🌺 قناه علمتني أمى 🌺

💡معلومة،،، عشان إللي بيحتاجوا يتابعوا بنظام من الأول: ١-#العيال_والصلاة ٢-#العيال_ورمضان ٣-#العيال_والقرآن هتكون أبرز مواضيع النشر تباعا إن شاء الله الفترة الحالية قبل رمضان.. على هيئة ملفات #بي_دي_إف و #بطاقات و #منشورات .. 📝#إضافة_للروابط_أول_بأول_لحد_ما_تكمل_بإذن_الله #العيال_ورمضان 1 https://m.facebook.com/story.php?story_fbid=3392840987648864&id=100007689874839&mibextid=Nif5oz #العيال_ورمضان 2 https://m.facebook.com/story.php?story_fbid=3392840987648864&id=100007689874839&mibextid=Nif5oz #العيال_ورمضان 3 https://m.facebook.com/story.php?story_fbid=3393716180894678&id=100007689874839&mibextid=Nif5oz ...يتبع بإذن الله... #أسماءمحمدلبيب أمةالله-عفا الله عنها

🌙8-الأطفال الصغار الصايمين (من 7-10)، نخفف لهم وِرد القرآن ساعات.. كنت ساعات لما أحس إن بلال تعبان أو عطشان أقول له: ورد القرآن اليوم هيبقى (ثلث القرآن) فقط..! كان بيفهم ويفرح جدا طبعا، لإن كده هيسمَّع عليا فقط أسهل وأقصر سورة في القرآن وفي نفس الوقت من أعظم السور في الثواب: سورة الإخلاص... 🌙9-نشغل في البيت قبل المغرب عن طريق أي جهاز متاح منوعات من الآتي: 🌾القرآن بصوت شيوخ مميزين من التراث الإسلامي الأصيل قدر الإمكان.. يكون صوت فيه عبق إسلامي رصين وسكينة وهدوء وتنغيم طبيعي مميز وخاشع، ومرتل مش سريع، زي المصحف المرتل لشيوخنا الكبار: المنشاوي، الحصري، عبد الصمد، مصطفى إسماعيل، محمد رفعت، طوبار....إلخ 🎙و دي من أجمل المقطوعات وأقربها إلى القلب والذاكريات: https://www.youtube.com/watch?v=-3ZOlm6QuBQ (وفي التعليقات نماذج أخرى) 🌾أو ابتهالات بنفس النظام، في حالة إننا مثلا خلصنا أورادنا وبنجهز للفطار وفيه دوشة تمنع من تشغيل القرآن... ممكن ابتهالات الشيخ طوبار/ النقشبندي....إلخ، له ابتهال "أغيب وذو اللطائف لا يغيب" بصوته جميل.. ابحثوا باسمه عن ابتهالات واختاروا.. 🎙و دي من أجمل المقطوعات وأشهرها: https://www.youtube.com/watch?v=3c24piDJs5E (في التعليقات نماذج) 🌙10-وقت أذان المغرب ممكن أحيانا نشغل الأذان من خلال أي جهاز متاح، بصوت مشاهير مشايخنا القدامى بردو.. ويا سلام لو معاه الجملة المشهورة "مدفع الإفطااااار.. اضرب" (والمدفع مش بدعة-الفتوى في التعليقات).. 🎙وأذان الشيخ محمد رفعت طبعا أشهرهم وأقربهم للقلوب: https://www.youtube.com/watch?v=tFwVP_TMXHw&t=8s 🎙ومقطع آخر بجملة "مدفع الإفطار اضرب": https://www.youtube.com/watch?v=tFwVP_TMXHw&t=8s 🌙11- نجتهد إننا نعمل صنف حلويات خفيف وسهل وصحي ومش مكلف، ولو مرة-مرتين في الأسبوع.. بالكتير.. مش لازم أبدا كل يوم.. 🌙12-آخر يومين في رمضان، نخلي الأولاد الصغار يشاركوا معانا في النهار في تعبئة شنط زكاة الفطر الحبوب (من خلال توفير جاروف مناسب لهم أو مكيال وأكياس كبيرة ونعلمهم كل كيس يبقى فيه كام مكيال من آني شوال حبوب، وإزاي نربط الكيس بعدها كويس....إلخ).. ويشاركوا في توزيعها كمان على البيوت... 🌙13-كنت بجهز لأطفال العيلة وهما صغار، شنط قماشية صغيرة (أورجانزا شفافة ملونة)، من اللي أد كف الإيد دي وبتتباع بالجملة بسعر معقول.. كنت بحط فيها: لعبة صغيرة (مثلا توك للبنات/ عربيات صغيرة أوي للصبيان/ زمارة/ بالونات للنفخ....إلخ) + شوكولاتة + بونبوني + عملات معدنية + لبان... 💰زي #صرة_الدنيانير بتاعة زمان كده💰 وباخدهم في شنطة معايا عند الأقارب والزيارات وأبقى عاملة حسابي في العدد.. وساعات أدي الأطفال اللي بيزورونا.. وإللي بيتبقى بشيله للعيد اللي بعده.. دي أفكار من اللي فاكراه دلوقتي.. ولو افتكرت حاجة كمان هزودها إن شاء الله.. وقولوا لنا اقتراحاتكم.. بشرط نفرح ((بطاعة الله)) بما لا يخالف ((طاعة الله)).. جاري تصميمه على هيئة بي.دي_إف بإذن الله وبطاقات.. #أفكار_لصنع #ذكريات_رمضان_مبهجة_لأولادنا #العيال_ورمضان 4 #أسماءمحمدلبيب أمةالله-عفا الله عنها

جيل أولادنا الحالي، محروم من أمور كتير كنا بنعتبرها من #أجمل_ذكريات_رمضان.. مش بتكلم عن الذكريات إللي فيها معاصي طبعا، لكن ذكرياتنا المشتركة الجميلة زي: صوت إذاعة القرآن قبل المغرب/ الابتهالات/ براعم الإيمان/ اللعب بالفوانيس مع صحابنا/ الزِينة في كل مكان/ الحلويات وريحتها المميزة/ السحور ولمتنا عليه/ المسحراتي.....إلخ ورغم إن زماننا مختلف عن زمانهم، لكن نقدر بإذن الله بأفكار بسيطة ((قديمة)) و ((جديدة))، نصنع لهم ذكريات رمضانية خاصة تضاعف حنينهم وشوقهم لرمضان سنة ورا سنة كإنه شجرة طيبة بتكبر جواهم، لحد ما يكبروا وقلبهم يبقى اتشرب روح العبادة الحقيقية وحب رمضان تلقائيا ويبقى مرتبط عندهم بذكريات سعيدة.. 💎نبدأ ونقول بالإضافة للأفكار الإيمانية في المقالات السابقة، أفكار أخرى لصنع بهجة إضافية للشهر في قلوب الصغار والناشئة (أقل من 10-12 سنة مثلا).. 💎وأي حاجة من الأفكار دي هيكون فيها سخاء يد وكرم وبذل، كنت بعملها وأنا بقول للولاد كل مرة: [[النبي ﷺ أكتر وقت كان بيبقى كريم جدا فيه يا ولاد هو رمضان.... أجود ما يكون = في رمضان.. كالريح المرسلة.. عشان ده شهر القرآن ومراجعته مع سيدنا جبريل كل ليلة.. يعني من حبه وفرحته بالقرآن وشهر القرآن ولقاء الملك الكريم جبريل الموكل بوحي القرآن = كان ﷺ بيكون أكرم وأجود وأكثر عطاءً وأعظم نفعًا للخلق من الريح المرسلة إللي ربنا بيرسلها بالغيث والرحمة.. (من شرح الدرر للحديث-صحيح البخاري).. وإحنا كمان يا ولاد عاوزين نقتدي بالنبي ﷺ في كرمه في شهر الخير]] 🌙1-في رمضان بجهز شنطة فيها: بونبوني متفرط + لبان + عملات معدنية كتير + وممكن نزود ورقات ملونة مطوية مكتوب فيها أحاديث قصيرة/ عبارات تحفيزية/ جمل قصيرة فيها تشجيع على العبادات والقيم والبر....إلخ (المهم بعيد عن الآيات القرآنية).. وبعد الصلاة، لما بخرج بستنى بلال بييجي مع أصحابه الصغار وبعض من أطفال الجيران بعد ما خلصوا صلاة يسلموا عليا، فبستقبلهم بالشنطة دي، بفتحها وأقول لكل الأطفال: كل واحد فيكم يغرف كبشة أد ما كف إيده يقدر يشيل.. وأكرر لهم: أجود ما يكون إيه..؟؟ فيكملوا: في رمضان.. (بعد ما حفظتها لهم). بقوا يستنوني بعد الصلاة ويعرفوني من بعيد من وسط المنتقبات كلهم بشنطة الحلويات دي سبحان الله، ويجيبوا أطفال غيرهم.. 🌙2-بنشتري زينة رمضان إللي بأنوار ملونة، ونعلقها فوق أعمدة الستاير -أعلى شبابيك الغرف- ونشغلها وإحنا في البيت طول ما إحنا صاحيين فقط، ونطفي الأنوار العالية في البيت عشان الزينة تعمل جو جميل وواضح.. وكمان بنجيب فانوس رمضان بسعر معقول وألوان وأنوار مبهجة -ويكون بدون موسيقى وأصوات نشاز ولا أغاني أجنبية أو سوقية.. المهم: لا حرج في الزينة والفوانيس الرمضانية، ماهياش بدعة، بشرط: عدم الإسراف فيها/ وما يكونش فيها رسوم ذوات أرواح/ وما نعتقدش إنها عبادة.. (الفتوى في التعليقات) 🌙3- بنشغل أناشيد رمضان قبل الشهر بكام يوم وأثناؤه، بدون موسيقى طبعا ولا أكابيلا ولا غيرها.. وأرشح لكم أحلى نشيد بنحبه وعليه إجماع عندنا ما بنزهقش منه كل سنة: "هل هلالك"، ونشيد "حالو يا حالو".. الرابط هنا: https://t.me/hamzasalman/47 https://t.me/hamzasalman/48 🌙4- بنجهز قصص أو كرتون منضبط يحببهم في الشهر الكريم والأخلاق والقيم.. *أرشح لكم كرتون ((حكايات الفوانيس)) المعروف، لكن بدون موسيقى/ بدون إيقاع – 30 حلقة.. *وأرشح لكم قصة فانوس ملك (تأليف حنان محمود لاشين (إحدي قصص مجموعتها القصصية المميزة للأطفال "قطار الجنة")، وتقدروا تشغلوها في البيت بصوت فتاي الحبيب بلال بارك الله فيه.. الرابط هنا: https://t.me/hamzasalman/312 https://t.me/hamzasalman/330 🌙5- من قبل الشهر بيوم مثلا، بنعلق لوحة الصائم المبهجة (بنبقى محتفظين بأغراضها من السنة اللي قبلها فيادوب بنعلقها.. تفاصيلها في مقالة #العيال_و_رمضان 1) 🌙6-نحرص إن كلنا نتجمع في وقت واحد على السحور، ونصحيهم للسحور قبل الفجر بساعة مثلا بالكتير عشان نلحق بعد الأكل والشرب نطفي نور البيت كله ونقعد سوا شوية قبل أذان الفجر جنب الشباك/ البلكونة نشرب المية مع نسمة الفجر الوليدة، نستغفر في انتظار بدء الأذان.. 🌙7-أيام الكو-ر-ونا، لما كنا بنصلي تراويح في البيت، كنت ببقى مجهزة بين الركعات صينية عليها ترموس شاي، وأطباق خفيفة.. مثلا: تمر/ مكسرات/ بسكوت/ تفاح متقطع شرايح/ عنب/ شرايح جبنة رومي.. كانوا بيستنوها بلهفة ودايما يسألوا عليها قبل الصلاة.. وبما إن بفضل الله بقينا نصلي في المسجد: فممكن لما ترجعوا تجهزي الصينية دي على طول، وتبقى أزأزة خفيفة ومبهجة وسريعة قبل النوم..

حاجات أساسية لازم تكون في يوم أولادك : - الصلاة على وقتها - وِرد القرآن بتاعهم النهاردة عندنا درس مهم فهنسيب وِرد القرآن ؟ _ لا منسيبهوش . الجو ساقعة مش قادرين يقوموا للفجر ؟ _ يقوموا للفجر و بعدين يناموا و ميروحوش المدرسة النهارده . التمرين مُتعارض مع حلقة القرآن ؟ _ نظبط المواعيد قدر الإمكان ، لكن ما نتنازل عن القرآن . مفيش وقت نجيب كل الأذكار ؟ _ هات بقدر المستطاع ، لكن متغفلش عن الأذكار كاملة . #سدرة #علم_طفلك_درر_الدين

😢من واقع نعيشه مخفيف ومؤلم 🚨 انتبهوا كل راع مسؤؤؤل👇👇اضغط ع الولد والبنت عشان يذاكروا كويس وعشان ياكلوا كويس وعشان يمارسوا رياضة وعشان يناموا بدري وعلشان مايقعدوش ع الكمبيوتر والموبايل اكتر من اللازم اضغط عليهم عشان مصلحتهم وعلشان هم لسه مش عارفين مصلحتهم وانت دورك توجههم وتحميهم من نفسهم حتى لو اضطريت للشدة احيانا اضغط عليه علشان تحس إنك أديت الأمانة وعملت اللي عليك وأديت رسالتك في الحياة لكن إوعى تضغط عليه في الصلاة ولا تضغط عليها في الحجاب وسيبهم لما يقتنعوا سيب بنتك تمشي بشعرها او تلبس ضيق وتحط مكياج وسيب ابنك تارك للصلاة لحد ما يقتنع ويصلي ولحد ما تقتنع وتتحجب إوعى لو قرر ما يذاكرش او ما يتعلمش تستسلم لرغباته وإلا تبقى سلبي وفرطت في الأمانة صحيه من عز النوم وفي عز البرد علشان يروح المدرسة او علشان يذاكر خصوصا ايام الامتحانات وشجعه وحفزه وقوله نتعب دلوقت علشان نرتاح قدام لكن ساعة اذان الفجر سيبه نايم علشان صعبان عليك ومش هاين عليك تصحيه البيوت الساعة الخامسة صباحا بتكون في حالة صمت تام وبعد ساعة بتدب فيها الحياة علشان معاد باص المدرسة قرب ودا فارق كاشف وفاضح ومؤلم الولد والبنت ماينفعش تقف تتفرج عليهم وهم بيضيعوا مستقبلهم في الدنيا ،، انما يضيعوا مستقبلهم في الآخرة عادي مَا لَكُمْ لا تَرْجُونَ لِلَّهِ وَقَارًا لاحول ولا قوة الا بالله العلي العظيم

اكثروا من الدعاء والصلاة على النبي صلى الله عليه وسلم في يوم الجمعة ولا تنسوا الدعاء في ساعة الاستجابة 💞 يوم الجمعة اجعلوه مميز عندكم يوم الجمعة العيد الثالث للمسلمين ايوه والله يوم الجمعة هو عيد لنا لازم نخليه يوم مليان سعادة ودعاء وفرح قضوا اليوم مع عائلتكم وافصلوا النت وعيشوا يوم الجمعة كأنه يوم عيد فعلا واي حاجه مكنتوش عارفين تعملوها طول الاسبوع اعملوها يوم الجمعه يوم الجمعة هو يوم تحقيق الامنيات اه والله لان فيه ساعة الاستجابة اي دعاء نفسك فيه ادعيه في الوقت ده وان شاء الله ربي سيستجيب لك ذكروا بعض فيه بالصلاة على النبي وقولوا فيه الاذكار مع بعض وما تنسوا سورة الكهف 🌸 ربي يسعدك قلوبكم جميعا ويبارك فيكم ويجمعنا جميعا في الفردوس الأعلى من الجنة يارب العالمين 🌸 # إبنة_أبيها_وأمها

#لقطة 40 📸 ..التربية بالفَجْر.. 📸 🕌 علمي ابنك إن الفجر حياة أو موت.. 🕌 وإنه ممكن ما يروحش المدرسة، بس مش ممكن ما يصليش الفجر = مش العكس☝️.. 🕌 علميه إن مستقبله الدائم = أهم من مستقبله الزائل... وإن مجرد ركعتين النافلة فقط بتوع الفجر خير من الدنيا وما فيها☝️.. 🕌 علميه إن أول حاجة يحطها في خطة "عمل اليوم" وييسر لها أسباب النجاح بإيديه وسنانه = "صلاة الفجر"☝️.. 🕌 علميه إن صلاة الفجر مش أيام الدراسة بس عشان بنصحى كدة كدة بدري "نلحق أتوبيس المدرسة"🚌🏃‍♂️، ولا وقت الامتحانات بس عشان ربنا يوفقنا ويعديها على خير🤢☠️.. ولا وقت رمضان بس عشان بنسهر كدة كدة خوفا على فوات السحور🥗🍕 وما أدراك ما فوات السحور 😐.. 🕌 لأ 🤚.. علميه إن صلاة الفجر هدف ثابت و "تارجت" واضح🎯، في الدراسة والأجازة والامتحانات والصحة والمرض والراحة والتعب ورمضان وكل الشهور... {إِنَّ قُرْآنَ الفَجْرِ كاَنَ مَشْهُودًا}☝️ 🕌 علميه إنه يصلي الفجر حتى لو عيان أو بردان أو تعبان.. مانتي بتوديه المدرسة لو عيان أو بردان أو تعبان بالذات لو فيه امتحان🤔.. طب وامتحان الفجر🙄...؟ عادي يسقط فيه كل يوم كدة....😐؟ عادي يتعود إنه يبدأ يومه بمعصية كدة 😐؟ 🕌 علميه إنه لو في صلاة الفجر هيلاقي ألف جنيه أو لعبة غالية هدية🤑 = هيقوم مهما كان هلكان من التعب، حتى لو هيزحف على بطنه مش هيفوتها 🙄.. {...بَلْ ((تُؤْثِرُونَ)) الْحَيَاةَ الدُّنْيَا.. وَالْآخِرَةُ ((خَيْرٌ)) وَ((أَبْقَىٰ))...}..☝️.. 🕌 علميه إن ((كنوز الفجر)) أولَى بالتضحية والزحف وتذليل الصعاب وبذل كل غالي.. 🤚ربنا -عز وجل- إللي قال كدة على لسان نبيه ﷺ، إن الإنسان لو يعرف حجم الخيرات إللي في صلاة الفجر = لقام إليها ولو زحفًا: "لو يعلمون ما في العتمة -العشاء- والصبح = لأتوهما ولو حَبوًا"👌.. 🕌 علميه {...وَالصُّبْحِ إِذَا تَنَفَّس...}.. قوليله يقوم يجيب قلبه يتنفس بالسجود، ويجرجر روحه تاخد لها نَفَس مع أول أنفاس للطبيعة المسلمة كل يوم، لعل وعسى النفس تطهر من قسوتها وتفيق من غفلتها وتنتعش حُجرات القلب بالنقاء والطهر والإيمان.. 🕌 وانتي بتقوّميه للفجر = فكريه بالكلام دة.. 🕌 وقوليله: دة هي دقايق وهترجع تاني للسرير قرير القلب والعين والصحيفة.. 🕌 وقوليله السرير موجود مش هيطير، لكن الفجر هيطير، ولو فجر طار = عمرك ما هتعرف ترجعه تاني ليوم القيامة💔☝️.. 🕌 وعلميه ينام بدري -صيف شتا- عشان يعرف يقوم للفجر.. وفهميه إنه لو ما صحيش معاكي للفجر هتخليه تاني يوم ينام بدري أكتر لإن دة معناه إنه ما كانش نايم كفاية.. هتلاقيه بيصحى معاكي بسهولة إن شاء الله🏃‍♂️😀.. ولو عصلج = فكريه بكدة هيفوق ما تقلقيش.. 👈 وفهميه إن النوم بدري دة هو السنة النبوية أصلا والأمر مالوش علاقة بإن الأطفال بتنام بدري، لأ النبي نفسه ﷺ كان بينام بدري.. وطبعا مواعيد الصيف بتفرق عن الشتا، بنتكلم عن قاعدة عامة: "النوم بدري عشان الفجر ما يفوتناش☝️" 🕌 ومن سن سبع سنين علميه يصلي الفجر في المسجد مع باباه كل ما ينفع.. ولما يبلغ ١٠ سنين خليه ما يفوتش نزول الفجر في المسجد.. |🕌 ولو دة مش متاح لأي سبب = اتفقي مع أي جار صالح عندكم في العمارة يكون أهل ثقة وإيمان ومن معارفكم وبيصلي في المسجد بانتظام = اطلبي من زوجته تخليه يعدي ياخد ابنك يصلي معاه الفجر ويرجعه.. على إيه دة كله يا أسماء🙄😳!!؟؟ 👈 أفكرك: "لو علموا ما فيها من خير لأتوها ولو حبوًا"..👌 🕌 ولو مفيش حد غيرك يوديه وتقدري على دة = انزلي وديه الفجر بنفسك واحتسبي أجر تربية الرجال.. زي ما والدة الإمام أحمد وهو صغير ويتيم الأب كانت بتاخده الفجر يصلي في المسجد من وهو عنده ١٠ سنين.. 🚫 طبعا دة لو عناصر الأمان متوفرة عندك في مجتمعك وتأمني على نفسك في النزول في الوقت دة والمسجد جنب بيتكم.. والدة الإمام أحمد كانت في مجتمع بيعرف حدود الله و بيصون النساء وبيحترم المنتقبات و بيعمر المساجد.. ☝️المهم شوفي تقدري على إيه = واعمليه = واحتسبي الجهد والحرص.. 👈ووازني الأمر بميزان الشرع والممكن والواقع والتكليف حسب المرحلة العمرية.. ⭐️"بَشِّرِ المشائين في الظُلَم إلى المساجد = بالنور التام يوم القيامة"👌⭐️ 🕌 ولما تلاقي نفسِك مكسلة تقوِّميه = قولي لنفسك: {...وَأْمُرْ أَهْلَكَ بِالصَّلَاةِ وَ((اصْطَبِرْ)) عَلَيْهَا ...}.. 🕌 ولما تلاقي نفسك قلقانة عليهم من البرد أو صعوبة الرجوع في النوم = قولي لنفسك {... لَا نَسْأَلُكَ رِزْقًا.. ((نَّحْنُ نَرْزُقُكَ)).. وَالْعَاقِبَةُ لِلتَّقْوَى... } 👈👈 النوم رزق، والدفء رزق، والرجولة رزق، والعيال الصالحة رزق.. 👈👈 و ربك قال ما نقلقش على الرزق... دة بيرزق الكافر إللي بيجحد نعمته كلها وبيجحده هو ذاته عز وجل..! ما بالك برزق المؤمن؟ ☝️بشرط: نكون متوكلين على الرزاق مُتعبدين له بإخلاص في القَصد ويقين في الرزق، كتوكل الطير: تغدو خِماصا وتروحُ بِطانا.. 🍂---يتبع---

ستكون المحاضرات مباشرة هناعلى هذا الجروب في التليجرام كل يوم أحد وأربعاء الساعة السابعة مساء بتوقيت القاهرة إن شاء اللهوستنزل الحلقات المسجلة عليه أيضاً وهذا هو رابط التليجرام فانشروا تؤجروا والدال على الخير كفاعله https://t.me/+w7BcVx_HardkMTI0