3 AS | BAC

- طريقة دراسة مادة #الفلسفة 🍂.

أدري أن القرار الأخير أطفأ حماس كثير منكم . تكون موجد خطة في راسك، عارف واش راك حاب تدير وحتى بديت تتحرك… ومن بعد تلقى روحك لازم تعاود ترتب وتفهم واش تبدل وواش رجع الخ.. طبيعي تتخلطلك الأمور . لكن الشيء الذي يجب أن نفهمه هو أن التغيير في القرارات لا يعني التغيير في الهدف. البكالوريا لم تتغير. الهدف لم يتغير. وقدرتك لم تتغير. الذي تغيّر هو الطريق فقط. ومتخلوش هاد الفترة تدخلكم في دوامة يعني كل يوم تخممو واش راح يصرا، واش يكون في الباك، واش يكون في المواد… حتى تولي طاقتك كامل تروح في التفكير بدل الخدمة. وزيد حاجة متستناش حتى تكون عندك خطة واضحة باش تبدا . متستناش حتى تلقى طريقة ناجحة باش تبدأ. عادي جدا ابدأ باللي متوفر عندك، ومع الوقت راح تعرف الطريقة اللي تناسبك أكثر وتطور مستواك فيها. والأهم من هذا كامل ما تحكموش على مستواكم من الأيام الأولى. إذا لقيت روحك ضعيف في مادة، هذا ما يعنيش بلي راح تفشل فيها. إذا ما فهمتش درس من أول مرة، ما يعنيش بلي ماكاش أمل. إذا ضيعت أسبوع، ماشي معناها ضاع العام كامل. وعندكم حقيقة مهمة بزاف يمكن ما راكمش حاسبينلها حساب: علبالكم ثمانية أشهر خدمة منتظمة تقدر تبدل مستوى تلميذ كامل. مش لازم كل يوم يكون بنفس المستوى . كاين أيام راح تكون مليحة، كاين أيام راح تكون ثقيلة، وكاين أيام ما راح تقدر تدير فيها غير القليل. عادي. المهم ما يتحولش يوم سيئ إلى أسبوع، والأسبوع إلى شهر، ومن بعد تقول خلاص فاتني الحال . ما فات والو صدقني . القناة هذي راح تكون معاكم الى غاية النهاية ونحاولو بقدر ما نقدرو نوفرولكم كل واش يقدر يفيدكم في المراجعة . صحيح متعرفوش واش راح يصرى غدوة بصح تعرفو واش تقدروا تديرو اليوم . لهذا خلو هاد اللخبطة تفوت، عاودو رتبو رواحكم وابدؤوا. وربي يوفقكم كامل، وإن شاء الله تعبكم يثمر وتحققوا المعدلات اللي حابينها🩷🩷.

-

- نصائح لدراسة المـواد 🤏🏻💗.

- ملخص خاص بمراجعة المكتسبات القبلية في #اللغة_الإنجليزية 🤎 . #جميع_الشعب .

الشرح المفصل عبر اليوتيوب : https://youtu.be/pTKiwSfhrpA?si=zmIAq7mWGamIoZl4

📣 #مراجعة المكتسبات | الجزء الرابع . https://youtu.be/6RyF6zrT3Kk

بصراحة، من المؤسف أن تُتخذ قرارات تمسّ مستقبل التلاميذ ثم تُراجع قبل الدخول المدرسي بأيام قليلة. كان من المفترض أن تكون الأمور واضحة ومدروسة منذ البداية، حتى يتمكن التلاميذ من الاستعداد دون قلق أو ارتباك، خاصة أن كثيرين رتّبوا أمورهم وتخلّوا عن بعض الكتب والوثائق بناءً على القرارات السابقة. نتمنى فقط أن يكون القرار نهائيًا وواضحًا، لأننا تعبنا من الحيرة والقرارات المتغيرة في آخر لحظة.

- رسميا إلغاء القرار رقم 20 المؤرخ في 13 صفر عام 1448 الموافق 28 جويلية سنة 2026، المتضمن المواقيت والمعاملات في لمرحلة التعليم الثانوي ! وبالتالي عودة المواد المحذوفة في السنة 3 ثانوي والمعاملات كما كان عليه الحال من قبل ! .