💪🏻🦅"No Zero Days"

◇ قناة عملي المالتي للدفعة اللي قبلنا : https://t.me/+cOUy45_DHAlhYzE0

الشاطرين اللي خلصو فارما ترا الهيستو تاخد لها ساعتين ونص مذاكرة بالتوفيق😊

من ٨ ل ٩ يارب الفارما تخلص 🫠❤️

امم مخلصتش فارما زي حالاتي وقاعدلك ١٥ صفحة او اكتر بس صراحة انا كنت بتمرقع 😅💔 بصو هديني ساعتين تكون الفارما خلصت 🫣🫣يارب اكون قد كلامي يارب

🟡سِـشنّ 1️⃣ Study hard pharma 🟡 2⃣0⃣0⃣:7⃣0⃣0⃣🟡 🟡خمـسـ5️⃣ساعات 😐 🟡متنسوش صلاة العصر 😇

شايفك ياللي راح منك اليوم ونص وعمال تأنب في ضميرك تقول هذاكر ايه واعمل ايه واروح فين واجي منين وحاسس بالذنب ووجع الضمير وخوفك من العملي والنظري كتير تعالى اقولك ع حاجة بس تعالى انت متخيل انك لو اتبقي ٢٤ ساعة ع الامتحان وصدقت النيه والعزم وكان ذهاب الايام ده سواء حصل غصبن عنك او برضاك حاولت انك في ال٢٤ ساعة دول ازالة جبل وصدقت نيتك لله هتزيله عادي جدا 😊 احنا بقى عندنا مش ٢٤ لاء دول ٤٨ ساعة وشوية كمان 😊 طب هتمشي الدنيا ازاي؟ ممكن قهوتك وتيجي معايا؟ هنبدأ بأول يوم هتسمع شرح الريتن لأى حد من زميلنا الكبار في مادة الاناتومي وتذاكرة عايز تذاكر اناتومي اقراءها كلها وحل الأسئلة عادي بس خلينا متفقين ان mcq عليه ٤ درجات ف اللي تحبه ☺️ انا شايف ذاكر ريتن الاناتومي وبعدها ندخل ع المهم مهم خالص خالص خالص ريتن الفارما 😊🐸 وع فكرة الفارما كلها خمسين صفحة انا لسة مجتش عندها بس حاسسها الريتن شامل اغلبها هتسمع شرح الدكتور زميلنا وتبدأ بالريتين خلصته انا هديك ريست ساعة بجد غير مهام اليوم بص افصل بيها بما تريد عايز تسمع درس ديني سريع تخليها مثلا جزء ورد قرآن وجزء استماع عايز تستمع بيها كما تريد افصل ساعة وتعالى بس ساعة بس ها؟ 😂 يلا كمل الفارما يا اشطر دكتور وحل ال mcq بعد الحل عندنا ايه؟ ترا عندنا هيستو اسمع العملي الأول ومر عينك عليه بتركيز وبعدها ذاكر النظري وال mcq كدا اول يوم خلص بسلام اه والله زي م بقولك كدا تأني يوم اللي هو ليلة الامتحان أين البارا انا لا ارها؟ ذاكر البارا بتركيز وحل mcq راجع هيستو و mcq راجع ريتن الاناتومي وmcq راجع الفارما ريتن و mcq ترا ابغى اقولك ان كل هذول م ياخدو ١٠ ساعات ايه والله ترا سكاشن البارا ٣ خدهم خلال اليوم افصل بيهم بجد😊 علشان يوم العملي نذاكر مراجعة العملي لدكتورة سالي ونمر على cases الاناتومي والريتين تأني ونراجع هيستو وبارا 😊 بس ودمتم دكاترة مزنوقين اقصد شطورين😇

في الحقيقة منقدرش نستني لحد اخر السنه علشان نشكر أصحاب القناة دي أقسم بالله من أجمل و أفضل الأفكار اللي اتنفذت من دفعتنا قناة جميله جدا جدا و بتلحقنا كل موديول بتجميعة محترمه 90٪ من الامتحان لا يخرج عنها اذا مكانش ١٠٠٪ نيابة عن الدفعة بشكر زملائنا القائمين عليها جدا جدا و اسال الله ان يوفقهم و يرزقهم الجنة و يُيَسر عليهم في الآخرة كما يسروا علينا في الدنيا

من اكتر الايام اللي مقدرتش أنساها من وأنا طالب لحد النهارده يوم امتحان الفارما نظري في سنة تالتة .. اكتر حاجة مش بحبها هي الحفظ .. مكنتش بحب المادة دي خالص وكل ما احفظ فيها حاجة انساها زي ما تحط شوية ميّة على سطح أملس فمش هيتبقى ميّة خالص. خرجت من الامتحان وانا في اشد الحزن والاكتئاب وما صدّقت دخلت البيت غسلت وشّي من تعب الطريق ودخلت صليت وقعدت ابكي وانا ساجد.. يا رب انت عالم اني عايز اجيب درجات كويسة عشان اكمّل الحلم بتاعي وابقى دكتور في الكلية دي. فضلت ساجد لفترة طويلة لدرجة اني نسيت السجدة الاولى دي ولا التانية وأي ركعة لكن عزائي ان ربنا هوا اللي كنت بصلّي له. تعدي باقي الامتحانات وانا في دماغي امتحان المادة دي اللي الشفوي بتاعها مكانش احلى من النظري ولما ظهرت النتيجة كانت واخدة في وشها كمية درجات كتيرة لكن كنت استودعت الدرجات دي كلها عند ربنا عشان يعوضني في حاجة تانية وقت تاني بحكمته. مكانتش المادة الوحيدة اللي قهرتني قبلها كان البيوكيمستري وبعدها النسا اللي كنت بحلم اتخصص فيها وما حصلش الحمد لله. بعد سنين من الامتحان دا وغيره ومع استمرار السعي وعدم اليأس والحرب عشان مكان ووظيفة بحلم بيها ربنا سبحانه منَّ عليّ من فضله وخلاني واحد من دكاترة الكلية اللي بيحاولوا يفهموا الطلاب في كل مكان وكل كلية وكل جامعة دلوقت رسالة معينة قد تصل: الحلم مشروع وممكن وبعيدًا عن خسارة كام معركة سواء خسارة صغيرة او كبيرة الا ان الحلم ممكن، وممكن كمان توصل للي انت عايزه فبلاش احباط رغم الخساير اللي بتعدي عليك وروح اغسل وشك وصلّي وادعي ربنا وطوّل في الدعاء. #خواطر_قد_تصل

الدفعه بعد ما خلصنا الاسبوع الدشمله ده ياخي فرحه لا توصف ما بالك بيوم ٢٨ 🔥🔥