TODAY NEWS

ئیسرائیل کۆمەڵکوژییەکی دیکەی لە خان یونس لە غەززە ئەنجامدا لە نزیک ناوچەیەکی مرۆیی. ئەمە ئەو ساتەیە کە ئیسرائیل تیمەکانی بەرگری شارستانی بۆردومان کرد لە کاتێکدا کە هەوڵی ڕزگارکردنی هاووڵاتییە مەدەنییە کوژراوەکان و بریندارەکانی خان یونسی غەززەیان دەدا. لە هێرشەکەدا زیاتر لە ٣٠٠ کەس بونەتە قوربانی

مێدڤێدێڤ: لە ئەگەری ڕوودانی کودەتا لە ئۆکرانیا، ڕەنگە ڕۆژئاوا کیێڤ ناچار بکات دان بە شکستدا بنێت دیمیتری مێدڤێدێڤ، جێگری بەڕێوەبەری ئەنجومەنی ئاسایشی ڕووسیا ڕایگەیاند، ئەگەر کودەتایەکی خوێناوی نوێ لە ئۆکرانیا ڕووبدات و گۆڕانی دەسەڵات لەم وڵاتەدا ڕووبدات، ڕەنگە ڕۆژئاوا دەسەڵاتدارانی ئێستای ئۆکرانیا ناچار بکات دان بە شکستدا بنێن لە ململانێکاندا.

بە پێی ڕاپۆرتی فاینانشیاڵ تایمز؛ پارتی کرێکارانی بەریتانیا ڕێگە بە ئۆکرانیا دەدات کە چەکی بەریتانیا بەکاربهێنێت بۆ هێرشکردنە سەر ڕووسیا

سەرۆککۆماری تورکیا ئەردۆغان: بانگهێشتنامەیەکمان (بۆ ئەسەد سەرۆک کۆماری سوریا) دەبێت. بەم بانگهێشتە دەمانەوێت پەیوەندییەکانی تورکیا و سوریا بگەیەنینە هەمان خاڵی ڕابردوو. بانگهێشتەکەمان دەتوانێت لە هەر ساتێکدا بێت. 📸 ئەرشیف

مەسعود پزیشکیان بە بەدەستهێنانی زۆرینەی دەنگەکان لە خولی دووەمی هەڵبژاردنەکان وەک نۆیەمین سەرۆک کۆماری ئێران هەڵبژێردرا

مارین لۆپێن، سەرپەرشتیاری پارتی ڕالی نیشتمانیی توندڕەوی فەرەنسا دەڵێت ئەگەر سەرۆکوەزیرانی پارتەکەی لە دەسەڵاتدا بێت، ئەوا "رێگری لە ئۆکرانیا دەکەن کە چەکی دوور مەودا کە لەلایەن فەرەنساوە دابینکراوە بۆ هێرشکردنە سەر ناو ڕووسیا بەکاربهێنێت". هەروەها لۆپێن دژایەتی پێشنیاری ئیمانوێل ماکرۆن سەرۆکی فەرەنسا دەکات کە ئەگەری ناردنی هێزی فەرەنسا بۆ ئۆکرانیا هەیە. "ئەگەر ئیمانوێل ماکرۆن بیەوێت هێز بنێرێت بۆ ئۆکرانیا و سەرۆکوەزیران دژی ئەوە بێت، ئەوا هیچ هێزێک بۆ ئۆکرانیا نێردراوە".

سوناک، سەرۆکوەزیرانی پێشووی بەریتانیا پاش شکستی حیزبەکەی لە هەڵبژاردنەکان گوتی: دەست لەکار دەکێشمەوە لە سەرکردایەتی حیزبی پارێزگاران؛ بەڵام یەکسەر ئەوە ناکەم

گەڕی دووەمی هەڵبژاردنی سەرۆکایەتیی ئێران دەستی پێ کرد بنکەکانی دەنگدان لە ئێران دەرگاکانیان بەڕووی دەنگدەراندا کردەوە، کە ئەمڕۆ گەڕی دووەمی هەڵبژاردنەکانی سەرۆککۆماری ئێران بەڕێوەدەچێت، لە گەڕی یەکەمدا کە هەفتەی رابردو بەڕێوەچو، هیچ کام لە چوار کاندیدەکە نەیانتوانی 50%ی دەنگەکان بەدەستبهێنن، لە کاتێکدا کاندیدی چاکسازیخواز، مەسعود پزشکیان بە بەدەستهێنانی 10.4 ملیۆن دەنگ توانی لەپێش سێ کاندیدەکەی دیکەوە بێت، هاوکات سەعید جەلیلی 9.4 ملیۆن دەنگی بەدەستهێنا. دەستەی هەڵبژاردنەکانی ئێران رایگەیاندوە، لە گەڕی دوەمی هەڵبژاردنەکەدا، هەر یەکێک لە دو کاندیدەکە زۆرترین رێژەی دەنگ بەدەستبهێنێت، دەبێتە سەرۆککۆماری ئێران. بەگوێرەى ئامارى هەڵبژاردنەکان، لەو 61 ملیۆن و 452 هەزار کەسەی مافی دەنگدانیان هەبوە، زیاتر لە 24 ملیۆن و 535 هەزار کەس بەشداریی هەڵبژاردنیان کردوە و رێژەی بەشداریکردنی خەڵک نزیکەی 40% بووە.

پارتی کرێکارانی بەریتانیا سەرکەوتنێکی گەورەی بەدەستهێنا لە هەڵبژاردنەکانی یاسادانانی بەریتانیا و کۆتایی بە سەردەمێکی 14 ساڵ لەسەریەکی لە دەسەڵاتی پارتی پارێزگاران هێنا

ئاژانسی هەواڵی ئەڵمانی بڵاویکردەوە، شاندێکی ئیسرائیل گەیشتوونەتە فڕۆکەخانەی میسر بۆ دانوستان لەسەر پلانێکی نوێ بۆ ڕێککەوتنی ئاگربەست لە غەززە هاوکات بەرپرسێکی ئیسرائیلی ڕایگەیاند ئەو پێشنیازە کە حەماس پێشکەشی کردووە، پێشهاتێکی زۆر گرنگ لەخۆدەگرێت. دەتوانین بەردەوام بین لە ئاڵوگۆڕی بارمتە، ئەوە بەندە بە نەتانیاهۆ.