Бириэмэ булбучча украина майдаан кэннэ,ити саас 2014сылтан биһиги уолаттарбыт уонтан тахса буолан донецкай,луганскай напралениенан баҕа өттүлэринэн көмөлөһө барбыттара.дьэ,ити кэмтэн саҕаламмыта билигин бары билэр,истэр волонтердарбыт үлэлэрэ.Аан бастаан ити баран уот сэрии ортотугар сылдьар буойуттарбытыгар Саха сириттэн кинилэргэ көмөлөспүтэ Сорошева Саргылана Викторовна.бастакы волонтер диэн ааттаатахпына олох сыыһа буолбат!төһө күүһэ кыаҕа тиийэринэн уолаттарбытын хара маҥнайгыттан көмөлөспүт ,Саха Сириттэн ,кини!
Онтон аны биир саллаат наһаа күүскэ эчэйэн Питергэ иһин 4-5операция кэннэ бүтэһик операциятын төлөбүрдээх оҥорор аатыраннар уол миэхэ сибээскэ тахсыбытыгар сүүрэн көтөн,ватсапка Дьүөгэлэр диэн республика араас улуустарыттан түмсүбүт эбээлэр группабытыгар суруйан бары көмөлөөн уолбут операциятын төлөбүрүн,сүүсчэкэ тыһ.ыытан уолбут этэҥҥэ дойдутугар эргиллибитэ.
Аны ити кэмнэргэ доброволецтары төттөрү дойдуларыгар ыытабыт ,донецкай,луганскай армиялара тэриллэр диэн,биир түүн миэхэ звонок кэллэ,биһигини ростовка таһааран эрэллэр,биир да харчыбыт суох диэтилэр,аны уолаттары барыларын билэбин,чечняҕа сылдьыбыт дьон.сарсыардаттан баҕар көмөлөһөөйөллөр диэн араас тэрилтэлэргэ сырыттым,военкомат,Правительство,матери России да орпото.бары аккаас,биһиги кинилэри ыыппатахпыт диэн.ыксал буолла.аны звонок кэллэ,ростовка кэллибит,аһыыр да харчыбыт суох диэн.ол иһин,ыам ыйыгар Восточнай военнай округ чаастарыгар ыһыах тэрийэ бараары пенсиябыттан ордорон кыһыны быһа муспут 34тыһ.ыыттым.эдэр дьон интернетинэн чэпкэки билет булан Благовещенскайга көтөн тиийэн такси булан айаннаан кэлээт бары офиспытыгар сарсыарда эрдэ киирэн кэллилэр,оччолорго офиспыт Орджоникидзе 10баар этэ.мин алаадьы астаан аҕалан,Россия үтүөлээх артыыһа Дмитрий Артемьевы ыҥыран аҕалан сиэр туом оҥорон,дьоммутун ыраастаан.итии чээй иһэн үөрэ көтө тарҕастыбыт.ити уолаттар бары төннөн тиийэн антах хамаандаларга киирэн үксүлэрэ снайпердар.үс уолбут билигин суохтар,Филя,Рамазан,Никола.эдэр дьон олохторо быһыннаҕа.
Бу суругунан уон сыллааҕыта буолбут быһыыны,история биир кэрчигин аҕынным Мария Егоровна,Саха Сирин саллааттарын ийэлэрин комитетын салайааччыта.бэс ыйа,2024сыл.
Кэпсээнтэн кэпсээн.ити эчэйии бөҕөнү ылан хас да операцияны ааһан дойдутун сирин киһи аҥаара булбута,ол да буоллар тыыннаах.аан бастаан кэлбитин кэннэ Тыгын Дархан рестораҥҥа тиийэн Улахан Убайбыт Саха Саарына Иннокентий Иннокентьевич Тарбахов мааны астаах сандалытыгар тиийэн,өр кэмҥэ ахтыбыт дойдутун аһын аһаабыта.өссө сибэкки дьөрбөтүнэн сүүнэ букеттаах кэлэн соһуппута.саллаат билигин доруобуйата көнөн сибээспитин тута сылдьабыт.
Түгэнинэн туһанан Саргылана Викторовнаҕа,хорсун санаалаах буолан хаста да өстөөх терриротиятыгар тиийэн байыастарбытыгар күүс көмө буолбутугар,уонна оҕолорбор,дьүөгэлэрбэр наадалаах кэмҥэ бары түмсэн биир киһи кыамматын бары көмөлөөн операция харчытынан көмөлөспүттэригэр.
Бары этэҥҥэ буолуҥ,ыалдьымаҥ сүтүмэҥ,эйэлээх олох син биир кэлиэ,дьоммут сэргэбит кыайыы көтөллөнөн дойдуларыгар төннүөхтэрэ.