..

وَاتَّقُوا اللَّهَ وَاعْلَمُوا أَنَّ اللَّهَ بِمَا تَعْمَلُونَ بَصِيرٌ ﴿ ٢٣٣ ﴾

حاول دايمًا تكون وسط ناس أحسن منك. الناس اللي وجودهم يخلّيك تفكر، تتكسف من كسلك، وتتعلم غصب عنك. هتتعب في الأول، هتحس إنك صغير، وإنك مش فاهم حاجات كتير، بس صدقني ده أفضل إحساس ممكن توصله…* لأنك بتبدأ تكبر. اللي حواليك إما هيطوروك أو هيطفّوك، اختار الناس اللي كل مرة تشوفهم تحس إنك عايز تبقى زيهم أو أحسن. قوّة البيئة الصح أكبر من أي تحفيز فردي. ختارها بعناية، وخلّيها ترفعك مش تشدّك لتحت 🩵

‏نتوب تاني! نتوب تاني وتالت لحد أمتى! لحد ما ندخل الجنّة د/محمد الغليظ حفظه الله

أنت ليه مصمم تحط أغاني على الاستوري؟ بتستفاد ايه؟ مش بتاخد من وراها غير الذنوب وبس! تخيل كدا انت حطيت أغنيه > عجبت فلان > فلان دا فضل يسمعها كذا مرة وعجبته فدخل نزلها كلها وفضل يسمعها > راح اخدها ونزلها عنده على الاستوري، فعجبت فلان من عنده برضو واخدها ونزلها وهلُم جراً.... أنت متخيل إن كل دا في ميزان سيئاتك؟ هتقولي يعني هم مش هياخدوا ذنوب؟ = لأ هياخدوا ذنوب استماعهم للأغنية، بس أنت عامل صفقة وبتاخد ذنوبك وذنوبهم، يعني تبقى نايم معملتش حاجة وسيئاتك بتزيد بشكل لا تتخيله بسبب الأغنية اللي لحد دلوقتي بيسمعوها من خلالك... فبطلوا تنزلوا أغاني ستوري، فهي سيئات جارية ليكو وإضلال لغيركوا، وقد تفتن حد من اللي بيحاول يبطل يسمع أغاني، وهتتسأل عن كل دا لوحدك فأَعدّ للسؤال جوابًا

مستقبلك مش حظ، مستقبلك اختيار، والاختيار ده بيتقرر النهارده، وأنتِ قاعدة قدام كتبك، بتحاولي، بتتعبي، وبتقولي "أنا مش هسيب نفسي تضيع". يمكن دلوقتي مش شايفة نتيجة، بس صدقيني، في يوم هتبصي وراكِ وتبتسمي وتقولي: “كويس إني ما استسلمتش”.

لما تقلعي حجابك، بالله عليكِ قولي لنفسك بصراحة إنك حبّيتي تشيليه، إنك نفسك تعيشي الحياة اللي كنت بتتفرجي عليها من بعيد بنظرات فيها خوف وحسرة. قولي لنفسك إن ده اختبار وقعتي فيه، وإن إيمانك المرة دي كان أضعف من إنك تفكّري في الآخرة .. إن شوية من حبّك لربنا وخوفك منه اتساقطوا منك من غير ما تحسي. قولي لنفسك إن ده ذنب تاني بيتضاف في الصفحة اللي هتقفي بيها قدّام ربنا الكريم الرحيم. ولما تسيبي الصلاة، بالله عليك قولي لنفسك إنك كنت كسلانة، إن نفسك غلبتك، وإنك ما قدرتيش تحفظي وعدك مع ربّ النعم، اللي كان مستني سجدة منك في آخر اليوم بس عشان تقولي "الحمدلله". قولي لنفسك إنك انجرفتي ورا الدنيا ومتاعها اللي في الآخر ولا بيفيد ولا بيفرح، وإنك ما خدتِيش بالك من الخراب اللي بيستناكِ ساعة ما قلبك يوقف نبضه. قولي لنفسك إن الموضوع مش إن الحجاب مش فرض، ولا إن الصلاة مالهاش لازمة، ولا إن الدين مش صح، ولا إن ربنا ظالم! الموضوع ببساطة إن فيه صراع بين أمر ربنا وهوانا، بين اللي بنحبه واللي الناس ماشية وراه، بين وسوسة النفس والشيطان. مفيش داعي نكدّب على نفسنا أو نعمل فيها متمرّدين، ولا ندّعي إننا فاهمين أكتر. قولي لنفسك إن ربنا سامع كل كلمة بتتقال، بس كمان عارف اللي في قلبك، وعالم سرك وأكتر. قولي لنفسك إن ربنا بيحب يشوف على وش عبده العاصي دمعة ندم، مش ضحكة نصر كدابة. قولي لنفسك إن ربنا بيغفر كتير، بس مستحيل يُخدع. وافتكري دايمًا إن اللي بتنكسر قدام ربنا هو أكتر واحدة ربنا بيحبها، وإن رحمته قريبة جدًا من اللي بيحسنوا ويصبروا ويجاهدوا.'🤍

اللَّهُمَّ صَلِّ عَلَى نَبِيِّنا مُحَمَّدٍ صَلاَةً تُنَوِّرُ قُلُوبَنَا بِهَا وَتَجْمَعُ شَمِلَنَا وَتَرْفَعُ شَأْنَنَا وَتُغْفِرُ ذُنُوبَنَا وَتَجْعَلُنَا مِنْ أَوْلِيَائِكَ الصَّالِحِين

تبدأ انتكاستك من تقصيرك في ورد القرآن، واستبدالك وقت القرآن (الأعلى) بما هو أدنى من تصفح، ولهو، وكسل مما أجمع عليه كل عاقل أن أهم عامل في ضياع الإنسان بُعده عن شفائه، واتخاذه الكسل وتصفح الهاتف خليلا.

اللّٰه يزوجكم.. ويَمّن عليكم بالحُبِّ والأُنسِ، ورزقكم البيوت الدافئة المليئة بالذكرِ والخيّر، ووهبكم الذرية الصالحة المُصلحة في عفوٍ وعافية، وأن يُدخلكم الجنة ونحن إياكم في ذلك كُله💛':)

هو مبيصلِّيش بس ما شاء اللَّه أخلاقُه عالية و شخص مُحترم جدًا .. ! لحظة بس معلش.. شخص لا يُصلِّي يَكفيه سوء خُلُقُه مع اللَّه يُطعِمُهُ و يرزُقُه و يؤويه و فـى النهايه يقطع صلتَهُ بـ ربِه ! عن أى أخلاق عاليه تتكلَمون ؟! حُسن الخُلُق مع اللَّه أولًا ، ثُمّ مع الناس..❤️

‏نتوب تاني! نتوب تاني وتالت لحد أمتى! لحد ما ندخل الجنّة د/محمد الغليظ حفظه الله

🦋

أوقات كتير بنمرّ بمواقف صعبة ونفتكر إننا لوحدنا، لكن الحقيقة إن ربنا ما بيسيبش عبده لحظة واحدة. سيدنا يوسف عليه السلام لما اترمى في البئر ربنا كان معاه ولما اتسجن ومفيش أمل في خروجه ربنا دبّر له السبب اللي فتح له باب الفرج . كل لحظة ظُلم أو وجع في حياتك ، فيها لطف خفي من ربك . مش هتعرف اللطيف إلا في الشدة ، ولا الودود إلا لما الناس تتخلى عنك ، ولا هتعرف ربنا حق المعرفة إلا وقت الأزمات . قال تعالى: ﴿وفي ذلكم بلاءٌ من ربكم عظيم﴾. فأسلِم لربك، وثق في اختياره، وخلّي يقينك دايمًا إن الله معك❤️. د: حازم شومان

أوقات كتير بنمرّ بمواقف صعبة ونفتكر إننا لوحدنا، لكن الحقيقة إن ربنا ما بيسيبش عبده لحظة واحدة. سيدنا يوسف عليه السلام لما اترمى في البئر ربنا كان معاه ولما اتسجن ومفيش أمل في خروجه ربنا دبّر له السبب اللي فتح له باب الفرج . كل لحظة ظُلم أو وجع في حياتك ، فيها لطف خفي من ربك . مش هتعرف اللطيف إلا في الشدة ، ولا الودود إلا لما الناس تتخلى عنك ، ولا هتعرف ربنا حق المعرفة إلا وقت الأزمات . قال تعالى: ﴿وفي ذلكم بلاءٌ من ربكم عظيم﴾. فأسلِم لربك، وثق في اختياره، وخلّي يقينك دايمًا إن الله معك❤️. د: حازم شومان