C AllStar Assemble 應援小隊

突發～ C AllStar大燈牌開放俾大家接收 想今晚用嘅快啲搵我地啦～ 唔喺會場交收，要先到倉取 來吧～

好快已經有CAF接收大燈牌☺️ 謝謝幫忙 希望日後如再有活動都可以一齊用得著

C AllStar大燈牌［永久收藏］ 襯8月24號音樂會，我地現呼籲有心CAF收藏此個大燈牌。如果你想用，而又可以幫手收藏，歡迎與我們聯絡🎉 俾更常出席活動嘅朋友可以拎嚟用。 眾籌物資由大家擁有返。 另外展覽所見的物資如座地展示柱、display box等，眾籌朋友如有興趣接收，同樣歡迎與我們聯絡😊

【只此一次．最後一次｜用最美的姿態謝幕】 謹代表全體Assemble應援小隊4位admin宣佈，《從當天到今天》為我們Assemble Project的最後一擊☝🏻 作為對支持C AllStar的朋友、對自己的一個完滿落幕 除了跟進補購3款應援品以及製作紀念冊以外 ⚠️Assemble Project之任何應援活動，由即時開始告一段落⚠️ 我們將全力寫稿、設計、印刷，務求將最完美的紀念冊於年底前交付各位手上💯 本ig及tg channel將有限度更新，以作定期公佈紀念冊進度 如有查詢，歡迎dm或TG聯絡我們四位 同時，《從當天到今天》預訂反應熱烈，加開最後48小時 確認電郵將於截止後一星期內發出 ⚪️沿路裡 互信過彼此 留下無盡景致⚪️ 由去年11月的狂想、埋班，Admin們一拍即合，加上最重要得到你們無限支持，一同渡過了最難忘的年尾深度應援系列 我們記得，大家如何不問回報地，向新成立的Assemble提供應援資金，一切都講個信字 我們非常感激這班相信我們的CAF，令#深度應援 得以順利展開 特意剪輯11分鐘片段，回顧我們這段夢幻旅程 眾籌所得不夠買半個巴士站燈箱，但有你們落力參與，成就呢條片入面每件事 Video in IG: https://www.instagram.com/tv/CgACrzUJC48/?igshid=YmMyMTA2M2Y= 【深度應援的初衷】 我們成立的初衷，是希望嘗試突破傳統應援的框架，在有限的資源內發揮最大的小宇宙，亦希望向來文靜的CAF會在我們「身先士卒」下，嘗試更多不同可能性。 當時11月正值年尾頒獎禮前夕，各方FC已經開展全港應援拉票。我們深感年代已經不同，向來文靜的CAF更加文靜，有部分CAF向我們表達欲參考其他新興應援，但不知從何入手 同時，我們admin們相信無須copy別人的方式。既然我們欣賞的偶像是如此獨特，作為歌迷亦可發展出不一樣的C AllStyle應援。 加上在沒有官方支持下，我們更難以眾籌巨大金額 如果有資金，我們亦想試行其他方法，要達到讓更多人聽懂CAS音樂的效果 落巴士車身、巴士站等廣告牌，入場費幾萬蚊起跳，如果只做到一格，等同射落海，送錢俾contractor洗。何不將資金以更直接的方法用在偶像及Fans身上？ 落廣告、做宣傳是一個學問，要衡量自己有幾多budget，如何將效果最大化，而非人做我又做 正如大公司marketing做法必定與細公司不一樣，用巨額budget的成功，不能直接套落細公司。有無錢搵agency已經係唔同做法 如果夾硬要跟人嗰套，人地可以鋪天蓋地落全港巴士站，包起甚麼場地，而你只得一格，就變成直接的比較，「哪個哪個星有幾多格」變成Fans數量的指標 忘記歌手音樂上的努力，只留下粉絲買起了多少個外牆廣告（而這大筆錢射到哪兒去了？） 對未夠經濟能力的Fans亦是巨大壓力。現在生活已夠艱難，追星無非係求開心 在街上的一格仔廣告，坦白講，過目即忘 如果加上非為新歌推廣，只有一幀大頭照，路人睇完一頭霧水，意義何在？ 以較小budget計，小店宣傳至少擺放時間較長，當然應援品質素亦要夠高才能吸引目光，如何在云云應援中突圍而出，令路人在短短數十秒留意到你，再願意開music app搜尋你的音樂、開youtube搵MV？ 而所謂「應援」，又是否只有此「燒錢式」廣告一途？ 在權衡Quantity vs Quality時，既然未有巨額資金，我們選擇貴精不貴多 並且主力由音樂出發，目標令更多香港人細聽C AllStar的音樂 🔔故此，我們膽粗粗成立此ig，開始一個月密集式深度應援之旅 除了為偶像，也為了Fans褔祉著想，設計最靚的燈牌應援品，讓大家proud to be CAF 正所謂行出嚟嘅Fans代表偶像，想有耳目一新的感覺，我們設計了當時仍未常見的霓虹燈牌 無須等候官方借出，自己隨時擁有，任何function都自備使用，歸屬感更大 最後成品亦是贏得口碑，頒獎禮中其他歌手的歌迷見到，也跟我們友善地讚賞霓虹燈牌好靚 再加製較輕型的薄身LED款及發光匙扣，滿足不同朋友需要 宣傳音樂方面，我們先以主攻《人類世》年度大碟為中心，設計應援咭 同時宣傳較多樂迷留意的叱咤「我最喜愛歌曲」，希望更多街客票投CAS 至《我是現場》，首次舉起《留下來的人》燈牌，給觀眾、給四子一個驚喜 即使頒獎禮中未有得到「我最喜愛」，但我們仍想向香港人提醒CAS的 #年度之歌 、#年度大碟 最後有「時代紀錄者」展覽，一次過整合CAS歷年12張唱片 一次過從頭到尾回顧的力量是如此震撼，亦在艱難的疫情下給予大家連結的一絲溫暖 過千人次到場細讀，甚至吸引媒體報道為 #最強深度應援 ，成功引起關注，我們倍感安慰，無數日夜瘋狂趕工也是值得 每一個行動，我們都盡量想有其他CAF參與，是team building的考量 只有我們自己通頂好慘是沒有用的 是廣邀各位一齊落力做的感覺，可以連結大家，更有歸屬感，力量更大 多得你們每一位，我們完成了： 🔹「我最喜愛」落區拉票，抬住2米燈牌走過彌敦道，與巿民派宣傳咭，逐個介紹CAS音樂、邀請票投四子《留下來的人》 🔸製作精美霓虹燈牌、匙扣 🔹印製宣傳咭及海報，分工合作廣發到全港小店，宣傳投票、《人類世》及《集合吧》演唱會bluray 🔸完成打蛇餅的《我是現場》九展場外應援Party；首次舉起「留下來的人」大燈牌，連同其他四子tg gp個人燈牌，在九展造出燈牌銀河🌌 🔸在新城、叱咤頒獎禮高舉巨型霓虹C AllStar、「留下來的人」燈牌造勢 *特別鳴謝素未謀面、在我們彷徨沒有入場券時送上新城門票的先生太太、以及CAF送上叱吒門票一張 🔹「時代紀錄者」展覽，過千人次到場駐足細讀，引來不少傳媒報道「最強應援」。CAS不止一次親身來臨支持 🟠誰亦擁有一份舊情 在銀河默默放置🟠 越小資源，可以激發越多可能性 如果有幾萬蚊，對四子SOLO發展都能有好多更直接幫助，例如mini show、課金買書、贊助拍攝等等一百種可能 生日亦非必須「應援」的事，將資源集中宣傳音樂會否更有意義？例如Jase開show，是否可將應援資源放在協助宣傳方面？ 網上討論區亦是一大戰場 節目、MV點擊 大把嘢可以做 又，究竟應援是向外希望更多街客認識偶像，還是只求偶像注意，要大家見到tag返你，而唔係偶像？ 我們相信，喜愛四子音樂的人有好多，會願意課金支持 無人課，就要反省下係咪方法唔夠好，而唔係要求大家幫手包底 有諗法的人相信亦大有人在，爭在引唔引到佢地出嚟 並非只為R錢R人力資源 更大的願景，是希望CAF相處團結，像《我是現場》場外應援，其實是一個大型Party，大家玩個不亦樂乎。追星最緊要開心，right？ 應援的其中一種突破嘗試，我們示範一次 拋磚引玉 其他有待TG谷新朋友及官方發掘 到底大家需要怎樣的「應援」 期待見到你們的百花齊放🎉🌺🌸🌼🌷 而Assemble Project亦是時候劃上完滿句號🔄 Admin亦樂於回到自身生活，借助這些年來儲下的力量，默默在自己的生命中繼續努力 而破繭了至能遠飛 🟢人生如戲，難得偏偏遇到你🟢 這些年追C AllStar而帶來的一切，我們統統都記住 包括與四子的相處，包括這趟旅程中認識的朋友們 *我們重申，四位admin人仍在，會全力製作《從當天到今天》 無錯，Assemble一共是4位admin組成。只有四位，沒有其他。包括Maymay, 。。, seeeeahawk，Kary 一直以來Kary負責所有visual設計，聯同另外3位admin共同策劃各個活動 因工作關係，Kary選擇layback，對外公佈聯絡人為3位 我們於不同時期開始喜愛CAS，各人本不相熟，自去年底認識，目標一致，合作無間 我們會盡全力完成《從當天到今天》，不會令各位失望 「謹將想起你這件事 收於心底 寄托文字 一說起 便猶像重讀那時 日誌」 2022年7月15日 Assemble應援小隊 Maymay / 。。 / seeeeahawk / kary 謹啟 *** 以上對應援的討論，僅為admin個人意見，分析不同財力下的資源運用方法，而有財力又是否只有一種做法，值得思考 坊間已有大量理性討論現時的應援文化，在此不贅 無關網上風雨，在頒獎禮現場，我們與兩旁的其他歌手Fans有講有笑，關係友好，互相幫忙拍攝燈牌合照 🙌🏻

【只此一次】 上一個post提過，未來不會再有實體展覽，亦不會於網上發佈 過萬字的心血，沒有好好講再見 Admin們決定將將過萬字elaborate變成數萬字＋珍藏照片輯錄成書 好好記錄這12年來的一切 亦為Admin初時的狂想，希望輯錄一本實體的C AllStar百科全書 在虛擬當道的世代，我們反其道而行，只製作實體紀念冊，保存在手上的溫度 此冊不作公開發售，只屬私人珍藏用途 未知exactly幾多頁，排版、撰稿、校對、印刷，預計2022年底前完成 想睇下有無朋友有興趣都擁有一本，集資印刷，費用100%全數用在印刷排版上，精裝彩色印刷 ***留意此項並非眾籌活動，並不會有資金用作於其他應援活動上 未有具體內容，你相信就可以課金訂，唔訂亦可 #只此一次 接受預購，以便admin安排數量 按總印刷量，決定製作最精美的書冊 必定會有的items： ⁃ 12張專輯簡歷（如展覽內容之詳盡版，不受展板大小限制） ⁃ 回顧歷程，包括大小演唱會音樂會＋珍藏照片（由maymay, Kary等提供） ⁃ 投稿 尚有其他精彩內容，預計最少100頁，精裝硬皮，預計大約為A4或類近尺寸相信就訂～ 就算無人訂，admin們都會自行製作留念 現在限時開放予大家團購 只此一次 *** 定價每本 HK$450 - *** 不設面交，一律順豐到付 *** 如訂購數量越多，成本有調整空間的話，我們會選擇更精美的紙質，或隨書附送贈品。總之一口價，不會再收多錢，亦不會退款。 *** 附圖僅為模擬圖 預購即時開始，為期 7 日 至2022年7月12日 23:59 截止 【海外訂購】 ***接受香港以外地區訂購，請同樣先付 HK$450, 待印刷完成確認重量後，再按地區補回運費。 ***可提供Paypal付款，請將你Paypal email以ig dm我們，安排付款request 訂購連結：https://forms.gle/kQM3XarcEbHtqWSu7 Link in Bio #CAllStarAssemble

【應援物補購安排】 2021年尾之眾籌應援，我們有少量應援物，可予各位補購。 數量有限，亦不會加單。每人每款限補購一件。 為方便點算，3款應援物將分開3張表格，於3個時段各自開始，如你想購買多過一款，可按報名時間填表。 以下為3款應援物數量及補購連結： 1）霓虹燈牌 數量：3 價錢：HK$480 補購Link：https://forms.gle/z6dL5e5RRo1TXYxFA 補購開始時間：2022年7月5日下午3時正 2）C AllStar發光匙扣 數量：37 價錢：HK$100 補購Link：https://forms.gle/dbMTW1QSpQ8F6uWv5 補購開始時間：2022年7月5日下午6時正 3）「留下來的人」匙扣 數量：34 價錢：HK$100 補購Link：https://forms.gle/XsTvDnBaXWco7Q8J6 補購開始時間：2022年7月5日下午9時正 *** 以google form時間為準，先到先得 *** admin會以TG聯絡你們3日內付款，逾時名額將順延至下一位 *** 數量有限，報名表格將視乎補購情況關閉 領取安排： 於2022年7月31日或之前與admin於指於旺角地鐵站交收（平日放工時間） 除親自交收，匙扣亦可安排郵寄，只限順豐到付 燈牌容易破損，未能安排郵寄，請預留時間與admin親自領取。 如7月內未有領取，將轉售至waiting list下一位，不設退款。 Waiting list補上人士亦請於1星期內領取。我們不會於concert或event活動內交收。 ⚠️*** 早前已訂應援物的名單中，仍有幾位未領取 我們無法再無限期地為閣下保留應援物，早前已多次dm但未有回覆 希望於7月6日12:00前收到閣下回覆，並於7月15日或之前領取。 如逾時未收到回應或未能於7月15日前領取，我們將安排該應援物轉售予補購人士。

【#CF活動花絮】#峰之谷 TG限定 #跟峰睇 - 《星夢動物園2》 因為太耐無同fans見面，CF特登安排咗另一場「跟峰睇」，喺尋日5月28號晚同一班Fans睇戲＋影相！ CF仲親自送出限量絕密親筆簽名相！😍 咁好嘅偶像邊度搵💙 除咗一齊睇戲同影相，CF亦率先同大家分享嚟緊動向： 🎙 早前推出《難道喜歡處女座》同《心經》後，屬於CF嘅個人音樂作品錄音進行中，預計6月尾7月頭推出💽 CF預告會暫時擺低《人類世》呢個type，新歌係情歌類💞大家捕實啦！ 🧺CF將會推出自家設計品牌！服飾items喎～ 我地要包哂佢😝 🎬 8月25號 舞台劇《二人餐Table for Two》開show！CF話好開心遇到出色導演和演員組班，所以佢都好期待 我地都好期待💪🏻大家撲咗飛未？到時見！ 同場仲有好多峰心粉嘅應援品～ 好多到場嘅峰心粉都影咗相拍咗片擺上TG 「峰之谷」，未入group嘅朋友快D入去睇下啦～ CF隨時出現同你傾計😎 下次會跟峰睇咩呢？ https://www.instagram.com/p/CeJMKv_BeMT/?utm_source=ig_web_copy_link [Photo credit: TG峰之谷, @call_portraits, group photo from IFC] #CF #釗峰 #梁釗峰 #二人餐 #舞台劇

【#愛沒有不對 - On】 睇到族長520的IG post，我地諗起呢首歌。前兩日share過整個節目錄音，現特別送上《愛沒有不對》。🤍 「近日又有學生輕生。 假若真係因為性向而感到壓力或覺得自己奇怪或被欺凌，請緊記，你哋一啲問題都冇，你無病無罪亦無錯，有問題嘅係其他人同埋社會。 其他人請聽住，世界並唔係只有異性戀，你可以唔接受同性戀雙性戀跨性別戀你唔理解嘅戀情，但唔代表你可以攻擊人，而事實上人哋嘅戀情亦都唔需要你嚟接受。 近排睇Netflix，世界仍然有組織「幫人」「醫治」同性戀、雙性戀，亦有國家會視同性戀關係為犯法甚至會判處死刑，非常荒謬，有病嘅究竟係邊個？ 另外，關於傳媒，一直以嚟，愛情俾傳媒影響之下變成娛樂八卦新聞，搞到社會對別人感情生活嘅態度好錯好錯，隨便評論，不負責咁批評。 睇見人哋拍拖，搵到相愛嘅人，應該好好祝福，同戥佢哋開心，而唔係用八卦嘅心態去評論批評甚至攻擊人，唔好睇少一個嘲笑，絕對可以摧毁人嘅生命，好好諗下自己有冇份笑過人哋，社會壓力就係咁造成。 有乜諗唔開試吓接觸創作或藝術，一定一定可以幫到你，又或者可以dm我，我做你樹窿。 緊記「唔好死」。 將520送俾每個活喺社會壓力下未有能力保護自己嘅年輕人🫂 Be strong and Dance with the sunlight tgt🌞」- from ON IG https://www.instagram.com/p/CdyEAcfJ41i/ #電台錄音 #翻唱 #2000靚歌再重聚 #族長 #On仔 #陳健安

【#CFnewsclip 】《二人餐》門票 5月20日公開發售　梁釗峰+吳海昕+強尼跨界合作 音樂劇《 #二人餐 》時隔11年後將於今年8月再度演出，門票將於5月20日公開發售。 是次重演集結跨界別的全新演出陣容，當中包括實力唱將 #梁釗峰 、人氣劇《940920》女主角吳海昕，二人將於劇中飾演一對由青春走到白頭的戀人。 Source: TOPICK (hket) https://bit.ly/3lmjQpk

【#CF活動資訊 】《二人餐 Table for Two》舞台劇 🔴早前未搶夠優先訂票，或者想公售再補飛嘅峰心粉，捕實5月20日公開發售啦！🎉 經典音樂劇場 2022全新製作 三角關係Trinity Theatre《#二人餐 Table for Two》 #梁釗峰 × 吳海昕 × 強尼 跨界合作 日期：2022年8月26日至9月4日 地點：沙田大會堂 文娛廳 票價：$480（每張門票需另加$15作手續費） 5月20日 上午10時 Art-mate公開發售 購票連結：https://bit.ly/3CHmga1 「你仲有冇耐唔時諗起嗰碗叉燒瀨粉呀？」 「我...而家已經識煮飯喇。」 你有冇聽過一個傳說： 有一個人好鍾意食公仔麵，每日都食，食好多。後來，佢死咗。 醫生劏開佢個肚，發覺入邊全部都係一條條好長嘅橡筋... 原來公仔麵食落肚，係唔會消化，會一世留喺個肚入面， 就好似你曾經愛上一個人咁... 呢個，係一個關於食嘅愛情故事。 #舞台劇