She said 🌻:

‏"يا الله.. ساعدنا على الرؤية الواضحة منذ البداية، نحنُ الذين نرى الأمور بقلوبنا."

" إن النفس التي يُرهقها الانسان يعيدها الله الي الحياة ، ومن يطرده اخوته يجد الله امامه ، صلِ ، آمن ، أدخل الي الحياة ، إن الرب هناك" البؤساء فيكتور هوجو

جودة الايام هتتغير ف عينيك للافضل ، لما من جواك تقرر أنها لازم تتغير ، لما تقرر تسامح اللي فات بكل ما فيه، وتصدق انك تستاهل تعيش حياة أفضل ..

وحقيقي من اسوأ الحاجات اللي ممكن تحسس بيها انسان قريب منك ، أنه يجي يقول انا زعلت منك قوي ف الموقف دا ، او انا اتجرحت جامد ، ف يكون كل اهتمامه أنه يثبت أنه صح فيقولك ليه ؟ انا عملتلك ايه ، انا مليش دعوة معملتلكش حاجه.. بدل ما يكون هدفه الأول والاهم تطييب خاطرك وتخفيف زعلك ، نتفاهم بعدين بس الاول نحتوي المشاعر دي !

"المشاعر لا تُناقش" الحقيقة من اكتر الحاجات اللي بتسيب جروح نفسية صعبة هي إهانه المشاعر ، سواء بانكارها ، أو بالتسفيه منها ووصفها بالاوڤر ، أو يتجاهلها تماماً.. كلنا عندنا تاريخ جوانا ، وكل موقف بيضغط علي حاجة قديمة مطلعتش ف وقتها ف بدل ما بنتوجع قيراط بنتوجع ٢٤ قيراط فمش من حقك تحددلي مقدر الزعل اللي المفروض ازعله، او اتضايق عشانه، لأنك ببساطة متعرفش دا داس علي ايه جوايا.

"وحيد كصرخةٍ بلا صدى"

تهون الدنيا وجبال من التعب تبقي خفيفة ، قصاد كلمه تقدير حلوة اتقالت ف وقتها ، قصاد :شكراً حنينه , تعب ، تسلم ايدك ، قصاد اي تعبير عن الغلاوة والمحبة وتقديرك لجمال اللي قدامك وجمال وجوده : انا ممتن لوجودك ف حياتي ولكل تفصيلة حتي لو بسيطة بتقدمها .. واهم حاجة يكون التقدير يكون متبادل ، يعني مينفعش تكون انت بس الطرف اللي بيقدر طول الوقت، والطرف التاني حتي ذوقيًا مش بيقدرك ولا بيقدر مشاعرك ، لأن هنا العلاقة بتتقلب من تقدير لاستنزاف.. العلاقات الصحية الجميلة أساسها 🤍التقدير المتبادل ..