پەپوولە

سەبارەت بە استقلال عاطفی/روانی ئەگەر زانیاریتان هەیە پێم بێژن گەلۆ

کە تۆ مانگی منی؛ چ باک گەر تیرەباران بکرێم لە شەوی بێتریفەدا.

فەرەیدوون ئەرشەدی

هەربەردەوام بیت گیانە🌱.

بۆ نووسینی مێژووی ئێمە؛ پێویست بە قەڵەم نییە مێژووی کورد بەس بە خوێن و گریان دەنووسرێ.

بارانێکی لێڵ دەبارێ لەبەر دەرکەی هەڵبەستێکا ڕاوەستاوم دڵم پڕە لە هەنسک و چاوم تەژی پرمەی گریان پەری! دەرکەم لێ کەرەوە خەم خەریکە دڵم ئەخوات پێدەکەنێ هاکا لە بەر دەرگەکەتا سینگی شەق بێ گوڵ خەندەران پەری! دەرکەم لێ کەرەوە دڵم تەنگە دەخیلت بم گۆڕی بێدەنگی تاریکە وەرە لە ناو باخچەی دڵما بچریکێنە بە بێ قام و حەیران دەمرم! هاوار نەکەم ئەم ئازارە دەمخنکێنێ پەری! وەک هەور بگرمێنە سینگە شەقارەکەم تەڕ کە سۆزی دڵم دامرکێنە پەری! ئیمشەو دانەباری ئاگر ئەگرم تۆ خوا پەری! لێم مەتۆرە بۆ تۆ پشتم لە دنیا کرد بووم بە شاعیر، خۆم ڕیسوا کرد ئەمزانی تۆ تۆفانێکی بێ ئامانی دەریایەکی بێ بەندەر و خرۆشانی من ئەمزانی هەزاران دڵ لە تەنوورەی تۆفانی تۆدا خنکاوە من ئەمزانی تۆ ئاگری گیانی هەزاران پەپوولە بۆ گەیشتن بە سەرچاوکەی تیشکی ڕوخسارت سووتاوە بەڵام هاتم خۆشەویستی تۆم کردە ڕێی هات و نەهات وەک شەپۆلێکی نائارام ڕووم کردە بەحری کارەسات پەری! دەرکەم لێ کەرەوە بارانێکی لێڵ دەبارێ ئیمشەو هاتووم خەمەکانم لە باوشتا بتوێنمەوە :) تەمەنێکە ڕێگا دەبڕم کەوشی پۆڵام داڕزاوە گۆچانی ئاسنم شکاوە توێشەم خاڵی، ڕۆحم تەنیا خۆم غەریب و دڵم هێلانەی باڵندەی هەزار ئاواتی سووتاوە پەری! دەرکەم لێ کەرەوە ئەوناقم کرد ڕۆحم وێنەی چۆلەکەی بەر لێزمەی باران هەڵدەلەرزێ لە بەر دەرکەی ماڵەکەتا ڕاوەستاوم بارانێکی لێڵ دەبارێ شەو درەنگە دڵ خاوێرە ڕۆحی تەنیام بە شەپۆلی خۆت بسپێرە وەرە بۆ ناو هەستی ئاڵۆز و شێواوم ئەی فریشتە ئەی شیعری جوانی دڵداری ئیمشەو هاتووم بە هاواری خوێن و فرمێسک بتهۆنمەوە ئەی دوایین نرکەی ڕزگاری.

جەلال مەلەکشا

در پاسخ این پیام نوشت: بە سەرسامی لەسەر لووتکەی بڵندی گەنجی وەستاوم شریتی عومری ڕابردووم وەکوو خەو دێتە بەرچاوم شریتی چی؟ سەراپا سەرگورشتەی نائومێدیمە فلیمی پڕ لە ناسۆری هەرەس هێنانی لاویمە تروسکەی تیا بەدی ناکەم، سەرنجم چەندە لێ داوە لە تاپۆی نامرادیم و تەمی ناسۆری بەولاوە ئەوی ئەوساکە ڕووناکیی ئەدا بەم ژینە شێواوە دڵێکی پڕ لە ئاهەنگ بوو، کە ئێستا پاکی ڕووخاوە بەڵێ ئەوسا دڵێکم بوو، کە سەرچاوەی ژیانم بوو دڵێ: مەڵبەندی ئاوات و تەوژم و تینی گیانم بوو دڵێ گوڵزاری دڵداری و بەهەشتی خۆشەویستی بوو وەکوو بتخانە مەیدانی بتی جوانی پەرستی بوو لەگەڵ هاوار و گریانی هەژارانا لە شینا بوو لەگەڵ ناڵەی کەساسانا لە خورپە و ڕاچەنینا بوو لەژێر سایەی ئەوینێکا، هەموو سیحرێکی پۆشی بوو لە کونجێکی خەراباتا، خەریکی بادەنۆشی بوو دڵێ بوو دار و دیواری هەموو مەستی نیگارێ بوو هەموو سوچێکی دەسکردی، بەڵێنی تاقە یارێ بوو دڵێ، خونچەی تەمای وابوو، لە خۆشی ئەو دەمی وا کا کە تیشکی ئەو لە لێوی دا، گوڵاوپڕژێنی دنیا کا دڵێ، ئامادە بوو، تاری، هەزار ئاوازی لێ هەستێ بە مەرجێ گوڵبەدەم جارێ بەمەستی لێی بدا، دەستێ تەلاری دڵ، کە دیواری وەها مەستی ئەوینی بوو لە باوەش گرتنی باڵای، هەموو ئاواتی ژینی بوو گوڵ و گوڵزاری دڵ وا بوو خەیاڵی ڕۆژ و هی شەویان «کە وا پرشنگی دوو چاوت، بڕێژێ چاوی بێ خەویان» وەنەوشە و نێرگز و شەوبۆ، هەموو سەرخۆشی تاسەی بوون لەتەک سروەی بەیانیدا تەماداری هەناسەی بوون هەموو پێکێکی مەینۆشی، بەیادی ئەو، کە پڕ مەی بوو لە مەیخانەی دڵا کەیلی بزەی ئەو جووتە لێوەی بوو هەموو پاڕانەوەی وابوو، بە شێوان و سبەینانێ کە ڕۆژێ لێوی پڕ تاسەی لەسەر دوو لێوی ئەو دانێ کەچی ئەو کۆشکی چەند ساڵەی، دڵم بنچینەکەی دانا بە تەنیا گەردەلولێکی «نەهاتی»، چوو بە ئاسمانا هەموو ئەو نیاز و ئاواتەی لە ناو ناخی دەروونا بوو لە داخی بێ بەڵێنیی ئەو بە جارێ تەفر و توونا بوو بەڵێ، کاتێ بە خۆم زانی، بەهاری پڕ ئەوین ڕۆیی خەو و ئاواتی چەند ساڵە و بەڵێنی پێ گەیین ڕۆیی گەلێکم پشکنی دنیا لە دووی ئەو جووتە لێوەی ئەو هەزار ئەفسووس! نە ئەو ڕۆژەم بەدی کرد و نە شێوەی ئەو نە پڕشنگی لە خونچەی دا، نە پەنجەی دا لە تاری دڵ نە بەژنی شۆخ و شەنگی بوو بە میوانی تەلاری دڵ نە چاوانی گوڵی ڕشت و نە کلچێوکێکی پیا هێنا نە پرچی نێرگزی مەست و، وەنەوشەی شینی داهێنا نە پێکی نایە سەر لێو و نە بیستم ڕازی شیرینی نە ماڵئاوایی لێ کردم نە ئیتر شێوەییم بینی بەڵێ ئەو خونچەیەی چەند هەنگ پەشۆکابوون لەژێر پێیدا خەوی ڕۆژ و شەوی وا بوو گزنگی چاوی تۆ لێی دا کە چاوی تۆی نەدی شێوا، لە داخا کوڵمی خوا کردی گەڵاکانی وەکوو عومری منی بێچارە با بردی تەلی دڵ، چەندە سەیری کرد، کە پەنجەی تۆی نەدی چاوی دەروونی بوو بە گۆڕیچەی هەموو ئاوازی تاساوی تەلاری دڵ کە ڕۆشن بوو بەوەی تۆ بی بە میوانی هەواری چۆڵ و هۆڵی بوو بە گۆڕی گردی سەیوانی گوڵی باخی دڵم، چاوی، بەدووی تۆدا ئەوەند گێڕا هەتاکوو چاوەکەی خۆشی، لە دەوری چاوی تۆ گێڕا وەنەوشە و دەستەخوشکانی، لە بێ مەیلیی هەناسەی تۆ هەناسەی دەرنەچوو دەمیان و تاساشن، لە تاسەی تۆ وە یا ئەو پێکە ڕەنگینەی کە هەر نەیبیست لە تۆ دەنگێ لە داخا بادەکەی ڕشت و، سەری خۆی دایە بەر سەنگێ لە پاشا، گەرد و تۆزقاڵێ، کە وەک کەرتی دڵی من بوو یەکیی ڕووی کردە سووچێک و لە تاریکیی شەوا ون بوو بەڵێ، ئێستا ئەوەی جێ ماوە بۆ من، یادگارێکە بەسەرهاتی دڵی ورد و بەسەرچوونی بەهارێکە

قسە کەین

‎· ˚ ༘ 🪷⋆

کەس ناتوانێت باری دەروونیت تێکبدات بە مەرجێک بەردەوام ڕەشبین بیت.

شۆپنهاوەر