845
Obunachilar
-124 soatlar
-47 kun
-2330 kun
Postlar arxiv
845
﴿وَنَجَّيْنَا الَّذِينَ آمَنُوا وَكَانُوا يَتَّقُونَ﴾
«اللَّهُمَّ آتِ نُفُوسَنَا تَقْوَاهَا ، وَزَكِّهَا أنْتَ خَيْرُ مَنْ زَكَّاهَا ، أنْتَ وَلِيُّهَا وَمَوْلَاهَا»
845
وڪأن الفجر خُلق لراحة النفس ، وانشراح الصدر .. هو وقت لا يجتمع فيه الا أصحاب القلوب الطيبه ، فلا يوفق اليه مُنافق ابدًا ، فهنيئاً لك يا مصلّي الفجر !.
صلاة الفجر يـَ صحبه ||🩵
845
مشاهدة الأفلام الإباحية..من كبائر الذنـوب .!
مشاهدة الأفلام الإباحية او غير الإباحية ان اشتملت على محرمات من كبائر الذنـوب وهو من الزنا الحرام:
• قال الله ﷻ:
قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ .
• قال رسول الله ﷺ:
العينان تزنيان وزناهما النظر .
البخاري ومسلم
• قال الهيتمي في كتاب الكبائر:
الكبيرة ٢٤٢:
'نظر الأجنبية بشهوة مع خوف فتنة...'
فإذا كان نظر الأجنبية بشهوة وخوف فتنة من كبائر الذنوب.. '
فنظر الأفلام الخليعة أولى بذلك، لتمكن الناظر فيها من رؤية ما لا يمكن الاطلاع عليه في الخارج إلا بمشقة، مع إدامة النظر وتكراره، وحصول الشهوة غالباً.
ليعلم كل مسلم مبتلى بالنظر الى هذه المحرمات على تفاوت فسقها وفجورها واختلاف ظهور المحرمات فيها أنه واقع في نوع من أنواع الزنا والفاحشة ومشارك لأولئك العصاة في هذه الفواحش والفجور وأن الاستمرار على مشاهدته لها من كبائر الاثم والمعصية التي تستوجب عليه التوبة منها والندم قبل ان يفوت الاوان.!
• كلمات ملؤها الحب و والنصح لكل مبتلى بمشاهدة الأفلام سواء المسماة الاباحية او غير الاباحية فكلها في دين الله استباحية..
هي استباحية لمشاهدة المحرمات الكبائر الموبقات التي حرمها الله جل وعز.!
• تذكر ان نظرك للمحرمات خيانة لأمانة وأن الله يعلمها:
﴿ يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ﴾
• تذكر أن ربك و سيدك وخالقك يراك ويراقبك:
﴿وَكَانَ اللَّهُ عَلَى كُلِّ شَيْءٍ رَقِيباً﴾
فلا تجعل الله اهون الناظرين اليك:
(إن الله لا يخفى عليه شيء في الأرض
ولا في السماء ﴾ .
• تذكر في خلوتك ان معك من سيشهد
عليك يوم القيامة:
﴿ حتى إذا ما جاءوها شهد عليهم سمعهم وأبصارهم وجلودهم بما كانوا يعملون﴾
وتذكر شهادتهم عليك:
﴿ قالوا أنطقنا الله الذي أنطق كل شيء ﴾
• تستخفي وتستحي أن يراك الناس ولا تستحي من رب الناس.!
﴿ يَسْتَخْفُونَ مِنَ النَّاسِ وَلَا يَسْتَخْفُونَ مِنَ اللَّهِ وَهُوَ مَعَهُمْ إِذْ يُبَيِّتُونَ مَا لَا يَرْضَى مِنَ الْقَوْلِ وَكَانَ اللَّهُ بِمَا يَعْمَلُونَ مُحِيطًا ﴾
• تذكر اطلاع الله عليك وإن أغلقت دونك الباب وأسدلت على نافذتك الستر واختفيت عن أعين البشر ، تذكر مَنْ لا تخفى عليه خافية ، تذكر من يرى ويسمع دبيب النملة السوداء في الليلة الظلماء على الصخرة الصماء ،
وتذكر أن كل ذلك سيعرض على الله
﴿ يومئذ تعرضون لا تخفى منكم خافية ﴾
• تذكر:
إذا خَلَوتَ بريبـة في ظُلمةٍ..والنفس داعيـة إلى العصيان
فإستحي من نظر الإله وقل لها... إن الذي خلق الظلام يراني
🌱مدمنوا مشاهدة الأفلام الاباحية يعيشون حياة ظلامية وصدورهم مليئة بهموم أعظم عليها من الجبال لن يرفعها عنهم الا الإقلاع عن مشاهدتها والتوبة الصادقة منها والندم عليها والمسارعة قبل فوات الاوان.!
845
لعله خير يجميله💕.
ربنا مش بيضيع تعب حد ابداً وطلاما تعبتي ربنا مش هيخذلك ابداً عملتي الا عليڪي سيبي ربنا بق يدهشك بعظمته وڪرمه💕.
{قُل لَّن يُصِيبَنَا إِلَّا مَا ڪَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَڪَّلِ المؤمنون}💕🌱.
خلي عندك يقين وثقة فـ ربنا💕.
مش تنسوا 3 ثانوي فدعائڪم فضلاً ولڪم بالمثل إن شاءالله💕.
845
الحلقة 8 من السيرة النبوية 🙌
يلا صلو على النبي🌸💜
سيدنا محمد ﷺ دلوقتي عنده 38 سنة، خلال ال38 سنه دول شوفنا ربنا كان بيجهز سيدنا محمد ﷺسياسيآ واجتماعياً وأخلاقياً.. ومر بإبتلاءات من وفاة امه وتعلقه بجده ووفاته.. كل دى ظروف هيئها رب العالمين له صلى الله عليه و سلم ..
الوحي هينزل كمان سنتين .. هينزل وسيدنا محمد ﷺ عنده 40 سنة .. والسنتين اللي فاضلين دول بقي ربنا هيجهز النبي ﷺ روحياً، أصل الوحي ده مش حاجة سهلة ربنا بيقول :
" لَوْ أَنزَلْنَا هَٰذَا الْقُرْآنَ عَلَىٰ جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ "
وقال كمان : " إِنَّا سَنُلْقِي عَلَيْكَ قَوْلًا ثَقِيلًا "
إيه اللي هيحصل في السنتين دول؟ هيبدأ يحصل للنبيﷺ حاجات عجيبة وإلى حد ما مخيفه..
أول حاجه: الرؤية الصادقة.. حلم يشوفه في المنام وبعدين يتحقق تانى يوم الصبح.. انتو متخيلين، ده بيحصل يومياً للنبي ﷺ .. ويصحى يحكي لخديجة ويحكي لفاطمة والسيده خديجة متبقاش عارفة إيه اللي بيحصل..
تانى حاجه حصلت له: لما كان بيمشى في طرقات مكة.. ومكة صحرا.. فيمشي والدنيا فاضية.. فجأة يسمع: السلام عليك يا رسول الله !! يلتفت محمد ﷺ: فميشفش حد، يجى يمشي في طريق تاني فيسمع : السلام عليك يا نبي الله، فيلتفت ويبص.. برضو ميلاقيش حد.. فيخاف صلى الله عليه وسلم. وبعد النبوة هيحكى صلى الله عليه وسلم ويقول : "والله إني لأعرف حجرا بمكة كان يُسلم عليّ، إني لأعرف مكانه الآن" (عارف الحجر اللى كان بيسلم عليه)
تالت حاجه: حُبب إليه الخلوة ، يعنى بقى مبيحبش يقعد مع الناس ، بيحب يخلو بربه ويقعد لوحده .. بقى بيروح غار حِراء كتير، جبل صعب جدا عشان تطلعه عايز حوالى 3 ساعات تقريبا.. ويوصل لتجويف او كهف صغير كده.. يقدر منه يشوف الكعبة من فوق ويقعد فى الغار يتفكر في خلق الله .. في خلق السماوات والأرض .. تعاقب الليل والنهار .. في الشمس والقمر والنجوم .. يتفكر في اللي بيحصله.. انا مخلوق ليه وايه المطلوب منى؟.. وساعات كان بيقعد شهر فى الغار .. وكانت السيده خديجة حبيبته ♡ تطلع له كل 4 أيام بأكل وشرب (متخيلين التعب اللى بتتعبه دى كان عندها 55 سنة وقتها)..
ومش بس كده دى كمان بتشاركه .. بتقعد جنبه، تحط الأكل قدامه ومتتكلمش معاه .. لأن مدام هو طالع هناك لوحده يبقى اكيد مش عايز يتكلم مع حد .. فخديحة بتحترم ده فبتسيبه وتقعد معاه تتفكر زيه وتطمن عليه وتنزل من على الجبل لوحدها وترجع البيت♡
(وعلى فكره أتقال إنه كان بيعمل كده شهر من كل سنة ..واتقال إن ده كان شهر رمضان)
وفضل سيدنا محمد عليه الصلاه والسلام على الحال ده لغايه ما جت اللحظة الحاسمة .. هينزل جبريل عليه السلام في ليلة من الليالي على محمد ﷺ وهو قاعد فى الغار ..
لحظه إلتقاء سيد الملائكه بسيد البشر
سيدنا جبريل وسيدنا محمد ﷺ♡
هينزل جبريل عليه السلام في ليلة من الليالي على النبي ﷺ وهو قاعد فى الغار .. القرآن بيوصف منظر السما كأنك شايفها بعنيك.. الجن بيقولوا انهم فجأه لقوا السماء اتملت حرس وجنود من الملائكه.. فى الأيه الكريمه :
وَأَنَّا لَمَسْنَا السَّمَاءَ فَوَجَدْنَاهَا مُلِئَتْ حَرَسًا شَدِيدًا وَشُهُبًا ,وَأَنَّا كُنَّا نَقْعُدُ مِنْهَا مَقَاعِدَ لِلسَّمْعِ فَمَن يَسْتَمِعِ الْآنَ يَجِدْ لَهُ شِهَابًا رَّصَدًا
ليه ده كله .. هو إيه اللى هيحصل؟ اصل القرآن هينزل .. جبريل نازل بكلام الله رب السموات والأرض مالك الملك العزيز الرحيم .. سيدنا جبريل كان بقاله كتير منزلش الأرض ، أخر مرة نزل بالرسالة كان على سيدنا عيسى عليه السلام
على فكرة سيدنا جبريل هتنشأ بينه وبين النبي ﷺ علاقة محبة وأُخوة وصُحبة عجيبة .. النبي هيحب سيدنا جبريل حب شديد ويوم وفاة النبي صلى الله عليه وسلم جبريل
هيقف يقوله "يا رسول الله كنت أنت بُغيتي من الدنيا، كنت أنت سؤلي من هذه الأرض، أما الأن فلا حاجة لي في النزول يا أحمد أراك في الجنة... سلامٌ عليك "
المهم جِبْرِيل هينزل على سيدنا محمد ﷺ في غار مظلم .. موحش .. في ليلة غير مقمرة .. في منتصف الليل .. والنبي ﷺ قاعد لوحده .. شيء مخيف جداً .. النبي راح الغار ( غار حراء ) كعادته يتعبد ويتأمل في خلق الله وملكوته .. يتأمل السماء والكعبة
فسيدنا محمد ﷺ بيحكى ويقول : هبط عليّ ملك فأخذني فضمني ضمه شديده وعصرني حتي بلغ مني الجَهد ( التعب الشديد ) ثم تركنى .. وقال لى : اقرأ .. قلت : ما أنا بقارئ .. فأخذني فضمنى (تانى) وقال لى :اقرأ .. فقلت ما أنا بقارئ.. فأخذني فضمني (تالت مره) حتي ظننت أنه الموت (فكرها لحظه الموت ) ثم تركني وقال لى : أقرأ ..فقلت ماذا أقرأ ..فقال جبريل :" اقرأ باسم ربك الذي خلق...".. واختفي جِبْرِيل .. ومشى .. هتعمل ايه دلوقتي يارسول الله ؟؟
845
الحلقة 7 من السيرة النبوية 🙌
يلا بينا نكمل كلامنا عن حببنا النبي ﷺ ❤🤞
صلوا علي النبي 🌸💜
النبي عليه الصلاة والسلام كان بيحب السيدة خديجة جدا .. وبعد وفاتها كان في منتهى البر والوفاء لحبهم .. لدرجة إن مرة دبحوا غنم فالنبي راح وأخد حتة منها ولفها وقال لهم : أرسلوا بها إلى صويحبات خديجة ..
لما النبي ﷺ اتجوز السيدة خديجة كان عنده ٢٥ سنة وهي عندها ٤٠ سنة ..
وتوفت السيده خديجة لما النبى كان عمره ٥٠ سنة .. يعني عاشوا سوا ٢٥ سنة ..
وبعد وفاتها.. فضل النبى زعلان عليها قوي لدرجة إن واحدة من الصحابيات لقت النبي قاعد في طريق من طرقات المدينة وحاطط وجهه الشريف في كفيه (على كفوف إيديه) .. فوقفت وقالت له: يا رسول الله أنت لسه حزين على خديجة !! فسكت ومردش عليها ..
فقالت له : يا رسول الله .. هون على نفسك .. طب إيه رأيك تتجوز؟ فبتقول الصحابية فرفع النبي عليه الصلاة والسلام رأسه فلقيته بيبكى وبيقول : وهو فيه في الدنيا حد زي خديجة ..
ومن شدة حزنه وبكاؤه .. الصحابية بتقول : ندمت وقلت لنفسي ياريتنى ما كنت نطقت بكلمة واحدة ..
على فكرة الزوجة اللي النبي ﷺ اختارها بنفسه هي خديجة بنت خويلد .. وباقي الزوجات كان زواجهم بأسباب .. وفي منهم زواجهم كان بأمر من الله عزوجل .. وهنوضح سوا أسباب زواجه من كل زوجة .. وده هيبقى رد على أي حد بيخوض في عرض رسول الله ويقول إن النبي كان بيحب يتجوز كتير ..حاشاه صلى الله عليه وسلم ..
وتعيش السيدة خديجة مع سيدنا محمد في حب وسكينة ومودة .. قصة حب لم يشهد التاريخ مثلها .. ❤🌍
وتحصل حادثة جميلة قوى .. ابن أخو السيدة خديجة اسمه حكيم ابن حزام .. ده كان كافر .. فمرة حكيم كان ماشي فى السوق .. فلقي ولد صغير شكله جميل بيتباع في سوق الرقيق .. وده طبعاً قبل نزول الوحي وقبل ما الاسلام ييجي ويكرم البشرية .. المهم حكيم ابن حزام دخل سوق الرقيق واختار ولد صغير يخدمه في البيت .. كان اسمه" زيد بن حارثة " .. الولد ده ابن أسرة كبيرة من أسر العرب.. واتخطف من أهله وهو صغير وأخدوه وباعوه في سوق الرقيق .. فحكيم اشتراه.. ولأنه كان بيحب عمته خديجة جداً، قرر يعطيها زيد هدية .. والسيدة خديجة أعطته هدية لسيدنا محمد صلى الله عليه وسلم ..
زيد حب سيدنا محمد جداً وبقى بينه وبين النبي ﷺ علاقة أُبُوّة وصحبة ..
أهل زيد كانوا بيدوروا عليه .. وأعلنوا عن مكافأت مالية للي يلاقي ابنهم زيد .. لغاية ما جاتلهم أخبار إن زيد في مكة .. في بيت واحد اسمه محمد بن عبد الله ولقبه بين قومه الصادق الأمين ..
فيستبشر حارثة " أبو زيد".. وبسرعة راح مع أخوه لمكة عشان يحاولوا ياخدوا زيد.. وأخدوا فلوس كتير معاهم عشان يدفعوها لسيدنا محمد صلى الله عليه وسلم فى المقابل ..
المهم وصل حارثة للنبى وقال له: يا محمد أنا أبو زيد .. جئتك من بلادي وجمعت لك كل هذا المال لأفتدي ابنى .. ووالله ما سمعت عنك إلا كل خير .. وإنك أنت الصادق الأمين .. وإنك لن ترُدنا ..
فقال النبي: يا حارثة ألا أٌخبرك بخير من هذا؟ .. قال : ماذا؟ .. فقال: نأتي بزيد نُخيره ( عشان زيد يحس إن سيدنا محمد باقي على العشرة ومش هيفرط فيه بسهولة ) .. وكمان قال ﷺ : فإن إختارك زيد .. فهو لك بغير مال .. وإن إختارني فما كنت بالذي يترك من اختارني .. فيوافق حارثة ..
فينادي النبي على زيد ويقول له: تعرف مين الناس دى؟.. فقال زيد: أيوة، ده أبويا وده عمي.. فحضنهم وحضنوه..
فالنبي يقول له يا زيد أنا هخيرك.. أبوك جه وعايز يخدك ويدفع فلوس.. لو أنت عايز ترجع مع أبوك، فأرجع من غير ما يدفع لى أي فلوس.. ولو عايز تفضل معايا فأنا مش هسيبك أبداً..
وزيد مخدش وقت حتى عشان يفكر.. وقرر انه يفضل مع النبى ..
بمجرد ما زيد قرر أنه يفضل مع النبى بدل ما يرجع مع أهله.. فأبوه حارثة إتخض وقال له : أفقدت عقلك يا زيد !! .. أتختار العبودية على الحرية.. أتختار الرق على أبيك وعمك !!!
فقال زيد: والله يا أبي إنك لا تدري ما رأيت مع هذا الرجل ، ولا تدري ما هذا الرجل.. فما في البشر أحسن منه وما كنت لأتركه أبداً ما حييت.. ❤🌍
(يا جماعة أنتو متخيلين، كل ده قبل النبوة ، يعنى سيدنا محمد لسه مبقاش نبي) ..
فأبو زيد وعمه ارتاحوا واطمنوا واتأثروا بكرم النبى عليه الصلاة والسلام .. وسابوا زيد يعيش مع النبى ﷺ ..
ويبكى النبى.. ويحضن زيد.. وياخده من إيده ويطلع بيه عند الكعبة.. وبصوت عالي قال: يا معشر قريش، أشهدكم من اليوم أن زيد هذا هو ابني يرثني وأرثه ..
(وبقى اسمه زيد ابن محمد) ..
سيدنا محمد أعلن إنه هيتبنى زيد.. ففرح زيد .. وكان مفيش مخلوق على وجه الأرض أسعد منه.. وعاش كتير بإسم زيد بن محمد ..
