TAKBAND KANDEEL

🔹 @takband_kandeel تئی کلو پہ من.! تو ترانگ ءَ ئے انگتا ؟ اگاں شگوست ءِ اَهد ءِ مولماں ؟ هما من آں هما وڑ ءَ هما گنوک هما کہ کند ایت وتسر ءَ هما کہ گریت پہ لبزے ءَ تو سهی نہ ئے، ترا چہ پد ! هیال ءُ تب بدل جتا چہ گاماں دهر ءِ من وتی تہ ءَ گوں وت من ملمہ آں کسے ءِ گم نہ اِنت یک نوکیں رنگے ساچ اِتگ بدل چو موسم ءِ وڑ ءَ نا کسے گپاں اشکناں نا کسے ءَ دیاں جواب وتی وڑ ءَ وتی تب ءَ روان ءُ نند آں هلوت ءَ ءُ جیڑ آں من ترا تئی مولمانی سنج ءَ دز جناں ءُ باں گسر نہ اشکناں چڑکهے گش ئے یک نوکیں گیدی یے من ساز اِتگ رواں من چیزے وهد ءَ پیش ترا وت ءَ هوار کناں گوں گوست ءِ روچاں یکبرے دُچار باں تو ئے من آں شریش ءِ مَنہ اِنت یک سارت ءُ نود شنزیں موسمے یک برپیں گواتُکے ءُ پُل ءِ وشبو اِنت تئی شنگیں زلپاں باپ تئی کندگ ءِ ملار تئی جیگ ءِ سنج تئی دامن ءِ بهشتیں زید پیاپیں دست تئی منی نزوریں کوپگاں تئی دیدگ ءِ هَتم اے کُوریں دیدگاں دُچار . گش ئے دمن بهشت ءِ بیدهے اجب ندارگے همے ندارهانی مرکب ءَ ٹلینگ ٹلینگ توارے کیت ءُ پچدرهاں کہ گنداں آسر اِنت اے چاڑ ءُ گوانکو ءَ کتگ توار کلوے اتکگ پہ من ءَ اے وهد ءُ هین چو تهترین نپس ءُ گین گش ئے کہ سهگر ءَ وتی یک بانزلے شهار اِتگ پہ من من جیڑگاں کہ بلکین ءَ همے کلو تئی بہ بیت ءُ ٹپے نوک بیت داں چار آں تو نہ ئے . دریگ ءَ برمشے کُت شت آں پہ ساکمی داں گنداں جمبر اَنت . جمبر .! منی هوس یک انچیں لزتے اے هور ءِ ترمپاں گوں تچگ بلے زدگ دریگ ءَ بند کن آں تو زان ئے شر من ءَ تئی ابید ءِ موکل ءَ من چونی ءَ رو آں ؟ ءُ تو اد ءَ نہ ئے . کہ چو گش ئے بہ دار ءُ سبر بہ کن داں بند بہ بیت هدا ءِ داد گڑا بہ رو ءُ شال ءُ کوٹ ءَ مانپوش کہ سردی ءَ تپی مہ بہ ئے . او هاک ءِ رنگ تو دروه اِتگ من ءَ نو کس نہ کنتیں جست من ءَ تو چون ءُ چے وڑ ئے نا سهباں دروتے کیت نا واب ءِ جست ءَ کسے کنت کہ چون بوتگ شپ کہ شر وپتگاں کہ نا یا نان ءُ وردنے کتگ کہ نا اگاں کجا ءُ کے گور ءَ من نشتگاں یا ریشاں هَتے کش اِتگ ءُ مود رستگ اَنت آ گُد بدل کت اَنت یک اکس ءِ واهگے گوں چشمک ءَ ءُ گپ ءُ گپ ءَ جنگ کنگ ءُ زهری یے بنا دمانے ءَ چہ پد یک بے کراری یے ءُ ارس ءِ دروشمے نہ روت کرار کلو کنگ ءُ پُل ءِ شات کنگ پهل کنگ تو من ءَ ءُ من ترا ءُ گپ ءُ مسکرا تئی ناز ءُ ٹهل . سلاه پہ شامے ءَ داں واب ءِ کیپ ءُ یکے دومی ءَ گشگ وتی هیال ءَ گور بہ کن بلے نہ وپتگ ئے تو چونیں درد ءِ گپ جتگ من چینچو واز کتگ داں ایمنی پہ وپتگ ئے . یک کرنے بیت تو رپتگ ئے ترا چہ پد نا کسے جست کنت ایشاں من ءَ نا من هما من آں من ترانگاں تئی ابیتک ءُ ایوکاں تئی اکساں گوں گَسی کمایاں ارساں زندگی رواناں من گوزان اِنت زندگی جتا زمانگ ءِ گوں دروشم ءَ تئی گنوک همے پکیر هما وڑ ءَ وتی وڑ ءَ وتی تب ءَ . #ارمان_بے_وس #آزات_نزم

شپ وش 🥱

🔹 @takband_kandeel ھردو اے کسان اَنت شپ ءِ امبر ءُ منی دل زوت کن بیا کندیل وران انت وتی وٹاں #صدام_الطاف

🔹 @takband_kandeel I won't drown in the sea of imagination because I still know how to swim ھیالانی دریا ءِ توک ءَ نہ بڈ آں دنیگ ءَ من اوژناگ زاناں #حسام_بلوچ

🔹 @takband_kandeel من اتکگاں ناں رنج پہ آسودگیں منا روچ ءِ ناں گم کہ پہ لنجیں شپاں من ایوک باں ناں منگلی ناں منا ھنّیاھانی پرواہ انت ناں وھد ءَ منا ھانی ءِ بسات ءَ کتگ ناں زند ءَ منا سسّی ءِ کتگ رنگ ءَ گنوکیں شے منی بازار ءَ گردگ ءَ مچ انت تمردیں چاکروں گوں من مدام ڈک ور انت ناں جیڑیتہ کہ گوں زھم ءَ بئیت نتّایے ناں سیمک ءَ چو زمانگ نَد ءَ چہ چاک کتگ ناں اِشک ءِ نوبت ءِ روتاپ ءَ سر سیکالک کتگ من اتکگاں تئی دربار ءَ پہ وتی برات ءَ من اتکگاں کہ منی گس تھار ءُ کوراس انت من اتکگاں پہ وتی مات ءِ یکیں دید ءِ چراگ من اتکگاں پہ ھما مھرواں کہ بیگواہ انت نزاناں باریں کجانگو منا توار ءَ انت۔ #مھمود_خان

‏فایل صوتی از طرف Bardeya

شپ وش 🥱