တရုတ်မှာ (报复社会, bàofù shèhuì) အင်္ဂလိပ်လို 'revenge on society' လို့ခေါ်တဲ့ အကြမ်းဖက်လုပ်ရပ်မျိုးတွေ တရုတ်မှာ နောက်ပိုင်း တအားဖြစ်တယ်လို့ဆိုတယ်။ တရုတ်မှာ ဆင်ဆာ စနစ် တင်းကျပ်လို့ ဒီအကြောင်းတွေက ဖြစ်တာနဲ့ တရုတ်ဆိုရှယ်မီဒီယာတွေမှာ ဘန်း၊ ဗီဒီယို၊ ဓာတ်ပုံတွေအကုန် ဖျက်ချလို့ ပြင်ပ ကမ္ဘာက သိပ်မသိကြဘူးလို့ဆိုတယ်။ အဖြစ်ကတော့ တရုတ်ရဲ့ လူမှုရေး၊ စီးပွားရေး ဖိအားတွေကြား ချောင်ပိတ်မိသူတွေက နောက်ဆုံးအနေနဲ့ လူ့အဖွဲ့စည်းကို လက်တုန့်ပြန်တယ်ဆိုပြီး လူအုပ်ထဲကားမောင်းတိုက်တာ၊ ဓားကိုင်ရမ်းကား၊ အစားအသောက်တွေထဲ အန္တရာယ်ရှိတဲ့ ဓာတုဆေးတွေ တမင်ထည့်တာမျိုးတွေလုပ်သတဲ့။ အမေရိကန်မှာ တော့ သေနတ်ပေါတော့ အကြမ်းဖက် သေနတ်သမားတွေ သောင်းကျန်းသလိုပဲ တရုတ်မှာလည်း အဲဒီလို အဖွဲ့အစည်းနဲ့ မဟုတ်ပဲ တဦးတယောက်ချင်းက စိတ်ကျလာတဲ့အခါ၊ အသိုင်းအဝိုင်းက သတ်မှတ်တဲ့ စံနှုန်းတွေကို မမီနိုင်တော့တဲ့အခါ၊​ အကြွေးများလာတဲ့အခါ၊ စတော့တွေဆုံးရှုံးတဲ့အခါ ဒါမျိုး မှုခင်းတွေကျူးလွန်ပါတယ်တဲ့။ တဦးတယောက်ချင်းက စိတ်ဖောက်လုပ်တာမို့ တရုတ်အစိုးရအနေနဲ့ ကြိုတင်ကာကွယ်ဖို့ ခက်တယ်လို့ဆိုတယ်။ ဒီလို လူပုဂ္ဂိုလ်တွေက လူအများထိခိုက်အောင်လုပ်ကြံတယ်ဆိုတာတောင် အားနည်းသူတွေကို ပို target ထားတယ်လိုဆိုတယ် အထူးသဖြင့် ကလေးတွေ၊ သက်ကြီးရွယ်အိုတွေ၊ ဈေးတွေ၊ ကျောင်းတွေကို အဓိကထားပြီး တိုက်ခိုက်ပါတယ်တဲ့။ ရှာကြည့်တော့ 2024 နိုဝင်ဘာ ၁ လထဲမှာတင်ကို ၃ မှုဖြစ်တယ်။ အသက် ၆၂ နှစ် အမျိုးသားတဦးက သူ့ အိမ်ထောင်ကွာရှင်းတဲ့ကိစ္စမှာ ငွေကြေးခွဲဝေမှုကို မကျေနပ်တာနဲ့ ဘာမှမဆိုင်တဲ့ Zhuhai Sports Center မှာ လေ့ကျင့်ခန်းလုပ်နေတဲ့ လူအုပ်ထဲကို ကားနဲ့ ဝင်တိုက်တာ ၃၅ ယောက် သေဆုံးပြီး၊ ၄၃ ယောက် ဒါဏ်ရာရပါတယ်တဲ့။ အဲဒီ သတင်းတွေ ဗီဒီယိုတွေအကုန် တရုတ် ဆိုရှယ်မီဒီယာမှာ အကုန်ဖြုတ်ချတယ်လို့ဆိုတယ်။ အဲဒီလ မှာပဲ Jiangsu ပြည်နယ်က အသက် ၂၁ နှစ် ကျောင်းသားတယောက်က စာမေးပွဲကျတာ၊ အလုပ်နဲ့ ပတ်သက်ပြီး ပညာရေးအဖွဲ့အစည်းတွေက ခေါင်းပုံဖြတ်တယ် ယူဆလို့ ကျောင်းထဲမှာ ဓားနဲ့ ရန်ပြုတာ ၈ ယောက်သေပြီး ၁၇ ယောက် ဒါဏ်ရာရတယ်။ အဲဒီ နိုဝင်လဘာ ထဲမှာပဲ Changde မြို့မှာ လူတယောက်က တမင် စာသင်ကျောင်းက လူအုပ်ထဲ ဝင်တိုက်လို့ ကလေးတွေအပါ လူ ၃၀ လောက် ဒါဏ်ရာရတယ်။ အခြား ရှာကြည့်တော့ ၂၀၂၅၊ ၂၀၂၆ မှာလဲ အမှုအခင်းတွေအများကြီးပဲ။ နောက်ဆုံးအမှုက ကလေးတွေစားတဲ့ မုန့်ထဲ အန္တရာယ်ရှိတဲ့ ဓာတုအရောင်ဆိုးဆေး ထည့်ပြီး ကလေးတွေကို ကျွေးတဲ့အမှု ဖြစ်ထားတယ်။ ၂၀၂၆ နှစ်စမှာပဲ အမြန်လမ်းပေါ်မှာ တမင် စက်မှုလုပ်ငန်းသုံး ချောဆီတွေ ဖောက်ချထားလို့ ကားတွေဆင့်တိုက်ပြီး အယောက် ၇၀ လောက်ဆုံးတာရှိတယ်။ တရုတ်အစိုးရ အနေနဲ့က လူအများနဲ့ ချိတ်ဆက်ပြီး ကျူးလွန်တဲ့ အမှုတွေကို ဖော်ထုတ်နိုင်တာ၊ ကြိုတင်တားဆီးနိုင်တာရှိပေမယ့် ဒီလို စိတ်အခြေအနေပေါ်မှုတည်ပြီးမှ ဖြစ်တဲ့ တကိုယ်တော်ကျူးလွန်တာတွေကို တားဆီးဖို့၊ ကြိုတင်တွက်ဆဖို့ ခက်နေတယ်လို့ဆိုတယ်။ ပြီးတော့ ဒီသတင်းမျိုးတွေ ဆို ဆင်ဆာလုပ်လွန်းတော့ တရုတ်မှာ ခဏတိုင်းဖြစ်နေမှန်း၊ pattern တခုလို သွားနေမှန်းခုမှ ကိုယ်တွေလဲ သိလို့ ရှာဖတ်ကြည့်ရင်း ဖတ်မိတာ ပြန် share လိုက်ပါတယ်။ တရုတ်မှာ ဖျက်ချခံရတဲ့ မီဒီယာဖိုင်တွေ၊​ သတင်းတွေ ကြည့်ချင်ရင် X.com မှာ အပေါ်ဆုံးက keywords နဲ့ ရှာကြည့်လို့ရပါတယ်၊ NSFW ပါ။