Gulruxbonu Shokirova | Young Diplomat

Hech narsa qilmaslik charchatadi Bugun bir narsani tushunib yetdim, ko’proq ish va vazifalarni qilayotganimiz bizni charchatmaydi. Bizni ko’p ishlarimiz borligini o’ylash charchatadi. Doim hayolimda qilishim kerak ishlarni o’ylab, rejalashtirib, bloknotimga yozib-chizib yuraman. Lekin, shu qilishim kerakligi meni charchatadi. Agar shuni boshlab olsam, tezda bitadi, keyingi qadamlar ko’rinadi. Stressga tushmayman, hayollarim bo’shaydi, charchamayman. Nimadir qilishingingiz kerakmi, shuni mukammal qilishim kerak, o’ylashim kerak, qilishim kerak, deb yurmang. Bu ko’proq charchatadi. Shunchaki, aniq vaqtni belgilang va shu vaqtda boshlang, o’zingizni qiynamang🙌🏻 @Gulrukhbonu_official

📢”El-yurt umidi” stipendiyasiga qabul ochildi Qabul 25-iyulgacha davom etadi. Agar siz TOP unuversitetlardan qabul xatini olgan bo’lsangiz, shu dastur orqali barcha xarajatlardan ozod bo’lasiz, judayam zo’r imkoniyat. P.s: Bu dastur orqali ketsangiz, o’qishni tugatib yurtga qaytishingiz va ishlashingiz(oylik olasiz) shart. @Gulrukhbonu_official

"El-yurt umidi" jamg'armasidan bakalavr, magistratura, doktorantura bosqichlarini top universitetlarda o'qish uchun 500 o'rinli grant Talablar — Xorijda bakalavriat, magistratura va doktorantura dasturlari bo'yicha ta'lim olishni istaydigan O'zbekiston Respublikasi fuqarolari ariza topshirishlari mumkin; — Bakalavriat uchun: 25 yoshgacha bo'lgan; Magistratura uchun: 20-45 yosh oralig'idagi; doktorantura uchun: 22-45 yosh oralig'idagi, tanlagan mutaxassisligi bo'yicha kamida 2 yil mehnat tajribasiga ega bo'lganlar (oliy talim muassasasi tavsiya etadigan nomzodlar bundan mustasno) ariza topshira oladi. Foydali tomonlari — Kontrakt to'liq qoplanadi; — Viza olish, transport xarajatlari (ikkala tomonga); — Yashash, ovqatlanish, tibbiy sug'urta xarajatlari qoplanadi. Oxirgi muddat 25.07.2024 Batafsil https://grantgo.uz/go/49251 @Gulrukhbonu_official

🥹Bu videoda “kichkina Gulruxbonu” ni topasiz 4 yil ham bir pastda o’tib ketar ekan, bakalavr yillarimda bajarish uchun qo’yilgan maqsadlarimni deyarli 50 foiziga erishdim, qolgan 50 foiziga erisha olmadim. Har doim shunday, qilinayotgan harakatni yarmiga yetishamiz, shunday ekan, hech xavotirlanmang, menda ham “o’xshmagan” narsalar juda ko’p🙂‍↔️ @Gulrukhbonu_official

🎓Diplom ishi pulga yozdirishga arzimaydi Bitiruv malakaviy ishi, ya’ni xalq tilida diplom ishimni 92/100 ballga himoya qildim. Va bu JIDUdagi eng yuqori ballardan biri. - Diplom ishini yozish siz o’ylagandan ancha oson, a’lo o’qigan talabalarga juda oson ham. - Birinchi mavzu tanlaysiz, mavzuyingizni juda tor doiraga olmang, biroz kengroq, xorijiy ma’lumotlar borini oling. 3 ta bob nomini va ular ostida 2 tadan jami 6ta paragraf nomini tuzvolsangiz, ishingizni yarmi tayyorda) - Ilmiy rahbaringizni aql bilan tanlang, ishning muvaffaqiyati 50% ilmiy rahbarga bog’liq. Ilmiy darajasi bor ustoz tanlang. - Sun’iy intellekt ishingizni kirish qismi, strukturasi, nimalar qo’shishingizni zo’r ko’rsatib beradi, foydalaning. Lekin ishni muhim qismi, ya’ni taklifni o’zingiz bering. Bu muhim. - Xorijiy manbalardan foydalaning, ingliz tilida istalgan mavzuga maqolalar juda ko’p. Ayniqsa, statistika bilan ishlang. - JIDUda o’qisangiz kichik ekonometrik tahlil qo’shing, eng oddiysini, bu sizga 5-6 ball+ beradi himoyada. - Imkon bo’lsa ingliz tilida yozing, men plagiat bo’lib qoladi, deb o’zbek tilida qilgandim. Lekin ingliz tilida yozsangiz plagiat kutganingizdek baland chiqmaydi, “zato” ishingiz ancha oson bitadi. Va ingliz tilida himoya qilasiz, bu yana + sizga) - Diplom ishingizni diplom himoya kuningizdan 1 kun avval print qildiring, undan avval, shoshib, ilmiy rahbarim ruxsat berdi, palonchi chiqazib oldi, deb shoshmang. Yana qaytaraman, himoya kuningizgacha chiqazmang. Biron nimalar o’zgarib yana qayta printga pulingiz ketadi. - Himoyangizni birinchi kunlarda qiling, osonroq bo’ladi. Xullas, shunday gaplar🙃 @Gulrukhbonu_official

✨Assalomu alaykum, aziz do’stlar! Qalbimizni hidoyat nuri va iymon bilan to’ldirgan Qurbon hayiti barchamizga muborak bo’lsin!🌙 Doimo Alloh panohida bo’ling. Oilangizni baxt va saodat aslo tark etmasin. Eng ezgu tilaklarim siz uchun! Keyingi hayit ayyomlariga barchamizni sog’-salomatlikda yetkazsin. @Gulrukhbonu_official

- Assalomu alaykum, do’stlar! Mana shu rasmdagi “Diplom ishi” ancha asablarni, vaqtni va sog’liqni talab qildi) Sizlarga post yozolmay, sizlardan ayirgan ham shu😂 Lekin, biz buni uddaladik, bakalavr darajasini olishimizga bir qadam qoldi, oliy ma’lumotli “diplomat” bo’lamiz. Diplom ishi (Bitiruv malakaviy ishi) yozish bo’yicha post yozaymi?🤔 @Gulrukhbonu_official

Ma’lumot uchun: - Prezident Shavkat Mirziyoyev Toshkent irrigatsiya va qishloq xo'jaligini mexanizatsiyalash muhandislari institutini tamomlagan. - Bosh vazir Abdulla Aripov Al-Xorazmiy nomidagi axborot-texnologiyalari universitetini tamomlagan. - Murad Nazarov bakalavr bosqichini Toshkent davlat sharqshunoslik universitetida o’qigan. - Jahongir Ortiqxo’jayev Toshkent davlat iqtisodiyot universitetini tamomlagan. @Gulrukhbonu_official

😶‍🌫️Bu universitetni bitirib qayerda ishlasam bo’ladi?

Eng yoqtirmaydigan savollarimdan biri aynan shu savol)

Nega? Sababi, siz tahsil olgan oliy ta’lim muassasasi siz qayerda ishlashingizni hal qiluvchi “asosiy” faktor emas. Ha, mutaxassisligi bo’yicha faoliyat yuritayotganlar bor (hozirgi kunda kam), lekin hamma ham unday emas. Universitetingiz siz qaysi tashkilotda qanday lavozim egallashingizni belgilab berolmaydi. Buni hammasi o’zingizga bog’liq. Ish topish, ishga joylashish, yaxshi lavozimga erishish, xullas shularni hammasi faqat o’zingizga bog’liq. Masalan, Diplomatiyani yakunlagan bir inson elchi bo’lib faoliyat yuritmoqda, xuddi shu insonni kursdoshi esa repetitorlik qilmoqda. Diplomatiyani bitirgan hammani yoppasiga Tashqi ishlar vazirligiga qabul qilishmaydi. Saralanganlar, shu sohaga xohishi borlar qoladi. O’z mutaxassisligi bo’yicha ishlash zo’r, qulay va samarali, qachonki shu mutaxassislikni o’zingiz tanlagan bo’lsangiz va 4 yil ichida qiziqish so’nmagan bo’lsa) Bu esa hozir kam uchramoqda. Shunday ekan, qayerda ishlashingiz faqat o’zingizga, qanday lavozimda ishlashingiz yoki salohiyatingiz yoki “networking” izga bog’liq😉 @Gulrukhbonu_official

🫵Kurashishing kerak Onam ko’p aytadilar, “Mayli bolam, qo’ygin kurashib, urushib yurmagin yana, nasib bo’lsa erishasan”, deb. Ha, inson nasibasidan boshqasiga aslo erishmaydi. Ammo, ba’zan nasibamizgacha kurashishimiz kerak ekan. So’nggi paytlarda, ayniqsa, rad javobini eshitsam ham qattiq kurashdim, harakat qildim va erishdim. Xulosa shuki, sizning ta’siringiz bor jarayon oxirigacha kurashing. Endi siz ta’sir eta olmaydigan bosqichga yetganidagina faqat kuting. Qaysi jarayonda siz ta’sir eta olishingiz va qaysinisida ta’sir eta olmasligingizni ajratish sizning vaziyatingizga bog’liq. Ammo, kurashing, oson taslim bo’lmang. Sizdan harakat, Undan barokat! @Gulrukhbonu_official