ИШКИН ОГЛУ / ISHKIN TV

«ЭНЕ ТЫВАМ» - ТОЖУ КОЖУУН https://vk.com/wall-227148399_6746

«ЭНЕ ТЫВАМ» - ТОЖУ КОЖУУН https://vk.com/wall-227148399_6746

Чаа, амыр-менди. Бо видеону Вконтактеде, Инстаграмда, Телеграмда база оон-даа өске социал четкилерде улуг-биче бөлүктерңиң болгаш пабликтерниң удуртукчу-админнеринге углап тур мен. "Эне Тывам", "Ишкинниң аалчызы" деп дамчыдылгаларны база көвей санныг клиптерни, тускай видео-үндүрүглерни тыртырар дээш көвей үени чарып, улуг күжениишкинни үндүрүп, акша-чарыгдалды кылып турар бис. Ам кызып-кызып кылып каарга, бир улус оор ёзу-биле боттарынның бөлүктеринге чөпшээрел чок салып аары хомуданчыг. Ийе, харын чурумнуу-биле мээң үндезин бөлүүмден үлежип ап турган болза кандыг-даа айтырыг чок боор чүве, ам ындыг эвес анаа хоолгалааш, а чамдыкта чүгле бир кезээн үзе кезип алган боор-дур. Үзе кезип каарга суг ниити утказы өскээр билдине берип болур. Ынчангаш блогер, админ дуңмаларым! Боттарыңар бөлүктериңерни сайзырадыры-биле, ылап шын ажылды кылып, арын-нүүрлүг, ак сеткилдиг ажылдаарыңарны күзедим. Тывавыста ам-даа тыртырар чүүлдер көвей, салаадан аңгыда буттарны, борбак башты ажылдадыр иин, өске улус ажылы оорлап, халас кежик манап чыткан ажыы чок. Черле чалгаа болбаңар, дуңмаларым! Халас чүве халалыг дээр чүве. Хүндүткел-биле, Ишкин оглу

Альтея! Декабрь 27-28

2018 чылда чаш мөгелер Наадымын бир дугаар эрттирдивис. Ынчан кайы-хире улуг үүле бүдүрүп эгелей бергенивисти боттарывыс безин эки билбейн турган боор бис. Ол Наадымдан тура бир дугаар чаш мөгелерге аттарны тыпсып эгелей берген чүве. Ам бо хүнде көрүңер даан, чонум, чаш мөгелеривис чуртувусту дашкаар-ишкээр алдаржыдып эгеледилер - Моол күрүнеге безин баргаш шүүп каапкаш кээрлер-дир. Төрээн суурум Ишкин мөгези Сат Арбай Наадымга 3 дакпыр шүглүп каарга, Тываның чаш тыва хүреш Федерациязы "Чаш Чаан мөге" деп чараш атты тыпсып бээрге өөрүвес аргам чок.

Кара чажындан кайгамчыктыг Тывавысты алдаржыдып чоруур Мөге салгалывыска алдар!👏👏 Декабрь 1-де «Сүбедей»-ге болуп эрткен чаш болгаш элээди мөгелер маргылдаазындан үзүндү.

Хензиг бичии чорааш Хончуларым дагылааш Элезин-сай эриинге Эштип ойнап хүнзээр мен... Ыдыктыг Хемчиим алгап мактаан ховар чараш ырыларның бирээзин улуг чоргаарал-биле чонум силерге бараалгаттым. Ырының автору Семён Далааевич Монгуштуң чырык адынга тураскаадып тур мен. Ыры бөгүн Тува Musicте үнүп келген, а каш хонгаш шупту Интернеттиң делгемнеринге үнүп кээр. (с) Ишкин оглу

Чаа амыр-менди. Харлыг-доштуг өйүвүс дүжүптү эле. Шаанда малчын ашактар орай күс дүжерге-ле, кыштың кандыг боорун бойдустуң демдектеринден даап бодап чугаалажып орар боор чүве. Мен малчыннааш чаңгыс чүве билдим: Белен кыш черле турбас, сиген-ширбиишти чаа белеткеп алгаш органы дээре. Чедиишкинниг чедиликти күзедим. (с) Ишкин оглу

Чаш спорттуң байырлалы! Чаштарывысты деткивейн кымнарны деткиир боор?! Декабрь 1-2-де "Сүбедей" спорт ордузунче Тываның чаш тыва хүреш Федерациязы чалап тур! Назы-хар аайы-биле хүрежир бөлүктер: Бөлүк "А" - 2017-2018 г.р.; Бөлүк "Б" - 2015-2016 г.р.; Бөлүк "В" - 2013-2014 г.р.; Бөлүк "Г" - 2011-2012 г.р.; Бөлүк "Д" - 2009-2010 г.р. Бөлүк "Е" - 2006-2007-2008 г.р. Бүрүткел бөгүн 09:00-18:00 ш. чедер☝️ Ужурашкыже👋

🔥ПЕРВЫЙ СОЛЬНЫЙ КОНЦЕРТ🔥 ❤️"ЧҮРЕККЕЙ"❤️ Күзел Сат приглашает Вас на свой первый сольный концерт! 30 ноября в ДНТ в 19 часов ждем Вас! Билеты можно купить по ссылке снизу👇 https://www.tuvabilet.ru/event.php?id=576 НЕ ПРОПУСТИ!

Авай, ам бир катап сеңээ эргеленип чассып алзымза, ам бир катап амданныг шайың аартап ора сагыш хандыр хөөрежип чугаалашсымза... Бажыңывыс ханазында чурууң мурнунга тейлевишаан, бүгү-ле бар чедиишкиннерим, ат-алдарым, уран-чүүлүм авам сеңээ тураскаадып чор мен. Ада-иеңерни дириг чорда үнелеп чоруңар. Авалар хүнүнге аңгы хүннүң херээ чүл, чылдың 365 хонуу хүнүң-не Авалар хүнү болзун🙏 (с) Ишкин оглу.

Амыр-менди. Бөгүн онзагайлыг ыдыктыг хүн, кандыг-даа кылдынган үүле 10 сая (млн) катап көвүдээр☝️ Бо хүн Будда Башкы 33 бурганнарның оранынга 3 ай ишти Өөредиг хайырлааш, дедир кижилер оранынче эглип келген хүнү бооп турар. Ол оранга Будда Башкы анаа эвес чораан: Авазы Майя кадын Ыдыктыг оглун бодараан соонда 7 хонгаш бурганнай берген, а дараазында төрүмелин ол 33 бурганнарның оранынга алган бооп турар. Буянныг иеге Ыдыктыг оглунуң Ыдыктыг Өөредиин дыңнаар аргазы чок болган. Бурган Башкы төрээн иезинге болгаш амылыгларга дээди энерел сеткилди оттуруп, очалаңдан хостаары-биле шак-ла ол 33 бурганнарның оранынче Өөредиин хайырлап чорупкан. Буянныг үүлени бүдүрүп кылырынче бүгү чонумну кыйгырдым🙏 Ом муни муни маха муние сохаа… Ом мани падме хум… Ом А Хум🙏🙏🙏

Амыр-менди. Бөмбүрзекте шупту кижилерни ашкарып чемгериптер байлактар бар-даа болза, чазый-чилби сеткил чорда амылыглар ам-даа түрээр. (с) Ишкин оглу

Амыдыралды бир каастап чоруур чүве аян-чорук. Арга тыптып кээрге-ле акшаны харамнанмайн аян-чорукчулап чорууруңарны чонум силерге сүмелээр-дир мен. (с) Ишкин оглу.

Привет, Кызыл👋 Жду вас всех на своём сольном концерт 16 ноября в ДНТ. С уважением, ваш Ринчин Билеты на сайте https://tuvabilet.ru/event.php?id=560 (во вкладке Пушкинская карта), а также в кассе ДНТ

Чаа, амыр-менди. Ырак-чоокка чораанымда ынак эжим, ажы-төлүм авазын бо-ла сактып, чоктай бээр мен. Казанаавыс иштин чылыдыр одап алган канчап ор ирги ажы-төлү-биле деп бодап келгеш, карактарым сугланы-даа бээр чүве... Өртемчейде мөңге чүве чок-даа бол, Октаргайда олчаан артып каар чүве чок-даа бол, Оожум океанның кыдыынга Айдың биле Марьянаның четтинчип алгаш базып каан истери төөгү болуп артып кагзын...

Амыр-менди! Студиявыста ам база бир Алдарлыг артист немешкен-дир! Эдуард акымга изиг байырымны чедирип тур мен! Бедик атка төлептиг дээрзи кандыг-даа чигзинниг чок. База катап байырдан чедирип каалыңар, чонум 👏