Bibliophile Asqaraliyeva

#kayfiyat Maktabda 7 oydan beri ishlayotgan bo’lsam, bugun ilk marta shu niyat uyg’ondi. Qaniydi, kichkina Nigorani ko’rolsam, u o’quvchim bo’lsa. Maktab o’quvchisi bo’lgan Nigoraga o’qituvchi Nigora ko’zi bilan qaragim keldi. Juda ham. Yaxshi o’quvchimidim? Ahil sinfdoshmidim? Qanaqa partadosh edim? Bir o’quvchimning orzusi zamonlar osha yolg’iz o’zi sayr qilish ekan. Meniyam orzumga aylandi bu! @asqaraliyeva

#tarjima 360 daraja Dunyoning aholisi ikkiga ajraladi, Yarmi sen bo’lasan, yarmi men… So’ngra ikkimiz bir butun bo’lamiz Hech kimga sezdirmayin… O’zdemir Asaf @asqaraliyeva

Абдулла Орипов МАКТУБ Ғазаллар тўқирдим сенга бир замон, Қўшиқлар айтардим тунлар бошингда. На чора, ушбу кун ўзга бир инсон, Ўзга бир муҳаббат турар қошингда. Эшитдим, хазонли боғларда танҳо Ўтказар эмишсан сокин пайтларни. Сарғайган дафтаринг варақлаб гоҳо Такрорлар эмишсан маҳзун байтларни. Мен ҳам тонглар баъзан йўлга қарайман Мунаввар қуёшга кўксимни очиб. Сенинг хаёлингдан мадад сўрайман, Сенинг хаёлингга бораман қочиб. Лекин қутулмоқ йўқ ҳижрон дастидан, Фақат қалбимизда бардош ва сабот. Дунёда жамики ҳислар устидан Қаҳқаҳа уради қадим бу ҳаёт. Надомат нимага ва афсус нечун? Оламда неки бор ўчар бешафқат. Бизнинг вазифамиз кўникмоқ беун, Бизнинг вазифамиз унутмоқ факат. Йиллар ўтиб кетар такрор ва такрор, Ёшлик ҳам ўтади бенишон, бесас. Лекин ўша чоқ ҳам хўрсиниб, бир бор Севгандим, набирам, дея олсак бас... ✍️1971 @asqaraliyeva

#mutolaa Bu xatni men 18 yoshimda o’qigandim. Ayni yaltir-yulturga, ortiqcha tuyg’ularga qiziqadigan yosh bu. Lekin menda ikkisi ham bo’lmagan, qisman)) Buni ancha avval ulashmoqchi edim. Menga qadrli bir odam o’qishim uchun yuborgandi o’sha vaqt. O’sha muhokamadagi podkast chiqdi-da, maktub yana esimga tushdi. Ochib o’qidim… Podkastni ko’rib miyam qancha toliqqan, shishgan bo’lsa, bunda teskarisi bo’ldi, menimcha. Men podkastchilarni to’liq qoralamoqchi yoki “ma’naviyat himoyachisi” bo’lmoqchi ham emasman. O’zim to’g’ri deb bilgan fikrim – rivojlangan sari insoniy tuyg’ularning yo’qolishini tan olardim-u, lekin uyat birinchi bo’lmasligi kerak edi! @asqaraliyeva

#mutolaa Rahbarim va ustozim aytganidek, ochiq vijdon bilan ulashyapman! O’qing! Yigit-u qiz farq etmaydi, lekin shundog’am, qizlar, siz o’qing! https://telegra.ph/Nasroniy-ayoldan-muslima-ayollarga-maktub-03-17

Asta tongda mo'jiza bo'lib , Osmon ajib nurga chulg'andi. Hayratimni yana oshirib , Borliq yangi nurga burkandi. Oftob nurin hech ham ayamay, Charaqlatdi olamni butkul . Bildim shunda hech ikkilanmay, Axir bu kun siz tug'ilgan kun! © Siz uchun Tabriklayman ustozim❤️

#tavallud Ovunch Yana keldim sizga baqamti, Yana qaytdim huzuringizga. "Ulgʻayibsiz"-, pichirladim jim, Bosh eggancha uzuringizga. Nigohingiz tanish va mayin, Tabassumda bir sogʻinch zohir Sizdan uzoqlashib ketmayin, Qarshingizda turibman, oxir. Soʻzlamaymiz, nechun soʻz darkor! Koʻz evrilgan - goʻyo alifbo, Harf yozilmas, toʻkilar sim-sim, Bir soʻz takrorlanar: Yo, Xudo... Hali-beri bitmas bu yoziq, Kuyimizning yoʻq soʻng notasi. Ogʻriqlarning oʻtmishi mubham, Va boʻlmaydi yorugʻ ertasi. Keyin...yana koʻz-oldim boʻshliq, Yana jonsiz, quruq savlatsiz. Endi qancha boqmayin sizga Gʻijimlangan, rangli suratsiz! *** Yirtib otdim .... marta ● Nigora Asqaraliyeva Ps: doim qalbingiz ham, yuzingiz ham bahor quyoshidek porlab tursin. Ijod, hayot va ishda har qadamingiz baxtga yondosh bo‘lsin. Hurmat bilan "Hilol" jamoasi @Yangi_hilol

Qo‘shaloq bayram bugun... Ustozim, opam, eng yaqin insonim Nigora ustozimning tug'ilgan kuni bugun. Aslida hozir birga bo'lishimiz kerak edi. Shuni rejalashtirgandik. Ammo hozir ustozim Turkiyada. 22 yoshini o‘zi sevgan shaharda nishonlayapti. Tabriklayman! Samimiyatingizga hech qachon ko‘z tegmasin. Dunyodagi barcha baxtlarni sizga tilayman! Mazmunli umr o‘tkazish nasib qilsin... @ijodkor_kundaligi

#kayfiyat – Qanchalik g’alatisan? – Odamlar tug’ilgan kunim bilan tabriklaganida “Rahmat, birga bo’lsin, sizgayam muborak” deydigan darajada…. “Aybim” meni onam bayramda tuqqan😅💜. @asqaraliyeva

#kayfiyat Nima deyishardi? Qutti bo’lsinmi😅😅 Ichimdagi ovoz: Tumtalalay-tumtalalay💃 @asqaraliyeva