Кинопуб

Молчи в тряпочку (Keeping Mum, 2005) #комедия #криминал #фильм IMDb: 6.8/10 Кинопоиск: 7.1/10 Кинопуб: 8.0/10 Англиядаги кичик бир шаҳарчада руҳоний бўлиб ишлайдиган Уолтер ўз оиласига вақт ажратмай қўйиши натижасида муаммолар келиб чиқа бошлайди. Руҳонийнинг уйига келган хизматкор эса унинг муаммоларини ечишда ёрдам бера бошлайди. Бироқ у муаммоларни озгина "криминалроқ" усулда ечишга киришади. Масалан, сиздан кимдир "кинолардаги британча юмор ёки қора юмор қанақа бўлади?" деб сўраса ҳеч иккиланишсиз ушбу фильмни кўрсатинг. Шубҳасиз бу фильм ғирт британча услубда суратга олинган. Фильмдаги актёрлардан тортиб ҳар бир сарказмли диалогларгача сиз Британияни хидини сезиб турасиз. Фильмнинг касти унинг асосий ютуғи эканлигига шубҳа йўқ, Мэгги Смитнинг супер ижроси сиз учун уни Гарри Поттер франшизасидаги профессор Макгонагалл образидан бемалол олиб чиқиб кета олади ва бу ажойиб натижа. Сюжетда барчаси тушурарли, уни таҳминан қандай якунланишини топиб олиш учун унчалик ҳам зукко бўлиш шарт эмас деб ўйлаганингизда сиз фильмнинг қора юмор йўналишида суратга олинганини унутиб қўйган бўласиз. #тақриз @kinopub_uz

Ҳозирги пайтда қўрқинчли кинолар ҳам унчалик қўрқинчли эмас. Уларни орасида истиснолар мавжуд. Шулардан бири "Суспирия" фильмидир. Албатта бу каби ҳоррорлардан максимал лаззат олиш учун аввал унга мос атмосфера яратиш зарур. Қоронғи хона, ёлғизлик, баланд овоз, каттароқ экран, сифатли формат ва ҳоказолар. Ўзингизнинг имкониятингиздан келиб чиқиб қўшиб бораверасиз. #парча @kinopub_uz

Спасительный рассвет (Rescue Dawn, 2006) #биография #ҳарбий #фильм IMDb: 7.3/10 Кинопоиск: 7.0/10 Кинопуб: 8.5/10 Фильм реал воқеага асосланиб суратга олинган. Ветьнам уруши вақтида АҚШлик учувчи Лаос ҳудидада душманга асирга тушади ва у ердаги махбуслар билан бирга қочишни реажалаштира бошлайди. Германиялик режиссёр Вернер Херцог ўзининг ҳужжатли фильмлари билан кўпчиликка машҳур. У доим ҳам бадиий фильмлар олавермайди, лекин бу ишни қилса ҳам нисбатан сифатли қила олишини режиссёр ҳақида маълумот излаганда топишингиз мумкин. Ижодкорлар бизга асирга тушган ҳарбий мисолида урушнинг фронт ортидаги даҳшатларини кўрсатишга ҳаракат қилган. Воқеалар бош қаҳрамоннинг реал прототипи ҳикоялари асосида суратга олингани учун бўлса керак, ҳаётга анча яқин. Томошабинга емоционал таъсир кўрсата олади. Асирдаги одамларни жисмонан азобланиши, шахс сифатида деградацияга учраши аъло даражада етказиб берилган. Бунча азобларга қарамай баъзи бир персонажларни ўз тақдири учун бефарқ даражадаги зомбига айланишини ҳам қайсидир маънода тушуниб қоламиз. Алоҳида ажратиб кўрсатадиган яна бир жиҳат актёрланинг профи ижросидир. Бош қаҳрамонларнинг барчаси катта вазн ташлаган, Бэйл хатто 25 кг озишни уддасидан чиққан. Уларга ҳайриҳоҳлигини билдириган режиссёр ҳам 13 кг вазн ташлаган экан. Вазн ташлаш ишлари фильмни суратга олишдан аввал рўй бергани учун ҳам фильм тескари хронологияда суратга олинган. Бэйлнинг қурт-қумурсқаларни тириклайин ейиши, тирик илонни чайнаши каби кадрлар ҳам ҳеч қанақа эффектларсиз суратга олинган ва профи актёрлар қанақа бўлиши кераклигини бизга кўрсатиб беради. #тақриз @kinopub_uz

О чем говорят незнакомцы (Bajo terapia, 2023) #драма #комедия #фильм IMDb: 6.7/10 Кинопоиск: 7.6/10 Кинопуб: 8.5/10 Психолог ўзининг мижозлари учун сюрприз тайёрлайди. У бир вақтнинг ўзида учта жуфтликни чақиради. Лекин ўзи қабулга келмайди. Улар билан хонадаги хатлар орқали гаплашади. Фильмни қайсидир маънода италияликларнинг "Идеальные незнакомцы" фильмига ҳам ўхшатиш мумкин. Барчаси битта том остида суратга олинади. Фильм фақатгина диалоглардан иборат. Бироқ яхши сценарий бўлса ўзи сифатли фильм учун унчалик ҳам кўп нарса керак эмаслигини кино кўриб юрган одам билади. Қаҳрамонлар шунчаки суҳбатлашиб ўтиришади сен эса бунга қизиқиб бораверасан. Ҳар-хил мавзудаги суҳбатлар, тортишувлар, мини-конфликтлар сени экран олдида бемалол ушлаб тура олади. Гендер тенглигидан тортиб фарзанд тарбиясигача, севгидан бошлаб хиёнатгача турли томонларнинг турли фикрларини эшитишинг ҳақида билсанг фильмни унчалик ҳам қизиқ бўлмаслиги мумкин деб ўйлайсан. Лекин, ишонтириб айта оламанки фильм жуда қизиқ. Финалга бўлган интрига эса ўзини тўлақонли тарзда оқлаган. Бемалол айта оламанки, фильмнинг бунақа кескин бурилиш билан тугашини ҳеч ким ҳаёлига ҳам келтира олмайди. #тақриз @kinopub_uz

Нарковойна (Narco Wars, 2020-2022) #ҳужжатли #криминал #сериал IMDb: 8.5/10 Кинопоиск: ~ Кинопуб: 10/10 Ҳужжатли сериал наркотик моддалар тарафдорлари ва унга қарши бўлган томонлар ўртасидаги курашлар ҳақида ҳикоя қилади. Ҳужжатли фильмлар яратиш бўйича National Geographic канали қанчалик қудратли ҳисобланишини кўпчилик билса керак. Уларнинг аксарият ишлари ҳайвонот олами ҳақида ҳикоялар эканлигини ҳам биламиз, асосан йиртқичлар ҳақида бизга ҳикоя қилиб берувчи канал бу сафар ҳайвонот оламидаги йиртқичлардан бир неча карра шафқатсиз ҳисобланмиш одамзотнинг йиртқичлари ҳақида ҳикоя қилади. Сериал бизга Пабло Эскобардан тортиб Эль Чапогача, "Zetas"дан тортиб Медельин картелигача бўлган барча-барча картеллар биографиясини ҳикоя қилади. Каналнинг ҳужжатли фильмлар ишлаш борасидаги тажрибаси сериалнинг топ даражада суратга олиниши имконини берган. Бизга унча узоқ давом этмайдиган, қисқа-лўнда фактларга таянилган ва ўша соҳанинг ичидаги одамларнинг интерьвюлари қизиқарли форматда тақдим этилади. Сериал бутун бошли наркодунё биографиясини кўз олдингизда шакллантиради. Уни кўргандан сўнг, сиз дунёдаги энг шафқатсиз картеллар қайси эканлигини, ўзи учун алоҳида дин яратган наркобаронлар ким эканлигини, армияни қаерларда давлатга эмас картелларга ишлаши, АҚШнинг қайси ҳудудларига қанақа ҳажмда наркотик кириб келиши ва бу наркотик ортидан келиб чиқаётган фуқаролик урушлари ҳақида билиб оласиз. Албатта бу нарсалар сизга қизиқ бўлса. Уолтер Уайтнинг метамфетаминидан тортиб Эль Чапонинг тунелларигача бошқа фильм ва сериалларда кўрган нарсаларимиз ҳақида кўпроқ маълумотга эга бўламиз. Хуллас наркотик моддалар, картеллар, мафиялар, Мексика, Колумбия ва шу йўналишдаги мавзулар қизиқ бўлса бу сериал сиз учун топ! #тақриз @kinopub_uz

Ночьв раю (Nakwonui bam, 2020) #драма #жангари #криминал #фильм IMDb: 6.8/10 Кинопоиск: 6.7/10 Кинопуб: 8.0/10 Гангстер орасида ўзига ҳос обрў-эътиборга эга, келажаги порлоқ кўрилаётган гангстерчалардан бири ўзининг жиноий фаолиятини тугатиш ҳақида ўйлай бошлайди. Лекин бу унга жуда ҳам қимматга тушади. Пак Хун-жоннинг яқиндагина киносини каналда тавсия қилганимдан сўнг уни бошқа фильмларини ҳам кўриш керак деган фикрга келгандим. Кейин Нетфликс томонидан суратга олинган бу фильм эътиборимни тортди. Картина ўз номига ҳос демаган бўлардим, тўғри жаннатни эслатувчи пейзажлар, атмосферали эпизодлар йўқ эмас, лекин фильмнинг аксариятии гангстерларнинг келишмовчилиг ҳақида. Умумий қилиб айтганда фильмни типичный корейс криминалларидан деса ҳам бўлади. Тартибсиз ишкаллар, ультрашафқатсиз жанглар, челак-челак қонлар, хиёнат, қасос, оила, озгина севги ва ҳоказо. Лекин шунинг ўзи ҳам албатта корейсча криминал фанатлари учун етарли бўлади. Сен таҳминан биласан охири нима бўлишини, лекин ўзингни кўришдан тўхтата олмайсан. Чунки сенга корейс криминаллари ёқади. #тақриз @kinopub_uz

Храбрые перцем (Your Highness, 2010) #комедия #фэнтези #саргузашт #фильм IMDb: 5.5/10 Кинопоиск: 5.9/10 Кинопуб: 8.0/10 Жасур рицар ўз ёрини ёвуз жодугар исканжасидан қутқаргани йўлга чиқди. Бироқ унинг шериклари орасида мақсадга эришиш учун бўлган йўлда олдинга эмас орқа тортадиган одамлар етарлича топилади. Ёшликдан жасур рицар ва уларнинг мардонавор ҳаракатлари, саргузаштлари ҳақида кўплаб фильм ва мультфильмлар кўрганмиз. Юқоридаги картина эса ўша жанрдаги асарларга пародия усулида суратга олинган. Фильм режиссёри айнан ушбу фильмдан аввал деярли шу каст билан "Ананасовый экспресс" фильмини ишлаган эди. Шундан билса ҳам бўладики режиссёрни юмор ҳисси ўз жойида. Тўғри кўпчилик учун фильм унчалик ҳам ёқмаганлигини унинг рейтинг балларидан ҳам билиш мумкин. Тарихий жанрдаги фильмга "тупой" юморни ҳар куни ҳам аралаштираверишмайди. Лекин бу фильмда бу жуда муваффақиятли тарзда амалга оширилган. Шунчаки мантиқ, сюжет ва сценарийдаги қўпол камчиликларга эътибор бермасдан, мазза қилиб кулишни ният қилган одамлар учун бу айни муддао. Айниқса катта компания даврасида бу пародияни кўриш тотальный эффект беришига шубҳа йўқ. Шунчаки мантиқни ўчиринг ва 18+ юморга ўзингизни тайёрланг. #тақриз @kinopub_uz

V.I.P.(2017) #триллер #криминал #фильм IMDb: 6.6/10 Кинопоиск: 6.9/10 Кинопуб: 8.0/10 Сеулда қисқа муддат ичида кўплаб қизлар ўлдириб кетилади. Бу ишга жалб қилинган детектив сирли тарзда ўз жонига қасд қилади. Раҳбарият эса бу ишни очиш ҳаёт-мамот масаласи эканлигини тушуниб етади ва ўз ваколатларидан четга чиқиб иш олиб боришни ёқтирадиган детективга бу ишни топширишга мажбур бўлади. Фильм режиссёри Пак Хун-жон корейс киноси мухлислари учун яхши таниш. У бир вақтлар Пўлат Алемдарни Ҳотдогга жўнатадиган "Новый мир" фильми билан криминал кино қанақа бўлиши кераклигини исботлаб бўлганди. Детектив Че бизга "Воспоминания об убийстве" картинасидаги детективни жуда ҳам эслатиб юборади. Фақат бизнинг қаҳрамон сал ақллироқ. Фильм бошиданоқ биз қотил ким эканлигини биламиз, аслида детектив жанридаги фильмлардаги асосий интрига шунда бўлади, лекин бу фильмда эмас. Сюжетдаги кутилмаган бурилишлар томошабинни гангитиб қўя олади ва охири қанақа тугашига бўлган қизиқишни орттириб бораверади. Бош антоганист бир сўз айтмасдан томошабинни қалтиратиб қўя олиш қобилиятига эга. Унинг нигоҳини ўзи томошабинда нафрат уйғота олади ва айнан шу нафрат фильм сўнггигача экран қаршисига бизни боғлаб қўяди. Асаб толалар тарранг тортилиш эҳтимоли катта ва бу фильмни асабий одамларга кўришни маслаҳат бермаган бўлардим. #тақриз @kinopub_uz

Без обид (No Hard Fellings, 2023) #комедия #мелодрама #фильм IMDb: 6.5/10 Кинопоиск: 6.3/10 Кинопуб: 7.5/10 32 ёшли Мэдди молиявий муаммолар гирдобида қолган. У ўз уйини сақлаб қолиш учун ҳамма нарсага тайёр, ҳаттоки эълонларда ёзилган энг аҳмоқона ишларни ҳам қилишга тайёр агар пулини келиша олса. Фильм икки авлод вакилларининг ўзига яраша муаммолари ва уларни ечими ҳақидаги комедия. Бу икки авлод нафақат давр билан балки ҳаётдаги бир-биридан фарқли бўлган қатлам вакиллари эканлиги билан ҳам бир-бирига мос келмайди. Ижодкорлар нолингчи йилларда улғайган авлоднинг нуқтаи назари билан ҳозирги зумерлар авлодини нақадар зерикарли эканлигини ҳазил қилишга ҳаракат қилади. Ҳозирги пайтда урфдан қолган иштондан пастдаги юморли фильмлар қаторига қўшиш мумкин бўлган фильм. Телбанамо Женнифер Лоуренс ва унинг ажойиб ижрлси томошбаинни бефарқ қолдирмайди. Диалоглардаги қочирма гаплар ва сарказмлар эса ҳақиқий комедияни соғинганлар учун айни муддао. Агар мазза қилиб кулмоқчи бўлсангиз ушбу фильм айни муддао, агар романтик комедия кўрмоқчи бўлиб (кўп жойда айнан шу йўналиш билан пиар қилинди, мен қўшилмайман бу фикрга) бу фильмни танласангиз маслаҳат бермайман. #тақриз @kinopub_uz

Капитан Волконогов бежал (2021) #триллер #драма #фильм IMDb: 7.4/10 Кинопоиск: 7.7/10 Кинопуб: 8.0/10 1938 йил, СССР. Сталиннинг қаттиққўл сиёсати оқибатида сал шубҳали қимилаган дарахт ҳам қатлга ҳукм қилинган давр. Ўша қатлларни ташкил этиш билан шуғулланиб келган тизимнинг содиқ қули капитан Волканогов бир лаҳзада халқ душманига айланиб қолди. Энди унинг ўзи қатл қилиниши мумкин. Буни сезган капитан зудлик билан қочишга уринади ва йўл-йўлакай ўзининг айблари учун иқрор бўлиб сўнгги пушаймонлигини изҳор этишга қарор қилади. Фильм премьераси 2022 йилда Россияда бўлиши керак эди, лекин уруш бошланди ва Сталиннинг сиймосини қайта улуғлаш компаниясига старт берилгач бу каби фильмлар цензура қурбонига айланди. Фильм бизга Сталин репрессиясини ўта жирканч ҳолда кўрсатиб бера олган. Атмосфера шу даражада жирканч тасвирланганки томошабин фильмнинг аксар қисмини афтини буруштирганча кўришига шубҳам йўқ. Баъзи бир эпизодлар чўзиб юборилгандек туюлиши мумкин, лекин бу услуб рус киносининг қонида бор. Актёрларнинг кўпчилиги ўз ролларига жуда мос танланган, хуник ва исқирт нусхалар томошабинга ўша даврнинг турқини тасаввур қилишда кўмаклашади. Шунчаки СССР ва Сталин даврини қора томонларини борича (балки озроқ бўрттирилгандир) кўрмоқчи бўлганларга тавсия қилинади. #тақриз @kinopub_uz