𝐁𝐀𝐂 "𝐓𝐀𝐋𝐄𝐍𝐓𝐄𝐃 𝐒𝐓𝐔𝐃𝐄𝐍𝐓"

طلاب البكالوريا 🥹 انتهت رحلتكم مع الأوراق والأسئلة، لكن رحلتكم مع الدعاء واليقين لن تنتهي… فلا تتركوا قلوبكم للقلق، بل سلّموها لله مطمئنة. لا تنسوا الدعاء في هذه الأيام، فهو الأمل الذي لا يخيب، وأحسنوا الظن بربكم، فكم من نتيجة فاقت التوقعات لأن خلفها دعاء صادق وقلب متوكل.🥹💗 لقد تعبتم، سهرتم، وجاهدتم أنفسكم… وما بقي إلا أن تستودعوا كل ذلك عند الله، فهو لا يضيع تعبًا ولا يخيب رجاءً. نسأل الله أن يكلّل تعبكم بالنجاح، وأن يرزقكم أعلى المعدلات، وأن يجعل فرحتكم بالنتائج فرحة لا تُنسى 🤲🏻🥹

صاي فاتت ضرك لعربية 🥹ركزو مع لي جاي فقططط ماتقولو خدمنا وماتقولو ماخدمناش صاييي بالتوفيق حبايبي 💗💗

ربي يوفقكم ويفتح عليكم فتوح العارفين وييسر أمركم

السلام عليكم و رحمة الله و بركاته 🦋 حبيت نهدر على نقطة مهمة الباك بقالوا 7 أيام و تتهناو ، علابالي راكم خايفين و مضغوطييين و مزاالكم بزاف حاجات ، خاوتي متبقاوش تسقسوا اذا الوقت يكفيكم !! ولا لالا اتوكلوا على ربي كيما نقوللكم دايما و ديروا لي عليكم لآخر لحظة وين لحقتوا فيها بركة ، اتفكروا بلي دعيتو في ليلة القدر ، وقفة عرفة يوم الجمعة فالصلاة يعني خلاص باذن الله فيها خير و مضمونة ، خلوا يقينكم في ربي كبيييير هو الصح صدقوني توصلوا بيه مشي ب قرايتكم او ربي يوفقكم ان شاء الله وتكونو كامل ناجحين 🥹💗💗

غدا ان شاءالله موضوع مقترح بقوة هذا العام ف الباك على الساعة 17:00

رددي على قلبك المتعب. {وَلَسَوْفَ يُعْطِيكَ رَبُّكَ فَتَرْضَىٰ}❤️

ربي يوفقكم ويفتح عليكم 🤍

ادعوا بزافف والله يقلك الدعاء يغير الاقدار ،و الحوا فالدعاء يعني ادعوا من اعماق قلبكم في كل حاجة راكم حابينها 💕++++ ادعو الباك يجي ساهل و يجي وش قريتو و طيح مقالة لي تكونوا قريتوها🥹🫶 و تنجحوا كامل بمعدلات ممتازة يارب او ادعوووووووليييي معاكم حبايبي 💗💗

الله يراك وتعبك لن يضيع.

فكرة اضافية : تقسيم الطالبة وفاء كان عبارة عن قبل البكالوريا التجريبي و بعد البكالوريا التجريبي يعني هدفين لا أكثر 💗🔥

✨✨مادة الاجتماعيات ✨✨ 📍مراجع المراجعة النهائية : - أساتذة اليوتيوب : بورنان عبدوش ، محمد لعروق اعتبر انو هاذ الأساتذة كافين كامل هاد الأستاذة يديرو مراجعات نهائية - المواضيع و المراجعة : البكالوريات التجريبية لي يحطها عقبة بن نافع البكالوريات الرسمية من 2018—>> 2025و المراجعة راجعو من وين حفطتو قبل 📍طريقة دراسة الاجتماعيات في مراجعة نهائية : - راح تقسمو فترة دراستكم للمادة لعدة مراحل || مثلا : اليوم عندي ساعتين لمادة الحفظ المرحلة الاولى : خاصة بمراجعة الدروس السابقة عن طريق التكرار او المراجعة عن طريق مشاهدة فيديو أالمراجعة الشاملة ✨( ساعة) المرحلة الثانية : حل موضوع و تصحيحه ( ساعة و نصف) كي تحل داك موضوع و تلقى روحك ناقص في هداك درس روح زيد فهمو الاجتماعيات فهم يا جماعة متقدش تدي و نتا حافظ و الاولية فالاجتماعيات للمصطلحات و تواريخ و شخصيات + منهجية الاجابة "كيفية كتابة مقال كيفية الرسم البياني ...."

✨✨مادة الاسلامية ✨✨ 📍مراجع المراجعة النهائية : - أساتذة اليوتيوب :بوسعادي شمس الدين او الأستاذ عبد الحق ✨ كل من بوسعادي و شمس دين يحلو مواضيع ويديرو فيديوهات مراجعة نهائية او الاستاذ عبد الحق يشرح بالمخططات - المواضيع و المراجعة : البكالوريات التجريبية لي يحطها عقبة بن نافع ✨ ، البكالوريات الرسمية من 2018—>> 2025 و المراجعة راجعو من وين حفطتو قبل 📍طريقة دراسة الاسلامية في مراجعة نهائية : - راح تقسمو فترة دراستكم للمادة لعدة مراحل || مثلا : اليوم عندي ساعتين لمادة الاسلامية المرحلة الاولى : خاصة بمراجعة الدروس السابقة عن طريق التكرار او المراجعة عن طريق مشاهدة فيديو أفيديو المراجعة الشاملة ✨( ساعة) المرحلة الثانية : حل موضوع و تصحيحه ( ساعة و نصف) ✨مواضيع البكالوريا ولاو يعتمدو على الفهم و تكسار راس اكثر من الحفظ سو حل المواضيع راح يعاونوكم اما بنسبة لكل من الاجتماعيات و الاسلامية شوفو كتب السلسلة الخضراء فيها مواضيع و أسئلة فهم للمادتين