842
Obunachilar
Ma'lumot yo'q24 soatlar
Ma'lumot yo'q7 kun
-1730 kun
Postlar arxiv
842
الحلقة 2 🙌🏻
يلا بينا صلو على النبى🌸💜
وقفنا امبارح مع حليمه مرضعه النبى عليه الصلاه والسلام
وهي مش عارفه ليه محمدﷺ رفض يكمل رضعته ..عارفين ليه ؟
عشان أخوه يرضع ..
أصل حليمه كان ليها ابن وده هيبقى أخو النبى ﷺ فى الرضاعه..وحليمه بتقول: أنا مكنتش فاهمه ليه محمدﷺ دور وشه ومش راضى يكمل رضعته.. فحطيت النبى ﷺ وخدت إبنى وضميته لصدرى عشان يرضع .. فلما رضع إبنى ..خدت محمد ﷺبعديه عشان يرضع تانى..
فلاقيته رضى : فحبيته قوى قوى لأنه مرضيش يكمل رضعته غير بعد ما يرضع أخوه ❤
وبعد كده حليمه قالت لزوجها: جرب شوف فى لبن فى الناقه بتاعتنا ولا لأ.. فقال لها : يا حليمه انتى عارفه انها مفيهاش لبن.. قالتله : جرب ممكن تلاقى ولو حبه نقط..
فلما راح لاقى فى لبن فى الناقه وفضل يحلب الناقه لحد ما اتملا كل الطبق بلبن كتير قوى .. و راح لحليمه مش مصدق نفسه ..إيه ده! ..إزاى ده بيحصل يا حليمه؟ قالت له مش عارفه .. لعل ربنا أدانا نسمه مباركه ..رضيع عبد المطلب ده مش عادى..
وبتقول حليمه : شربت لبن وشرب زوجى وشبع محمد ﷺ وأبنى كمان... ونمنا مرتاحين قوى🖤
والله ما كنا بنقدر ننام قبل كده من الجوع ومن عياط ابنى بسبب شده الجوع.
مواقف كتيره بتحصل عجيبه بتلاحظها مرضعه النبىﷺ ومش بس هي ..لأ ..صحابها كمان ..
حليمه مرضعه النبىﷺبتقول قضينا يوم فى مكه وصحينا الصبح عشان نرجع لبنى سعد بالأطفال الرضع.
فركبت على الحمار بتاعى فلقيت الحمار بيجرى بيجرى وبيسابق نوق اصحابى ..فقالولى : حليمه ايه ده .. مش ده نفس الحمار اللى جيتى بيه لمكه؟ فقالت ايوه.. قالولها : مش ممكن .. اكيد بتكذبى.. ده كان بطئ جدا ومش قادر يمشى ..حتى وصلتى بعدينا..وكنتى آخر واحده!!
قالت: لأ ..دى هي لكنى احمل عليها رضيع مبارك ❤.
والحمدلله وصلوا لبنى سعد وتقول حليمه كنت بحب محمد ﷺ جدا ❤.. وكان بيكبر فى اليوم الواحد قد اللى بيكبره اى طفل فى شهر ويكبر فى الشهر قد اللى اى طفل بيكبره فى سنه.. فكان بيكبر بسرعه قوى
وحليمه لاحظت ده رغم أن اصلا العرب كانوا بيكبروا بسرعه فى الباديه ..ومعروف أن جو الصحرا بيساعد على ده لكن النبى عليه الصلاه والسلام كان برضو دايما مختلف عن الأطفال التانيين..
وبتقول حليمه كنت انا وزوجى بنحب محمد ﷺ أكتر من أبننا ومن شده حب حليمه للنبىﷺ كان لما يروحلها ويقولها يا أمى ممكن اخرج ألعب بره الخيمه زى اخويا..فتقوله لأ معلش بلاش .. خليك جنبى أنا بخاف عليك قوى.. فيسكت محمدﷺ
ويسمع الكلام رغم ان نفسه يلعب.. ومرت الأيام وخلصت السنتين ولازم حليمه تفطم محمدﷺ
وترجعه لأمه ..لكنها كانت بتحبه قوى وعايزاه يفضل عندها كمان شويه ..
ياترى هترجعه لأمه بسهوله ولا هتفكر فى فكره؟؟؟؟
..كانت حليمه مهمومه قوي من كتر الزعل
وبتقول شلت محمد ﷺ وفضلت أعيط متواصل من بنى سعد لحد مكه وكنت مهمومه هم محدش يقدر يتخيله. وفضلت افكر فى حجه وكلام اقوله لآمنه أم النبى ﷺ عشان ترضى تسيبهولى شويه كمان..
فأول ما دخلت عليها قلتلها يا آمنه ايه ده انتى لسه تعبانه.. وشك اصفر كده ليه.. ولسه فى مكه وباء كمان..لا لا. متخديش محمد ﷺ سيبيه عندى شويه.. ردت آمنه وقالت: بس السنتين خلصوا..فقالت حليمه :بس انتى لسه تعبانه.. فقالت آمنه : لا لا هاتى محمد انا كويسه ..
قالت حليمه : لا ابدا شكلك تعبان جدا ..
وفضلت حليمه ورا آمنه لحد ما وافقت وأقتنعت أنها لسه تعبانه وفعلا رضيت انها تسيب محمد لحليمه .. وبتقول حليمه: فرحت قوي وحضنته ورجعت بيه لبنى سعد ومكنش حد فرحان فى الدنيا قدى أنا وزوجى ..💓
ومرت أيام راح محمد عليه الصلاه والسلام لحليمه وقال يا أمى ممكن اخرج ألعب؟ فقالت ماشى لكن خلى بالك على نفسك فخرج يلعب ومعاه اخوه من الرضاعه
ومحمد ﷺ بيلعب مع أخوه ..صرخ أخوه جااامد قوى وجرى وراح لأمه حليمه وقال :.........
يا أمى ألحقى محمد محمد أتقتل.. طب ليه ..ايه اللى حصل؟
"حادثه شق الصدر"
اصل محمد ﷺ لما خرج مع أخوه من الرضاعه عشان يلعبوا.. فجأه وهما بيلعبوا قال النبى ﷺ لاقيت رجلين لابسين أبيض فى أبيض كأنهم نسرين فقربوا منى ومسكونى من لبسى ونيمونى على الأرض ... وقال واحد منهم للتانى : هو ده ؟ فرد التانى عليه وقال : أيوه هو ..
طب مين الأتنين دول ؟ دول ملايكه ♡ .
وبعدين راح واحد منهم قايل للتانى : هات سكينه .. فبيحكى النبى ﷺ وبيقول : ففتحوا صدرى بالسكينه لحد السره وطلعوا قلبى وغسلوه فى طبق كبير من ذهب بماء ثلج وبرد.. وبعدين طلعوا حاجتين صغيرين من قلبى لونهم أسود ورموها وقالوا : ده نصيب الشيطان منك .. وبعدين رجعوا قلبى مكانه...وواحد منهم راح قايل للتانى : يلا خيط الجرح.
على فكره النبىﷺ لحد ما مات فضلت الخياطه معلمه فى جسمه الشريف ♡.. وكأنها عمليه قلب مفتوح عملتها الملايكه💜.
842
توفي الرسول صلى الله عليه وسلم في غرفة السيدة عائشة أم المؤمنين رضي الله عنها يوم الإثنين ١٢ ربيع الأول ١١هجري والذي وافق
8 يونيو ٦٣٢ميلادية.
كان أظلم يومٍ مرَّ علي البشرية جمعاء أنار الله الأرض بمولده صلي الله عليه وسلم وأظلمت الأرض بوفاته صلي الله عليه وسلم.
اللهم صل وسلم على سيدنا ونبينا محمد وعلى آله وصحبه وسلم تسليماً كثيراً
842
فـ بنت ڪانت بتنتقدني دايماً وڪدَ وبتقولي ڪلام سلبي ومشعارفه أي وبتڪلمني عن الدين وحاجات ڪتير ڪدَ جالي اسڪرينات بـ إنها بتتڪلم عليا من ورا ضهري واني ڪنت بنت وحشه جداً واني مفڪره اني عارفه ڪل حاجه عن ديني لاء معرفش ڪل حاجه عن ديني وايوا ڪنت وحشه وڪنت زي الزفت بس بحاول اغير من نفسي احنا مش ملايڪه لو انتِ فالقناه احب اقولك قبل م تنصحي اي بنت حسني من نفسك الاول محدش قالك ان الغايبه والنميمه حرام.؟
بتشوهي صورة بنت زيك.؟
أنل أذيتك فحاجه مفيش بيني وبينك اصلاً ڪلام دَ ڪله عشان مقبلتش نصحتك عشان اصلاً طرقتك فالڪلام غلط والدين يسر وليس عسر انتم بتخاوفوا الناس وعايزينهم يمشوا ع مزاجڪم ويسمعوا ڪلامڪم غصب اي المفيد فـ ڪدَ والا عامل نفسه شيخ ڪل شويه يقول لبنت تعي الڪول ثانيه يقولها ڪلام يحسسها انها بنت مش ڪويسه ومشعارفه ايي بطلوا تعملوا نفسڪم فاهمين ف امور الدين وانڪم ملايڪه م بتغلطوا وانتم اصلاً ڪلڪم غلط وصح بدل مش بفهم فـ امور الدين بتاخدي بوستاتي الدينيه تنزليها عندك ليه عادي يبنتي اديڪي بتتعلمي مننا🌚😹.
مقصوده طبعاً وانتِ عارفه نفسك ڪويس وزي م بيقولوا الحرب لسه مبدأتش وهأخد حقي مش هسامح ع ڪل ڪلمه قولتيها عليا🤎.
اليوزر اهو تعي ڪلميني بدل م تتعبي نفسك وتتڪلمي عليا🙈😹. @ellv_cv
842
الحلقة الاولي 🙌🏻
من السيرة النبوية
يلا بقي صلوا على النبى 🌸💜
ميلاد الحبيب ﷺ ❤
تقول آمنه (ام النبي ﷺ): ما حملت حملا كان أخف علي منه ولا أيسر عليّ منه ورأيت حين حملت به نورا يخرج مني تضئ به أعناق الإبل ببصرة ولم يقع كما يقع الصبيان .. وقع معتدلا جالس واضعا كفيه إلى الأرض رافعا وجهه إلى السماء ...وكان الصِّبيانُ يُصبِحون رُمْصًا شُعْثًا (شعرهم منعكش)، ويُصبِح محمدٌ دَهِينًا كَحِيلًا 🖤
يقول النبي: "وُلدت مختونا(الملايكة عملاله ختان) مسرورا(مقطوع الحبل السري) فلم ير أحد سوئتي"
أول واحده كان ليها الشرف فى ضم النبى ، أجمل مخلوق صلى الله عليه وسلم ❤
هى أم أيمن وأسمها الحقيقى "بركه الحبشيه "مربيه النبى صلى الله عليه و سلم..
و عشان كده كانت من أكتر النساء أرتباطآ بالنبى ﷺ.بركه كانت جاريه عند عبد الله أبو النبى عليه الصلاه والسلام وبعد وفاه عبد الله فضلت بركه تخدم آمنه ..
جه عبد المطلب جد النبى صلى الله عليه وسلم وشاف أجمل مخلوق بين يديه ..❤👑
كان مولود يأخد العين من الجمال ❤. فيحضنه عبد المطلب ويضمه لصدره ويأخده ويطوف بيه حوالين الكعبه ويدخل جوف الكعبه ويرفع إيده و يحمد ربنا لأنه عارف ان فيه رب لكن يعتقد وجود آله كتير تانيه معاه وهى الأصنام فكان عبد المطلب مشرك لكن مش ملحد ..
فيخرج بيه من جوف الكعبه ويطوف بيه مرة كمان ويبص للسماء ويقول يااارب سأسميه محمد ♡ وكان أسم جديد والعرب مش متعوده عليه ويرجع لآمنه ويقول لها : سميته محمد.. فتقول ..ليه ؟ فيقول: ليحمده أهل الأرض ويحمده أهل السماء ♡ :') ..
ويفضل المولود ده مع أمه آمنه ولكن بتحصل مشكله ..آمنه مش قادره ترضعه 💔
ليه مش هتقدر ترضع النبى ﷺ ..ده لأن آمنه كان عندها وباء.. من يوم وفاه جوزها عبد الله بن عبد المطلب وهي مريضه 💔
وكانت مكه مليانه أوبئه وأخدت قريش عاده أن أى رضيع يتولد فى الكام سنه اللى فيهم وباء..بتيجى قبيله لمكه أسمها بنى سعد فيها مرضعات بالأجر، كل مرضعه بتاخد طفل بره مكه..بعيد عن الوباء ويكون ده لمده سنتين وتاخد أجر عليه وبعد ما تفطم الولد، بترجعه لأهله وتاخد مبلغ تانى بعد ما تسلم الولد ليهم.
وبعد أيام من ميلاد النبى ﷺجت قبيله بنى سعد وكانت من بينهم حليمه السعديه نسبه لبنى سعد وهيه فعلا هيسعدها ربنا عز وجل بشرف إرضاع النبى ﷺ..وصلت القبيله لمكه وكل مرضعه بدأت تاخد طفل.. وكانت المرضعه الشاطره هيه اللى تلحق تاخد ولد أهله أغنيااا ..
وأخر وحده وصلت كانت حليمه لأنها كانت فقيره وكانت بتركب على "أنثى حمار" ضعيف وبطئ جدا فوصلت متأخر لمكه .. حليمه بتقول أنها بمجرد ما وصلت لاقت كل واحده من صحباتها خدت رضيع.. ومتبقاش إلا طفل واحد! و هو النبى ﷺ...
وأن محمد ﷺأتعرض على كل المرضعات ومفيش ولا واحده رضيت تاخده ..يا ترى ليه ؟..
لأن سيدنا محمد ﷺ يتيم :') ..
كل مرضعه قالت هعمل ايه بولد يتيم.. مش هينفعنى..لأن اللى بيكرم المرضعه أبو الرضيع..بيدينى فلوس أكتر عشان أخد بالى من إبنه أكتر.. طب جده هيهتم أنه يدينى زياده! ولا هيدينى الأجر وبس؟..فرفضت المرضعات أنها تاخد النبى ﷺ..
وحليمه لاقت أن متبقاش غير محمد ﷺ.
..فقالت هعمل إيه بيتيم عبد المطلب.. فرجعت لزوجها وقالت له : دلوقتى كل وحده من صحباتى خدت رضيع وأنا مش حابه أرجع بينهم من غير رضيع..
أعمل إيه؟ آخد يتيم عبد المطلب؟
فجوزها قالها: خديه لعل ربنا يجعل فيه بركه..
وفعلا حليمه خدت النبى عليه الصلاه والسلام..وبتقول أنى بمجرد إنى ضميت محمدﷺ لصدرى أتملى صدرى باللبن.. معرفش إزاى .. ومكنش أصلا عندى نقطه لبن بسبب الفقر و قله الأكل.. وفضل محمد ﷺ يرضع ويرضع .. كان جعان قوى .. و أنا مش عارفه منين كل اللبن ده..
وكمان حليمه بتقول "أن من حبى لمحمد ﷺ ❤ وضعته على ثدي الآخر لكى يكمل رضعته" لكن رفض النبى ﷺ أنه يرضع..وفضلت أحاول معاه تانى فبدأ يبعد ويدور وشه عنى ومش راضى يرضع..
طب ياترى ليه ؟
هنعرف سوا بكره إن شاء الله 🖤.
842
عَنْ عَبْدِ اللَّهِ بْنِ عَمْرٍو رَضِيَ اللَّهُ عَنْهُمَا، قَالَ :
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
(( أَرْبَعٌ مَنْ كُنَّ فِيهِ كَانَ مُنَافِقًا خَالِصًا، وَمَنْ كَانَتْ فِيهِ خَلَّةٌ مِنْهُنَّ كَانَتْ فِيهِ خَلَّةٌ مِنْ نِفَاقٍ حَتَّى يَدَعَهَا،إِذَا حَدَّثَ كَذَبَ، وَإِذَا عَاهَدَ غَدَرَ، وَإِذَا وَعَدَ أَخْلَفَ، وَإِذَا خَاصَمَ فَجَرَ ))
صحيح مسلم - والله اعلم
▫️خَلَّةٌ : أي خصلة أو صفة .
▫️فَجَرَ : أي خرج عن الحق عمدا حتى يصير الحق باطلا والباطل حقا... فهمتوا حاجه". 🥲
842
ععععععع اي كمية الحقد والغل والكلام ال الله المستعان عليه ده ال فالصراحه
يعني بجد م هكترهم وافضل أتكلم كتير بس حقيقي ربنا يهديكوا ويطهر قلوبكوا ويفتح بصيرتكوا✨...
بلص كتير من الناس يعرف يرد ع طريقة الكلام الوحشه... وأغلب الناس تعرف تصد اي حد بينتقدها... واي شخص بيكلم الناس ب اسلوب م حلو... حرفياً نقدر نرد عليه ب اوحش منه... لكن النااااادر* والقوي والشجاع ... هو ال بيرد ب لطف واحترام واخلاق حسنه"... 🤗
وعشان م عندي لينك الصراحه ف بحبك علعلن فالله
ل ءيلهه"
