ИШКИН ОГЛУ / ISHKIN TV

Чаа, амыр-менди. Эртем чокта эртен база дүн... Улуг Монгуш 9 классты дооскан-на-дыр😎

ДОСААФ ОБУЧАЕТ: -Водителей ТС А,В,С,Д,Е -судоводителей (лодка,гидроцикл,снегоход) -охранников 4 и 6 разрядов -обучение по безопасному обращением с оружием -секция пулевая стрельба Өөрениир, өөрениир база катап өөрениир😎

Делегейде чүзүн-баазын чүдүлгелер бар. Мен буддизмни согур шилип албадым, шинчилеп тургаш хүлээп алдым. Ийе, кижи чаш турда, бажыңга лама-башкы Ном-Судурун номчуп кээрге, ужур-утказын билир-билбес-даа болза, улуг улустуң аайы-биле тейлеп орар боор чүве. Ам кижи өскен тудум угаан-сарыылы база кады өзүп кээр болгаш, шаам-биле бичиилеп сайгарып эгеледим. Өске чүдүлгелерни ол-бо диксевейн тур мен, ынчалза-даа кижи төрелгеттиң ажык төөгүзүнче хая көрнүп кээр чүве болза, ниити байдал тода көстүп кээр чүве. Христиан чүдүлгениң крестовый походтары, инквизициялары дээш чүс-чүс чылдар дургузунда сая-сая кижилер өлген болгай. Исламның джихад (өске чүдүлгелиг кижилерге удур дайын) дээш бо хүнге дээр кижилер өлүп тур. "Террорист" деп кижилерниң көвей кезии чүге мусульманнар боор чүвел?! Шажынчы дайын дег коргунчуг чүве чок, күрүнелер буурап болур - ооң дириг бадыткалы Индия биле Пакистан. Ол ийи чуртта, өске-даа эвес чаңгыс индий чон чурттап чоруур, чүгле индуистер биле мусульманнарның аразында чөрүлдээ дээш аңгыланы берген чон-дур. Палестина биле Израиль - ында мусульманнар биле еврейлер төндүр өлүржүп аар деп бардылар. Оо дадайым, Ом мани падме хум...🙏🙏🙏 Делегейде улуг чүдүлгелерден чүгле БУДДИЗМ дээш дайын болуп көрбээн☝️Амыр-тайбыңныг, амылыгларны дээди аас-кежикке чедирип боор Шажынывысты үнелеп, Өөредиин эдерип чоруулуңар, чонум🙏 (с) Ишкин оглу

"ТЫВА ЭКИ ТУРАЧЫЛАР" АЛДЫН ..Аъттыг шеригжилер - Ада-өгбелеривис Алдар адын утпайн, бистер мөңгежидээли! Тиилелгени биске Тыны-биле чедип каан Тыва эки турачылар - бистиң өгбелер! Билдингир ыраажы Алдынның күүселдези-биле ТЫВА ЭКИ ТУРАЧЫЛАРГА тураскаадып бижээн чаа ырыны бараалгадып тур бис. Сөзү: Седен-Очур Кара-Сал Аялгазы: Аңгырак Ондар Хөгжүм каасталгазы (аранжировка): Аңгырак Ондар ТИИЛЕЛГЕНИҢ ХҮНҮ-БИЛЕ!!!

С глубокой скорбью сообщаем, что 08 мая 2025 года после непродолжительной болезни ушёл из жизни полковник полиции, один из тех кто создавал историю МВД Республики Тыва, ветеран МВД, ветеран боевых действий, человек с большой буквы, настоящий патриот, преданный своей родной Туве, служивший России с честью и доблестью ДАН-СЮРЮН ДАЛАА ХЕРТЕКОВИЧ. За многие годы службы в органах внутренних дел был удостоен многих орденов и медалей за доблестный и ратный труд, среди которых «Отличник милиции», «За ратную доблесть», «За службу на Кавказе», «Знак Почёта», «За заслуги» МВД России и многие другие. Желающим проводить в последний путь сообщаем, что проводы состоятся в г. Кызыл по улице Гагарина, дом 80. Вынос состоится 10 мая в 11 часов. Поминки будут проходить 10 мая в 13:00 часов в кафе «Саяны» по адресу ул.Фрунзе, дом 59. Телефон для связи: +7 (923) 269-50-67 дочь Айлаана, +7 (923) 262-99-82 сестра Октябрина

УЛУГ ТИИЛЕЛГЕНИҢ ХҮНҮ-БИЛЕ! 80 ЧЫЛДААН ОЮ-БИЛЕ! Фашисттер ССРЭ-же халдап кээрге-ле, биче буурай чоннуг Тыва Арат Республика ол дораан удур дайынны чарлаан. Тыва чоннуң Тиилелгеже киирген үлүг хуузу улуг: 50 ажыг муң мал-маганны (ол дээрге колдуу бар-ла турган мал-маганның бажы чадавас☝️), шупту шыгжамырга турган алдын-мөңгүннү ССРЭ-же чоруткан. Бүгү чонувус Тиилелге дээш ак сеткилдии-биле ажылдап турган дээр болза хөөредиг болбас. А дайын шөлүнге Тыва Эки Турачыларның маадырлыг чоруун бо хүнге дээр бүгү делегей магадап чоруур! "Кара өлүм" ууй шаап халдап кээрге, хамык фашисттер угаан-медерелин оскунуп турган дээр☝️ Маадырлыг тыва чоннуң салгалынга Тиилелге Хүнү таварыштыр изиг байырымны чедирип тур мен! ТИИЛЕЛГЕ-БИЛЕ!!! Өгбелерге Тиилелге дээш өөрүп четтирдим🙏 мөгейдим🙏 (с) Ишкин оглу

Төрээн Тывавыс - төлептиглер чурту дээрзи кандыг-даа чигзинниг чок. Чуртувустуң ховар эртине дег кижилериниң бирээзи кылдыр Вадим Окчааевич Чыкайны көрүп чоруур кижи мен. Чаңгыс эвес удаа Вадим акымның бедик үнелелин алган кижи мен. Меңээ чогаадып бижээн шүлүктериниң алдын сөстеринге амдыызында дүүшпес-даа болзумза, хей-аъдым бедип чор! Хүндүлүг акым Вадим Окчааевич! Уран-талантыңарга база дидим патриотчу сорууңарга мөгейип, силерни ТЫВА СӨСТҮҢ МЕРГЕНИ, ТЫВА ЧҮРЕКТИҢ ДИДИМИ деп санап чор мен. Ам база бир чараш шүлүүңер дээш өөрүп четтирдим🙏 Далай-Лама башкывыска Дарбыл салын ыдыктаткан Ишкин оглу дуңмам ышкаш Иттириглиг кижи чок боор. Авыралдыг Тензин Гъятсо Тарлаң салын тарбыдаарга Азыранды анай ышкаш Таалай берген турарын көр. Четпээн-барбаан чери-даа чок Черле харын берге эр-дир. Чоокта чаа-ла маңаа турду, Чоп-ла кончуг кезиир хан боор. Чогум анаа бодаар болза, Чолдуг кижи болдур ийин. Чоннуң оглу болганынга Чоргаарланып чоруурум шын. Эртирикчи талантызы Эмин эртир сайзырап тур. Эки улус деткиир болза, Эртемден ат четсе хөңнү. Чеченин шуут магадаар мен Черчилль безин дыштаны бээр. Чеденнепкен өгбем ышкаш Чедиштир шаап орар кижи. Ыяңгылыг үнү-биле, Ырлаарын-даа ыыттааш канчаар. Ырак черге ындыг боор оң Ыглавышаан дыңнап чор мен. Дөртен дөгүп орар болгаш Дөзү дыңзып келген чорду. Тоннарындан эскерерге Торгулары чаартынып-тыр. Сеткилиниң балыгларын Септеп алган ышкаш болду. Баштайгызын бодап көөрге Баштаа кончуг апарып тур. Актыы-биле чугаалапкаш, Арнывысты кызыдар-даа. Бары-биле бараалгапкаш, Баарывысты кадырар-даа. Угааны-даа быжып келди, Уйгузу-даа хана берди, Улуг эвес бүдүрүлге Удуртуп-даа шыдаар боор оң. Хөлге-биле деңнээр болза, Хөөредиг чок "Ларгус-тур" ол. "Автолавка" чүъгү кирер Ажыы улуг эт-тир ийин. Ам-даа караа ажыттынар Анаа эвес "алмаз-тыр" ол. Дизе адып чоруп орар Дириг төөгү эр-дир ийин... Улуг-улуг чедиишкинни Углап ор мен, Ишкин оглу! Акың сеңээ бүзүрээр мен Ам-даа хөйнү шыдаптар сен! Даайымны бадырып бээр, Даалыңым иштежип бээр, Кайда сен?-деп, айтырып кээр Каап болбас дуңмам-дыр сен. (с) Вадим Чыкай

Бо чуртталгамның улуг буянныг үүлези бүде берди! Ыдыктыг Башкының баарын орта тейлей дүжер улуг аас-кежиктиг болдум🙏 Чырыткылыг Башкыга дужар кылдыр чырык черге чаяп кааның дээш четтирдим🙏 авай. Бодуң четтикпээн-даа болзуңза, бодарап каан чаңгыс оглуң чедип кагдым, авай. Октаргайның хааны, очалаңдан Хостакчы Он дөрткү Далай-лама Башкывыстың назыны узун болзун🙏 Ом мани падме хум…🙏 2025 чыл, 5 айның 5-тиң хүнү. Дхарамсала, Индия. Бо салды анаа эвес өстүрүп алган-дыр мен😎Ыдыктыг холдар айызап кагды🙏 ам черле чүлүвес мен😁 (с) Ишкин оглу

Амыр-менди, эргим хүндүлүг чонувус! Май 14-те Национал театрга болуп эртер оюн-көргүзүүвүстүң билеттери адакталып дооступ турары-биле, немелде концердивисче силер бүгүдени чалап тур бис. Билеттер: Онлайн ➡️ https://tuvabilet.ru/event.php?id=775 Касса ➡️ ДНТ

Чүс катап дыңнаарының орнунга чаңгыс катап карак-биле көрүп дээш... Дайынчы операцияда киржип чоруур чаңгыс чер-чурттугларывыска, Тываның Баштыңы Владислав Товарищтайович, улустуң хөөмейжилери Андрей Монгуш база Игорь Көшкендей-биле аалдап четтивис. Дайынчы эрлерге аар-саар херек чүүлдерни чедирип бербишаан, ажык хөөрежип чугаалажыр, оларга аян тудуп бээр аас-кежиктиг болдувус. Ада-чуртувус дээш, төрээн Тывавыс дээш, амы-тайбың дээш дайын шөлүнде тулчуп чоруур тываларымга, амы-тынын берген маадырларывыска мөгейдим🙏 Тиилелге бисте! Ханы хүндүткел-биле.

Чаа, амыр-менди. Күш-ажыл кижини каастаар☝️Май 1-ниң байырлалы-биле, чонум! Хүндүткел-биле.

Чаа, амыр-менди. Май 14-те Национал театрга чонувус силерни манаар бис. Билеттер: Онлайн ➡️ https://tuvabilet.ru/event.php?id=769 Касса ➡️ ДНТ

Бажыңның чылыы кышкы соокта билдинер Бардамныын, туруштуун берге үе көргүзер (с) Ишкин оглу

Чаа, амыр-менди. Аныяк ыраажыларга эстрадаже орукту ажыдары кол деп бодаар мен. Сөөлгү үеде Күдерек дуңмамның ырыларын чонувус, ылаңгыя аныяк өскен, кончуг сонуургап турар деп эскердим. Ынчангаш чаңгыс студияда ырлап чоруур дуңмам эрниң "Харамдыгып чурттаал" деп чаа ырызын бараалгадып тур мен. Сөзү болгаш аялгазы: Аңгырак Ондар Хөгжүм каасталгазы (аранжировка): Аңгырак Ондар Видео: Сайдаш Монгуш @pesochnikkk Ыры Тува Music-те үнүп келген.

https://vk.com/wall-227148399_14359 Чаа үндүрүг! Томас Монгуш.

"СҮТ-ХӨЛ" Күзел Сат …Торгу хээлерлиг авам тону дег Долгай таңдымны Сүт-Хөл чуртумну Ак-көк далай дег, аякта сүт дег Айыраң каас Сүт-Хөл чуртумну... "ДОЛМА Промоушен" студиязында кады ырлап чоруур дуңмам Күзел Саттың "Сүт-Хөл" деп чаа ырызынга тыртырган видеоклипти бараалгадып тур мен. Сөзү болгаш аялгазы: Мерген Ховалыг Хөгжүм каасталгазы (аранжировка): Аңгырак Ондар Видео: Сайдаш Монгуш Ыры база чаа альбом Тува Music-те үнүп келген!

Харысаалганы бодунче ап билири - эр кижиниң мөзү-шынары. (с) Ишкин оглу

Май 14-те Национал театрга болуп эртер "Ынакшыл дээрге" деп оюн-көргүзүүвүсче ыраажы эжим Белла-биле силер бүгүдени манаар бис! Билеттер: Онлайн ➡️ tuvabilet.ru/event.php?... Касса ➡️ ДНТ