🦋 Ғᥲᤋᥲ᧘ᥙёᴛ 📚

🍃💐🍃 Овозаи ишқам ба фалак соз нашуд, Бо хандаи шӯхи ту ҳамовоз нашуд. Гӯши дили ту садои поям нашунид, Чашми дили ту ба рӯи ман боз нашуд. Аз ишқ ғазалхон шудаам шому саҳар, Тори дили ту ба ишқ ҳамроз нашуд. Асрори муҳаббатат ба ин дил ҷо шуд, Аммо дили ту ба ишқ дамсоз нашуд. Дуздидам агар бӯса аз он лаъли лаби, Дандон чу забону ком ғаммоз нашуд. Оғӯши ту аз баҳор бӯе орад, Донам, ки баҳору ёр беноз нашуд. Аз ишқ Асад ҳазор бобе бикушод, Аммо зи муҳаббатат сарафроз нашуд. ✍Асадуллоҳ Исмоилзодаи Самарқандӣ 🍃💐🍃 @gazaltjk

🍃💐🍃 Нимаи гумгаштаатро дер пайдо мекунӣ, Сар биҷунбонӣ, худатро пир пайдо мекунӣ. Дар мадори рӯзгору гардиши чархи фалак, Оқибат рӯзе ту ҳам тағйир пайдо мекунӣ. Кӯдакӣ чун бодбодак бо насиме меравад, Хешро бозичаи тақдир пайдо мекунӣ. Навҷавонӣ, ошиқӣ, девонагӣ, саргаштагӣ Мегурезад аз ту то тадбир пайдо мекунӣ. Ишқро дар интизори талху бепоёни худ, Дар ғуруби ҷумъае дилгир пайдо мекунӣ. Мерасӣ рӯзе ба он чизе, ки мехоҳӣ, вале Дар расиданҳои худ таъхир пайдо мекунӣ. Чашм медӯзӣ ба ӯ аз дур, мепурсӣ: Чаро?! Нимаи гумгаштаатро дер пайдо мекунӣ. #Соноз_Рауф 🍃💐🍃 @gazaltjk

🍃💐🍃 ХУДО ГАР ПАРДА БАРДОРАД Худо гар парда бардорад зи рўи кори одамҳо, Чӣ шодиҳо хўрад барҳам, чӣ бозиҳо шавад расво. Яке хандад зи ободӣ, яке гиряд зи барбодӣ, Яке аз ҷон кунад шодӣ, яке аз дил кунад ғавғо. Чӣ козибҳо шавад содиқ, чӣ содиқҳо шавад козиб. Чӣ обидҳо шавад фосиқ, чӣ фосиқҳо шавад мулло. Чӣ зиштиҳо шавад рангин, чӣ талхиҳо шавад ширин, Чӣ болоҳо равад пойин, чӣ сифлиҳо шавад улё. Аҷаб сабре Худо дорад, ки парда барнамедорад, Вагарна бар замин афтад зи ҷайби мўҳтасиб мино. ✍Розиқи Фонӣ 🍃💐🍃 @gazaltjk

🍃💐🍃 Гуфтӣ, ки мебӯсам туро, гуфтам, таманно мекунам, Гуфтӣ, агар бинад касе, гуфтам, ки ҳошо, мекунам. Гуфтӣ, зи бахти бад агар ногаҳ рақиб ояд зи дар? Гуфтам, ки бо афсунгарӣ ӯро зи сар во мекунам. Гуфтӣ, ки талхиҳои май гар ногувор ояд маро, Гуфтам, ки бо нӯши лабам онро гуворо мекунам. Гуфтӣ, чӣ мебинӣ, бигӯ дар чашми чун оинаам? Гуфтам, ки ман худро дар ӯ урён тамошо мекунам. Гуфтӣ, ки аз бетоқатӣ дил қасди яғмо мекунад, Гуфтам, ки бо яғмогарон боре мадоро мекунам. Гуфтӣ, ки пайванди туро бо нақди ҳастӣ мехарам, Гуфтам, ки арзонтар аз ин ман бо ту савдо мекунам. Гуфтӣ, агар аз кӯйи худ рӯзе туро гӯям, «бирав», Гуфтам, ки сад соли дигар имрӯзу фардо мекунам. Гуфтӣ, агар аз пойи худ занҷири ишқат во кунам? Гуфтам, зи ту девонатар, донӣ, ки пайдо мекунам. #Симини_Беҳбаҳонӣ 🍃💐🍃 @gazaltjk

👶🏽🐍 Кӯдаки хоб бударо кобраҳои заҳрдор гирд карданд — ҳодисаи даҳшатовар дар Ҳиндустон.😱😱😱😱 Морҳои заҳрнок дар бадани кӯдак мехазиданд.😢😢 Кӯдаки дар хоб буда, инсу онсу ҷунбида морҳоро бо дастонаш меқапид вале морҳо ба кӯдак зараре нарасониданд.😱😱😱 😲 😱Баъдан маълум гашт ки кобраҳо кӯдакро барои он иҳота кардаанд, ки... Тугмаи зерро пахш карда идомаашро хонед 👇👇👇👇👇👇👇👇👇👇👇👇👇

🍃💐🍃 Як замон садбаргҳо бӯ доштанд, Духтарони шаҳр абрӯ доштанд. Турфа Лайлиҳо чу маҷнунбедҳо Мӯй то хамрони зону доштанд. Равнақи бозор аз инсоф буд, Бехато бору тарозу доштанд. Бешумар гунҷишкҳо дар боғи мо Хонишу бозӣ, ҳаёҳу доштанд. Шеъри тоҷикӣ ғазалҷӯшак набуд, Шоирон табъи сухангӯ доштанд. Не Имо, не Фейсбук, не ОКу Ток, Мардҳо бону, занон шӯ доштанд. То ҳама даъвои муллоӣ накард, Пиру барно тарс аз Ӯ доштанд. ✍️Искандари Раҳмон 🍃💐🍃 @gazaltjk

🍃💐🍃 Ҳар субҳ ба сӯят ман сад бӯса фиристонам, Бар ту бирасад ё на, ман лек намедонам. Ман донаму ту донӣ, шояд ки надонад ӯ, Ин дафтари рози мо ту хонию ман хонам. Дигар натавон пӯшид асрори муҳаббатро, Ё раб, бирасон бар ӯ, ё гир худ ин ҷонам. Зиста натавонам ман бе ҳусни ҷаҳонсӯзат, Кай мерасӣ бар додам? Кай мешавӣ меҳмонам? Эй чорагарам, боз о, файзе ба дарам, боз о, То нур бигирад боз ин гавҳари чашмонам. Боз о, ба Асад бахшо, шодии ду дунёро, Шояд ки аз ин пайғом озод зи ғам монам! ✍Асадуллоҳ Исмоилзодаи Самарқандӣ 🍃💐🍃 @gazaltjk

🍀💐🍀 Ҳар чӣ бо танҳоии ман ошнотар мешавӣ, Дертар сар мезаниву бевафотар мешавӣ. Ҳар чӣ аз ин рӯзҳои ошноӣ бигзарад, Ман парешонтар, ту ҳам беэътинотар мешавӣ. Ман, ки хурду хокширам, ин туӣ, ки ҳар баҳор Сабзтар меболиву болобалотар мешавӣ. Мисли беде зулфҳоро рехтӣ бар шонаҳо, Гоҳ вақте дар қафас бошӣ раҳотар мешавӣ. Ишқ қалёнест бо таъми хушӣ наъно - ду себ Мекашӣ озод бошӣ, мубталотар мешавӣ. Ё суроғи ман меойӣ чатру боронӣ биёр, Ё ба дидори мани абрӣ наё ... Тар мешавӣ. ✍Ҳомид Аскарӣ 🍀💐🍀 @gazaltjk

🍃💐🍃 Ба гумонам нигаҳам дил ба касе баст, ки нест Ва дилам ғарқи таманнои касе ҳаст, ки нест Ҳамаи шаҳр ба дилдодагиам механданд, Ки фалонӣ шуда аз чашми касе маст, ки нест Ту ба ман гуфти "Аз ин ишқ, ҳазар кун", оре.! Ва ту гуфти, ки роҳи ишқи ту сахтест, ки нест. Муддате ҳаст ба дилсӯзии худ машғулам Ки дилам банди нафасҳои касе ҳаст, ки нест ✍️Фаридун Муширӣ 🍃💐🍃 @gazaltjk