تورکجه شعر / شعر/ شعرترکی/رمان

آناسیز، آتاسیز کؤورک اوره‌ییم، یتیم‌لر ائوینده کدر بسله‌ییر. اؤزوم‌تک آدیم دا باتیب دئیه‌سن، هرکس بیر آد ایلا منی سسله‌ییر. باخیرلار اۆزومه بۇز باخیش ایله، بیلمیرلر یاشیمدان چوخدو نیسگیلیم. یئدیگیم، ایچدیگیم زهردی منه، مینّت‌لی چؤره‌یه قیسادی دیلیم. بیلمیرم کئچمیشی، گله‌جه‌ییمی؛ هئچ دئین اولماییر هارالییام من. ائله بیل ازلدن کۇپوْنوم یانیب، فله‌یین الیندن یارالیرام من. گؤزلریم تیکیلیب یوللارا، ولی- كئشکه بیر نفر ده یوْخلویا منی! یا دا کی بیریسی توتا الیمدن، گؤستره: بو قادین دوغوبدور سنی! بو یئره گوناهسیز سۆرگون اولموشام، عدالت بایراغی اسمه‌دی بیزه. غم ایله اورکده گول بسله‌میشم، سیز آللاه گیرمه‌یین بو کردیمیزه! گلندن، گئدندن سوروشورام من: نئیه بس طالعیم بئله قارادی؟ یازیمی یازاندان گیلئی‌لنیرم، جهنّم وارسا، اوف، بورا هارادی؟! #حسن_عمیدفر @turkce_sheir

بوندان اؤنجه پاییزیدیم-خزانلیق... باخ نه باهار هاواسی‌یام ایندی من سوردوم اؤز-اؤزوم‌دن هاردادی یازلیق دئ یاشامین هاراسی‌یام ایندی من؟ آغیز آچمیش دردلریمین هر بیری دئییر اؤلمه‌میشم دیری‌یم-دیری! ای کؤنول ائویمین درگاهی- پیری، شفالارین یاراسی‌یام ایندی من یاواش-یاواش دویدوم اورک سؤزومو سؤندوردوم دؤزم‌له،حسرت کؤزومو سئویندیم، سئوندن سونرا اؤزومو اؤز دونیامین چاراسی‌یام ایندی من دونیا گؤزل اولور، گؤزل باخیش‌دا گولور حیاتیما، قار دا ، یاغیش دا... ائنینه-بویونا بو خوش ناخیش‌دا، وارلیغیمین آراسی‌یام ایندی من شیرین‌دیر بو‌ یاشام آجیلارلا بیر یاشارام قارداش‌‌لا-باجیلارلا بیر جنت‌ده سرخوشام! حاجی‌لارلا بیر، بال شرابین قوراسی‌یام ایندی من تاپشیردیم اؤزومو آن‌لار سووانا نَفَسی نَفسه قوشوب قووانا... سئل‌لر اوره‌یین‌ده سئوگی دوغانا خان چوبانین ساراسی‌یام ایندی من!... #مهدی_سربازی_علمداری @turkce_sheir

کیم آغلاییر فاغیر- فاغیر ائله‌بیل بو یاغیش دئییل قارا گوندو بئله یاغیر، بو قار دئییل بو قیش دئییل! گئجه‌نین اویاق سسی‌دیر اؤلومون آیاق سسی‌دیر آجی آغلاماق سسی‌دیر شیرین- شیرین گولوش دئییل! زنجیر اَتین کسه- کسه بیرباخ بو دیدرگین سسه شاعیردیر دلی‌دیر نَسه! آزاد اوخویان قوش دئییل! دوغرو آغلار، یالان گولر بو نغمه‌دن اود تؤکولر سیز خوش اولون آی اؤلولر بیزیم کئفیمیز خوش دئییل! #نادر_الهی @turkce_sheir

کاش بیلیدیم اوریینده نمنه دییری 🥲

سئوگی اَن شیرین نعمت همده اَن آغیر ایشدیر لیلی مجنونا قالسا کؤکوموز کسیلمیشدیر #فیکرت_قوجا @turkce_sheir

دونیامیز بو گونلر جهنم کیمی دونیامیز داراشیب اؤزونو یئییر بیر اینسان نه قَدَر اوزگون، کدرلی اؤزونه اوجادان اوخویار شئعیر؟ دونیانین ایچینده یاشاییرام من اوره‌ییم کیچیک‌دیر یومروغوم قدر من گؤی اوزو قدر ماوی دیر ایچیم ایچیمدن ساده‌جه قوش گلیب گئدر دونور گؤزلریمدن آخان نه یاش وار جیبیمده اوشویور بوم-بوش اللریم قوروموش دنیزم، ایللردیر بلکه هر شئیه حسرت دیر بوش ساحیل‌لریم دردلریم چوروموش ائولر‌ کیمی دیر آغلاییر ائویمین تورپاغی داشی من نه یاشامیشام؟ نئچه یاشیم وار؟ اؤزومدن بؤیوکدور یارامین یاشی! دری‌دن سومویه بورویوب منی دردیم بیراز قاتی، اؤزوم یوموشاق آردانی ایللردیر تانیییرام من کیچیک بیر شاعیردیر، بؤیوک بیر اوشاق اوتوز بیر یاشیندا بیر اوشاغام کی دونیاسی بلکه‌ده، نئچه خط شئعیر بو گون آد گونومدور، ائله بو گوندن دونیامیز داراشیب اؤزونو یئییر! #آردا_خانی @turkce_sheir

گلن بیردیر، گئدن بیردیر، قالان بیر، گلن قالماز، گئدن گلمز، عجب سرّ. بیر اوّل وار، بیر آخیر وار، دئییرلر، بو بیر سؤزدور، نه اوّل وار، نه آخیر... #میرزا_مهدی_شکوهی @turkce_sheir

❤️

چیچک‌لرین رنگین یالار کپه‌نک هر چیچک‌دن بیر رنگ آلار کپه‌نک گؤزل اولار گؤیچک اولار کپه‌نک اؤزو ده بیر چیچک اولار کپه‌نک قانادیندا گیرده-گیرده خالی وار قاراسی وار، ساریسی وار، آلی وار او هر یئردن باغچا-باغی چوخ سئور اوشاقلارلا اویناماغی چوخ سئور اوچار-اوچار دوز چاتاندا یول اوسته گلیب قونار چیچک‌لی بیر گول اوسته قانادلارین گاه اوجالدار، گاه یایار گول اوستونده بیر چیچه‌یه اوخشایار بیر اوشاق دا اونو گؤروب سئوینر گئدر توتسون قلبی گوپ-گوپ دؤیونر بارماغی‌نین دوز اوجوندان قالخار او اوشاغی دا یاندیرار او، یاخار او تؤشر-تؤشر الی اوزاناق قالار دوروب اونون دالیسینجا یالوارار گئتمه، گئتمه آی قانادلی چیچه‌ییم کوسمه مندن منیم گؤزل گؤیچه‌ییم قورخورام کی، اودو ایشیق ساناسان گئدیب، گیریب اود ایچینده یاناسان شاملار آغلار سنه، تؤکر گؤز یاشی من ده یاننام، شاملار ایله یاناشی آیاقلارین ایپک‌دن‌دیر کپه‌نک قانادلارین چیچک‌دن‌دیر کپه‌نک کاش کی سنی بیرجه دفعه توتایدیم گیرده-گیرده خاللاریندان اؤپه‌یدیم یالواریرام یولون دوشسه تبریزه بیرآخشام دا یئنه قوناق گل بیزه #حبیب_فرشباف @turkce_sheir

سئحیرلی گوجو وار بیر پارا دردین الوان دون گئیینمیش بو قارا دردین... چکمه‌یینه نوار آشکارا دردین ! دیله گلمه‌مزدن آدسیزدی بو درد. درد وار تانیشا یاد، درد وار یادا یاد درد وار درد ایچینده ساغالتماز هئچ زاد گلین کؤچوب بیر ائو دوغسا دا ائولاد قولاغی ائشیدن لال قیزدی بو درد. بیری یوخ الیندن توتا اوینادا... بیری یوخ آجیسین، شیرینین دادا بیری وار تانری تک سرّ وئرمز یادا داش باغرینا باسمیش یالقیزدی بو درد سئوه- سئوه دردی، درددن اؤلنده گیزلینده آغلاییب، آشکار گولنده بئله بیر حال‌لاری، دردسیز بیلنده! دئمه‌سَیْدی کئشکه عارسیزدی بو درد... #حکیمه_باباکشی‌زاده @turkce_sheir

گئجه بیرین یاریسی‌دیر، نه دونن‌دیر، نه صاباح. ایکی گونون آراسیندا جانیم سیخیلیر، آلله. اولدوزلاردان یوخاریسان، قورخورام ییخیلاسان. سن ده بیر آز یوخولوسان، من ده یوخولو آلله. دوشوب ائو-ائو، کوچه- کوچه، دونیانی گزیر اجل. بوتون اؤلن‌لر بو گئجه، سندن چیخیلیر آلله. دوغولان سنه وورولور، سن وئرن دینه وورولور، بیر اولان مینه وورولور، بنده‌ن چوخالیر آلله. نه قدَر کی، گؤی اوزو وار، گؤیده هامی‌نین گؤزو وار، سن ده باخ، بلکه نَسه وار؟ سندن یوخاری، آلله! #رامیز_روشن @turkce_sheir

چوخدان ایدی گؤزله‌ییردیم بو گونو، من بیلیردیم بونو- بئله اولاجاق. بو ساحلسیز محبّتین سئوگی‌نین، بیلیردیم کی، سونو بئله اولاجاق. من بیلیردیم قورخولودور بؤیوک عشق، بونو سنه دؤنه-دؤنه دئمیشدیم. او ترسینه دؤنه بیلر، تئز یا گئج، دؤنه بیلر بعضاً کینه دئمیشدیم. چوخدور اونون، تردّودو، گومانی، قیسقانجلیق‌دیر برابری، ائکیزی. بعضاً اولور قارا رنگه بویانیر، توتولاندا غضبیندن گون اؤزو. من گؤرموشدوم، من بیلیردیم، بیلیردیم بدبخت اولور انسان قلباً سئونده. سن بو آجی حقیقته گولوردون، منمی دؤزَم، سنمی دؤزسَن دئ ایندی. گؤستر منه سئویب خوشبخت اولانی، سئویب بدبخت اولانلارسا نه قدر. چوخ مجنونلار اولدو عشقین قوربانی، کوله دؤندو گؤر نه قَدَر لئیلی‌لر. محبتین بیر صفتی اینامدیر، او بیریسی حسرت، عذاب، درد، کدر. بیر گون اولدو آزیب قالدیق دوماندا، ناگاه کسدی یولوموزو شوبهه‌لر. اولدوق دئدی-قودولارین گولونجو، آرامیزا گیردی ابلیس آیریلیق. محبّتین کین اووخارلی قیلینجی، بیرده گؤردوک اؤز قینیندان سییریلیب. بیرده گؤردوک اوچورومدور، ایره‌لی، اومود، اینام گؤردوک بیزدن ال اوزوب. هئچ نه گؤرمور محبتین گؤزلری، گؤروننده یامان اوزو، سرت اوزو. چوخدان ایدی گؤزله‌ییردیم بو گونو، من بیلیردیم بونو، بئله اولاجاق. بو ساحلسیز محبتین، سئوگی‌نین بیلیردیم کی سونو بئله اولاجاق. #جابر_نوروز @turkce_sheir

سس‌سیزلیک‌دن، قولاق‌لاریم دیش آلتیندا، دوداق‌لاریم یومروغومدا، بارماق‌لاریم بیلَکده، ساعات سیخیلیر ثانیه‌لر قالیر ایله جیبیمده پارتلاییر، چیله گؤزومده گؤینه‌ییر گیله ایچیم، قات با قات سیخیلیر سوکوت زنجیرین، قیریرام وولکان- وولکان، فیشقیریرام نه گوجوم وار، قیشقیریرام دیلیمده، هیهات سیخیلیر ذلّت دونور کوره‌ییمده قیش، یاز اولور، بیله‌ییمده منیم، بوزلو اوره‌ییمده بوتون کاینات، سیخیلیر. #سئور_شهابى @turkce_sheir

سس‌سیزلیک‌دن، قولاق‌لاریم دیش آلتیندا، دوداق‌لاریم یومروغومدا، بارماق‌لاریم بیلَکده، ساعات سیخیلیر ثانیه‌لر قالیر ایله جیبیمده پارتلاییر، چیله گؤزومده گؤینه‌ییر گیله ایچیم، قات با قات سیخیلیر سوکوت زنجیرین، قیریرام وولکان- وولکان، فیشقیریرام نه گوجوم وار، قیشقیریرام دیلیمده، هیهات سیخیلیر ذلّت دونور کوره‌ییمده قیش، یاز اولور، بیله‌ییمده منیم، بوزلو اوره‌ییمده بوتون کاینات، سیخیلیر. #سئور_شهابى @turkce_sheir

تورپاغیم اوستونه کؤلگه‌لر سالان، منیم وارلیغیمین جیلاسی بایراق! ظفردن دوغولموش، گؤی‌تورکدن قالان، قورد باشلی بایراغین بالاسی بایراق! اوچ رنگلی بایراغین کؤلگه‌سینده من، قاراجا تورپاغی وطن گؤرموشم. ظفر گول‌لرینی دؤرِ قدیمدن، بایراق ایشیغیندا بیتن گؤرموشم. بایراق منلیگیم‌دیر، بایراق کیملیگیم، بایراق اؤز یوردوما اؤز حاکیملیگیم. هاردا اجدادیمین آیاق ایزی وار، بو ظفر بایراغیم اوردا دیکلسین! کئچدیگی یئرلرده داغلار، یاماجلار، اونون حضورونا سالاما گلسین! تاریخدن قدیم‌دیر، زاماندان قوجا، منیم بایراغیما سانجیلان هلال. عالمه نور ساچدی تاریخ بویونجا، معبدلر باشینا تاج اولان هلال. دائم اوجالاسان! ساواش گونونده! عسگر سلاحی‌یلا سنی تَن گؤروم! یالنیز ظفر چالمیش شهید اؤنونده، سنی آلقیش اوچون اَییلَن گؤروم...! #بختیار_وهابزاده @turkce_sheir

بئینیمیزده یالان یاتیب شیرین‌لییه آجی قاتیب یئر یالانین گویه ساتیپ یالان‌لاری نئجه یوزاق گوی آغریسی، یئر آغریسی وار ایچینده هر آغریسی گئجه‌نین سحر آغریسی بو آغری‌یا چتین دؤزک. انسان‌لاری چکیر دارا خبر چاتمیر آلله‌لارا انسان هارا، گوی‌لر هارا آلله بیزه گؤی‌دن اوزاق گورن آلله یئرینده‌دیر؟ نه دینده‌دیر؟ نه گونده‌دیر؟ بلکه ده اوُز کئفینده‌دیر بنده‌لره هر نه یاساق! #بختیار_نظامی @turkce_sheir

بو رنگ به رنگ آرخالیق لار قدیم کورکون یئرین وئرمز بو باشلارا کئچن پاپاق او یون بؤرکون یئرین وئرمز. تاریخده قالمیش یادیگار مین-مین قالا،مین -مین حاسار آمما قوی دئییم ارکیم وار بونلار ارکین یئرین وئرمز. بیزه باخان انسان اولسا یئری وار باغری قان اولسا سیناغا بیر مئیدان اولسا هئچ دیل تورکون یئرین وئرمز. #نادر_الهی @turkce_sheir

یارا سیزلار نه بولر یارا سیز لار یانی نمنه 🖤🖤

سرمربی مصر (نقدرتانیش دی )